داڭلىق ئارتىس: زۇنۇنقىز ئىلاخۇن ۋاپات بولدى   [ئۇلانما كۆچۈرۈش]

ﺋﻪﻟﮕﻪ ﺗﻮﻧﯘﻟﻐﺎﻥ ﺩﺍﯕﻠﯩﻖ ﺳﻪﻧﺌﻪﺗﻜﺎﺭ ﺯﯗﻧﯘﻧﻘﯩﺰ ﺋﯧﻼﺧﯘﻥ 1936 - ﻳﯩﻠﻰ 6 - ﺋﺎﻳﺪﺍ ﻏﯘﻟﺠﺎ ﺷﻪﮬﯩﺮﯨﺪﻩ ﺗﯘﻏﯘﻟﻐﺎﻥ . ﺋﯘ ﺋﯚﺯﯨﻨﯩﯔ ﻧﺎﺧﺸﺎ ﺋﯧﻴﺘﯩﺸﺘﯩﻜﻰ ﺗﻪﺑﯩﺌﯩﻲ ﺗﺎﻻﻧﺘﻰ ﺑﯩﻠﻪﻥ 1951 - ﻳﯩﻠﻰ ﺗﻮﻟﯘﻗﺴﯩﺰ ﺋﻮﺗﺘﯘﺭﺍ ﻣﻪﻛﺘﻪﭘﺘﻪ ﺋﻮﻗﯘﯞﺍﺗﻘﺎﻥ ﭼﯧﻐﯩﺪﯨﻼ ﺋﯚﻟﻜﯩﻠﯩﻚ ﻧﺎﺧﺸﺎ - ﺋﯘﺳﺴﯘﻝ ﺋﯚﻣﯩﻜﯩﮕﻪ ﻗﻮﺑﯘﻝ ﻗﯩﻠﯩﻨﺪﻯ . ﺷﯘﻧﯩﯖﺪﯨﻦ ﺋﯧﺘﯩﺒﺎﺭﻩﻥ ﺯﯗﻧﯘﻧﻘﯩﺰﻧﯩﯔ ﻣﻮﻝ ﻣﻪﺯﻣﯘﻧﻠﯘﻕ ﯞﻩ ﺋﻪﮔﺮﻯ - ﺗﻮﻗﺎﻱ ﺳﻪﻧﺌﻪﺕ ﮬﺎﻳﺎﺗﻰ ﺑﺎﺷﻼﻧﺪﻯ . ﺋﯘ ﺋﯩﻠﮕﯩﺮﻯ - ﺋﺎﺧﯩﺮ ﺑﻮﻟﯘﭖ ، « ﻏﯧﺮﯨﭗ - ﺳﻪﻧﻪﻡ » ، « ﻳﯩﺘﯩﻤﻼﺭ ﻳﯧﺸﻰ » ، « ﺗﻮﻱ » ، « ﻛﯜﺭﻩﺵ ﻳﻮﻟﻰ » ، « ﮔﯜﻟﻨﯩﺴﺎ » ، « ﻏﯘﻧﭽﻪﻡ » ﻗﺎﺗﺎﺭﻟﯩﻖ ﺋﻮﭘﯧﺮﺍ ، ﺩﺭﺍﻣﯩﻼﺭﺩﺍ ﺑﺎﺵ ﺭﻭﻟﻼﺭﻧﻰ ﺋﯧﻠﯩﭗ ﻛﻪﺳﯩﭙﺘﻪ ﻧﺎﮬﺎﻳﯩﺘﻰ ﺗﯧﺰ ﺋﯩﻠﮕﯩﺮﯨﻠﯩﺪﻯ .
