سەن قەيەرلىك،سەن نەلىك؟
(تەنقىدىي ئېيتىشىش)
-سەن قەيەرلىك؟
_سەن نەلىك؟
_سەن قەيەرلىك؟
_سەن نەلىك؟
ئاكاڭ قارىغاي ئالدىدا
تولا قىلما مەنمەنلىك!
_غوجى ئاكاڭ ئالدىدا
قىلما مۇنچە كۆرەڭلىك!
_مەن دولانلىق،
_مەن بايلىق.
_مەن چۆچەكلىك،
_ئالتايلىق.
_مەن كۇچالىق ،
_يەكەنلىك.
_مەن داۋانلىق،
_مەن سايلىق.
_مەن ئۇ قاشتىن ،
_مە ن بۇ قاشتىن.
_مەن ئاياغدىن،
_مەن باشتىن.
_مەن لوپنۇردىن،
_باغراشتىن.
_تاراتىدىن ،
_باغداشتىن.
_ئۆز مەھەللەم توققۇز تاش،
_ئاكاڭ قارىغاي ئون تاشتىن.
_دەۋران سۈرەي مەن تەنھا،
_مەھرۇم بولغىن ياشاشتىن.
_ئۆزۈڭ مەھرۇم ياشاشتىن!
_سەن قەيەرلىق؟
_مەن جاملىق.
_سەن قەيەرلىق؟
_سايراملىق.
_ئاكاڭ قارىغاي ئاقتاملىق،
_ئاكاڭ توققۇز تاراملىق.
_ئەي تاراملىق،تاراملىق،
_ساڭا يوقتۇر ئاراملىق.
_ئاكاڭ بىلەن تەڭ تۇرۇش،
_تاكاللىشىش قاراملىق.
_مەن شايارلىق ،بىلىپ قوي،
_جىمىسارلىق ،بىلىپ قوي،
_بەلۋېغىمدا خەنجىرىم،
_يېڭىسارلىق،بىلىپ قوي.
_نوچىلارنىڭ سەردارى،
_كەسكەن يارلىق ،بىلىپ قوي.
ئەي خوتەنلىك،نېرى تۇر،
_سەن ئاتۇشلۇق،نېرى تۇر،
_سار قۇمۇشلۇق،نېرى تۇر،
_قارا قۇمۇشلۇق ،نېرى تۇر!
2
يەكلەشتۇقا-يەكلەشتۇق،
يول تۇراشتۇق،چەكلەشتۇق،
كىمنى پۇتلاپ،جەينەكلەپ،
كىملەر بىلەن ئەپلەشتۇق؟
كىمنى ئېلىپ قارىغا،
ئاتالمىساق"خەپ"لەشتۇق.
شىر ،ئارسلان،چىلبۆرە،
ياشالايدۇ بىر تاغدا،
ياشالمايدۇ نېمىشقا؟
ئالتە ئۇيغۇر بىر باغدا؟
يۇرتۋازلىقنىڭ دەستىدىن،
قالمىغانمۇ بىز داغدا؟
نائىناقلىق دەردىنى،
شۇنچە تارتتۇق،تارتمايلى،.
قوش-سۆرەمگە ،جان دوستلار،
ئۆزىمىزنى قاتمايلى.
ئەمدى بىھۇش ياتمايلى،
ھالاكەتكە پاتمايلى.
3
_سەن قەيەرلىك؟
_مەن ئۇيغۇر.
_سەن قەيەرلىك؟
_مەن ئۇيغۇر!
ۋارقىرايلى ھەممەيلەن،
_قان-قېرقنداش دەپ مەغرۇر.
مۇھەممەتئېلى زۇنۇن تەشنائىنىڭ"مەشرەپ"ناملىق كىتىبىدىن.
