ھەدىستىكى مۆجىزە(2):زېمىن نەچچە قات؟
ئىلىم-پەن تەتقىقاتىنىڭ تەرەققىياتى ئاللاھ سۇبھانەھۇ ۋەتەئالانىڭ مۇقەددەس كىتابى بولغان قۇرئان كەرىمدە نۇرغۇن ئىلمى مۆجىزىلەرنىڭ بار ئىكەنلىكىنى ئىسپاتلاپلا قالماي،يەنە پەيغەمبەر ئەلەيھىسسالامنىڭ ئىش-ئىزلىرى ۋە سۆز ھەركەتلىرىنىڭ يالدامىسى بولغان ھەدىستىمۇ نۇرغۇن ئىلمى مۆجىزىلەر با ر ئىكەنلىكىنى ئىسپاتلىدى.بۇ مۆجىزىلەرنىڭ بىرى تۈۋەندە سۆزلىنىدىغان يەرنىڭ قەۋەت سانىغا مۇناسىۋەتلىك مۆجىزىدۇر.ئاۋال تۈۋەندىكى ھەدىسلەرگە كۆز يۈگۈرتەيلى:
ئەبۇ سەلەمەرەزىيەللاھۇ ئەنھۇدىن رىۋايەت قىلىنىدۇكى،ئۇنىڭ بىلەن باشقا بىر كىشى ئوتتۇرىسىدايەر تالىشىش ماجراسى يۈز بەرگەن.ئەبۇ سەلەمە رەزىيەللاھۇ ئەنھۇ بۇ ئىشنى ئائىشەرەزىيەللاھۇ ئەنھاغا ئېيتقاندا،ئائىشە رەزىيەللاھۇ ئەنھا ئۇنىڭغا مۇنداق دېگەن:ئى ئەبۇسەلەمە، يەر زېمىننى ناھەق ئىگىلىۋېلىشتىن ساقلانغىن،چۈنكى پەيغەمبەرئەلەيھىسسالام:"كىمكى باشقىلارنىڭ بىر غېرىچ يېرىنى تارتىۋالىدىكەن،يەتتە قات زېمىن ئۇ كىشىنى قەررىرىگىچە يۇتىدۇ." دېگەنىدى.
بۇخارى رىۋايىتى.
2-ھەدىس:
سەئىد ئىبنى زەيدرەزىيەللاھۇ ئەنھۇدىن رىۋايەت قىلىنىدۇكى،پەيغامبەر ئەلەيھىسسالام مۇنداق دېگەن:"كىمكى باشقىلارنىڭ قەترىچە زېمىنىنى تارتىۋالسا، قىيامەت كۈنى يەتتەقات زېمىن ئۇ كىشىنى قەررىرىگىچە يۇتىدۇ.
بۇخارى رىۋايىتى.
بۇ ئىككى ھەدىس باشقىلارغا زۇلۇم قىلىشتىن،بولۇپمۇ باشقىلارنىڭ زېمىنىنى ئورۇنسىز ئىگىلىۋېلىشتىن مەنئى قىلىش ۋە قاتتىق ئاگاھلاندۇرۇش مەقسىتىدە كەلگەن. ئۇنداقتا ھەدىستىكى يەتتەقات يەر نېمىنى كۆرسىتىدۇ؟
گېئولوگىيەنىڭ يېقىنقى تەتقىقاتلىرى يەرشارىنىڭ ھەقىقەتەنمۇ يەتتە چوڭ قەۋەتتىن تەشكىل تاپىدىغانلىقىنى مۇۋاپىقىيەتلىك ھالدا ئىسپاتلاپ چىقتى.بۇ يەتتە چوڭ قەۋەت ئىچىدىن سىرتىغا قاراپ تۈۋەندىكىلەرنى كۆرسىتىدۇ:
1.قاتتىق ھالەتتىكى ئىچكى يادرو قەۋىتى: بۇ قەۋەت يەرشارىنىڭ چوڭقۇرلىقى 5150-6370كىلومىتىردائىرىسىدىكى قىسمىنى كۆرسىتىدىغان بولۇپ، يەر شارى ئومۇمى ماسسىسىنىڭ 1.7%نى ئىگىلەيدۇ.ئىچكى قەۋەت ھەم قاتتىق ھەم قاپلىما رايۇنغاچاپلاشمىغان بولۇپ ،سۇيۇق ھالەتتىكى سىرتقى يادروغا ئېسىلغان ھالەتتە تۇرىدۇ.ئۇنىڭ قاتتىق ھالەتتە بولۇشى سۇيۇق ماددىلاردا يۈز بېرىدىغان يۇقىرى بېسىمدىكى قېتىشنىڭ نەتىجىسى بولۇشى مۇمكىن دەپ قارىلىپ كەلمەكتە.
