بىن.لادېن
ئامېرىكا رادىئو شىركىتىنىڭ 19-ماي خەۋەر قىلىشىچە، ئامېرىكا ئەمەلدارلىرىنىڭ ئىسپاتلىشىچە، بىن.لادېننىڭ خەۋرىنى بەرگەنلەر ئۈچۈن مۇكاپات بېرىلىدىغان 25 مىليون ئامېرىكا دوللىرىنى ئالىدىغان ئادەم چىقمىغان. چۈنكى، 2-ماي ئامېرىكا زەربىدار ئەترىتىنىڭ بىن.لادېننىڭ يوشۇرۇنغان ئورنىنى تېپىشى شەخس تەمىنلىگەن ئۇچۇر بولماستىن بەلكى ئېلېكترونلۇق ئاخبارات ئىكەن، شۇڭا ئادەم ئامىلى نەزەردىن ساقىت قىلىنغان.
ئىگىلىنىشچە، لادېننى تۇتۇشقا مەسئول ئامېرىكا ئەمەلدارى مۇنداق دېگەن: « بىزنىڭ قارىشىمىزچە، ھېچقانداق كىشى بۇ 25 مىليون ئامېرىكا دوللىرىلىق مۇكاپات پۇلىنى ئېلىشقا مۇناسىپ ئەمەس». بۇ «9.11» تېرورلۇق ۋەقەسى يۈز بەرگەندىن كېيىن، ئامېرىكىنىڭ «ئادىللىق مۇكاپاتى» ئارقىلىق ئىنئام بېرىپ ئۇچۇر ئىگەللەش پىلانىنىڭ بۇ قېتىم قوللىنىلمايدىغانلىقىنى چۈشەندۈرىدۇ. بۇ ئەمەلدارنىڭ ئېيتىشىچە، بۇنداق بولىشىدىكى سەۋەپ ناھايىتى ئېنىق بولۇپ، چۈنكى ئامېرىكا مەركىزى ئاخبارات ئورگىنى بىلەن ھەربىي تەرەپ ھېچقانداق شەخىسنىڭ تەمىنلىگەن ئۇچۇرىنى تاپشۇرۋالمىغان، ئەمەلىيەتتە ئۇلار ئېلېكترونلۇق ئاخبارات ئارقىلىق لادېننىڭ يۇشۇرۇنغان جايىنى بايقاپ ئۇنى ئېتىپ ئۆلتۈرگەن ئىكەن.
بۇنىڭدىن ئىلگىرىكى «9.11» تېرورلۇق ۋەقەسىنىڭ يەنە بىر جىنايەتچىسى خالىد.شېخ.مۇھەممەد ۋە ئىراق زۇڭتۇڭى سادام ھەم ئۇنىڭ ئىككى ئوغلىنى تۇتۇش ھەركىتى شەخس تەمىنلىگەن ئۇچۇر ئارقىلىق تاماملانغانلىقتىن، ئۇچۇر بىلەن تەمىنلىگەنلەرگە ئىنئام بېرىلگەن. ئەمما بىن.لادېننىڭ تۇتۇش ھەركىتىدە پۈتۈنلەي سۈنئىي ھەمراھ ۋە ئۇچقۇچىسىز ئايروپىلان، تېلىفوندا نازارەت قىلىشقا تايىنىپ ئىلىپ بېرىلغان. گەرچە ئامېرىكا ئېلېكترونلۇق ئاخباراتقا ئېرىشىش جەريانىنى تەپسىلىي ئاشكارلىمىغان بولسىمۇ، بىراق ئامېرىكا ئەمەلدارلىرىنىڭ ئېيتىشىچە، بۇ ئاخباراتلارنىڭ ھەممىسى كۆپ خىل ئامىللارنى بىرلەشتۈرۈپ تەھلىل قىلىش ئارقىلىق يىغىنچاقلىنىپ مەركەزلەشتۈرۈلگەندىن كېيىن يەكۈنلەنگەن ئاخبارات ئىكەن. بۇ ئاخباراتقا ئېرىشىش جەريانىنى ئامېرىكا مەركىزى ئاخبارات ئورگىنى، دۆلەت مۇداپىئە ئورگىنى، دۆلەتلىك بوشلۇق ئاخبارات ئورگىنى ھەم دۆلەت مۇداپىئە ئورگىنى قاتارلىق بىر قىسىم ئورگانلارنىڭ بىرلىكتە كۈچ چىقىرىشىنى نەزەردىن ساقىت قىلىشقا بولمايدىكەن. ئامېرىكىنىڭ تالىبانلار ياكى پاكىستانلىقلارنىڭ ئىچىدىن ئاخبارات بىلەن تەمىنلىگۈچىنى تېپىشى تەس بولغانلىقتىن بىن.لادېننى تۇتۇش توپتوغرا 10 يىلغا سوزۇلۇپ كەتكەن ئىكەن.
كەڭ ساي مۇنازىرە مۇنبىرى » مەمىلكەت خەۋەرلىرى » لادېننىڭ ئۇچۇرىغا بېرىلىدىغان مۇكاپات پۇلىنى ئالىدىغان ئادەم چىقمىدى 
