قىزلارغا قانداق يىگىتلەر كېرەك؟ مۇھەببەت لىرىكىلىرى ئىز كۇلۇبى ئىز تورى

ئەسسالامۇ ئەلەيكۇم ئىزلە مۇنبىرىدىكى بارلىق تورداشلار سالام سىلەرگە. مەن يېڭى ئەزا بولىمەن . تېمىلارنى كۆردۇم. قارىسام مەن باشقا مۇنبەرگە يوللىغان تۆۋەندىكى تېمىغا ئوخشاش بىر توردىشىمىزمۇ ھەم قانداق قىز كېرەك توغرىسىدا تېما يوللاپتۇ. شۇڭا مەنمۇ ھەم بۇ تېمامنى مەزكۇر مۇنبەرگە يوللاپ قويۇشنى لايق تاپتىم.

بولسا گەر ئۇنىڭدا يىگىتتەك يۈرەك .
دىلىدا ئىمان بار غورۇر ھەم ۋىجدان،
جاپادا دائىما بولۇپ يار-يۆلەك.
مەغلۇبىيەت ئالدىدا دىمىسە ۋايجان،
بىزلەرگە مۇشۇنداق يىگىتلەر كېرەك .

ھەرچاغدا كۆڭۈلنى چۈشەنسە ئەگەر،
مۇھەببەت كۆلىدە چۆمۈلدۈرسە ھەم
قەيەردە بولمىسۇن بېرىپ خەت-خەۋەر.
ئەزىزەم بىر سەن دەپ يۈرەلىسە ھەم
قىزلارغا ۋاپادار يىگىتلەر كېرەك.

بىراۋلار تىكسە گەر يامان كۆزىنى.
مەيلى ئۇ سىڭلىسى بولسۇن باشقىسى،
ئەدەبلەپ ئۇلارنى قىلىپ سۆزىنى.
ھەرقانداق ئاجىزە قېرىندىشىم دەپ،
مەيدىگە ئۇرغۇدەك يىگىتلەر كېرەك.

قازىندا تاۋلىنىپ كۈچ ۋە بىلمنىڭ.
بىر ئۆينىڭ تۆۋرۈكى بولالىغۇدەك،
ئۇرۇقى بولسىكەن ئەقىل-ئىلمنىڭ
كەلگۈسى پەرزەنتكە ئۈستاز بولغۇدەك.
ئاتىلىق بۇرچىنى بىلگەنلەر كېرەك.

ئۆزگە ئەل ئالدىدا قەددىنى رۇسلاپ،
مىللىتىم ئۇيغۇر دەپ ئۇيۇشالىغان.
باشقا كۈن چۈشكەندە ئۆز-ئاراقوللاپ،
جەڭلەرگە دەرقەمدە يۈگۈرشەلىگەن.
قىزلارغا مۇشۇنداق باتۇرلار كېرەك.

ھاياتلىق يولىدا بولۇپ سەپەرداش.
بىر كۈنلەر موماي ھەم بوۋاي بولغىچە،
تەڭ يىغلاپ تەڭ كۈلۈپ يىنىدا يولداش.
ياشىسا ئايرىلماي تاكى ئۆلگىچە،
قىزلارغا مۇشۇنداق يىگىتلەر كېرەك.