چۈنكى مەن سەھرالىق ئاددى مۇئەللىم
                 
                                               سەھەر تۇرىمەن ، ھەر كۈنى دائىىم ،
                                              ماڭىمەن ئېرىنمەي ئەللىك چاقىرىم.
                                               رىياللىق  رەھىمسىز  يوقتۇر  ئامالىم ،
                                             چۈنكى مەن سەھرالىق ئاددى مۇئەللىم .

                                              ئۆيۈم  بولسىمۇ  گۈزەل  شەھەردە،
                                             چاپىمەن سەھراغا ،كۈندە سەھەردە.
                                             بەزىدە دىرىلداپ ، بەزى يا  تەردە،
                                          چۈنكى مەن سەھرالىق ئاددى مۇئەللىم.

                                          بىر قىزىم ئۇقۇيدۇ باشلانغۇچ ئۈچتە ،
                                         ئايالىم ھەم يىراق ،قايىتمايدۇ چۈشتە.
                                        "خوش "دىسەك ئۈچەيلەن،جەم بۇلۇپ كەچتە،
                                         چۈنكى مەن سەھرالىق ئاددى مۇئەللىم.

                                         ئەمەستۇر بەك ئۇزۇن ،چۈشتىكى ئارام ،
                                         دەم ئېلىش بۇپقالدە ئاساسەن ھارام .
                                         تىكىلىپ تۇرىدۇ،تاپشۇرۇق ھەم پىلان،
                                        چۈنكى مەن سەھرالىق ئاددى مۇئەللىم.

                                       ئىشىم كۆپ كېچىچە مەكتەپ باقىمەن ،
                                      ئۇ بۇلۇڭ،بۇ بۇلۇڭ چاقماق چاقىمەن .
                                     "خو  "بۇلۇپ شۇ تەرىق "ئەل" گەياقىمەن،
                                     چۈنكى مەن سەھرالىق ئاددى مۇئەللىم.

                                    چاقسام مەن چاقماقنى دەپ قالماڭ بەڭگە،
                                    چارلايمەن  ئاپشاركا  كەبى  تۈن  تەڭگە .
                                    تۇرمىسام  چىڭ  تېخى  تۆلەيمەن تەڭگە،
                                    چۈنكى مەن سەھرالىق ئاددى مۇئەللىم.

                                    قىلمايمەن دەپ سىنىپ سانىنى چالا ،
                                   دىگۈدەك  كۈندىلا  ئىزدەيمەن  بالا،
                                    تولىسى  كېتىدۇ  باققىلى   كالا ،
                                   چۈنكى مەن سەھرالىق ئاددى مۇئەللىم.

                                  ۋە لىكىن سەھراغا دىلىم بەك  چوڭقۇر،
                                  باسقاندا ھەر قەدەم،ئىزىم بەك چوڭقۇر.
                                 چوڭ قىلغان نوتامغا مېھرىم بەك چوڭقۇر،
                                 چۈنكى مەن سەھرالىق ئاددى مۇئەللىم.

               ئاپتور :  غۇپۇر  راخمان   

بەكمۇ تەبىي چىقىپتۇ بۇ شىئىر ،، بۇ ھىسىياتنى ئەنە شۇ مۇھىتتا تۇرغانلار بىلمىسە باشقىلار ھىس قىلىپ يىتەلمەيدۇ ،،،  تىما ئىگىسىگە رەھمەت

      سالام !!!! سەھرالىق ئاددى مۇئەللىم .     ھازىقى يېزا مەكتەپلىرىدىكى مۇئەللىملەر بىرگە ماھىر  كۈپكە قادىر بۇلۇپ كەتتى !  
نۇرمال كۇنلىرى دەرىس ئۈتەلەيدۇ ،كىچىسى مەكتەپ باقالايدۇ ،ھەپتە ئاخىرى بالا يىققلى تۈۋەنگە چۈشۈدۇ ، تەتىللەرى ئىككى ئاساسەننى  ئىشلەيدۇ ،سىياسى ئۆگۈنۈش قىلىدۇ ھەم قىدۇرىدۇ . ئشقىلىپ كادىرلىقتىن باشقا ھەممىنى قىلىپ باقامدىكىن !.........
    ئۇقۇتقۇچۇم ماڭا سەن  مەكتەپ پۈتتۈرسەڭ  ھەرگىز  ئۇقۇتقۇچى بولما دەپ توغرا ئىيىتقانكەن !

ئوقۇتقۇچى بىلەن دېھقان ئوخشاش، ئېغىزدا ئۇلۇغلىنىپ،ئەمەلدە كۆزگە ئىلىنمايدۇ،بوزەك قىلىنىشقا ئۇچرايدۇ...ئوقۇتقۇچى ئۇلۇغ دېەۈچىلەرنىڭ كۆپىنچىسى رەسمىيەت ئۈچۈنلا شۇنداق دەپ قويىدۇ، مانا بۇ ھازىرقى ھەقىقەت     

ئەمەلىيەتنى يېزىپسىز، بەك ياخشى يېزىلىپتۇ، كارامەت ياقتى ماڭا، چۈنكى مەنمۇ << سەھرالىق ئاددى مۇئەللىم>>