ئۆلۈم سايە تاشلاپ تۇرغان يوللاردىن ئۆتىۋاتىمەن...xx
چۈشۈرۈلگەن پەردىلەر ئۇچار شامالدا
كېچىنىڭ شاخلىرى تۇرار ساڭگىلاپ
جېنىنى ئالىدۇ بەزىدە تاشنىڭ
بىر تامچە يامغۇرمۇ ئېچىرقاپ يالاپ
پەرىشان بۇ دۇنيا پەرىشان ئالەم
چۈشۈپ قالغان بىر دانە تاشتەك
سېنىڭ ئىسمىڭدا ياتتىم ئاۋايلاپ
ئۇيۇپ قالغان بىر تىمىم ياشتەك
مەن يەنە ئالىمەن بەك چوڭقۇر نەپەس
شامالدىن ئەنجۈرنىڭ كېلەرپۇرىقى
توشىدۇ لىپمۇ لىق شاراپقا شۇدەم
ئىچىمنىڭ ئەڭ ئېغىر،چوڭقۇر يېرىقى
بەزىدە ئەسلەشمۇ ئەجەپ مەنىسىز
چۈش كۆرەر بىر تال تاش شۇنداق قاراڭغۇ
ئەسھابۇل كەبىنىڭ بۇسۇغىسىدا
بىر توپ جان چېچىلغان شۇنداق ياداڭغۇ
ئۆلۈم قۇشلىرى كەلمەس بۇ يەرگە
مەشۇقى ئاشىقنى كۈتەر بەك ئۇزاق
بىر تال ئەنجۈرنى سىلاپ ئولتۇرۇپ
مۇشۇنداق بىر خىيال كېتەلمەس يىراق
ئەنجۈر يىدىم
خىيال ئەنجۈرلىرىنى...
مەنبە : كۈز
[ بۇ يازمىنىكۈزپەسلى 2011-05-25 23:44قايتا تەھرىرلىد ]
