رەسىم:
رەسىم:
رەسىم:
رەسىم:
مۇھەممەتتۇرسۇن چوڭ مەملىكەتلىك بوكس لەۋھە تالىشىش مۇسابىقىسىدە چېمپىيون بولدى
مۇخبىرنىڭ ئاپتونوم رايونلۇق تەنتەربىيە ئىدارىسى بوكس ھەرىكىتىنى باشقۇرۇش مەركىزىدىن ئۇقۇشىچە، يېقىندا ئاياغلاشقان مەملىكەتلىك 2011 – يىللىق بوكس لەۋھە تالىشىش مۇسابىقىسىدە شىنجاڭ بوكس كوماندىسىنىڭ ماھىرى مۇھەممەتتۇرسۇن چوڭ 61 كىلوگراملىقلار ئايرىمىسى بويىچە چېمپىيونلۇققا ئېرىشكەن. بۇنىڭ بىلەن مۇھەممەتتۇرسۇن چوڭنىڭ جۇڭگوغا ۋاكالىتەن 2012 – يىللىق لوندون ئولىمپىك تەنھەرىكەت مۇسابىقىسىگە قاتنىشىش سالاھىيىتى ئاساسىي جەھەتتىن بېكىتىلگەن.
مەلۇم بولۇشىچە، بۇ قېتىمقى مۇسابىقىدە مۇھەممەتتۇرسۇن چوڭ چېمپىيونلۇققا ئېرىشكەندىن سىرت، نىجات 91 كىلوگرامدىن يۇقىرى دەرىجىلىكلەر ئايرىمىسى بويىچە، ئەسقەت 91 كىلوگراملىقلار ئايرىمىسى بويىچە، سېرىك 64 كىلوگراملىقلار ئايرىمىسى بويىچە 3 – لىككە ئېرىشكەن، يەنە ئىككى ماھىر 5 – لىككە ئېرىشكەن. ھازىر شىنجاڭ بوكس كوماندىسىدا يېڭىدىن يېتىشىۋاتقان ياش ماھىرلارنىڭ ئىپادىسى ئىنتايىن ياخشى بولۇپ، ئۇلارنىڭ بۇنىڭدىن كېيىنكى مۇسابىقىلەردە ياخشى نەتىجە يارىتىشىدىن ئۈمىد زور ئىكەن.
مەنبە:تەڭرىتاغ تورى
