|
[attachment=3062]
مۇھەببەت دېگەن بۇزۇلغان ئاھاڭ،
ئېيتقان ئۇنى ئاشىقلار كۈنۈپ.
ۋىسال پەيتى لەززەتلىك قىسقا،
چىققان شېرىن سۆزلەردىن ئۈنۈپ.
[attachment=3063]
مۇھەببەت دېگەن بۇزۇلغان ئاھاڭ،
تەمى يەرلىك شىۋىدەك تاتلىق.
يېڭى ھايات باشلىنار سەرخۇش،
كېلىپ تەلەي يىراقتىن ئاتلىق.
[attachment=3063]
مۇھەببەت دېگەن بۇزۇلغان ئاھاڭ،
شورلۇق قىسمەت باغرىدا ياتقان.
يارنى دەپلا ئۆرتىنىپ كۆڭۈل،
ئۇزۇن تۈندە قوشاققا قاتقان.
[attachment=3063]
مۇھەببەت دېگەن بۇزۇلغان ئاھاڭ،
ھەركىم بىلگەن پەدىگە چالغان.
ئوتلۇق كۈيلەر ياڭرىتىپ ئۇزاق،
كوچا-كۇينى لەرزىگە سالغان.
[attachment=3063]
مۇھەببەت دېگەن بۇزۇلغان ئاھاڭ،
ئۆرلەپ تۇرغان مۇڭىدىن پىراق.
بولۇپ نازۇك بارمىقى يارا،
تاشلاپ كەتكەن بىراۋلار يىراق.
[attachment=3063]
مۇھەببەت دېگەن بۇزۇلغان ئاھاڭ،
بارى ئەبجەش تۇيغۇدىن پۈتكەن.
ھىجران دەردى بولسىمۇ ئاچچاق،
ئەمما، شېرىن لەززىتى كۈتكەن.
[attachment=3063]
دەپ يازغانمەن سۆيگۈ خاتىرەمگە! |
بۇدۇنيا مىھرى-مۇھببەت بىلەن گۇزەلدۇر