بۆرە بىلەن لەگلەك
بۆرىنىڭ ئاغىزىغا بىر پارچە ئۇستىخان تۈرۈپ قېلىپ زادى يۇتالماپتۇ . شۇنىڭ بىلەن ئۇ لەگلەك قۇشنى چاقىرتىپ ؛
_ گېلىمغا تۈرۈپ قالغان ئۇستىخاننى ئېلىۋەتسەڭ ، ھەققىڭنى بىرىمەن ! _ دەپتۇ .
لەگلەك قۇش تۇمشۇقىنى بۆرىنىڭ ئاغىزىغا كىرگۈزۈپ ، ئۇزۇن تۇمشۇقى بىلەن سۆڭەكنى تارتىپ چىققاندىن كىيىن ؛
- ھەق بەرمەمسەن ؟ - دەپتۇ .
- بايا ، تۇمشۇقۇڭنى ئاغىزىمغا تىققىنىڭدا ، يەۋەتمىگىنىمگە خوش بولمامسەن ؟ - دەپتۇ بۆرە .
بىر گەپ
بىر كىشى قەۋەتلىك بىنادا ئولتۇرىدىكەن ، ئۆيدە ئولتۇرسا ئىشىكى چىكىلىپتۇ . يۈگۈرۈپ بېرىپ دېرىزىدىن بېشىنى چىقىرىپ قارىسا ،ئشىك ئالدىدا بىر كىشى تۇرغىدەك ، شۇنىڭ بىلەن ئۇ ؛
_ بىرەر ئىشىڭ بارمىدى ؟ _ دەپتۇ .
_ ماياققا چۈشسىڭىز ، دەيدىغان گېپىم بار ئىدى .
ئۇ كىشى بىنادىن ئالدىراپ - سالدىراپ چۈشۈپتۇ ، ھېلىقى كىشى ئۇنىڭغا ؛
_ مەن يوقسۇل ئادەم ، ماڭا ئازراق ئىلتىپات قىلسىڭىز ئەپەندىم ،_ دەپتۇ .
بۇنى ئاڭلىغان كىشىنىڭ ئاچچىقى كىلىپ ، قاتتىق زەردە بوپتۇ _ دە :
_ يۈرە مەن بىلەن بىرگە ماڭ ،_ دەپ ئۇكىشىنى ئارقىسىدىن ئەگەشتۈرۈپ ، بىناغا چىققاندا :
_ ئاللاھدىن ياردەم تىلىگىن ! _ دەپتۇ .
_ ئۇنداق ئادەم نىمىشقا پەستىلا بۇ گەپنى دىمەيسىز ؟
_ بايا مەن بىنادا تۇرۇپ ، نىمە ئىشىڭ بار ئىدى ، دىسەم ، نىمىشقا مىنى ئالداپ بىنادىن چۈشۈرىسەن ؟
