دىئاگنوز
ساراڭلار ساناتورىيىسىنىڭ دوختۇرى يېڭى كىرگەن ساراڭغا دىئاگنوز قويماقچى بولۇپ سۇئال سوراشقا باشلاپتۇ.
دوختۇر:« سەن راستلا پەقەت پايپىقىڭنى ئۆيۈڭدىكىلەر بەك سېسىق دېگەنلىكى ئۈچۈنلا بۇ يەرگە داۋالانغىلىكەلدىڭمۇ؟»
بىمار:«شۇنداق»- دەپ بولۇپ يەنە پىچىرلاپ داۋاملاشتۇرۇپ :« مەن يۇڭ پايپاقنى بەك ياخشى كۆرىمەن»-دەپتۇ.
دوختۇر:« بۇنىڭ ئەجەبلەنگىدەك نەرى بار، نۇرغۇن ئادەم يۇڭ پايپاقنى ياخشى كۆرىدۇ، شەخسەن مەنمۇ بەك ياخشى كۆرىمەن!»-دەپتۇ.
بۇنى ئاڭلىغان بىمارھاياجانلىنىپ دوختۇرغا قاراپ دەپتۇ:«راستمۇ؟ ئۇنداقتا سىز قورۇپ يېگەنگەئامراقمۇ، ياكى دۈملەپ يېگەنگىمۇ؟
مۇھەببەت خىتى
بىر يىگىت قىز دوستىغا بىر پارچە مۇھەببەت خىتى يېزىپتۇ. يىگىت قىزنى ئىنتايىن ياخشى كۆرىدىغانلىقىنى بىلدۈرۈش ئۈچۈن خەتنىڭ كەينىگە يا ئوقى ئۆتكۈزۈلگەن بىر قانچە يۈرەكنى سىزىپ قويۇپتۇ. بىر قانچە كۈندىن كېيىن قىزدىن جاۋاپ خەت كەپتۇ، خەتتە مۇنداق يېزىلغانكەن: خېتىڭىزنى تاپشۇرۇپ ئالدىم، بىراق خېتىڭىزنىڭ كەينىدىكى يۈرەك كاۋىپى نېمىنى چۈشۈندۈرىدۇ.
كالاچنى ئۇپرىتىپ
بىر كۈنى ھېسامكامنىڭ ئايالى زىمىنىخان ھەدەم بىر قاتار چايغا بېرىپ، تۇيۇقسىز بىر ئىش ئېسىگە كېلىپ چايدىكىلەرگە:
_ مەن ئۆيگە بىر بېرىپ كېلەي،_ دەپتۇ.
_ نېمىشقا؟ نېمە بولدى؟_ دەپ سوراپتۇ باشقىلار.
- مەن بىر بېرىپ كەلمىسەم بولمايدۇ،_دەپتۇ ۋە ئۆيىگە قاراپ مېڭىپتۇ.
زىمىنىخان ھەدەم ئۆيىگە كېلىپ، ئىشىكنى چېكىپتۇ، ھېسامكام ئۇخلاپ قاپتىكەن.
_ مەن زىمىنىخان.
_ نېمە بولدى؟ قايتىپ كەپسەنغۇ بىردەمدىلا.
_ سىز ئۇخلاپ قالغان بولسىڭىز، توكنى ئۆچۈرمىسە، توك پۇلى جىق چىقىپ كېتەمدىكىن، دەپ قايتىپ كەلدىم.
_ ۋاي مەن توكنى نەۋاق ئۆچۈرۈپ بولدۇم، نېمىشقا ئارتۇق يول ماڭىسەن؟ كالاچنى ئۇپرىتىپ،_ دەپتۇ ھېسامكام.
دوختۇرخانىدا
چىرايلىق بىر قىز دوختۇرخانىغا كىرىپ قالدى- دە، سېستىراغا ئوخشاپ كېتىدىغان بىر ئايالدىن ئەدەپ بىلەن سورىدى: مەن كىرىپ شۈكسۇننى كۈرۈپ چىقسام بۇلامدۇ؟ ئەلۋەتتە بۇلىدۇ، مۇنداق سوراپ باقاي، ئۆزىڭىز كىم بۇلىسىز؟ مەن ئۇنىڭ سىڭلىسى بۇلىمەن،- جاۋاب بەردى قىز . سىزنى كۆرگىنىمگە ناھايتى خوشالمەن دېدى ئايال،- مەن شۈكسۇننىڭ ئانسى بولىمەن.
ئوت كەتكەندە
مىھمانخانغا تۇيۇقسىز ئوت كەتتى، مىھمانلارنىڭ ھەممىسى سىرىتقا قاراپ قېچىشتى، ئۇلاردىن ئىككىسى كوچىدا تۇرۇپ پاراڭلىشىپ قالدى: قېچىپ چىقىشتىن بۇرۇن،- دىدى بىرسى، مەن بىر ياتاققا كىرسەم بىر مۇنچە پۇل تۇرۇپتۇ، ئۇ پۇل بەرىبىر ئوتتا كۈيۈپ كىتەتتى، شۇڭا مەن ئۇ پۇلنى ئېلىۋالدىم. مىنىڭ كىملىكىمنى بىلەمسىز سورىدى يەنە بىرسى. بىلمەيمەن. مەن دىگەن ساقچى. ھە،- دەپ ۋارقىردى ئالدىنقى كىشى، مىنىڭ كىملىكىمنى سىز بىلمەمسىز؟ بىلمەيمەن. مەن دىگەن يازغۇچى، دائىم تېخى يۈز بەرمىگەن ئىشلار توغرۇلۇق ھېكايە تۇقۇپ چىقىدىغان ئادەممەن.
مايمۇن
بىر كۈنى باغدادتىكى بىر ئاقسۆڭەك بىرسىدىن سوراپتۇ:
--- قانداق قىلسام مايمۇننى كۆرەلەيمەن؟
--- ئەينەككە قارىسىڭىزلا.
