ئۆكسگەن ئەقىدەم

شەخلا


تىمتاس زىمىن قايتۇرغان سادا ،
ھېسلىرىمغا سىڭگەن لېرىكا .
ئاقار سۆيگۈم چەكسىز مۇنبەتكە ،
ئەقىدەمگە ئىسسىق جان پىدا .

كۆك باغرىدا يالجىيدۇ قوياش ،
نۇرلىرىغا چىلاندى تېنىم .
كېندىك قېنىم چۈشكەن تۇپراقنى،
تاۋاپ ئەيلەپ سۆيەي بىرقېتىم .

راۋابىڭنى چالغىنە بۇۋا ،
چاڭقىغىنى يىگانە قەلبىم .
كۈيلىرىڭدىن ئىزدەيمەن بۇلاق،
بىراق ناخوشلۇقتا قالىمەن يىتىم .

سەھەردە ناز بىلەن سۈزۈلگەن ئۇپۇق،
تولغۇنار تولغاقتا قان رەڭ گۈگۈمدا .
دۇغلاشتى تارىممۇ لەيلىتىپ پىغان،
ئۆكسۈيدۇ ئەقىدەم تاپالماي ۋاپا.

تىخىمۇ ئسىل يازمىلىرڭىز بىلەن كورشۇشكە تەشنا بىز   ياخشى چىقىپتۇ .

مۇزىكىسى  نىمانچە  مۇڭ  ...............

شىئىىرلىرىڭىزدىن باشقىچە بىر مەنانى ھىس قىلىۋاتىمەنغۇ؟

تىيانشان قارغايلىرىنىڭ يىلتىزى بىر تۇتاش ، ھېس قىلشىڭىز نورمال ئىش .

ھەي بۇ مۇزىكا  مىنى ئۆزىگە رام  قىلىۋالدى.....