گۈلۈمگە
گۈل ئىدىڭ بەرگىدە پورەكلەپ تۇرغان ،
يېقىملىق ھىد-پۇراق گۈپۇلدەپ ئۇرغان .
كۆڭۈلگە سەن ،ئۆزەڭ سالغان ئىشتىياق ،
كۆيدۈرۈپ يۈرەكنى ئۇيقۇدىن قويغان .
سېنى -دەپ ئۆرتىنىپ ئېيتتىم ناخشىنى ،
سارغىيىپ، ئاھ ئۇرۇپ تۆكۈپ كوز ياشنى .
ھەسرىتىم ،تەلمۈرۈپ كۆرسەم ئۇيالدىم،
گەپ ئاچماي ئۆتتۈممەن ساقلاپ ئاراشنى .
تاقەتتىن تالمىدىم ،سەبرىدىن ئۆچۇپ ،
ھەمنىيەت تۇيغۇلار كەتمىدى كۆچۇپ .
بىر تاتلىق ھىس بىلەن تۇتتۇڭ قولۇمنى ،
لىۋىڭدىن گۇل ئۈزۈپ ،سۆيدۈم چىڭ قۇچۇپ .
2
مەن سۆيگەن يار سېنى چىن ئىشقىم بىلەن ،
ئويغاق ئوي،ئۇركىمەس ساب لەۋزىم بىلەن.
مۇھەببەت مۇقەددەس ،ئىلاھى تۇيغۇ ،
ھىدىنى يوقاتماس نۇمۇس - ئار بىلەن .
بىز باستۇق يانمۇ - يان ئۇزۇن يوللارنى ،
ئۇچراتتۇق مۇز ياققان مۇشكۈل غۇللارنى .
ئادىشىپ،چىغىردا تىنەپ يۇرمىدوق ،
مات قىلدوق لايئىقىل بويۇنتاۋلارنى .
سۆيۈنۈپ، سۆيۈلدوق قېنىپ لەۋزىگە ،
ھەمدەرد ۋە ھەمراھەت يۈردوق مەنزىلگە .
ۋەدىگە گۇۋاھلىق ئالدوق قوياشتىن ،
ساداقەت ،سائادەت مەڭگەۈ يار بىزگە .
---رىسقى.
--شەھرى قاراماي .
