(يۇمۇرلار)

• (يوللانغان ۋاقتى: 2011-يىلى03-ئاينىڭ17-كۈنى  چېكىلىشى: قىتىم)

  تازا ھېجىيىدىغان بولدۇڭلار! (يۇمۇرلار)

                                                تەييارلىغۇچى ؛ رۇستەم 

                                                               قايچا ئىزدەش

  چاچلىرى ئۆسۈپ پاخپىيىپ كەتكەن بىر يىگىت ساتىراشخانىغا چېچىنى ياساتقىلى كىرىپتۇ. ساتىراش ئەمدىلا ئىش باشلاپ بىردەمدىن كېيىن، بىر ماگنىتنى يىگىتنىڭ بېشىدا ئۇياقتىن-بۇياققا يۈگۈرۈتكىلى تۇرۇپتۇ. بۇنىڭدىن قاتتىىق ئىچى پۇشقان يىگىت ئۇنىڭدىن ؛

  -ئۇستام، بۇ سىزنىڭ يېڭىچە چاچ ياساش تېخنىكىڭىزمۇ؟ ---دەپ سۇراپتۇ.

  -ياق، مەن قايچىنى ئىزدەۋاتىمەن، --- دەپتۇ ساتىراش پەرۋاسىزلا.

   

                                              تەكلىپ قىلىشنىڭ سەۋەبى

  -بايىقى ئادەم چىش تارتىش كەسپىنى پەقەتلا بىلمەيدىكەن، نىمىشقا ئۇنى خىزمەتكە تەكلىپ قىلىسىز؟ ---دەپ سۇراپتۇ بىر چىش دوختۇرىنىڭ ئايالى ئېرىدىن.

  -ئۇ ئىلگىرى ئارغامچا تارتىشىش مۇسابىقىسىگە كۆپ قېتىم قاتناشقانىكەن، ---دەپتۇ دوختۇر.

   

                                                               پەرقى يوق

  ئايالى ئېرىنى يوقلاپ تۈرمىگە بېرىپتۇ ۋە ئۇنىڭدىن؛

  -بۇ يەردە كۈنلىرىڭىز قانداق ئۆتۈۋاتىدۇ، جاپا چېكىۋاتامسىز؟---دەو سۇراپتۇ.

  -ئۆيدىكى كۈنلىرىم بىلەن ئانچە پەرقى يوق، بۇ يەردىمۇ سىرىتقا چىققىلى قويمايدۇ،ھاراق ئىچكىلى قويمايدۇ، تامىقىمۇ بەك ناچار، ---دەپتۇ ئېرى زارلانغان ھالدا.

   

                                                          توينىڭ مەسلىھەتى

  دادىسى قىزىغا كۆيۈنگەن قىياپەتتە دەپتۇ؛

  -تۈنۈگۈن ئوغۇل دوستۇڭ مېنى ئىزدەپ كەپتۇ، سەن بىلەن بەك توي قىلغۇسى باركەن، مەن ئاخىر قوشۇلدۇم..

  قىزى ؛

   -بىراق دادا، مەن ئاپامدىن ئايرىلالمايمەن، شۇڭا توي قىلغۇم يوق،-- دەپتۇ. 

  دادىسى ؛

  --شۇنداقمۇ، قىزىم سېنىڭ بەختىڭگە ئولتۇرغۇم يوق، بولدى، ئاپاڭنىمۇ بىللە ئېلىپ كەتكىن!

   

                                                                            ئۇخلىتىش

  بىر ئەر - ئايالنىڭ ئوغلى پەقەت ئۇخلىغىلى ئۇنىماپتۇ. دادىسى ئۇنىڭغا قىزقارلىق ھېكايە ئېيتىپ بىرىپ ئۇخلاتماقچى بوپتۇ. بىر سائەت ئۆتۈپ كېتىپتۇ، دادىسى ئوغلىنىڭ ھۇجرىسىدىن چىقماپتۇ. بىر چاغدا ئاپىسى ئىشىكنى ئاستا ئېچىپ پەس ئاۋازدا ؛

  ئۇ ئۇخلىدىمۇ؟، - دەپ سۇراپتۇ..

  .-ھەئە ، ئۇخلاپ قالدى،- دەپ جاۋاپ بېرىپتۇ ئوغلىمۇ پەس ئاۋازدا.

   

                                                         ئالدىنى ئېلىش

  بىر قوقۇنچاق كىشى ئوپراتىسيە ئۆيىگە ئېلىپ كىرىلىپتۇ. ئۇ دوختۇر ۋە سېستىرالاردىن ماسكىسىنى تاقىماسلىقنى ئۆتۈنۈپتۇ.

  -بولمايدۇ، بىز چوقۇم ماسكا تاقىشىمىز كېرەك، بۇ دېگەن تۈزۈم، --- دەپتۇ دوختۇر.

  -بولدى مېنى ئالدىماڭلار، سىلەر ئوپراتىسيە جەريانىدا بىرەر ئىش چىقىپ قالسا، مېنىڭ سىلەرنى تونۇۋېلىپ كېيىن ئاۋارىچىلىق تېپىپ بىرىشىمدىن ئەنسىرەپ شۇنداق قىلىۋاتىسىلەر، ---دەپتۇ كېسەل.

   

   

                            مەنبە ؛  شىنجاڭ ‹‹ئامانلىق›› ژۇرنىلىدىن ئېلىندى.

  2010-يىل 5-سان.