تەلئەت سابىت
قول – پۇتلارنىڭ مۇزلاپ تۇرۇشى كىشىلەرگە ئاۋارىچىلىك كەلتۈرىدۇ، ئۇ بەزى كېسەللەرنىڭ بېشارىتىدۇر. شۇڭا ئۇنىڭغا ئالاھىدە دىققەت قىلىش كېرەك.
كۆپ ئورۇندا پەيدا بولىدىغان چوڭ ئارتېرىيىلەر يەللىكى: بۇ كۆپىنچە ياش ئاياللاردا كۆرۈلىدۇ. دائىم كۆپ ئورۇندىكى چوڭ، ئوتتۇرا ئارتېرىيىلەردە، مەسىلەن: ئائورتا، قورساق ئائورتىسى، باش، بىلەك ئارتېرىيىسى، يۇقىرىقى، تۆۋەنكى مۈچىلەر(قول – پۇت) دە پەيدا بولىدۇ، ئەگەر تۆۋەنكى مۈچە ئارتېرىيىلىرى يەللىكلەنسە تۆۋەنكى مۈچە مۇزلاپ تۇرىدۇ. ئىز تورىدا ئىزلىرىمىز قالسۇن!
قان نوكچىسى توسۇلۇش خاراكتېرلىك تومۇر يەللىكى: بۇ ئوتتۇرا ياشلىق ئەرلەردە كۆپ ئۇچرايدۇ. دەسلەپكى دەۋرىدە پاچاق ۋە پۇت تېرىلىرى مۇزلايدۇ، تېرە تاتىرىدۇ ياكى كۆكىرىدۇ، ماڭغاندا ئاغرىيدۇ. ئازراق ئارام ئالغاندىن كېيىن ياخشىلىنىدۇ، كېسەل ئەھۋالى تەرەققىي قىلسا ئاغرىق مۈچىنىڭ تېرىلىرى قۇرغاقلىشىدۇ، مۇسكۇللار يىگىلەيدۇ، ئاغرىش ئېغىرلىشىدۇ، بولۇپمۇ كېچىسى قاتتىق ئاغرىيدۇ.
copyright by www.iz.la
توسۇلۇش خاراكتېرلىك ئارتېرىيە قېتىشىش كېسىلى: بۇ كېسەل ئوتتۇرا ياشلىق ئەرلەردە كۆپ ئۇچرايدۇ. بۇ كېسەل دائىم يۇقىرى قان بېسىمى، يۈرەك كېسىلى، يۇقىرى ياغلىق قان كېسىلىگە قوشۇلۇپ كېلىدۇ. ئۇنىڭ ئىپادىسى قان نوكچىسىدىن توسۇلۇش خاراكتېرلىك تومۇر يەللىكىگە ئوخشاپ كېتىدۇ. ئەمما ئۇنىڭ پەيدا بولۇش دائىرىسى كەڭ، ئىككى تەرەپ تۆۋەنكى مۈچىدە بىرلا ۋاقىتتا پەيدا بولىدۇ، كېسەل ئەھۋالىنىڭ تەرەققىياتى تېز بولۇپ، بالدۇرلا نىكروزلىنىدۇ. ئىز تورىدا ئىزلىرىمىز قالسۇن!
