"قۇم باسقان شەھەر"نىڭ 1نەشرى بىلەن 2-نەشرىنىڭ پەرقى(داۋامى2)

مەن ئالدىنقى ئىككى يازمامدا 9 خىل پەرقنى سۆزلەپ ئۆتكەن ئىدىم.مانا بۇ كەچتە ئاخىرىنى يوللاپ ئولتۇرۇپتىمەن.

10."قۇم باسقان شەھەر"نىڭ 1-نەشرى90-91-بەتلەردىكى:"سەركەردە مەسخىرىلىككۈلۈپ قويدى-دە،شالاڭ ساقالغا چۈشەندۈردى.

_دەستەك دېدىڭما؟ئاڭلاپ تۇر،بىزئاۋۋال ئۇ يەرنى كۈچ بىلەن بېسىۋالىمىز.ئاندىن دەستەك بولىدىغان پاكىتلاردىن كۇرمىڭنى ئويدۇرۇپ چىققىلى بولىدۇ.مەسىلەن،ئۇ يەردە بىزنىڭ تەۋەيىمىزدىن سودا-سېتىق ئۈچۈن بېرىپ،شۇ يەردە ئۆلگەن بىرەر سودىگەرنىڭ قەبرىسى،قاچاندۇر بىر چاغلاردا بىزدىن شۇ شەھەرگەئېزىپ بېرىپ قالغان بىرەر ھاڭۋاقتىنىڭ ئۇنتۇلۇپ قالغان ئەسكى چاپىنى ياكى بىزنىڭ پادىشاھلىقىمىزدا قۇيۇلۇپ،قولدىن-قولغا ئۆتۈپ بىرەرسىنىڭ يانچۇقىدا شۇ شەھەرگە بېرىپ قالغان بىرەر تال پۇچۇق يارماق ياكى بولمىسا كىملەرنىڭدۇرشۇ يەرگە بېرىپ قايتىپ كەلگەندە يازغان خاتىرىلىرى دېگەندەك  نەرسىلەرنى دەستەك قىلىپ تۇرۇپ بۇ ئوردىدىكى نانقېپى قەلەمكەشلەر شۇنداق تارىخلارنى يېزىشىدۇركى،ھېلىقى سەن كۆرۈپ كەلگەن شەھەرنىڭ ئېتى نېمىدا؟"دېگەن دېئالوگ2-نەشرى94-بەتكە:"-دەستەك دېدىڭما؟ ئۇرۇش دېگەنگە دەستەكنىڭ نېمە لازىمى؟ئاڭلاپ تۇر،بىز ئاۋۋال ئۇ يەرنى كۈچ بىلەن بېسىۋالىمىز،ئاندىن ئوردىدىكى نانقېپى قەلەمكەشلەر بۇ توغرىسىداشۇنداق تارىخلارنى يېزىشقا باشلايدۇكى،ھېلىقى سەن كۆرگەن شەھەرنىڭ ئېتى نېمىدا؟"دەپ ئۆزگەرتىلگەن.

11."قۇم باسقان شەھەر"نىڭ2-نەشرى97-بەتكە:"خەلپىتىم ،سېنىڭ بۇ تالىپلىرىڭ نېمانداق ھاڭۋېقىپقىز-چوكانلار تەرەپكىلا قاراپ تۇرىدۇ؟ئۇلارنى ئاۋۇ مىسكەرلەرنىڭ قاتارىغا باشلا....ھاي،ئۇياققا دېمىدىم،مانا بۇياققا..."دېگەن دېئالوگ قېتىلغان.

12. "قۇم باسقان شەھەر"نىڭ2-نەشرى100-بەتكە:"ھاي موزدوز ئۇستام،سەن ھەممە جابدۇقلىرىڭنى بوينۇڭغا ئېسىپ،دۇكىنىڭنى كۆچۈرۈپلا چىقتىڭمۇ نېمە؟..."دېگەن دېئالوگ قېتىلغان.