2.سۇيۇق ھالەتتىكى سىرتقى مەركەز قەۋىتى: بۇ قەۋەت يەرشارىنىڭ چوڭقۇرلىقى2890-5150كىلومىتىردائىرىسىدىكى قىسمىنى كۆرسىتىدىغان بولۇپ، يەر شارى ئومۇمى ماسسىسىنىڭ 1.7%نى ئىگىلەيدۇ.سىرتقىيادرو قارمۇ-قارشى ئېقىم يۈزبېرىدىغان،قىزىق،توك ئۆتكۈزۈشچان سۇيۇق ماددا.بۇ قارمۇ-قارشى ئېقىم قەۋىتى يەرشارىنىڭ ئۆز ئوقىدا ئايلىنىش مېخانىزىمى بىلەن بىرلىشىپ گىنراتۇر تەسىرى پەيداقىلىدۇ .مانا بۇ بىز ئادەتتە " يەر شارى ماگىنىت مەيدانى " دۇر.بۇ ئېقىم يەنە يەر شارى ئايلانغاندا يۈز بېرىدىغان ئاز تولا سىلكىنىشنىمۇ پەيدا قىلغۇچى ئامىلدۇر.
3."D"قەۋەت: بۇ قەۋەت يەرشارىنىڭ چوڭقۇرلىقى 2700-2890كىلومىتىردائىرىسىدىكى قىسمىنى كۆرسىتىدىغان بولۇپ، يەر شارى ئومۇمى ماسسىسىنىڭ 3%نى ئىگىلەيدۇ.بۇ قەۋەت تەخمىنەن 200 كېلومېتىر قېلىنلىقتا بولۇپ ،يەرشارى قاتتىق پوستى ماسسىسىنىڭ تەخمىنەن 4%نى ئىگىلەيدۇ. ئىلگىرى بۇ قەۋەت ئىچكى پوست قەۋىتىنىڭ بىر قىسمى دەپ قارىلىپ كەلگەن بولسىمۇ، يەر تەۋرەشتىن پەيدابولىدىغان ئۈزۈك-كېسىك رايۇنلار"D"قەۋەتنى خېمىۋى جەھەتتىن ئىچكى پوست قەۋىتىدىن رۇشەن پەرقلىنىپ تۇرىدىغانلىقىنى كۆرسىتىپ بەرمەكتە. ئالىملار بۇقەۋەتتىكى ماتىرياللارغا نىسبەتەن مۇنداق يەكۈن چىقاردى: بۇ ماتىرياللار سىرتقى يادرودىمۇئېرىيدۇ،شۇنداقلا قاتتىق پوست قەۋىتىگە چۆكمە بولۇپمۇ چۈشىدۇ،ئەمما قۇيۇقلىقى يۇقىرى بولغانلىقتىن سىرتقى يادروغا قوشۇلۇپ كەتمەيدۇ.
4.ئىچكى پوست قەۋەت: بۇ قەۋەت يەرشارىنىڭ چوڭقۇرلىقى 2890-650كىلومىتىردائىرىسىدىكى قىسمىنى كۆرسىتىدىغان بولۇپ، يەر شارى ئومۇمى ماسسىسىنىڭ 49.2%نى ئىگىلەيدۇ.بۇ قەۋەتنىڭ قېلىنلىقى 2000 كېلومېتىردىن ئاشىدىغان بولۇپ ،يەر شارى قاتتىق پوستى ماسسىسىنىڭ تەخمىنەن 72.9%نى ئىگىلەيدۇ.بۇ قەۋەتنىڭ ئاساسلىق سىلىتسىي،ماگنىي ۋەئوكسىگىندىن،شۇنداقلا ئاز مىقداردىكى تۈمۈر،كالتىسىي ۋە ئاليۇمىندىن تۈزۈلگەنلىكى ئىلگىرى سۈرۈلمەكتە.
