يېقىندا، ئىسرائىلىيىدىكى تەتقىقاتچىلار دورا كاپسۇلىچىلىك كېلىدىغان بىر خىل تېلېكامېرانى كەشىپ قىلغان. بۇ تېلېكامېرانى ئاغرىق يۇتسا، ئۇنىڭ ياردىمىدە ئاغرىقنىڭ ئىچكى ئەزالىرىنى ئېنىق كۆرگىلى، ئىچكى ئەزالاردا كېسەل ئۆزگىرىشى بولسا، بۇ تېلېكامېرا تارتقان سۈرەتلەردىن بىۋاسىتە كۆرگىلى بولىدىكەن. تېببىي مۇتەخەسسىسلەر: بۇ ئاغرىقلارغا نىسبەتەن ئىنقىلاب خاراكتېرلىك يېڭى كەشپىيات، دەپ قارىغان. بۇ تېلېكامېرانى ئىسرائىلىيىدىكى بىر شىركەت كەشىپ قىلغان بولۇپ، ئۇ ‹‹PillcamESO2›› دەپ ئاتىلىدىكەن، ئۇنىڭ مەنىسى ‹‹دورا شەكىللىك فوتوئاپپارات›› ئىكەن. تېلېكامېرانىڭ سىرتقى كۆرۈنۈشى ئادەتتىكى دورا كاپسۇللىرىغا ئوخشاش ئىكەن. ھازىر بۇنداق تېلېكامېرا ھەزىم قىلىش ئەزالىرىنىڭ نۇرغۇن سۈرىتىنى سۈزۈك تارتقان. دوختۇرلار مۇشۇ سۈرەتلەرگە ئاساسەن ئاغرىقلارنى ئۈنۈملۈك داۋالىغان. بۇنداق تېلېكامېرا ئىسرائىلىيە ۋە ئامېرىكا دورا نازارەتچىلىك تارماقلىرىنىڭ ئېتىراپنامىسىگە ئېرىشكەن. ھازىر ئۇنى ئىشلەتكەن ئاغرىقلار 250 مىڭدىن ئاشقان. كاپسۇل تېلېكامېرانى سۇ بىلەن يۇتۇۋەتكىلى بولىدىكەن، تىنچلاندۇرۇش دورىسى ئىشلىتىش ۋە كلىزما تەييارلىقى قىلىش ھاجەتسىز ئىكەن. كاپسۇل تېلېكامېرانىڭ ئىككىلا ئۇچىدا سۈرەت ئالغۇچ بولۇپ، ئاغرىق ئۇنى يۇتسىلا، ئىچكى ئەزالارنىڭ سۈرىتىنى تارتقىلى بولىدىكەن. ئۇ يوللىغان سۈرەتلەر ئاغرىق ئېلىپ يۈرىدىغان بىر چاققان خاتىرىلەش ئەسۋابى ئارقىلىق قوبۇل قىلىنىدىكەن. ئۇنىڭغا يەنە چىراغ ئورنىتىلغان بولۇپ، ھەر سېكۇنتتا ئىككى پارچە سۈزۈك تارتىلغان سۈرەتنى يوللاپ بېرەلەيدىكەن. سەككىز سائەتلىك تەكشۈرۈش جەريانىدا 50مىڭ پارچە سۈرەتكە ئېرىشكىلى بولىدىكەن. تەكشۈرۈش جەريانىدا ئاغرىقنىڭ دوختۇرخانىدا بولۇشى ھاجەتسىزئىكەن، كىشىلەر ئۆزىنىڭ كۈندىلىك پائالىيەتلىرى بىلەن نورمال شۇغۇللىنىۋەرسە بولىدىكەن. بۇنداق تېلېكامېرا ھەزىم قىلىش سىستېمىسىنىڭ ‹‹تۇرۇبىسى›› نى بويلاپ ئىلگىرىلەپ، ئۆزلۈكىدىن تەرەت بىلەن چىقىپ كېتىدىكەن. ئاغرىقلار ئالاقىدار تور بېكەتلىرىگە چىقىپ، خاتىرىلەش ئۈسكۈنىسىدىكى سۈرەت ۋە تور بېكىتىدىكى ماتېرىياللارغا ئاساسەن، ئۆزىنىڭ كېسەل ئەھۋالىنى تەھلىل قىلالايدىكەن، دوختۇرلارمۇ كۆزىتىش نەتىجىسىنى ھەر ۋاقىت كۆرەلەيدىكەن. ئاخىرىدا، ھاسىل بولغان كېسەل تارىخى ۋە سۈرەتلەر قوشۇمچە قىلىنغان دوكلاتنى بېسىپ چىقىرىپ، دوختۇرلارنىڭ دىئاگنوز قويۇشىغا يوللاپ بەرگىلى ياكى ئېلېكترون ئارخىپ شەكلىدە ساقلاپ قويغىلى بولىدىكەن. تەتقىقاتچىلارنىڭ قارىشىچە، بۇنداق تېلېكامېرا ئارقىلىق ئاغرىقلاردىكى كېسەللەرنى كۆزىتىشكە بولۇپلا قالماستىن، ھايۋانلارنىڭ ئىچكى ئەزالىرىنى كۆزىتىشكىمۇ بولىدىكەن. ئۇ ھايۋانلار ۋە بوۋاقلارغا نىسبەتەن تېخىمۇ مۇھىم ئىكەن. چۈنكى ھايۋانلار ۋە بوۋاقلار دوختۇرلارغا ئۆز سېزىمىنى ئېيتىپ بېرەلمەيدۇ.

ئالامەت ئېكەنغۇ  بولارنىڭ كاللىسى مۇشۇنداق ئېشلارغا كەلگەندە دەرجدېن تاشقىرى ئېشلەيدۇ لىكىن خۇشنادارچىلىققا كەلگەندە پەقەت ئېشلىمەيدۇ

ئىشلىتىش

بۇ مەزمۇن 1قەۋەتتىكى مەھمۇدىيە نىڭ 2011-02-20 01:20 يوللىغان يازمىسىغا نەقىل :
ئالامەت ئېكەنغۇ  بولارنىڭ كاللىسى مۇشۇنداق ئېشلارغا كەلگەندە دەرجدېن تاشقىرى ئېشلەيدۇ لىكىن خۇشنادارچىلىققا كەلگەندە پەقەت ئېشلىمەيدۇ

ھا...اھ...ھا..ھا...ھا..بىز گە گەپ قالماپتۇ ،،ئەمددى

قالتىس تېخنىكىغا ئىرىشىپتۇ ھە بۇ يەھۇدىلار ؟!

ئۇرۇشقاق بۇلغىنى بىلەن مىڭسنى ئۇبدان يەرىگە ئىشلتىشنى بىلدۇ.

گەپ يوق

بۇ كامىرانى يۈتۈۋەتكەندىن كىيىن ھاجەتخانىدا تەرەت قىلسا بولمۇغۇدەك