13."قۇم باسقان شەھەر"نىڭ1-نەشرى98-بەتتىكى:"ياكى بولمىسا دىۋانىچىلىقنى كەسىپ قىلغان تىلەمچىلەرگىمۇ ئوخشاپ كېتەتتى"دېگەن جۈمە 2-نەشرىگە بېرىلمىگەن.

14."قۇم باسقان شەھەر"نىڭ2-نەشرى175-بەتكە:"-سۈپۈرگە ،دەپ رۇسلىنىپ ئولتۇردى ئاقساقال ،_ئۇ ھازىرقەيەردە؟_يەنە نېمىلەرنى دېدى؟.."دېگەن دېئالوگ قېتىلغان.

15."قۇم باسقان شەھەر"نىڭ2-نەشرى177-بەتكە:"<تام تېشەر>شۇ گەپلەرنى قىلىپ بولۇپلاغايىپ بولغانىدى"دېگەن جۈملە قېتىلغان.

16."قۇم باسقان شەھەر"نىڭ 1-نەشرى198-بەتكە:  سەپەرنىڭ ئىسمىنى "چۆل يىگىت"دەپ قويغان ۋە ئەسەر ئاخىرلاشقىچە  شۇنداق ئېلىنغان.2-نەشرى204-بەتكە :سەپەرنىڭ ئىسمىنى "چۆل ئوغلى"دەپ قويغان ۋە ئەسەر ئاخىرلاشقىچە شونداق ئېلىنغان.

17."قۇم باسقان شەھەر"نىڭ2-نەشرى307-308-بەتكە:"<بايا راستىنلا ئاستىمدىكى ئېشەك گەپ قىلغانمىدۇر ياكى ماڭا شۇنداق ئېشەك گەپ قىلغاندەك تۇيۇلغانمىدۇر؟>دېگەن خىيال كاللامدىن كەتمەي ئولتۇرۇپ كەتتىم."دېگەن جۈملىلەر قېتىلغان.

18."قۇم باسقان شەھەر"نىڭ 1-نەشرى321-بەتتىكى:"ھېسىياتسىز كىشىلەرلا ئاللانىڭ نېمە ئۈچۈن كېچە بىلەن كۈندۈز،شەھەر بىلەن سەھرا،بوستانلىقلار بىلەن چۆللۈكلەرنى تەڭ ياراتقانلىقىنى چۈشەنمەيدۇ.."دېگەن جۈملە2-نەشرىگە بېرىلمىگەن،

19."قۇم باسقان شەھەر"نىڭ2-نەشرى335-بەتكە:"ئېگىز تاملار قورشپ تۇرغان شاھ ئو_ئو_ئوردىلىرى....."دېگەن جۈملە قېتىلغان.

20."قۇم باسقان شەھەر"نىڭ 1-نەشرى341-بەتتىكى:"ئەلەم ئۆزىنىڭ ئادەم ئەلەيھىسسالام بىلەن ھاۋائانا ئۇچراشقان چاغدىكىئەڭ ئىپتىدائىي كۆرۈنۈشىگە كۆچتى"دېگەن جۈملە2-نەشرى351-بەتكە:"ئالەم ئۆزىنىڭ ئەڭ ئىپتىدائىي كۆرۈنۈشىگە كۆچتى"دەپ ئۆزگەرتىلگەن.

"قۇم باسقان شەھەر"نىڭ 1-نەشرى ۋە2-نەشرىدىكى پەرق مۇشۇنچىلىك ئىكەن.كەڭ تورداشلارنىڭ ئۆزگەرتىلگەن تەرەپلىرىگە نىسبەتەن قالايمىقان ئىنكاسلارنى يازماي ،مۆھتىرەم قەلەم ساھىبىمىز مەمتىمىن ھوشۇر ئەپەندىنىڭ بۇ كىتىبىنى ئوقۇپ چىقىشىنى ئۈمد قىلىمەن.1-يازمامغا "ئاپتۇرىنى ئەسكەرتىپ قويسىڭىزچۇ"دەپ يوللانغان ئىنكاسنى كۆرۈپ سەل كۆڭلۈم يېرىم بولدى..................