بىر دوستۇم بارئىدى، قۇرۇلۇش بانكىسىدا ئىشلەيدىغان، تۈنۈگۈن ئۆز بېشىدىن ئۆتكەن بىر ئىشنى سۆزلەپ بەردى.
بىركۈنى چۈشتە بانكىدا ئادەم ئاز ۋاقىتتا دوستۇم قىلىدىغان ئىش يوق خىيال سۈرۈپ ئولتۇرسا بىر ئايال كىرىپتۇ ۋە پۇل ئالىمەن دەپ بىر پارچە باغاقچىنى سۇنۇپتۇ. دوستۇم باغاقنى ئېلىپ قارىسا" يولداش xxغا 100مىڭ يۈەن پۇل بىرىلسۇن! جوڭگۇ كومىنىستىك پارتىيىسى مەركەز ئىشخانىسىدىن" دەپ يېزىغلىق ئىكەن. دوستۇم بۇ ئىشنىڭ بىر ئالدامچىلىق ئىكەنلىكىنى بايقاپ مەلۇم قىلايمۇ دەپ بۇ ئايالغا قارىسا كىيىنىشلىرى باشقىچىراق تۇرغان شۇنىڭ بىلەن نىرۋىسىدا مەسىلە بار ئوخشايدۇ دەپ بانكا ئامانلىق ساقچىسنى چاقىرىپ قەغەزنى كۆرسىتىپتۇ. ئامانلىق قوغدىغۇچى قەغەزنى كۆرۈپ بۇ ئايالغا:
-بۇ قەغەزگە يولنىڭ قارشىسىدىكى ساقچى ئىدارە باشلىقى تامغا ئۇرسا ئاندىن پۇل ئالالايسىز.- دەپ يولنىڭ قارشىسىدىكى ساقچى ئىدارەسىنى كۆرسىتىپ قويۇپتۇ. دوستۇم بۇ ئامانلىق قوغدىغۇچىنىڭ كاللىسىنىڭ ئىشلەيدىغانلىقىغا قايىل بولۇپ بىر قانچە ئاي بۇرۇن ئۇنىڭ توي قىلىش تەلىپىنى رەت قىلغىنىدىن پۇشايمان قىلغاندەك بولۇپ قاپتۇ.
بىر نەچچە سائەت ئۆتكەندىن كىيىن بۇ ئايال يەنە بانكىدا پەيدا بوپتۇ. ساقچىلارنىڭ ئۇنىڭغا بىر نەرسە دىمەي قويۇپ بەرگەنلىكىگە ھەيران قالغان دوستۇم بىلەن ئامانلىق ساقلىغۇچى ئۇ ئايالنى بانكا نۆۋەتچى مۈدۈرنىڭ يېنىغا ئېلىپ بېرىپتۇ ۋە ساقچىنىڭ ئۇنۇڭغا نىمە دىگەنلىكىنى سوراپتۇ. ئايال مەمنۇنلۇق بىلەن ھازىر ساقچىلارنىڭ "ئاممىغا قۇلايلىق يارىتىپ بىرىش پائالىيىتى" يولغا قويغانلىقىنى ۋە بەزى نەرسىلەرگە تامغا ئۇرمايمۇ ئىش بىجىرگىلى بولىدىغانلىقىنى يەنى پۇلنى بىۋاستە بانكىدىن ئالغىلى بولىدىغانلىقىنى ئېيتىپ يولغا سالغانلىقىنى سوزلەپ بىرىپتۇ. دوستۇم ، ئامانلىق ساقلىغۇچى ۋە زال مۈدىرى ساقچىلارنىڭمۇ كاللىنى رەسمى ئوينىتىدىغانلىقىغا قايىل بوپتۇ. دوستۇم مۈدىرنىڭ قانداق بىر تەرەپ قىلىدىغانلىقىغا قىزىقىپ ساقلاپ تۇرۇپتۇ.
-بۇ پۇلنى نىمىگە ئىشلىتىسىز؟-دەپ سوراپتۇ مۈدىر ئايالدىن.
-كىيىم ئالىمەن،يىمەكلىك ئالىمەن...-دەپتۇ ئايال.
-قۇرلۇش بانكىسىدىكى پۇللار ئۆي سېتىۋېلىش، بىنا سېلىش دىگەندەك ئىشلارغا ئىشلىتىلىدۇ. سىز يېزا ئىگىلىك بانكىسى بىلەن سودا-سانائەت بانكىسىغا بېرىڭ- دەپ ئايالغا يېقىن يەردىكى بانكىلارنى كۆرسىتىپ يولغا ساپتۇ مۈدىر.
دوستۇم ئادەملەرنىڭ ھەقىقەتنى راستىنلا ئەمىلىيەتتىن كاللا ئوينىتىپ تاپالايدىغانلىقىغا قايىل بوپتۇ.
يېرىم سائەتلەردىن كىيىن دوستۇم ئۇ ئايالنىڭ قايتىپ كىرگەنلىكىنى كۆرۈپ تېخىمۇ ھەيران قاپتۇ.
ئايال يېزائىگىلىك بانكىسىدىكىلەرنى پەقەتلا يېزا نۇپۇسدىكىلەرگە مۇلازىمەت قىلىدىغانلىقىنى ئايالنىڭ بولسا شەھەر نۇپۇس ئىكەنلىنى پەقەت سودا سانائەت بانكىسىنىڭ بىرەلەيدىغانلىقىنى ئيتىپ يولغا سالغانلىقىنى، سودا سانائەت بانكىسىدىكىلەرنىڭ بولسا ئۇلارنىڭ پەقەت ھۆكۈمەت ئىشلىرىنى قىلىدىغانلىقىنى، شەخسى ئىشلارنى قۇرۇلۇش بانكىسىنىڭ قىلدىغانلىقىنى ئېيتىپ يەنە بۇ يەرگە يوللىغانلىقىنى سۆزلەپ بىرىپتۇ. دوستۇم ۋە بانكىدىكىلەر ئايالغا نىمە دىيىشىنى بىلەلمەي تۇرغاندا بانكا باشلىقى كىرىپ قاپتۇ ۋە ئايالنى باشلىقنىڭ يېنىغا ئېلىپ بېرىپتۇ. باشلىق ئەھۋالنى بىلگەندىن كىيىن ئۇلارغا كۆز چىمچىقلىتىپ قۇيۇپ ئايالغا مۇلايىملىق بىلەن:
-يولداش، سىز مەركەزدىن بىۋاستە كەپسىز، بىزنىڭ بۇ كىچىك بانكىنىڭ سىزدەك يوقىرى ئورۇننىڭ ئادەملىرىگە بىۋاستە مۇلازىمەت قىلىش ھوقۇقىمىز يوق. شۇڭا سىز ئەڭ ياخشىسى مەركەز بانكىسىغا بېرىپ پۇل ئالسىڭىز بولىدىكەن.-دەپ يولغا ساپتۇ.
......................................
ئادەملەر بەكلا ئەقىللىق بوپ كىتىپ بارىدۇ.
مەنبە: تەرجىمە
مەكتەپ تورى
[ بۇ يازمىنىtuprakbag 2011-05-12 16:48قايتا تەھرىرلى ]
