ئەر-خوتۇنچىلىقتا دىققەت قىلىدىغان ئىشلار.
ئەسسالامۇ ئەلەيكۇم.
بىر قېرىندىشىمىز مەندىن ئايالى ھەيزدار مەزگىلىدە بىرگە بولسا بۇلامدۇ ياكى بولمامدۇ؟-دەپ سورىدى. مەن مۇشۇ سۇئال سۇرالغۇچە ھەيزدار ئايال بىلەن بىرگە بۇلۇشنىڭ دىنىمىزدا چەكلەنگەنلىكىنى ھەممە ئادەم بىلىدۇ دەپ قارايتتىم.ئەپسۇس... ئۇنداق ئەمەسكەن.
ئويلاپ باقسام بۇ ئىش ھايا قىلىپ سۇرالمايدىغان ئىشلارنىڭ قاتارىدىنكەن. شۇڭا بارلىق قېرىنداشلىرىمزنىڭ بىلۋېلىشى ئۈچۈن مۇشۇ توغۇرلۇق مەندە بار بولغان بىلىمنى كەڭ قېرىنداشلىرىمىزغا سۇنۇش ئۈچۈن بۇ تىمىنى يېزىش قارارىغا كەلدىم.
قېرىنداشلار! بىلىم ئېلىشتا ھايا قىلىش يوق. ئىككى خىل كىشى بىلىم ئالالمايدۇ. 1.ھاكاۋۇر كىشى. بۇنداق كىشى ئۆزىنىڭ يۈز ئابرويىنىڭ چۇشۇپ كىتىشىدىن ئەنسىرەپ ئۆزى بىلمەيدىغان نەرسىنىمۇ باشقىىلاردىن سۇراشنى لايىق تاپمايدۇ.2.تارتىنچاق كىشى بىلىم ئالالمايدۇ. چۇنكى بۇنداق ئادەم بىلىملىك كىشىدىن ھايا قىلىپ،خاپا بۇلۇپ بىر نەرسە سوريالمايدۇ. نەتىجىدە بىلىمسىز قالىدۇ.
رەسۇلۇللەنىڭ دەۋرىدە ئەنسارىلىق ئاياللار سۇئال سۇراشتا بەكمۇ جۇرئەتلىك ئىدى. ھەرقانداق سۇئال بولسا سۇراۋېرەتتى.بۇلارنىڭ بۇنداق جۇرئەتلىك بۇلىشى چەكلەنمىگەن ئىدى. بەلكى ماختالغان ئىدى. ھەقنى بىلىشتە سۇراشتا ھايا قىلىش گۇناھتۇر. چۈنكى ھايا قىلىدىغان ئىش بۇ ئەمەس. ھايا قىلىدىغان ئىش گۇناھ ئىشلارنى قىلىپ سېلىش. ماانا بۇ ھايا قىلىشقا ئەڭ ھەقلىق ئىش.
شۇڭا مىنىڭ كەڭ قېرىنداشلارغا دەيدىغىنىم مۇشۇنىڭغا ئوخشاش سۇئاللار بولسا مۇنبەردە قۇيۇپ تۇرۇڭلار.كىشى كۆپۈنچە دىننىي بىلىملەرنى ئاتا-ئانىسىدىن سۇراپ بىلۋالىدۇ. ئەمما ئاتا-ئانىدىن سورىغىلى بولمايدىغان بەزى ئىشلار ھەقىقەتەنمۇ بار. بۇنداق ئىشلارغا تور دۇنياسى بەكلا قۇلايلىق. چۈنكى توردا ھېچكىم –ھېچكىمنى تۇنۇمايدۇ. شۇڭا سۇراشتا ھايا قىلىپ قالغان ئىشلار بولسا مۇنبەردە بايان قىلساڭلار جاۋاب بىىرىدىغان قېرىنداشلىرىمىز بار. ئەگەر يەنە خىجىل بولسىڭىز ئۆزىڭىز بىلىملىك دەپ قارىغان قېرىنداشلىرىمىزغا مۇنبەرنىڭ ئۈچۈر ئىقتىدارى ئارقىلىق سورىسىڭىز بۇلىدۇ. ئاللاھ ھەممىمىزنى بىلىم ئېلىشتا جۇرئەتلىك كىشىلەر قاتارىدىن قىلۋەتسۇن.
