مەن ئۇيقۇسىز ئاشۇ كېچىدە،
مەن ئۇيقۇسىز ئاشۇ كېچىدە،
جۈپ كۈزۈمدىن قاچقاندا ئۇيقۇ .
خىيالىمدا سەن بىلەن بىللە -
يۈرىكىمدە شىرىن بىر تۇيغۇ .
مەن ئۇيقۇسىز ئاشۇ كېچىدە ،
ئايلاندىم ھەم كوچىدا يالغۇز .
يالغۇز ئەمەس روھىڭ مەن بىلەن ،
ھەمرا يەنە كۆكتىكى يۇلتۇز .
مەن ئۇيقۇسىز ئاشۇ كېچىدە ،
خوش دىگىنىڭ كەلدى ئىسىمگە .
بىر ئايلىقلا بولسىمۇ ھىجران ،
تەسىر قىلدى بەكلا جىسمىمگە .
مەن ئۇيقۇسىز ئاشۇ كېچىدە ،
سېغىنىشىم ئاشتى ھەسىلەپ .
بىز سىرداشقان دەرەخ تۈۋىدە ،
تۇردۇم ئۇزاق كۆڭلۇمنى بەزلەپ .
مەن ئۇيقۇسىز ئاشۇ كېچىدە ،
ئېيىتقان ناخشاڭ كەلدى يادىمغا .
خىيالىمدا خىتاب قىلدىڭ سەن ،
دېدىڭ"يەتكىن ئۆزۈڭ ھالىڭغا".
مەن ئۇيقۇسىز ئاشۇ كېچىدە ،
كەلمىكىڭنى ئويلاپلا چىقتىم .
ئويغاق تۇرۇپ شىرىن چۈش كۈرۈپ ،
چۈشلىرىمدە بېلىڭنى سىقتىم .
مەن ئۇيقۇسىز ئاشۇ كېچىدە ،
توساتتىنلا يامغۇر قۇيۇلدى.
ھۇزۇرلۇنۇپ يامغۇردىن تىنم ،
سەن ئەۋەتكەن سوغات تۇيۇلدى .
مەن ئۇيقۇسىز ئاشۇ كېچىدە ،
تاڭ ئاتقاننى سەزمەي قاپتىمەن .
تاڭ سەھەردە چىكىلسە ئىشىك ،
سىنى كەلگەن چېغى دەپتىمەن .
خاتىمە
كەلگىن جانان يېنىمغا تىزراق ،
قېنىۋالسۇن يۈرەك ۋىسالغا .
بىر ساڭىلا كۆنگەن بۇ يۈرەك ،
كۆنەلمىدى تەنھالىقىمغا .
مەنبە : ئىجادى ئەسەر
