ئاتا ئارزۇسى ، ئاتا ئۈمىدى پەرزەنىتلەرنىڭ بېسىپ ئۆتمىسە بولمايدىغان مۇھىم ئەقەللىي تەلەپلەرنىڭ بىرسى ، نۇرغۇن ياشلىرىمىز ، ئاتا ئارزۇسى بىر چەتكە قايرىپ قويۇپ ئۈزى بىلگەنچە جەمئىيىتىمىزدە تۈرلۈك بولمىغۇر قىلىقلار بىلەن ئاتا ئەخلاقىغا مۇخالىپ ئىشلارنى كۆپ قىلىۋاتىدۇ ، ھەتتاكى ، مىللەتتىن گەپ ئاچىدىيۇ ، ئەمما ، ئۈزىنىڭ قىلىۋاتقان ھەربىر قىلىقلىرى مىللىتىمىزنىڭ ئىناۋىتىنى ، مىللىتىمىزنىڭ شان - شەۋكىتىنى يەر بىلەن يەكسان قىلىۋاتىدۇ ... ئاتا ھەرگىز پەرزەنىتلەردىن بۇنداق ئارزۇ ۋە ئۈمىدلەرنى كۈتمىگەن ... مەن ھەربىر قېتىم بۇ ناخشىنى ئالىغاندا ، پۈتۈن ۋۇجۇدۇم ھەقىقەتەن لەرزىگە كىلىدۇ . كەلمىگەن شېرىن ھىسلار ۋە قىپ بۇلالمىغان بىرقىسىم ئۈزۈمدىكى ۋاپادارلىق يوللىرى ھازىر ... شۇڭا مەن ناخشىنى ئەمەس ، بەلكىم شېئىردىكى يارقىن ھىسلارنى بارلىق قېرىنداشلىرىمىز بىلەن بىرلىكتە ئورتاقلىشىپ بېقىش مەخسىتىدە يوللىدىم . ئويلۇنۇپ باقساق : پەقەت بىزنىڭ ئۈكۈنىشىمىز قەدىردانلار بۇ دۇنيا بىلەن ۋىدالاشقاندىلا ئاندىن تۇغۇلارمۇ ؟ نەچچە رەت
( ئابلىكىم ئابدۇرىھىم )
ئىھ ! ئاتام نەلەرگە كەتتىڭ ،كەلدى كۆرگۈم نەچچە رەت .
سېغىنىپ قەبرەڭنى مەن جان ئاتام ، كۈزۈمگە سۈرىتتىم نەچچە رەت .
بىلمىدىم نەۋەجىدىن ، كەتتىڭ بۇرۇنلا خوشلۇشۇپ .
سەن بىلەن يوللاردا بىرگە جان ئاتام ، كەلدى يۈرگۈم نەچچە رەت
سەن ئاتام ھايات چېغىڭدا ، خوش ئىدىم جۇشقۇن ئىدىم ،
شۇ ۋىسالنىڭ پەيزىنى ، كەلدى سۈرگۈم نەچچە رەت .
ئۇ مىنىڭ جىسمىم مىسالى ، ئوت بولۇپ ئۆرتەندى بەس ،
نە ئامال قەبرەڭدە بىرگە جان ئاتام ، كەلدى ياتقۇم نەچچە رەت .
ئاھ ئەجەپ قىلدىڭ يىتىم ، نىم بولدى تەقدىر بىلمىدىم ،
نالە قىلدىم ياش تۈكۈپ ، قەبرەڭگە باردىم نەچچە رەت .
مانا بۇ كەتتى بۇ كۈنلەر ، سۇنسا قاناتىم قايرىلىپ ،
قىزلىرىڭ ئاجىزلىرىڭغا جان ئاتام ، سەن كىرەكتىڭ نەچچە رەت .