5. ئۇتتۇرا پوستقەۋەت( ئۆتكۈنچى رايۇن ): بۇ قەۋەت يەرشارىنىڭ چوڭقۇرلىقى 650-400كىلومىتىردائىرىسىدىكى قىسمىنى كۆرسىتىدىغان بولۇپ، يەر شارى ئومۇمى ماسسىسىنىڭ 7.5%نى ئىگىلەيدۇ.بۇ قەۋەت بەزىدە مۇنبەت قەۋەت دەپمۇئاتىلىدۇ ،يەر شارى قاتتىق پوستى ماسسىسىنىڭ تەخمىنەن 11.1%نىئىگىلەيدىغان بولۇپ،يانارتاغ ماگمىلىرىنىڭ كېلىش مەنبەيىدۇر.بۇ قەۋەت ئاساسلىق كالتىسىي،ئاليۇمىن ۋە ئانارتاشتىن تۈزۈلگەن.
6.سىرتقى پوستقەۋەت: بۇ قەۋەت يەرشارىنىڭ چوڭقۇرلىقى 400-10كىلومىتىردائىرىسىدىكى قىسمىنى كۆرسىتىدىغان بولۇپ، يەر شارى ئومۇمىماسسىسىنىڭ 10.3%نى ئىگىلەيدۇ،شۇنداقلا يەر شارى قاتتىق پوستى ماسسىسىنىڭ تەخمىنەن15.3%نى تەشكىل قىلىدۇ.بۇ قەۋەت يەنە ئاستىنوسفىرا دەپمۇ ئاتىلىدۇ.
7.لىتوسفىرا(دېڭىزپوستى) قەۋىتى: يەرشارىنىڭ چوڭقۇرلىقى 10-0كىلومىتىردائىرىسىدىكى قىسمىنى كۆرسىتىدۇ.يەرشارىنىڭ سىرتقى يۈزى ۋە يەر شارىنىڭ ئەڭ سىرتقى پوستى قوشۇلۇپ لىتوسفىرا(دېڭىزپوستى قەۋىتى) دەپ ئاتىلىدۇ. لىتوسفىرا يەر شارى قاتتىق پوستى ماسسىسىنىڭ تەخمىنەن0.147%نى تەشكىل قىلىدۇ.ئالىملار يەر شارىنىڭ ئەڭ سىرتقى پوستىنىڭ كۆپ قىسمى يانارتاغ ھەركىتىدىن شەكىللەنگەن دەپ قارايدۇ.
خۇلاسە:
يەرشارىنىڭ قەۋەتلىرى ھەققىدىكى تەتقىقاتلار پەيغەمبەر ئەلەيھىسسالامنىڭ بۇ ھەقتىكى ھەدىسلىرىگە ئۇيغۇن كېلىدۇ.بۇ يەردە ئىككى ئىلمىي مۆجىزە بار:
1.ھەدىستە"قىيامەت كۈنى يەتتە قات زېمىن ئۇ كىشىنى قەررىرىگىچە يۇتىدۇ." دېگەن سۆز يەرشارىنىڭ بىر مەركەزنى چۆرىدىگەن قەۋەتسىمان تۈزۈلۈش ئىكەنلىكىنى كۆرسىتىدۇ.
2.يەرنىڭ قەۋەت سانى پەيغەمبەر ئەلەيھىسسالام ئېيتقاندەك توپتوغرا يەتتە قەۋەت.
بۇ ھەقىقەتنى1400 يىل ئىلگىرىلا چەت سەھرا قۇملۇقتا ياشايدىغان پەيغەمبەر ئەلەيھىسسالامنىڭ بىلىشى بولسا ئاللاھ سۇبھانەھۇ ۋەتەئالانىڭ ئۇنىڭغا بەرگەن ئىلھامىدىن دەپلاچۈشىنىش مۇمكىن.
(چۇشىنىشكە ئاسان بولسۇن ئۈچۈن تەرجىمىدە بىر قىسىم جايلار قىسقارتىلدى.)
مەنبە:Islam Guidance(ئىسلاميېتەكچىسى) تورى
ئېنگىلىسچىدىن تەرجىمە قىلغۇچى: ئويلان
ھەدىستىكىمۆجىزە(1):مۈشۈكتىن ئاشقان سۇ:
