دوستلىشىشقا بولمايدىغان كىشىلەر

• (يوللانغان ۋاقتى: 2011-يىلى04-ئاينىڭ12-كۈنى  چېكىلىشى: قىتىم)

      ئىچ سىرىنى بەرمەيدىغانلار _ بەزى دوستلار ئۆزىنىڭ ئىقتىدارىنى يوشۇرىدۇ ، ئۆزىگە ناھايىتى پۇختا ، نەچچە ئون يىل  ئارلاشسىڭىزمۇ ئۆزىنىڭ ئوي - خىياللىرىنى بىلدۇرمەيدۇ ، شۇنداقلا ئۆزىنىڭ كەمچىلىكىنىمۇ تۈزەتمەيدۇ . بۇنداق ئادەملەر بىلەن ئارلاشقاندا ئادەم ئۇلارنىڭ سەمىميىتىدىن گۇمانلىنىپ قالىدۇ .
     پايدا  - مەنپئەتنى كۆزلەيدىغانلار _  بۇنداق دوستلار سىزگە بۇدۇشقاقتەك چاپلىشۋىلىپ باك ئاۋارە قىلىدۇ . پايدا يەتسە ، سىز بىلەن ئارلىشىدۇ ، پايدا يەتمىسە دەرھاللاھ يىراقلىشىدۇ .
     پىتنىخورلار _ بەزىلەرنىڭ ھىچقاندا ق قابىليىتى يوق ، ئەمما چېقىمچىلىق قىلىپ زىددىيەت سېلىشقا ماھىر ، ئۆسەك سۆز تارقىتىشقا ئامراق ، ھەتتا تۇخۇمدىن تۈك ئۈندۈرىدۇ . بىر توپتا مۇشۇنداق ئادەمدىن بىر - ئىككىسى بولسا ئىتتىپاقلىق بۇزۇلىدۇ .

  تور دۇنياسىدىكى چاقنىغان يۇلتۇز - ئىز تورى!

  
     ۋەدىسىدە تۇرمايدىغانلار _ بەزىلەر ئالدىڭىزدە ئىش ، ۋەزىپىلەرنى بولۇشچە  ئۈستىگە ئېلىۋالىدۇ ، ئەمما ھېچ ئىشنى بىجىرمەيدۇ ، لەۋزىدە تۇرمايدۇ ، بۇنداق ئادەملەرگە ئىش تاپشۇرۇشقا بولمايدۇ .
    تۇتۇرۇقسىز گەپ قىلىدىغانلار _ بۇنداق دوستلار زوق - شوخ بىلەن گەپ قىلىدۇ ، مەمەدانلىق قىلىدۇ ، تاغدىن - باغدىن  سۆزلەيدۇ ، تۇتۇرۇقسىز گەپ قىلىدۇ . بۇنداق ئادەملەر بىلەن ئارلاشسىڭىز  سىزگە ئازراقمۇ ياخشى تەرىپى يۇقمايدۇ .
     مەنسەپنى تونۇپ ، ئادەمنى تونۇمايدىغانلار  _ بۇنداق ئادەملەر ھوقۇقىڭىز بار چاغدا سىزگە بولۇشىچە خۇشامەت قىلىدۇ ، ئەمما دەم ئېلىشقا چىققاندا  دەرھال سىزدىن يۈز ئۆرۈپ ، يېڭى يۆلەنچەك ئىزدەيدۇ .

  ئىز تورى www.iz.la

  
     زىيادە يىقىنچىلىق قىلىدىغانلار _ بەزى دوستلار ناھايىتى قىزىققاق ، باشقىلارنىڭ ئىشلىرىنى يىپىدىن يىڭنىسغىچە سورايدۇ ، بۇنداق دوستلار بىلەن ئارلاشسا ئادەمنى ھاردۇرۋېتىدۇ .
    مىجەزى زىيادە ئېغىرلار  _  بەزىلەر تۇغۇلىشىدىنلا جىمغور ، باشقىلار بىلەن ئارلىشىشنى خالىمايدۇ . سىز ئۇنىڭغا  قىزغىن مۇئامىلە قىلسىڭىز پەرۋا قىلمايدۇ ، بۇنداق دوستلار بىلەن  ئارلاشمىغان تۈزۈك .
    مەنبە _ << پەن  ۋە  تۇرمۇش   >>  ژۇرنىلىدىن ئىلندى .