يېڭى گەپ (مۇختار روزى)

muhtar · ۋاقتى: 2012-5-7 02:26:45

ئەسسالامۇ ئەلەيكۇم.

يېڭى گەپ دىسەم، بۇ يەنە نىمە دەيدىغاندۇ دەپ قالدىڭلار ھەقىچان، شۇنداقمۇ؟

بىر قىسىم يېڭى دەرسلىكلەر پۈتۈپ چىقتى. بۇ دەرسلىكلەرنى 5- ئاينىڭ 25 - كۈنى تارقىتىمىز. ئەلۋەتتە ھەقسىز دەرسلىكمۇ يا دەپ بىرىنچى بولۇپ سورايسىلەر، ھەقسىز دەرسلىك بولمىسا ئۈگىنىشمۇ خوش ياقمايدۇ. ھەقسىز بولغاندىن كىيىن قاتتىق دىسكىغا چۈشۈرۈپ ساقلاپ قويمىز. ئۇنى ئۈگىنىشكە تېخىمۇ خوش ياقمايدۇ. سىلەرگە خوش ياقمىسا ياقماي قىلىۋەرسۇن، ئەمما دەرسلىك ئىشلەيدىغان ماڭا خوش ياقماي قالسا ئەڭ خەتەرلىك بولىدۇ، بۇنداق دىسەم بۇ ھەقلىق ئالمىساڭ بولمايدۇ دەپ تەھدىت سىلىۋاتامدىكىن دەپ قالماڭلار ھە!
مەن سىلەرنىڭ مۇشۇ ھەقسىز دەرسكە ئامراقلىقىڭلاردىن قانداق قىلسام مۇشۇلارنى رازى قىلالارمەن. بۇنىڭغا كىتىدىغان ئىختىزادنى قانداق قىلىپ تولۇقلارمەن دەپ تولا ئويلايدىغان بولۇپ قالدىم. شۇڭلاشقىمىكىن چىچىم چۈشۈپ تاقىرباش بولۇشقا قاراپ ماڭغاندەك سۈيۈقلاپ كىتىۋاتىدۇ.

ئازراق چاقچاق قىلىپ قويدۇم ھە! باشقىچە ئويلاپ قالماڭلار.
ئىنسان بىر ئىشقا ئامال قىلاي دىسە ئەلۋەتتە ئۇنىڭ ئامالىمۇ چىقىدۇ. بۇ قىتىملىق خادىم قوبۇل قىلىش ئېلانىمنى كۆردىڭلار بەلكىم، بۇ ئېلانمۇ دەل سىلەرنىڭ مۇشۇ ھەقسىز دەرسلىككە ئامراقلىقىڭلاردىن بولدى.www.uiroom.com نى كىچىلەپ ئىشلەۋاتىمەن. چۈنكى مۇشۇنىڭ ئارقىلىق ئېلاندىن كىرىم قىلىپ قالسا بەلكىم دەرسلىكلەر پۈتۈنلەي ھەقسز بولۇپ كىتەر دەپ،(ماۋۇ ئېلان ئەمەس ھە، يەنە كىرىپ ئېلاننى بولىشىغا چىكىپ توختاپ قىلىشىغا سەۋەپ بولمايلى

بۇمۇ ياخشى باشلىنىش بولغۇسى (ئىنشاھ ئاللاھ). بەزىدە ئويلاپ قالىمەن:- مۇشۇ بىزنىڭ باللار يەنە نىمىلەرگە ئامراقتۇر دەپ،

ئامراق نەرسەڭلەر كۆپ شۇنداققۇ؟مىنىڭمۇ شۇنداق.

ئەمما ھەممىگە مىنىڭ كۈچۈم يىتىشى ناتايىن- دە، يەنلا ئۆزۇم قىلالايدىغان تەرەپلەردىن باشلاي دىدىم. ئۇنداقتا مىنىڭ كۈچۈم يىتىدىغان ئىشلار قايسى؟
1- بۇندىن كىيىنكى دەرسلىكلەر پەقەت بىر كومپيۇتېرغا بىرلا قىلىپ چىقىرىلىدۇ، ھەم ھەرگىزمۇ كومپيۇتېرىڭلارغا چۈشۈرۋالالمايسىلەر، تورسىز موھىتتا ھەم ھەرگىز كۆرەلمەيسىلەر،

ئىچىڭلاردا - ۋۇ ئۆلگۈر، چىچىڭ چۈشۈپ تاز بولۇپ كىتەرسەن - دىدىڭلار ھەقىچان. ئاللاھ بەرسە ئۇمۇ يارشىدۇ. بۇنىمۇ ئۆزۇڭلار تاپتىڭلار ئەلۋەتتە. ئالدىنقى دەرسلىكلەرنى مەن سىلەرگە شىفىرلىماستىن، ئۆز ئەسلى بويىچە بەرسەم، نۇمۇس قىلماستىن ساتتىڭلار، بۇنىمۇ مەيلى دىدىم. ئەمما ھازىر بۇ دەرسلىكلەرنى سىتىشتا تېخىمۇ ۋەھشى (بۇ گەپنى ئىشلەتسەم جايىدا چىققاندۇ- ھە) لىشىپ كەتتىڭلار. سىلەر ئۆزۇڭلارنى بەك ئەقىللىق چاغلىغان، مۇختار روزى بىلمەيدۇ دەپ، شۇنداق ئەمەسمۇ؟

