ئاھەنگەرانغا كەلگەندىن كېيىن راھىلە ھافىز ئۆز ئىجادىنى داۋام ئەتتۈردى، شېئىر ۋە ماقالىلىرىنى ناھىيە، ۋىلايەت ، جۇمھۇرىيەت گېزىت-ژۇرناللارىدا ئېلان قىلىپ تۇردى. بۇ مەزگىلدە نىزامىي نامىدىكى تاشكەنت دۆلەت پېداگوگىكا ئىنىستىتۇتىنىڭ فلولىگىيە فاكۇلتېتىدا سىرتتىن ئوقۇدى ۋە شەھەرلىك 5-مەكتەبتە دەرس بېرىشكە باشلىدى.
تور دۇنياسىدىكى چاقنىغان يۇلتۇز - ئىز تورى!
ئىجادكار قەلبى ھەمىشە ئىلھام دەردى بىلەن يانىدۇ. راھىلە ھافىزوۋا ئۆزى ئىجاد قىلىپلا قالماي ئاھەنگەرانلىق ئىجادكار ياشلارنى «ئىلھام»كۇلۇبى ئەتراپىغا ئۇيۇشتۇرىدۇ.
ئۆزبېكىستان يازغۇچىلار ئۇيۇشمىسى ئەزاسى راھىلە ھافىزوۋا ئۆزبېكىستاندا ياشاپ شۇ زېمىنگە سادىق پەرزەنت ئىكەنلىكىنى نامايان قىلىپ ئىجاد قىلدى. «كىملىكىمنى سورىماڭ»،« پەرزەنتلىكىمنى ئادا قىلىپ» كەبى شېئىرلىرى بۇنىڭغا يارقىن مىسالدۇر. راھىلە ئاپپاينىڭ گۈزەل مىسرالىرى ئىنساننىڭ يۈرەك - يۈرەگىگە كىرىپ بارىدۇ، دىل تارلىرىنى چېكىپ تۇرىدۇ.
مەن بىراۋنىڭ ئۈستىدىن كۈلۈشكە تۇغۇلمىدىم ،
ئىز تورى ئىز تورى ئىز تورى ئىز تورى ئىز تورى ئىز تورى ئىز تورى ئىز تور
مەن بىراۋنىڭ دەستىدىن ئۆلۈشكە تۇغۇلمىدىم.
تۇغۇلدۇم يەر - جاھاننى چىمەن قىلىپ گۈللەشكە،
مەن تۇغۇلدۇم ئىنساننى يىقىلغاندا يۆلەشكە.
دەپ يازىدۇ شائىرە. راھىلە ئاپپاي بىر ئۆمۈر ئۆزىنىڭ بۇ سەترلىرىگە سادىق بولۇپ كەلمەكتە. ئۇنىڭ شېئىرلىرى ئادەملەر ئارىسىدا مېھر-ئوقۇبەت، ساداقەت-مۇھەببەت رىشتىلىرىنى باغلاشقا خىزمەت قىلىدۇ.
سىزدىدۇر ئىشەنچىم ، ئەزىز ئادەملەر،
مېھنەتىم، ئىخلاسىم قەدرىگە يەتكەن .
ۋىسالغا زار بولۇپ ئۆتكەندە دەملەر،
سىز ماڭا شادلىغۇ،بەخت ئىنئام ئەتكەن.
راھىلە ھافىز قىزى شېئىريەتىدە ۋەتەن، مىللەت تەقدىرى ھەمىشە يېتەكچى مەزمۇن بولۇپ كەلگەن:
ئىز تورىدا ئىزلىرىمىز قالسۇن!
تاشتەك چۈشۈپ باغىڭىزدا بىر گۈل بولۇپ ئاچىلدىم،
ھەۋزى كەۋسەر چەشمەسىدە تەشنالىغىم قاندۇرۇپ .
ئاھەنگەران گۈلزارىدىن خۇش ھىد بولۇپ ساچىلدىم،
ئۇيغۇر ، ئۆزبېك قەلب قەرىدىن ئۆچمەس چىراق ياندۇرۇپ.
قەلبى ئاتەش، مېھرى دەريا، باغرى ئاسمان ئۆزبېگىم،
يۇرتىڭىزدا ئەتىۋارلاندىم، قەدىر تېپىپ ئۆزلىگىم.
راھىلە ھافىز قىزىنىڭ كېيىچە بىرقانچە كىتابلىرى نەشر قىلىندى.«قەلەم ۋە بالام »، «دىل ئارامى » ، «ھايات شۇنداق » كىتابلىرى شۇلار جۈملىسىدىندۇر. ئۇيغۇر شائىرلىرىنىڭ شېئىرلىرىدىن تۈزۈلگەن «باھار سۆيگۈسى»، «چىنار شاخلىرى» ،«ئانىلار ئاۋازى» ، «شېئىرلار » ۋە «قىزىل شەپەق»، «ئاھەنگەران ئىلھاملىرى» توپلاملىرىغا ئۇنىڭ شېئىرلىرى كىرگۈزۈلگەن. www.iz.la
راھىلە ئاپپاي ئۆمۈر يولداشى ئەبدۇراززاق توختايېۋ ئاكا بىلەن ئۈچ پەرزەنتىنى ۋايىغا يەتكۈزدى. شائىرە ھازىر ئەينى ئىجادىي كامالەت پەللىسىدە تۇرماقتا. بىز ئىستەدادىل قەلەم ساھىبىغا ئۇزۇن ئۆمۈر، بەخت - سائادەت ۋە ئىجادىي ئىشلىرىغا بەرىكەت تىلەيمىز .
