بۇلبۇل سايراپ بالكوندا سەھەر ، 
      پەي ياستۇقتىن كۆتەرگۈزدى باش.    
  ئەرگە تويماس قېرى قىز جۇۋان ،   
    بويتاقلارغا ئاتار ئىدى قاش . 
 
 
 
  سىم -سىم يامغۇر توختىماس ئەسلا ،   
  يوللارغا تاراپ ماڭدى ئېقىن . 
  كىرىسلودا پۇتىنى ئالماپ ، 
  گېزىت ئوقۇپ ئولتۇرار چىۋىن .  
  
  
  
  
  سەن روھىمنىڭ قاتىلى بولۇپ ،    
  پىچاق تىقتىڭ مىسكىن دىلىمغا .   
  ئۆپكىسىنى ئىسقا تولدۇرۇپ ،   
بەڭگى ئاشىق ئاچچىق چىلىمغا . 
  

    نازلىنىپ يار  سۈركەشمە ماڭا 
  مەندە بار پەقەتلا مۇزلىغان قەلىب .   
  چىن سۆيگۈم ھىجراننىڭ خېمىر تۇرۇچى ،  
  پۇلخۇمار ،سەتەڭلەر قىلالماس جەلىب .   
  
     
   ئوي-خىيالىم گىرەلەشكەن چاغ ،   
    ئازاپ ئىچرە ،بولدۇم مەست-ئەلەس . 
    بۇزۇق نازىنىن كىردى چۈشۈمگە ،   
   قەلبىدە پەۋەس، چىن سۆيگۈ-ھەۋەس.   
 

   ھىجران ئىچىدە ئېزىلدى يۈرەك ،   
   سۆيگۈ مېنى قىلمىدى تارتۇق . 
   شېرىن چۈشتىن ئويغانسام سەھەر ، 
   ياستۇقۇمنىڭ يېرىمى ئارتۇق .   
   
مەنبە :  ئۆزۈم    -  ئىبراھىمجان ئېرپانى   

بۇ مۇنبەرگە ئەزا بوپلا مۇنبەرنى شىئېرلىرىڭىز بىلەن ئاۋات قىلىۋەتتىڭىز،،، ئىجادىيەتلىرىڭىز ئۈزۈلۈپ قالمىسۇن!!! سىزنىڭ ئسلامى شىئېرلارنى ئىجاد قىلىشىڭىزنى بەكمۇ ئۈمىد قىلىمەن

دوسىتلارغا  رەخمەت