ئەمما مەن بىلىپ قالاتتىم ئەمەسمۇ.
2- دەرسلىكلەرنى تور ئارقىلىق ساتقان نوچىلاردىن ھېچقايسىڭلارغا بۇندىن كىيىن ھېلىغۇ ھەقسىزكەن، ھەر دەرسلىكنىڭ ھەققىنى 10 ھەسسە ئارتۇق تۆلىسەڭلارمۇ دەرسلىك تەمىنلەنمايدۇ. چۈنكى سىلەر يۈزسىز ئەبلەخلەر، مەن سىلەر يۇقاردا ئىسمى ئاتالغان ۋە ئاتالمىغان 40 نەچچە بالىنىڭ 36 سىگە دەرسلىكنى ھەقسىز تەمىنلەپ بەرگەن ئىدىم، سىلەرگە بۇ يەردە بىر نەرسە دىمەي.
3-نۇرغۇن دەرسلىكلەر ھەقسىز تارقىتىلىدۇ.

ياخشى گەپمۇ ئاخىر چىقتى. شۇنداققۇ؟ « بىر قىيىنچىلىق بىلەن بىر ئاسانلىق بار . . » دىيىلگەن ئەمەسمۇ بىزنىڭ كىتاپلىرىمىزدا. دىمەك بۇ ياخشى بىر ئۇچۇر. ھايانكەشلەرنىڭ قالايمىقان دەرسلىكلەرنى سېتىپ ئىش تېرىماسلىقى ئۈچۈن بۇرۇن ھەقلىق ۋە ھەقسىز تارقىتىلغان 12G دەرسلىك بۇ قىتىم ھەقسىز تارقىتىلىدۇ. (بۇ قېتىمقى ھەقلىق دەرسلىكلەرنىمۇ قالايمىقان ساتساق بولغىدەك - دەپ ئويلىدىڭلار ھەقىچان شۇنداقمۇ؟

ئەگەر شۇنداق قىلالىساڭلار قىلىڭلار!
4-بۇرۇن ھەقلىق دەرسلىك سىتىۋالغانلارغا ئوۋال بولدى. چوقۇم سىلەر شۇنداق ئويلىدىڭلار شۇنداقمۇ؟ بىراق بۇنىڭغا بىزنىڭ بىردىغان جاۋابىمىز-ياق! بۇرۇن ھەقلىق دەرسلىك سىتىۋالغان، يۇقارقى ھايانكەشلەرنىڭ قاتارىدا بولمىغانلار، بىز بىلەن ئالاقىلىشىپ يېڭى نۇسقىدىكى دەرسلىكلەرنىڭ خالىغان قىممەتتىكى بىر تۈرلىكىنى تاللىسا بولىدۇ.مىنىڭچە ئۇلار چوقۇم بۇنىڭدىن رازى بولىدۇ.
-ھە، مۇختار روزى! سىنىڭ قۇرۇق گىپىڭ تۇگدىمۇ؟ دەيسىلەر بۇ يەرگە كەلگەندە. ئالدىدىكى 4 تۈرلىك نەرسىنى ئوقۇپ بولدىڭلارمۇ؟ ئۇنداقتا بۇ يەردە يەنە بىر مەسلە بار، ئۇ بولسىمۇ بەشىنچى مەسلە.
5- بۇ قىتىم ھەقسىز تارقىتىلىدىغان دەرسلىك 1000 دىن ئاشىدۇ. بۇنىڭ ئىچىدە VB نىڭ 400 دەرس، flash نىڭ 200 دەرس، ASP نىڭ 163 دەرس،photoshop نىڭ 200 دەرس بىلقۇت شىركىتى ئۈچۈن ئىشلىگەن ھەقلىق دەرسلىكلەرنىڭ ھەر بىرسىدىن 5 دەرس، maya نىڭ دەرسلىكىدىن 50 دەرس، Phpنىڭ دەرسىدىن 35 دەرس، MySQL,MSQL قاتارلىق سانلىق مەلۇمات ئامبارلىرىغا مۇناسىۋەتلىك دەرستىن 50 دەرس، Orcle غا مۇناسىۋەتلىك 10 دەرس، CSS نىڭ كارامەتلىرىدىن 10 دەرس. . . دەرس. . . دەرس، ئىش قىلىپ دەرسلەر تارقىتىلىدۇ. بۇنىڭ ئۈچۈن ھەرقايسى بىلىم خاراكتىرىدىكى، ئېلانلىرى پاكىز، ساغلام، چىرايلىق بولغان بىكەتلەر بىلەن ھەمكارلىشىمىز. بۇ دەرسلىكلەرنى تور بېكىتىڭىزگە بىۋاستە قويۇش ئارقىلىق ياكى بىز تەمىنلىگەن ئۇلىنىش ئارقىلىق قويۇلدىغان شەكىلدە قىلىپ تۇرۇپ قويسىڭىز بولىدۇ. ھەمكارلىشىدىغانلار مۇشۇ تېما ئاستىغا ئىمزايىڭىزنى قويۇپ بېقىڭ قېنى.