يۈرەك قان تومۇرى كېسىلى: يۈرەك قان تومۇرى كېسىلى بىلەن ئاغرىغانلاردا قان مىقدارى ئازىيىپ، ھىماتىن (قان قىزىل ماددىسى) بىلەن قىزىل قان شارچىلىرى تۆۋەنلەيدۇ ياكى قان تومۇرىلىرى توسۇلغاندا، قول – پۇتلار مۇزلايدۇ، بۇنىڭغا يۈرەك ئاجىزلاش، باش قېيىش، يۈرەك سوقۇشى ئاستىلاش، يۈرەك رىتىمسىزلىقى قاتارلىق ئالامەتلەر قوشۇلۇپ كېلىدۇ. ئىز تورى بەك ياخشى
باشقا كېسەللەر: قالقان بەز فۇنكسىيىسى تۆۋەنلەش، چوڭ ئارتېرىيىلەر يەللىكى، قان ئازلىق، تۆۋەن قان بېسىمى، رېماتىزملىق يۈرەك يەللىكى قاتارلىق كېسەللەر بىلەن ئاغرىغۇچىلاردىمۇ قول – پۇت مۇزلايدۇ. ئۇنىڭدىن باشقا روھىي بېسىم زىيادە يۇقىرى بولۇش، روھىي ھالىتى زىيادە سەزگۈر، ئادەتتە زىيادە ئالدىراڭغۇ، دائىم كۆڭلى بىئارام يۈرىدىغان كىشىلەردىمۇ قول – پۇت مۇزلاش كۆپ كۆرۈلىدۇ. قول – پۇتى مۇزلاپ تۇرىدىغان كىشىلەر ئىچىدە ئاياللار مۇتلەق كۆپ ساننى ئىگىلەيدۇ. بۇنىڭ سەۋەبى ھەيز ۋە پەرزەنت كۆرۈش كەلتۈرۈپ چىقىرىدىغان ھورمونلارنىڭ ئۆزگىرىشى ۋېگېتاتىۋ نېرۋا سىستېمىسىغا مەلۇم تەسىر كۆرسىتىدۇ. بۇنداق ۋېگېتاتىۋ نېرۋا سىستېمىلىرىنىڭ سەزگۈرلۈكى تېرە ئاستى قان تومۇرلىرىنى قىسقارتىپ، قان ئېقىمىنى ئازايتىپ، قول – پۇت مۇزلاشنى كەلتۈرۈپ چىقىرىدۇ. 40 ياشتىن ئاشقان ئاياللىق ھورمونى يېتىشمەيدىغان كىلىماكتېرىيە دەۋرىدىكى ئاياللار، تۇغۇتلۇق ئاياللار ياكى يۈرەك فۇنكسىيىسى نورمالسىزلاشقانلار، قالقان بەز فۇنكسىيىسى تۆۋەنلىگەنلەر، ئوزۇقلىنىشى ناچارلار، قان ئازلىق، تۆۋەن قان بېسىمى، داس يەللىكى ئاغرىقلىرىدا قول – پۇت مۇزلاش دائىم كۆرۈلۈپ تۇرىدۇ. ئىز تورىدا ئىزلىرىمىز قالسۇن!
قول – پۇتى مۇزلايدىغانلار ئىچىدە بۇ ئەھۋال كېسەل ئامىلىدىن بولمىغان بولسا، تۇرمۇش ئادىتىنى ئۆزگەرتىشى، بەدەن چېنىقتۇرۇشنى كۈچەيتىشى كېرەك. بولۇپمۇ ئۇزاق مۇددەت ئولتۇرۇپ ياكى ئۆرە تۇرۇپ ئىشلەيدىغانلار ئىش ئارىلىقىدا گىمناستىكا ئوينىشى، قول – پۇت ۋە بەدەن قىسمىنى دائىم ھەرىكەتلەندۈرۈپ، قان ئايلىنىشنى كۈچەيتىشى كېرەك. ۋىتامىن B1، B12لەرنى تولۇقلاپ تۇرۇشى، ئۇنىڭدىن باشقا قارا گۈرۈچ، قارا چىلان، قارا پۇرچاق، قارا كۈنجۈت، قارامور، قىزىل دېڭىز يوسۇنى، كاكائۇ قاتارلىق قارا رەڭلىك يېمەكلىكلەرنى كۆپرەك ئىستېمال قىلىپ بېرىشى كېرەك. بۇ قان ئايلىنىشنى ياخشىلاپ، ئاشقازان – ئۈچەي فۇنكسىيىسىنى تەڭشەپ، قول – پۇت مۇزلاش ئەھۋالىنى ياخشىلايدۇ.
