قانغۇچە كۈلىۋېلىڭ :
ئۈلگە قىلىش ...
ئوغلى دادىسىنىڭ خاتىرسىنى ئوقۇپ چىققاندىن كېيىن :
__ دادا ، سىز نىيۇتۇن ، ئېينىشتېيىن ، ئېدىسۇنلارنىڭ ئۆزلىرىنى ئۈلگە قىلماستىن ، ئۇلارنىڭ دادىلىرىنى ئۆزىڭىزگە ئۈلگە قىلدىڭىز ؟ - دەپ سۇرىغانكەن ، دادىسى كۈلۈپ قويۇپ :
بۇ ئۇلۇغ زاتلارنىڭ دادىللىرى كاتتا ئالىملارنى تەربىيلەپ يېتىشتۈرۈپ چىققان بولسىمۇ ، ئەمما بۇ ئالىملارنىڭ ئۆزلىرى كۆزگە كۆرۈنگەن ئالىملارنى يېتىشتۈرۈپ چىقالمىدى ، دادا بولغان ئىكەنمەن ، ئۆزۈمگە چوقۇم ئولۇغ زاتلارنىڭ دادىللىرىنى ئۈلگە قىىلشىم كېرەك ، - دەپتۇ .
پەرق ...
مەلۇم بىر لاھىيلەش خادىمى بىر چېرتىيۇژ سىزغاندا ، ئۇنىڭدىكى « 1000 × 1 » نى خاتا ھالدا « 1 × 1000 » قىلىپ يېزىپ قويۇپتۇ ، بۇ تۈرگە مەسئۇل باشقۇرغۇچى خادىم بۇنى كۆرگەندىن كېيىن ، لاھىيەلەش خادىمىنى قاتتىق تەنقىد قىلىپتۇ . لايھىلەش خادىمى قايىل بولماي ، بۇ ئىككىسىنىڭ قانداق ئوخشىمايدىغانلىقىنى سۇرىغانكەن ، ئاساسلىق باشقۇرغۇچى :
__ سىزنىڭ بىر قىز بىلەن 1000 قېتىم كۆرۈشكەنلىكىڭىز 1000 قىزنىڭ ھەربىرى بىلەن بىر قېتىمدىن كۆرۈشكەنلىكىڭىز بىلەن ئوخشاش بىر ئىش ھېسابلىنامدۇ ؟ - دەپ قايتۇرۇپ سۇراپتۇ .
ناركوز ...
بىر ئايال بىمار چىش دوختۇرىنىڭ ئىشخانىسىغا كىرگەندىن كېيىن ، ھەدەپ سومكىسىنى ئاختۇرغىلى تۇرۇپتۇ :
__ خانىم ، پۇل تۈلەشكە ئالدىرماڭ ، - دەپتۇ دوختۇر .
__ مەن پۇلنى تۈلىۋېتەي دەۋاتقىنىم يوق ، بەلكى سىز ماڭا ناركوز ئوكۇلنى ئۇرشتىن بۇرۇن ، سومكامدا قانچىلىك پۇل بارلىقىنى بىلىۋالاي دەۋاتىمەن ! ...
نېمىشقا يەۋەتتىڭىز ...
بىر بالا بىر ئېغىر ئاياغ ئايالدىن سۇراپتۇ :
__ قۇرىسقىڭىزدىكى نېمە ؟
__ مېنىڭ بالام !
__ ئۇنى ياىشى كۈرەمسىز ؟
__ ئەلۋەتتە !
__ ئەمسە ئۇنى نېمىشقا يەۋەتتىڭىز ؟
نېمىشقا پۇل تۈلىگۈدەكمەن ...
پىخسىقلىقتا داڭقى بار بىر دېھقان ئايالىنى دوختۇرغا كۆرسىتىپتۇ :
__ كىشىلەر سىزنى پىخسىق دىيىشىدىكەن ، - دەپتۇ دوختۇر ، - مەن راستىنلا داۋالاش ھەققىنى ئالالايمەنمۇ ؟
__ سىز پەقەت ئايالىمنى داۋالىسىڭىزلا داۋالاش ھەققىڭىزنى ئالالايسىز ، - دەپتۇ دېھقان .
دوختۇر دېھقاننىڭ ئايالىنى مەسئۇلىيەتچانلىق بىلەن داۋالىغان بولسىمۇ ، ئەمما دېھقاننىڭ ئايالى داۋالاش ئۈنۈم بەرمەي ئۆلۈپ قاپتۇ . دوختۇر داۋالاش ھەققىنى تەلەپ قىلغانكەن ، دېھقان :
__ سىز ئايالىمنى داۋالاپ ساقايتالىدىڭىزمۇ ؟ - دەپ سۇراپتۇ .
__ ياق .
__ ئۇنداقتا ، سىز ئۇنى داۋالاپ ئۆلتۈرۈپ قويدىڭىزمۇ ؟
__ ئەلۋەتتە ياق !
__ ئېيتىڭا ، سىز ئۇنى داۋالىمىغانكەنسىز ، نېمىشقا مەن سىزگە پۇل تۈلىگۈدەكمەن ؟!
تەجرىبە ...
قېيىنئاتا – قېيىنئانىسىنىڭ تۇرمۇش قۇرغان ئوتتۇز يىلىدىن بۇيان ئىجىل – ئىناق ئۆتكەنلىكى ، بىرەر قېتىممۇ تەگىشىپ قالمىغانلىقىنى ئاڭلىغان بىر يىگىت قېيىناتسىدىن تەجىربىسىنى سۆلەپ بېرىشنى سوراپتۇ . قېيىناتسى مۇنداق دەپتۇ :
__ مەن توي قىلغان چاغدا قېيناتام « ئايالىڭنىڭ كەمچىلىكىنى ياكى خاتا قىلغان ئىشلىرىنى ھەرگىز تەنقىدلىمە ، بىلگىنكى ، دەل ئۇنىڭ ئاشۇنداق كەمچىلىكلىرى بولغانلىقى ۋە بەزىدە خاتا ئىشلارنى قىلىپ قويىدىغانلىقى ئۈچۈن ، سېنىڭدىنمۇ ياخشىراق ئەرنى تاپالمىغان » دېگەن ، سىزمۇ بۇ گەپلەرنى ئېسىڭىزدە چىڭ تۇتۇڭ .
قەيسەرلىك ...
بىر دىۋانە بىر سېمىز ئايالغا دەپتۇ :
__ ھۆرمەتلىك خانىم ، ماڭا رەھم قىلىڭ ، مېنىڭ ئاغزىمغا بىر نېمە سالمىغىنىمغا ئۈچ كۈن بولدى .
__ ئاھ ، مەن ساڭا بەك ھەۋەس قىلىمەن ، - دەپتۇ سېمىز ئايال ، - سېنىڭدىكى مۇشۇ قەيسەرلىك مېنىڭدە بولغان بولسا ئاللىقاچان زىلۋىلىشىپ كەتكەن بۇلاتتىم ...
[ بۇ يازمىنىsalkin11 2011-03-13 12:33قايتا تەھرىرلىد ]
