ئىز تورى-爱智网

　　  1 . ئاياللار بىلىشى كېرەككى ، ئەرلەر ئىقتىسادنى كونترول قىلىشنى ياخشى كۆرىدۇ. شۇڭا، ئائىلىدە چوڭ«ئىقتىسادىي پائالىيەت»لەر نى ئېلىپ بارغاندا ، ئەرلەرنىڭ كۆپ قىسمى خوتۇنىنىڭ ئۆزى بىلەن مەسلىھەتلىشىشىنى ، پىكىر ئاڭلاپ بېقىشىنى ئۈمىد قىلىدۇ.      2. خىزمەت ۋە كەسىپ ئەرلەرنىڭ ھاياتىدىكى ئەڭ مۇھىم ھالقا. شۇڭا ئەرلەر ئۆزلىرىنىڭ خىزمەتكە بېرىلگەنلىكىدىن خوتۇنىنىڭ نارازى بولماسلىقىنى ئۈمىد قىلىدۇ. خىزمەت قىلىشنى بىلىش ئۇلارنىڭ شەخسىي ئوبرازى ۋە قەدىر- قىممىتىنى يارىتىشتىكى بىردىنبىر يولى.      3. كۆپ ساندىكى ئەرلەر ئۆزلىرىنىڭ ئوخشاش جىنستىكىلەر بىلەن باردى- كەلدى قىلىشىنى خوتۇنىنىڭ ھەددىدىن ئارتۇق چەكلىمەسلىكنى ئۈمىد قىلىدۇ. ئەرلەرنىڭ ھەممىسى دېگۈدەك توي قىلغاندىن كېيىن، يەنىلا بۇرۇنقى دوستلىرى بىلەن باردى- كەلدى قىلىشنى ياخشى كۆرىدۇ. ئوخشاش جىنستىكىلەر ئوتتۇرسىدىكى بۇ خىل دوستلۇق مۇناسىۋىتى ئۇلارنىڭ كۆڭلىنى ئېچىپ، روھىي جەھەتتىكى تەڭپۇڭلۇقنى ساقلايدۇ. ھالبۇكى، ئەر- خوتۇنلۇق مۇناسىۋىتى مۇنداق رول ئوينىيالمايدۇ.      4. ئەرلەر جىنسي تۇرمۇشتا خوتۇنىنىڭ تەڭ ماسلىشىشىنى ۋە ئوخشاش تەسىراتقا ئىگە بولۇشىنى ئۈمىد قىلىدۇ. ئاياللار شۇنى چۈشىنىش كېرەككى، ئەرلەرنىڭ جىنسي تۇرمۇشقا بولغان قىزىقىشى ، تۇرمۇشتىكى ئۇششاق- چۈششەك كۆڭۈلسىزلىكەر تۈپەيلىدىن تۆۋەنلەپ كەتمەيدۇ. ئاياللار بۇنىڭ ئەكسچە بولۇپ، تۇرمۇشتىكى ئازراق ئوڭۇشسىزلىقلارمۇ ئۇلارنىڭ تۇرمۇشقا بولغان قىزىقىشىنى ئاجىزلاشتۇرىۋېتىدۇ. شۇڭا ئەرلەر ئۆز ھەمراھىنىڭ بۇ جەھەتتە ئۆزىگە مومكىنقەدەر ماسلىشىشىنى ئۈمىد قىلىدۇ.      5. ئەرلەر ئائىلە ئىنتىزامىنى باشقۇرۇشتىن ئۆزىنى تارتىدۇ. كۆپ ساندىكى ئانىلار پەرزەنتلىرىنى باشقۇرۇشتا قىيىنچىلىققا يولۇقۇپ قالسا، مەسىلىنى ئاتىغا ئىتتىرىپ قويىدۇ. ئەمەلىيەتتە ، ئەرلەر  بۇنداق قىلغاننى ياقتۇرمايدۇ.      6. ئاياللار دائىم ئۆز ھەمراھىنىڭ باشقا ئاياللارغا كۆز قىرىنى سېلىشىدىن نارازى بولىدۇ. ماھىيەتتە ئەرلەرنىڭ گۈزەل ئاياللارغا مەھلىيا بولۇشى بىر خىل تەبىئىي خۇسۇسىيەت، ئۇلارنىڭ گۈزەللىكتىن ھوزۇرلىنىشى بىر تەبىئىي ئىنكاس بولۇپ، ھەرگىزمۇ ئۇلارنىڭ شاختىن- شاخقا قونۇپ يۈرگەنلىكىدىن دېرەك بەرمەيدۇ.      7. ئەرلەر ئاياللارنىڭ «كەيپى بۇزۇلۇش»ئەھۋالىنى بىر تەرەپ قىلىشقا بەكمۇ ئاجىز. شۇڭا، ئۇلار ئۆز ھەمراھىنىڭ ۋارقىراپ- جارقىراپ ئاچچىقىنى چىقىرىۋالىدىغان خۇيىدىن ناھايتى بىزار بولىدۇ.       8  . ئەرلەردە ئاز- تولا« بالىلىق مىجەز» ساقلانغان بولىدۇ. ئۇلار بەزى ئويۇن- تاماشىلار، مەسىلەن: ساياھەت قىلىش، رەسىمگە تارتىش، ئېلىكتىرونلۇق بۇيۇملار بىلەن ھەپىلىشىشكە ناھايتى ئامراق كېلىدۇ. ئەمما ئاياللار ئۇلارنىڭ بۇ خىل «بالىلىق مىجەز»گە سەۋرى- تاقەت قىلالمايدۇ. ئەمەلىيەتتە، بۇ خىل ئويۇن- تاماشىلار ئەرلەرگە نىسپەتەن ئىنتايىن مۇھىم بولۇپ، ئۇلارنى روھىي جەھەتتە ئازادىلىككە ئېرىشتۈرۈپ، خىزمەتنىڭ بېسىمىنى يېنىكلىتىدۇ.