بۇرۇن  قەشقەردە گۈلى رەنا ئىسىملىك بىر ئايال پاكىستانغا كېتىۋېتىپ، يولدا ئاغرىپ ئۆلۈپ كېتىپتۇ. ئۇنىڭ نۇرغۇن مال - دۇنياسى بار ئىكەن. كىشىلەر بۇ ئايالنى  جان ئۈزۈش ئالدىدىكى ۋەسىيىتى بويىچەئۇنىڭ مال - دۇنياسىنى سەرپ  قىلىپ قەشقەر شەھىرىنىڭ ئوتتۇرىسىغا بىر جامە سالدۇرۇپ، ئۇنىڭغا «ھېيتگاھ» دەپ نام بېرىپتۇ. كېيىنرەك زۇلپىيەخان ئاتلىق بىر باي خوتۇن ھەج قىلىش ئۈمىدىدە نۇرغۇن پۇل توپلاپ سەپەرگە ئاتلىنىپتۇ. بىراق، بۇ چاغدا   ئىران خاندانلىقىدا ئۇرۇش قوزغىلىپ مەككىنىڭ يولى ئېتىلىپ قالغاچقا، يېرىم يولدىن قايتىپ قەشقەرگە يېنىپ كەپتۇ. شۇندىن كېيىن قولىدىكى بارلىق مال - دۇنياسىنى ھېيتگاھنى كېڭەيتىپ ياساشقا تەقدىم  قىپتۇ. نەتىجىدە ھېيتگاھ جامەسى قايتىدىن كېڭەيتىلىپ، ئاجايىپ ھەيۋەتلىك تۈسكە كىرىپتۇ. ئۇ ئايال يەنە قەشقەر شەھەر ئەتراپىدىكى پاختەكلى يېزىسىدىن نۇرغۇن يەر سېتىۋېلىپ، ھېيتگاھ جامەسىگە ۋەخپە قىلىپ بېرىپتۇ.

مەنبە؛ بىلقۇت تورى