شۇ شەيدائارمانلار تۈگەيدۇ
ئاپتاپ چۈشتى ئۆگزىلىرىمگە،
باھارمۇ سەن باشلاپ كەلگەن.
پۈتۈن ئىشقىمنى ئاتىدىم ساڭا،
قاچانغىچە پەرۋا قىلمايسەن.
مۇھەببەتنى كۆيلىدىم ئۇزاق،
سىنى قېتىپ مىسرالىرىمغا.
ئاشىقلىقنىڭ دەشتى يامانكەن،
تاشلاپ قويما مىنى ھىجرانغا.
سورىمايسەن مىنىڭ ھالىمنى،
ئۆلسۇن دەمسەن مىنى ئىشقىڭدا.
ئۈن-تىنسىز ئۈمۈتتە كۈتىمەن،
ئىرادەم بار مىنىڭ دىلىمدا.
جاسارىتىم يار بولسۇن ساڭا،
مۈشكۈلىڭگە ئاسانلىق بەرسۇن.
ئىرادەمدىن كۆكلەتسەم ئىشقىمنى،
چۈشەنسەڭ ھىسلىرىڭدە بولسۇن.
روھىڭغا جۇلا بەرسە ئىشقىڭ،
سۈيەرسەن بىر مىنى ئۇلۇغلاپ.
شۇ شەيدا ئارمانلار تۈگەيدۇ،
جەم بولغان كۈنلەرنى قۇتلۇقلاپ.
سەن بولغاچ بۇ مىنىڭ بەختىم
چىرمىلىپ ھېساپسىز خىيال تورىغا،
قەلبىمدە ئاۋۇيدۇ ئالماستىن ئارام.
بەرگەچكە جىممىدە روھىمغا مەدەت،
سۆيگۈڭدىن لاتاپەت تاپتى ياشلىقىم.
كۆرىمەن روھىمنىڭ چوڭقۇر قېتىدا،
ھىس قىلىپ ئۆزۈمنى شۇنچە بەخىتلىك.
گۈل كەبى ياشلىقىم پورەكلەپ بارماقتا،
ۋىسالىڭ بەرگەچكە بەھرى جەننەتنىڭ.
ئاڭلىدىم بەخىتنىڭ پىچىرلىشىنى،
زوقلاندىم ئاھ، سىنىڭ پاك ئەقىدەڭدىن.
دۈشمەننىڭ گىپىگە پەرۋا قىلمىدىم،
مىھرىڭدىن سەزگەچكە شۇنچە مەمنۇن.
ئۈمۈد نۇرى چۈشتى چاقناپ قەلبىمگە،
ئۈمۈدۈم ،پەخرىمدۇر بىر سىنى سۆيگۈنۈم،
جۇدالىق،ھىسلىرى يىراقتۇر مەندىن،
سەن بولغاچ يېنىمدا بۇ مىنىڭ بەختىم.
مەنبە قەلىمىم