مەقسەتكە كىلەيلى!
شەرىئەتتە مۇسۇلمانلارنىڭ ھاياتىدا قىلىدىغان ئىشلارنىڭ ھەممىسى ئىنىق بەلگىلەنگەن. بەزى ئىشلار ۋاقىتنىڭ،ئورۇننىڭ،ماككنىڭ،شارائتىنىڭ ئۆزگىرىپ تۇرىشى تۇپەيلى ئىنىق ھۆكۈم چىقىرىلمىغان.پەقەت ئىشارە قىلىپ ئۆتكەن.بۇنداق ئىشلار مۇجتەھىدلەرگە قالدۇرۇلغان.ئەمما بەندىلەرگە ھەر ۋاقىت،ھەرزامان،ھەر ئورۇندا مۇسۇلمانلارنىڭ زىينىغا سەۋەب بولغان بەزى ئىشلار 1400يىل ئىلگىرى قانۇنلىشىپ بولغان. بۇنى ھېچقانداق ئورۇن،ھېچقانداق شەخىسنىڭ ئۆزگەرتىشكە كۈچى يەتمەيدۇ. بۇ ئۆزگەرمەيدىغان ئىشلارنىڭ بىرى ئايال كىشى ھەيزدار ۋاقتىدا بىرگە بۇلۇش. بۇ چوڭ گۇناھ.
بۇ توغۇرلۇق ئاللاھ قۇرئاندا مۇنداق دىگەن{(ئۇ مۇھەممەد)ئۇلار سەندىن ھەيز توغرىسىدا سورىشىدۇ(يەنى ھەيزدار ۋاقتىدا جىنسى ئالاقە قىلىش توغرىسىدا).ئېيتقىنكى ھەيز زىيانلىقتۇر.(يەنى ھەيز مەزگىللىرىدە جىنسى ئالاقە قىلىش ئەر-خوتۇن ھەر ئىككىلىسى ئۈچۈن زىيانلىقتۇر) ھەيز مەزگىلىدە ئايالىڭلاردىن نېرى تۇرۇڭلار.(ھەيزدىن)پاك بولغىچە ئۇلارغا يېقىنچىلىق قىلماڭلار.پاك بولغاندا ئاللاھ بۇيرىغان يەردىن يېقىنچىلىق قىلىڭلار.ئاللاھ ھەقىقەتەن تەۋبە قىلغۇچىلارنى دوست تۇتىدۇ.(ھارامدىن،نىجاسەتتىن) پاك بولغۇچىلارنى ھەقىقەتەن دوست تۇتىدۇ} (سۇرە بەقەر223.ئايەت)
بۇ ئايەتتە ئايال كىشى ھەيزدار ھالەتتە يېقىنچىلىق قىلىشنىڭ ھاراملىقىنى تەكىدلىگەن.بۇ ھەقتە كەلگەن ھەدىسقا قاراب باقايلى.
ئەبۇ ھۇرەيرە رەزىيەللاھۇ ئەنھۇدىن رىۋايەت قىلنىدۇكى رەسۇلۇللە مۇنداق دىگەن«كىمكى ھەيزدار ئايال بىلەن جىما قىلسا،ياكى ئايالنىڭ ئارقىسىغا كەلسە،ۋە ياكى كاھننىڭ ئالدىغا بارسا مۇھەممەد(س ئە ۋ)چۈشۈرۈلگەن دىننى ئىنكار قىلغان بۇلىدۇ»(تىرمىزى رىۋايەت قىلغان،ئالبانى سەھىھ دىگەن)
ھەيزدار ھالەتتە يېقىنچىلىق قىلىش كىشىنى ئىماندىن چىقىرۋېتىدۇ.
