كۆرمەس بۇلۇپ يۈرىۋەرمەڭلار،ئۇ ئالەمنىڭ دەرۋازىسى بار.
بۇندا لەززەت سۈرىۋەرمەڭلار،ئۇ ئالەمنىڭ دەرۋازىسى بار.
ئارانلا تۆت كۈنلۈك جاھان بۇ،كەتمەيدىغان مىھمان ئەمەس بىز،
شەيتانلارغا كۈلىۋەرمەڭلار،ئۇ ئالەمنىڭ دەرۋازىسى بار.
قېرىندىشى،بىر تۇققىنىنى ئۆچى باردەك تالاپ يۈرگەنلەر،
ئەل ئىچىنى سىسىتىپ...توخو تۇخۇمىدەك پالاپ يۈرگەنلەر.
ئىت سىياقتا يۈزنى چۈشۈرۈپ ئىت يالىقى يالاپ يۈرگەنلەر،
تالايمەن دەپ تۇرىۋەرمەڭلار،ئۇ ئالەمنىڭ دەرۋازىسى بار.
دۇنيا باقى ئەمەس ئىنسانغا،ئىنسانمۇ ھەم كىتەر بىر كۈنى،
شۇندا ئۈلۈم،ئەجەل سىگنالى قۇلاقلارغا يىتەر بىر كۈنى.
ياشالىساق ئەلگە سايە بوپ ئەۋلادلار ياد ئىتەر بىر كۈنى،
ئەلگە قاپاق تۈرىۋەرمەڭلار، ئۇ ئالەمنىڭ دەرۋازىسى بار.
بىر پىلەكتە ئۈنگەن خەمەك بىز،شېخىمىز بىر،ئۇرۇقىمىز بىر،
ئاتىمىز بىر،ئانىمىزمۇ بىر،شۇڭا يۈرۈش تۇرۇقىمىز بىر.
توۋلىغاندا ئۈنىمىز ئوخشاش،سوراقلاردا سورىقىمىز بىر،
ئەمدى مەزھەپ قۇرىۋەرمەڭلار،ئۇ ئالەمنىڭ دەرۋازىسى بار.
كىچىككىنە جاھاندا تۇرۇپ تىپىشالماي يۈرسەك ھەر ياقتا،
بىرلىرىمىز قارا تاغ ئارا،بىرلىرىمىز تاغلىرى ئاقتا.
بىرلىرىمىز ئىشرەت ئىزدىسەك بىرلىرىمىز قايدۇق قاۋاقتا،
ئەلدىن خالىي يۈرىۋەرمەڭلار،ئۇ ئالەمنىڭ دەرۋازىسى بار.
قاراڭلارچۇ ياشلىرىمىزغا،تاماكىدىن باشلاپ ئۇيۇننى،
ئاق تاماكا خاراب قىلغاندا ئىلاجى يوق ئەگدى بويۇننى.
ئۇنىڭسىزمۇ چىقىرالايتتى ياشلىقىدا ئون بال قۇيۇننى،
ئۇنچە بالدۇر ئۆلىۋەرمەڭلار،ئۇ ئالەمنىڭ دەرۋازىسى بار.
قىزلىرىمىز چىقسا سەھەردە كەچتە ئۆينى تاپالماس بوپتۇ،
پالتىسىنى ئىززەت غورۇرنىڭ دەس كۆتۈرۈپ چاپالماس بوپتۇ.
بۈزرۈكلەردىن قالغان كىيىملەر ئۇچىسىنى ياپالماس بوپتۇ،
ياغلىقلارنى چۆرىۋەرمەڭلار،ئۇ ئالەمنىڭ دەرۋازىسى بار.
ھىيىقىدۇ خەقلەرئوغرىدەپ،بىزنىڭ قانداق ئېلاجىمىز بار؟
ياقا يۇرتتا شۇ كەسىپ بىلەن ئۆتىۋاتقان جىق ھاجىمىز بار.
شۇ ھاجىلار شەرەپ كەلتۈرگەن ھىچكىمدە يوق گۈلتاجىمىزبار،
چۈشلەرنى ئوڭ ئۆرىۋەرمەڭلار،ئۇ ئالەمنىڭ دەرۋازىسى بار.
ئاجراشماڭلار ئاتاـ ئانىلار،دەرتنى بەك جىق تارتتى بالىلار،
بىللە تۇرغان بىلەن ئانىسى ئاتىسىدىن قانداق ئايرىلار؟
مىراس بۇلۇپ قالار سىلەردىن بالىلارغا كۆڭۈل يارىلار،
ئۆينى ئىككى بۆلىۋەرمەڭلار،ئۇ ئالەمنىڭ دەرۋازىسى بار.
تىللىمايمىزشۇنداق قىلدى بىللە ياشاۋاتقان زاماننى،
ئارتىپ قۇيۇش توغرىمۇ دوستلار بۇ زامانغا ھەممە ياماننى؟
كەلگۈسىگە ئۈمۈد باغلايمىز سورىماستىن كونا خاماننى،
زاماندىنلا كۆرىۋەرمەڭلار،ئۇ ئالەمنىڭ دەرۋازىسى بار.
www.uyghurawazi.org