ﺋﻪﭘﺴﯘﺱ ، ﺯﯗﻧﯘﻧﻘﯩﺰ 1960 - ﻳﯩﻠﻼﺭﻧﯩﯔ ﺋﻮﺗﺘﯘﺭﻟﯩﺮﯨﺪﯨﻦ 1970 - ﻳﯩﻠﻼﺭﻧﯩﯔ ﺋﻮﺗﺘﯘﺭﻟﯩﺮﯨﻐﯩﭽﻪ ﺩﺍﯞﺍﻣﻼﺷﻘﺎﻥ « ﺳﻮﻝ » ﭼﯩﻠﯩﻖ ﺷﺎﻣﯩﻠﯩﻨﯩﯔ ﺯﯨﻴﺎﻧﻜﻪﺷﻠﯩﻜﯩﮕﻪ ﺋﯘﭼﺮﺍﭖ 10 ﻳﯩﻠﺪﯨﻦ ﺋﺎﺭﺗﯘﻕ ﻛﻪﺳﭙﯩﺘﯩﻦ ﺋﺎﻳﺮﯨﻠﯩﭗ ﻗﺎﻟﺪﻯ . 1979 - ﻳﯩﻠﻰ ﺋﯘﻧﯩﯔ ﻧﺎﻣﻰ ﺋﻪﺳﻠﯩﮕﻪ ﻛﻪﻟﺘﯜﺭﯛﻟﯜﭖ ﺷﯩﻨﺠﺎﯓ ﺋﻮﭘﯧﺮﺍ ﺋﯚﻣﯩﻜﯩﺪﻩ ﺋﯩﺸﻠﻪﺷﻜﻪ ﺑﺎﺷﻠﯩﺪﻯ ﮬﻪﻡ 1980 - ﻳﯩﻠﻰ 3 - ﺋﺎﻳﺪﺍ ﺑﯘ ﺋﯚﻣﻪﻙ ﺗﻪﻳﻴﺎﺭﻟﯩﻐﺎﻥ « ﻏﯧﺮﯨﭗ - ﺳﻪﻧﻪﻡ » ﺋﻮﭘﯧﺮﺍﺳﯩﺪﺍ ﺋﯩﻠﮕﯩﻜﻰ « ﺳﻪﻧﻪﻡ » ﺋﻪﻣﻪﺱ ، ﺑﻪﻟﻜﻰ ﻏﯧﺮﯨﭙﻨﯩﯔ ﺋﺎﭘﯩﺴﻰ « ﻣﯧﮭﺮﯨﺒﺎﻧﯘﻡ » ﺑﻮﻟﯘﭖ ﺳﻪﮬﻨﯩﺪﻩ ﻗﺎﻳﺘﺎ ﺟﯘﻻﻻﻧﺪﻯ . ﺷﯘﻧﯩﯖﺪﯨﻦ ﺑﺎﺷﻼﭖ ﺯﯗﻧﯘﻧﻘﯩﺰ « ﭼﯩﻦ ﻣﻮﺩﻩﻥ » ، « ﺗﺎﺷﯟﺍﻱ » ، « ﺳﯩﺰ ﺑﯩﺰﮔﻪ ﺋﯩﺸﻪﻧﻤﺴﯩﺰ » ، « ﻛﯧﻠﯩﻨﻠﻪﺭ ﻗﻮﺯﻏﯩﻠﯩﯖﻰ » ﻗﺎﺗﺎﺭﻟﯩﻖ ﻛﯚﭘﻠﯩﮕﻪﻥ ﺩﺍﺭﻣﯩﻼﺭﺩﺍ ﻳﯘﻗﯩﺮﻯ ﻣﺎﮬﺎﺭﻩﺕ ﺑﯩﻠﻪﻥ ﺋﻮﺑﺮﺍﺯ ﻳﺎﺭﯨﺘﯩﭗ ﺗﺎﻣﺎﺷﯩﺒﯩﻨﻼﺭ ﻗﻪﻟﺒﯩﺪﯨﻦ ﭼﻮﯕﻘﯘﺭ ﺋﻮﺭﯗﻥ ﺋﺎﻟﺪﻯ .