قېرىنداشلار! ئىمان دىگەن قۇتاندىن قوي كالا چىقىپ كەتكەندەك چىقىپ كەتمەيدۇ.بەلكى ئۆزىمىزنىڭ قىلغان خاتا گەپ-سۆزلىرى،ئىش ھەركەتلىرى ئارقىلىق ئىگىسىگە تۇيدۇرماي چىقىپ كىتىدۇ. قانداق بىر ئادەم ئايالى ھەيزدار ھالەتتە يېقىنچىلىق قىلىپ سالغان بولسا دەرھال تەۋبە قىلسۇن. ۋە بۇندىن كىيىن بۇ ئىشنىڭ يۈز بىرشىدىن قاتتتىق ئىھتىيات قىلسۇن.
ساھابىلار يۇقارقى ئايەت چۈشكەندىن كىيىن رەسۇلۇللەتىن ‹ھەيزدار ئايالنىڭ نىمىسى ھارام بۇلىدۇ.يەنى بىز نىمىدىن بەكرەك ئىھتىيات قىلىشىمىز› سورىشىشقا باشلىغان. كۆپۈنچە ھەدىسلەردە ئايالى بىلەن مۇناسىۋەت ئۆتكۈزمەسلىكتىن باشقىسى ھالال دىگەنگە دائىر جاۋابلار بىرىلگەن.
ھەيزدار بىلەن جىنسى ئالاقە قىلىشنىڭ ھاراملىقىنى بىلمەي تۇرۇپ قىلسا تەۋبە قىلسا بۇلىدۇ. ۋە كىيىن قەتئىي بۇنداق ئەھۋالنىڭ يۈز بەرمەسلىكىگە كىپىللىك قىلسا بۇلىدۇ. ئەگەر ئۇنداق بولماي بىلىپ تۇرۇپ ئالاقە قىلسا بۇنىڭغا كاپارەت بىرىشكە توغرا كىلىدۇ.
بۇ توغۇرلۇق رەسۇلۇللەنىڭ سۆزلىرىگە قاراپ باقايلى.
ئىبنى ئابباس رەزىيەللاھۇ ئەنھۇدىن رىۋايەت قىلنىدۇ. رەسۇلۇللە مۇنداق دىگەن«ئەگەر قان قىزىل مەزگىلدە جىما قىلغان بولسا بىر دىنار(شۇ چاغدىكى ئالتۇن پۇل)؛سارغۇچ مەزگىلىدە قىلغان بولسا يېرىم دىنار سەدقە قىلىۋەتسۇن» (تىرمىزى رىۋايەت قىلغان.ئالبانى سەھىھ مەۋقۇف دىگەن)
ئىبنى ئابباستىن بولغان يەنە بىر رىۋايەتتە:ئەگەر ھەيزنىڭ دەسلەپكى مەزگىلىرىدە يېقىنچىلىق قىلسا بىر دىنار،ئاخىرىدا قىلغان بولسا بىر دىنار سەدقە قىلىدۇ(ئەبۇ داۋۇد رىۋايەت قىلغان.ئالبانى سەھىھ دىگەن)
يەنە بىر رىۋايەتتە بەش دىنار سەدقە قىلىدۇ دەپ كەلگەن.
بۇلار بولسا ھەيزدار ۋاقىتتا جىما قىلىپ سالغانلارغا بولغان شەرىئەت ھۆكمى.
