توك دەزمىلىنى ئۇزاق ۋاقىت ئىشلەتكەندە ئاستىنقى قىسمىدا بىر قەۋەت كۈيۈپ كەتكەن دات پەيدا بولۇپ قالىدۇ. توك دەزمىلىنى توكتىن ئېلىۋىتىپ سۇۋۇتقاندىن كىيىن ،ئاستىنقى قىسمىغا ئازراق چىش پاستىسى سۈركەپ،ئاندىن يۇمشاق ،پاكىز لۆڭگىدە يېنىك سۈرۈتسە،كۈيۈك دېتى شۇ ھامان چىقىپ كېتىدۇ.
 قول چېراغنىڭ نۇر قايتۇرۇش ئەينىكى ۋاقىت ئۇزارغانسېرى قارىيىپ كېتىدۇ،داكىغا چىش پاستىسىدىن ئازراق تەككۈزۈپ يىنىك سۈرۈتسە ،نۇر قايتۇرۇش ئەينىكى پارقىراپ يېڭى پېتىگە كىلىدۇ.
كىيىم ئىشكاپنىڭ ئەينىكى داغ بولۇپ قالسا ،تىۋىتلىق رەخ پارچىسىغا ئازراق چىش پاستىسى ئىشلىتىپ سۈرۈتسە ،داغ شۇ ھامان چىقىپ كېتىدۇ.
يۇمشاق داكىغا ئازراق چىش پاستىسىنى تەككۈزۈپ چاي دېغى چۈكۈپ قالغان ئىستىكاننى ئېيىتسا ،چاي دېغى تىزلام چىكىپ كىتىدۇ.
سىياھ قەلەم بىلەن خاتا يېزلىپ قالغان خەتنى ئازراق چىش پاستىسى سۇۋاپ بىرلا سۈرۈتسە،پاكىز چىقىپ كېتىدۇ.

يازما يوللىغاندا مەنبەنى ئەسكەرتىشنى ئۇنتۇمايلى.

قار-يامغۇرلۇق كۈنلىرى ماشىنا ئەينىكى ھورلىشىشىش،ھېچكىم ساقلىنالمايدىغان مەسىلە،ئادەمنى تولىمۇ بىزار قىلىدۇ.ئەگەر ياخشى بىرتەرەپ قىلمىغاندا ،راسلا كۆپ ئاۋارىچىلىقلارنى ئېلىپ كېلىدۇ. گەرچە ھازىر نۇرغۇن ماشىنا لازىمەتلىكلىرى دۇكانلىرىدا مەخسۇس ھور يوقۇتۇش سۇيۇقلۇقى بولسىمۇ،بىراق باھاسى ئىنتايىن قىممەت بولغانلىقتىن ،ئۇنى ئىشلىتىشكە ئېشىنالمايمىز.بۈگۈن مەن كۆپچىلىككە ئۆزەم نەچچە يىلدىن بۇيان ئىشلىتىپ كېلىۋاتقان مەخپى رېتسىپىمنى ئېيتىپ بېرەي،يۈزدە-يۈز قولايلىق.ئۇسۇلى تۆۋەندىكىچە:قار-يامغۇرلۇق كۈنلەرگە يولۇققاندا،سوغۇق شامال ياكى ئىچكى ئايلانما شامال ئارقىلىق ھورنى يوقىتىش ھاجەتسىز،پەقەت ئالدىن ھور يوقۇتۇش سۇيۇقلۇقىنى تەييارلىۋېلىپ ،ماشىنا ئەينىكىگە سۈرۈپ قويساقلا كۇپايە. ھور يوقۇتۇش سۇيۇقلۇقىنى ياساش ئۇسۇلى ئىنتايىن ئاددى.ھازىر ھەممە ئائىلىدە دېگۈدەك يۇيۇش سۇيۇقلۇقى تۈرىدىكى نەرسىلەر بار.بۇ ئاشخانا ئۆيلىرىمىزدە كام بولسا بولمايدىغان بۇيۇم،سىز پەقەت بىرەر كىچىك قۇتا تېپىپ،ئازراق يۇيۇش سۇيۇقلۇقىنى قاچىغا سىقىپ كىرگۈزۈپ،1:10نىسبەت بويىچە سۇ ئارىلاشتۇرۇپ،ئاندىن  ياغسىزلاندۇرۇلغان پاختا ياكى يۇمشاق لاتىنى تەييارلىغان سۇيۇقلۇقىمىزغا چىلاپ تۇرۇپ.ئالدى-ئارقا شامالدىن ساقلىنىش ئەينىكى ۋە ئارقىنى كۆرۈش ئەينىكى يېنىدىكى شامالدىن  ساقلىنىش ئەينەكلىرىنىڭ ئىچكى تەرىپىگە سۈركەيمىز،قۇرۇغاندىن كېيىن يەنە بۇغا تېرىسى ياكى مامۇق قۇرۇق لاتا بىلەن  ئەينەك يۈزىدە قېلىپ قالغان تالالارنى سۈرتۈۋەتسەكلا ئىش پۈتىدۇ،بۇچاغدا سىز خاتىرجەم يولغا چىقسىڭىز بولىدۇ،مەيلى سىرتتا قانچىلىك يامغۇر يېغىشىدىن قەتئىينەزەر ،يەنى سىز ماشىنا ئەينىكىنى ھىم يېپىۋالسىڭىز،ھەتتائون نەچچە ئادەم ماشىنا ئىچىدە ھەر قانچە نەپەسلەنسىمۇ ماشىنا ئەينىكى ھورلىشىۋالمايدۇ،بىرقېتىم سۈرۈپ قويسىڭىز ،ئۇدا بىرنەچچە كۈنلۈك يامغۇردىمۇ ئۈنۈمى بولىدۇ ،ئەينەك سۈزۈك تۇرىدۇ،ئەگەر نەملىكى يوقىرى ھاۋارايىغا يولۇقۇپ ،ماشىنا ئىچى-سىرتى تېمپېراتۇرا پەرقى بىر قەدەر چوڭ بولغاندا ،يۇيۇش سۇيۇقلۇقىنىڭ نىسبىتىنى سەل ئاشۇرساقلا بولىدۇ.قېنى سىناپ بېقىڭ
http://www.alteken.com/maxin/253.aspx