سەن كەتسەڭ ئەگەر (مەھەممەتجان راشىدىن)

• (يوللانغان ۋاقتى: 2010-يىلى06-ئاينىڭ02-كۈنى  چېكىلىشى: قىتىم)

  ئۆلۆمنى تالاشما مەندىن ئەزىزىم ، سەن قالغىن مەن كىتەي سىنىڭ ئالدىڭدا . سەن كەتسەڭ بۇ ئۆيدىن قوياش كەتمەمدۇ ، بالىلار قالمامدۇ غۇۋا ئايدىڭدا . . ئالەمگە ئايدىڭنىڭ نۇرى قانچىلىك ، نە قىلسۇن مەندە نۇر مەندە ھاھارەت . ئۆيىمىز زۇلمەتقۇ سەن كەتسەڭ ئەگەر ، سەن بىلەن كەتمەمدۇ بەركەت ھالاۋەت. . يوق مىنىڭ بىمەھەل سەندىن ئايرىلىپ . جۇدالىق دەردىنى تارتقىدەك ھالىم . بولساممۇ ھەر قاچان قەدىردان ئاتا ، ئانىدەك بولماققا يوقتۇر ئامالىم . . ئۆلۆمى تالاشما مەندىن ئەزىزىم ، بالىلار مەن ئەمەس ،سەنبىلەن قالسۇن . سەن كىتىپ مەن قالسام تۈگەشكىنىم شۇ ، ئۇ كۈندىن يۈرىكىم قانداقچە ،تانسۇن . . بىلمەيسەن يىتىم بار يىتىملاردىمۇ ، ئانىسىز قالغانلار ھەقىقى يىتىم . ئاتىلار بىر سۆيسە پەرزەنتىنى كۈندە ، ئانىلار يۈرىكى سۆيەر مىڭ قىتىم . . ئايىقى تارتىلىپ نەۋرىلەرنىڭمۇ ، سەن كەتسەڭ ئۇچمامدۇ ئۆينىڭ پەركايى . سەن بولغاچ مەن تىخى كۆرمىگەن دەردلەر ، سەن كەتسەڭ قىلمامدۇ مىنى سازايى ؟ . سەن كەتسەڭ تەكچىدە گۈللەر ئاينىماس ، غىرىبلىق ئىلكىدە قالمامدۇ ھويلا ؟ تەس ماڭا سېنىڭسىز سۇپراڭنى يايماق ، ئۇچراشماق ئاي -ئايلاپ قزانغا چويلا . . سەن سالغان تونورنى سالالماس ھىچكىم ، ئوت سېلىش قولومدىن كەلسچۇ كاچكى . قىرىق يىل ئاتقان تاڭ سەن بىلەن بىللە ، ئويلىسام ،تەسەللى بەرسىچۇ كاشكى . . ئىككىمىز بىر ئۆمۆر ئىيتقان ناخشىنىڭ ، مەن كىتەي ، ئاخىرى دەن بىلەن چۈشسۇن . يوقومنى چاندۇرما ،كەلگەن -كەتكەنلەر ، مەن باردەك قولوڭدىن ئىسسىق چاي ئىچسۇن . <مۇھەممەتچان راشىدىن