تىبابەتتىمۇ ھەيزدار ۋاقىتتا جىما قىلىشنىڭ ئەر-خوتۇن ھەرئىككەيلەنگە زىيانلىق بۇلىدىغانلىقىنى ئىلان قىلماقتا. ھەيزدار ۋاقتىدا جىما قىلىش مەزى بېزى،جىنسى ئىقتىدارى ئاجىزلىق،كۆڭلى ئېلىشىش،ياللۇغلىنىش،جىنسىي يولى تۇسالغۇغا ئۇچراش،ئېغىرراقى راك كىسىلىگە سەۋەبچى بولىدىغانلىقىنى دۇختۇرلارمۇ دەۋاتىدۇ. ئىسلام دىنى كىشىنىڭ روھىي ۋە جىسمانىي ساغلاملىقىغا بەك كۆڭۈل بۆلگەچكە 14 ئەسىر ئىلگىرى مۇسۇلمانلارنى بۇنداق مەرەز ئىشتىن توسقان.
ھەيزدار ئاياللاردىن پۇتۇنلەي يىراق تۇرۇش كىرەكمۇ؟
ھەيزدار ئاياللاردىن پەقەت يېقىنچىلىق قىلىشتىنلا توسقان بۇلۇپ ئۇندىن باشقا ئىشلارنى قىلسا دۇرۇس بولىدىغانلىقى توغرىسىدا بىر قانچە ھەدىس كەلگەن.تۈۋەندە بىز بۇ ھەدىسلارغا قاراپ باقايلى.
1.ھەيزدار ئايالنىڭ قۇرئان ئوقۇلغان ئورۇندا ئولتۇرىشى. بۇ دۇرۇس بۇلىدىغان ئىشتۇر. بۇنىڭغا دەلىل. ئائىشە ئانىمىز مۇنداق دەيدۇ‹مەن ھەيزدار بولساممۇ رەسۇلۇللە بېشىنى مىنىڭ قۇچۇقۇمدا قويۇپ تۇرۇپ قۇرئان ئوقۇيتتى›(بۇخارى7549.نۇمۇرلۇق ھەدىس)
2.ھەيزدار ئايالنىڭ بىرەر ھاجەت بىلەن مەسچىتكە كىرىشى دۇرۇس. بۇنىڭغا دەلىل ‹ئائىشە ئانىمىز مۇنداق دەيدۇ‹رەسۇلۇللە ماڭا مەسچىتتىن بىر جايناماز سۇنۇپ بەرگىن!-دىدى. مەن:- مەن ھەيزدار دىسەم،رەسۇلۇللە:ھەيىزىڭ سىنىڭ قۇلۇڭدا ئەمەس دىدى›(مۇسلىم رىۋايەت قىلغان298.نۇمۇرلۇق ھەدىس)
3.ھەيزدار ئايال بىلەن بىرگە يېتىش دۇرۇس.بۇنىڭغا دەلىل‹ئۇممۇ سەلەمە ئانىمىز مۇنداق دەيدۇ:مەن رەسۇلۇللە بىلەن بىر كىيىمنى يېپىنچا قىلىپ ياتقانىدىم.شۇ ئاردا مەن ھەيىز كۈرۈپ قېلىپ ئاستا ئورنۇمدىن-دە ھەيىزلىك كىيمىمنى ئېلىپ كەيمەكچى بۇلىۋېدىم،رەسۇلۇللە:ھەيىز كۆردۇڭمۇ؟-دىدى،
مەن:ھەئە،-دىسەم رەسۇلۇللەمىنى يېنىغا چاقىردى.ئىككىمىز يەنە شۇ بىر كىيىمنى يېپىنچا قىلىپ ياتتۇق (بۇخارى رىۋايەت قىلغان 298)
