كادىر بولاي دەپ
مەكتەپلەردە ياخشى ئوقۇپ چۈشۈپ بەيگىگە،
تىرىشقانتىم! باشقىلاردەك چىقماي سەيلىگە.
باقمىغانتىم !جان چىقسىمۇ كۆڭۇل مەيلىگە،
ئاتا-ئانام ئارزۇسىدەك! كادىر بولاي دەپ.
ئارزۇلىرىم ئويلىغاندەك ئاشتى ئەمەلگە،
چولپان يۇلتۇز چاقنىغاندەك بولدى مەلەمگە.
بەردىم ۋەدە،مەلە-كويمۇ! سۆيدى مەڭزىمگە،
ئۇلار كۈتكەن ئارزۇلاردەك! كادىر بولاي دەپ.
ئەمىلىيەت ئۇ! باقماي قالدى مىنىڭ پەيلىمگە،
بىرىنجى بوپ تىلىم كۆندى! ئاۋال سىزلىگە.
باشلىق دەيدۇ"دىباۋ"نىمۇ ئاۋال بىزلىگە،
ئويلاپ قويغىن ئۆسىدىغان!كادىر بولاي دەپ.
ئىللىقلىقنى يەتكۈزىمىز پات-پات تۆۋەنگە،
نەچچە دېھقان قاخشاپ چىقتى توك يوق ئۆيەمدە،
بولغان ئىشلار بەكمۇ ئېنىق بىزنىڭ كۆڭەلگە.
باشقا ئىشنى دىمەي قوياي! كادىر بولاي دەپ.
شۇ سەۋەپتىن كىرىپ كەتتى ۋىجدان تۈرمىگە،
تىكىلىپمۇ قارالمايمان! ئۆزەم يۈزۈمگە.
كىرىپ كەتتى! نەچچە نۆۋەت توپا كۆزۈمگە،
نىمە قىلاي مەندەك ئادەم! كادىر بولاي دەپ.
(ئانا تۇپراق تورىدىن ئىلىندى)