ﺯﯗﻧﯘﻧﻘﯩﺰ ﻳﺎﻟﻐﯘﺯ ﺗﯩﻴﺎﺗﯩﺮ ﺳﺎﮬﻪﺳﯩﺪﯨﻼ ﺋﻪﻣﻪﺱ ، ﻛﯩﻨﻮ - ﺗﯧﻠﯧﯟﯨﺰﯨﻴﻪ ﺳﺎﮬﻪﺳﺪﯨﻤﯘ ﺑﻪﻟﮕﯩﻠﯩﻚ ﺗﻪﺳﯩﺮ ﻗﻮﺯﻏﯩﻐﺎﻥ ﺳﻪﻧﺌﻪﺗﻜﺎﺭﺩﯗﺭ . ﺋﯘ 1959 - ﻳﯩﻠﻰ ﺋﯩﺸﻠﻪﻧﮕﻪﻥ « ﺑﻮﺳﺘﺎﻧﻠﯩﻘﺘﺎ ﺗﻪﻧﺘﻪﻧﻪ » ﻧﺎﻣﻠﯩﻖ ﻓﯩﻠﯩﻤﺪﻩ ﺭﻭﻝ ﺋﯧﻠﯩﺶ ﺑﯩﻠﻪﻥ ﺋﯚﺯﯨﻨﯩﯔ ﺋﯧﻜﺮﺍﻥ ﮬﺎﻳﺎﺗﯩﻨﻰ ﺑﺎﺷﻠﯩﻐﺎﻧﯩﺪﻯ . ﺷﯘﻧﯩﯖﺪﯨﻦ ﺋﯧﺘﯩﺒﺎﺭﻩﻥ ﺋﯘ 20 ﻗﯩﺴﯩﻤﻠﯩﻖ ﺗﯧﻠﯧﯟﯨﺰﯨﻴﻪ ﺗﯩﻴﺎﺗﯩﺮﻯ « ﺯﻭﺯﯗﯕﺘﺎﯓ » ، ﮬﯧﻜﺎﻳﻪ ﻓﯩﻠﯩﻢ « ﻣﻪﻟﯩﻜﻪ ﺋﺎﻣﺎﻧﻨﯩﺴﺎﺧﺎﻥ » ، 9 ﻗﯩﺴﯩﻤﻠﯩﻖ ﺗﯧﻠﯧﯟﯨﺰﯨﻴﻪ ﺗﯩﻴﺎﺗﯩﺮﻯ « ﺗﯩﻤﺘﺎﺱ ﮔﯘﮔﯘﻡ » ، ﻗﯩﺴﻘﺎ ﺗﯧﻠﯧﯟﯨﺰﯨﻴﻪ ﺗﯩﻴﺎﺗﯩﺮﻯ « ﻛﻪﭼﯜﺭ ﺋﺎﻧﺎ » ، ، « ﻳﯩﺮﺍﻗﻘﺎ ﺗﺎﺭﺍﻟﻐﺎﻥ ﻗﻮﯕﻐﯘﺭﺍﻕ ﺋﺎﯞﺍﺯﻯ » ، 5 ﻗﯩﺴﯩﻤﻠﯩﻖ ﺗﯧﻠﯧﯟﯨﺰﯨﻴﻪ ﺗﯩﻴﺎﺗﯩﺮﻯ « ﻳﯩﺮﺍﻕ ﻳﯧﺰﯨﻐﺎ ﻣﯘﮬﻪﺑﺒﻪﺕ » ﯞﻩ ﺋﯩﻜﻜﻰ ﻗﯩﺴﯩﻤﻠﯩﻖ ﺗﯧﻠﯧﯟﯨﺰﯨﻴﻪ ﺗﯩﻴﺎﺗﯩﺮﻟﯩﺮﯨﺪﯨﻦ « ﺋﯚﭼﻜﻪﻥ ﻳﯘﻟﺘﯘﺯ » ، « ﺗﻪﯕﺮﻯ ﮔﯘﯞﺍﮪ » ، ، « ﺋﺎﻟﯩﻤﺠﺎﻥ ﺑﻮﻟﯘﻣﺴﯩﺰﻣﯘ » ، « ﺳﻪﺭﺳﺎﻥ ﺭﻭﮪ » ، « ﭼﯩﻦ ﺳﯚﻳﮕﯜ » ،« ﻛﯚﺯﯛﻣﺪﻩ ﻟﯩﻖ ﻳﺎﺵ » ﯞﻩ 20 ﻗﯩﺴﯩﻤﻠﯩﻖ ﺗﯧﻠﯧﯟﯨﺰﯨﻴﻪ ﺗﯩﻴﺎﺗﯩﺮﻯ « ﺷﯩﻨﺠﺎﯓ ﻗﯩﺰﻟﯩﺮﻯ » ﺩﺍ ﺋﻮﺧﺸﯩﻤﯩﻐﺎﻥ ﻛﻪﭼﯜﺭﻣﯩﺶ ﯞﻩ ﺧﺎﺭﺍﻛﺘﯧﺮﯨﮕﻪ ﺋﯩﮕﻪ ﺋﺎﻗﻜﯚﯕﯜﻝ ﺋﺎﻧﯩﻼﺭﻧﯩﯔ ﺭﻭﻟﯩﻨﻰ ﭼﯩﻦ ﯞﻩ ﺗﻪﺳﯩﺮﻟﯩﻚ ﺋﯧﻠﯩﭗ ﭼﯩﻘﯩﭗ ﺗﺎﻣﺎﺷﯩﻨﺒﯩﻼﺭﻧﯩﯔ ﻳﯘﻗﯩﺮﻯ ﮬﯚﺭﻣﯩﺘﯩﮕﻪ ﺋﯧﺮﯨﺸﺘﻰ .