4.ھەيزدار ئايالنىڭ ئاغىزى تەگكەن نەرسىنى يىيىش دۇرۇس.بۇنىڭغا دەلىل.‹ئائىشە ئانىمىز مۇنداق دەيدۇ:مەن ھەيزدار ۋاقىتتا رەسۇلۇللە مىنى چاقىراتتى،بىللە تاماق يەيتتۇق.رەسۇلۇللە سۈڭەكلىك بىر پارچە گۆشنى ئېلىپ ئاۋۋال سەن يىگىن،دەپ تۇرۋالاتتى.مەن ئازراق غاجاپ قويغاندىن كىيىن رەسۇلۇللە مىنىڭ ئاغىزىمنى قويغان يەردىن غاجايتتى.ۋە بىر نەرسە ئىچسە ئاۋۋال مىنى ئىچ دەيتتى.مەن ئىچىپ بولغاندا ئۇ مىنىڭ ئاغىزىمنى قويغان يەرگە ئاغىزىنى قويۇپ ئىچەتتى.(نەسەئىي رىۋايەت قىلغان.ئالبانى سەنەدى سەھىھ دىگەن)
5.ھەيزدار ئاياللارنىڭ دۇئا قىلىشى،ۋە قىلىنغان دۇئاغا ئامىن دەپ بىرىشى دۇرۇستۇر. بۇنىڭغا دەلىل.ئۇممۇ ئەتىيە رەزىيەللاھۇ ئەنھۇدىن رىۋايەت قىلنىدۇ.رەسۇلۇللە مۇنداق دىگەن:ئەلۋەتتە بالىغ بولغان ئايال،بالاغەتكە يېقىن بۇپ قالغان قىزلار،سۇتىر ھىجاب ئىگىلىرى،ئايرىمخاندىكىلەر،ھەيزدار ئاياللارمۇ ھېيىت نامىزىغا چىقىدۇ.ياخشىلىققا،مۆئىمىنلەرنىڭ دۇئاسىغا ھازىر بۇلۇپ قاتنىشىۋالىدۇ.ھەيزدار ئاياللار نامازگاھىمىزدىن يىراق تۇرۇپ ئايرىلىدۇ(يەنى ناماز ئوقۇمايدۇ.ئەمما زىكىر،دۇئا،تەكبىر ھەممىنى ئاڭلايدۇ)(بۇخارى،مۇسلىم،نەسەئى قاتارلىقلار رىۋايەت قىلغان)
6.ئەر-خوتۇن ئۆزىنى تۇتالمىسا ھەيزدىن ساقايغىچە ئۇرۇننى ئايرىپ يېتىش كىرەك. بۇنىڭغا دەلىل.ئائىشە ئانىمىز مۇنداق دەيدۇ:رەسۇلۇللە ئاياللىرىدىن ھەيز كۆرۈپ قالغىنى بىلەن قۇچاقلاشماقچى بولساھەيز كىلىپ تۇرۋاتقان بولسىمۇ ئۇنى ئىشتىننى كىيۋېلىشقا بۇيرۇيتتى.ۋە ئاندىن قۇچاقلىشاتتى.ئائىشە:كىممۇ رەسۇلۇللەتەك ئۆزىنى تۇتالايدۇ؟،دىدى(بۇخارى رىۋايىتى)
7.ھەيزدار ئايالنىڭ قۇرئاننى تۇتماي ئوقۇشى ۋە باشقىلارغا ئۆگىتىشى،ئۈن ئالغۇ،رادىئولاردىن ئاڭلىشى زىكىر تەسبىھلەرنى ،ئىستىرجائ ۋە ھەر خىل دۇئالارنى ئوقۇشى ۋە قۇرئان ئۆگىنىۋاتقان قىزلارنىڭ ھەيزدار مەزگىلىدىمۇ قۇرئان ئوقۇشنى توختىتىپ قويماسلىقىنىڭ دۇرۇس ئىكەنلىكىنى بىر يەردە كۆرگەن ئىدىم ئەمما قەيەردە كۆرگىنىم ئىسىمدە يوق. بىلىدىغانلارنىڭ ئىنكاس ئارقىلىق يېزىپ قۇيشىنى ئۇمىت قىلىمەن. بۇلار ھەيزدارلار قىلسا دۇرۇس بۇلىدىغان ئاز بىر قىسىم ئىشلاردۇر. مىنىڭ بۇ يەردە توختۇتۇپ قۇيشۇم پەقەت يۇقارقى 7تۈرلۈك ئىشلارلا دۇرۇس، ئۇندىن باشقىسى دۇرۇس ئەمەس دىگەننى بىلدۇرمەيدۇ.
ھەيزدار ھالەتتە قىلسا بولمايدىغان ئىشلار.
1. جىما قىلىش قەتئىي ھارام بۇ توغۇرلۇق يۇقۇردا توختالدۇق.
2. ھەيزدار ئاياللارنىڭ ناماز ئۇقۇشى،روزا تۇتىشى ھارام. چۇنكى رەسۇلۇللەنىڭ ئاياللىرى ۋە بۇ ئۇممەتنىڭ ياخشىلىرى ئۇنداق قىلمىغان. ئەمما روزىسىنىڭ قازاسىنى كىيىن تۇلۇقلاپ تۇتىدۇ. نەچچە كۇن تۇتالمىغان بولسا ساقايغان چاغدا شۇ كۇننى تۇلۇقلاپ تۇتىدۇ.بىراق نامازنىڭ قازاسىنى ئوقۇمايدۇ. بۇنىڭغا دەلىل.ئائىشە ئانىمىز بۇ توغۇرلۇق سۇراپ كەلگۈچىگە‹ ھەيز كۆرۈپ قېلىپ روزا تۇتالمىساق كىيىن قازاسىنى تۇتۋېلىشقا،ئەمما نامازنىڭ قازاسىنى ئوقۇماسلىققا بۇيرۇلاتتۇق› دىگەن(مۇسلىم رىۋايىتى)
3. ھەيزدار مەزگىلىدە ئايالىنى تالاق قىلىش خاتا. بۇنىڭغا دەلىل ئۈمەرئبنى خەتتابنىڭ ئوغلى ئابدۇللاھ ئايالىنى ھەيزدار مەزگىلدە تالاق قىلغان.رەسۇلۇللە ئۇ تالاقنى بىكار قىلغان. تالاق قىلىش،ئايالى ھەيزدار ئەمەس ۋاقىتتا دۇرۇس. بولمىسا سۈننەتكە خىلاپلىق قىلغان بۇلىدۇ.
4. ھەيزدار ئايالنىڭ قۇرئاننى بىۋاستە تۇتىشى دۇرۇس ئەمەس. ئەگەر زۇرۇر بۇلۇپ قالسا بىر نەرسە بىلەن تۇتسا دۇرۇس. ئىبنى ئۈمەر رەزىيەللاھۇ ئەنھۇدىن رىۋايەت قىلىنىدۇ. رەسۇلۇللە مۇنداق دىگەن«قۇرئاننى پەقەتلا پاك كىشىلەرلار تۇتالايدۇ،پاك ئەمەس كىشىلەر تۇتالمايدۇ»(تەبرانى توپلىغان سەھىھ) بەزى ئالىملار قۇرئاننى تاھارەتسىز تۇتۇشقا قەتئىي بولمايدۇ دەيدۇ. يەنە بەزىلىرى جۇنۇپ ۋە ھەيزدار بولمىسىلا كىچىك تاھارىتى بولمىغان ھالەتتە تۇتسا بۇلىدۇ دەيدۇ. بولسا ئامال بار قۇرئان تۇتۇشنىڭ ئالدىدا تاھارەت ئېلىۋېتىپ تۇتسا ياخشى. چۈنكى قۇرئان مۇسۇلمانلارنىڭ ھۆرمەتلەشكە،ئۇلۇغلاشقا لايىق بولغان بىردىنبىر ئىلاھىي كىتاب.
بۇلار بولسا ئاللاھنىڭ ماڭا بىلدۇرگىنى. ئەگەر خاتا يەرلىرى بولسا كۆرسىتىپ قويساڭلار خۇشاللىق بىلەن قۇبۇل قىلىمەن. ئىنسان خاتالىقتىن خالىي ئەمەس.
تەييارلىغۇچى: ھەمزە
تېخىمۇ كۆپ دىننىي بىلىملەرنى ئالماقچى بولسىڭىز بۇ يەرگە مەرھەمەت قىلىڭ