6- بۇ ئالتە دىگەن سان چىرايلىق سان ھە، ئاللاھ زىمىننى 6 كۇندە ياراتتى، قار ئالتە تەرەپلىك، پەيغەمبرىمىزگە ۋەھى 6 ئاي چۈش ئارقىلىق كەلدى، مىنىڭ تىلفۇن نومۇرۇمدا 6 دىگەن سان كۆپ،

بىر يىلنى ئەگەر ئىككىمىز تەڭ بولىشەيلى دىسەك 6 تىدىن تېگىدۇ. 1+2+3=6 . . . ۋاي ۋۇي نىمە دىگەن كۆپ ئالتە بۇ، ئاللاھ ئالتىنى ئەزىزلىگەن ئىكەن مەنمۇ بۇ ئالتىگە ماس كىلىدىغان بىر ئىش قىلىپ باقاي قېنى. 6-ئاينىڭ 6-كۈنى ئاللاھ سالامەتچىلىك بەرسە بىر قىسىم بېكەت پروگراممىللىرى ھەقسىز تارقىتىلىدۇ. (بۇمۇ كەلدى ھە،) بۇنىڭ ئىچىدە مۇختار روزى تورىنىڭ 1.0 نەشىرى ۋە 2.0 نەشىرىمۇ بار. جەمىي 6 خىل بىكەت. بولامدىكەن. بولغان بولسا بولدى.
7- بۇ قىتىم يېڭى تارقىتىلىدىغان دەرسلىكلەرنىڭ ئەڭ يۇقىرى باھاسى پەقەت 25 يۈەن. ھەر 100 دەرسلىك بىر قىسىم قىلىپ تارقىتىلىدۇ. پەقەت 25 يۈەن تاپشۇرۇپلا 100 دەرسلىكنى تاللاپ سىتىۋالىسىز. دەرسلىكنىڭ تىزىملىكى چىقىرىلىدۇ. خالىغان دەرسلىكنى تاللاشقا بولىدۇ. بۇمۇ بولغىنى ھە، مۇمكىن بولسا مۇشۇ 25 يۈەن دىگەننىمۇ بىر يوقاتساق دەيمەن. چۈنكى ئاخىرغا يۈەننى قوشۇپ تۇرۇپ ماڭا بەر دىسىلا قۇلاققا مۇش ئۇرغاندەك ئاڭلىنىدۇ دىسە. ئىنشاھ ئاللا، بۇمۇ بولۇپ قالار، ھەر ئىش ئالدىرماي بولىدۇ. شەرەفسىزلەر،نۇمۇسىنى پۇلغا سۇندۇردىغان يۇقارقىدەك يىگىتلەر ئازراق بولسا ئالدىراپمۇ بولۇپ قالار ئىدى. ئۇ كۇنلەرمۇ كىلەر.
8- مۇختار روزىنىڭ بىكەتلىرىنى ئۇلىنىش قىلمايمىز؟ تەرەققىي قىلىپ كىتىدۇ. ھىچ ئىش قىلالماي تەنھا قالسۇن - دەپ قويمىز بەزىدە، شۇنداقمۇ؟
نەدىمۇ ئۇنداق ئاسان ئىش بولسۇن، ئوۋچىنىڭ مىلتىقى بولغان بىلەن كىيىكنىڭ «ئاللاھ» ى بار ئەمەسمۇ؟
مۇختار روزى ئىشلىگەن دەرسلىكلەر ناچارمۇ؟ -گەرچە ياخشى دىمىسەكمۇ، ناچار دىگىلى بولمايدۇ- دەيمىز.ئەمما ئۇلىنش قوشمايمىز.
ماقۇل قېنى قاچانغىچە مىنىڭ بېكەتلىرىمىنى ئۇلىنشقا قوشمايسىلەر بىر كۆرەي. سىلەرنىڭ كۈندە كىرىپ تۇردىغان 3000 IP رىڭلارغا مىنىڭمۇ يىتىپ قالار، يەنە قوشماڭلار. بىر كۈنلەردە مەنمۇ - جوووووووووووووون، شۇنداما، ھېلىقى چاغدا بىر قانچە قېتىم دىسەم قوشمايۋاتىتىڭىزيا، ماقا، ھەپتە ئويلىشىپ باقاي- دەپمۇ قالارمەن.

چاخچاق قىلىپ قويدۇم. ھەرقايسى بېكەت باشلىقلىرىنىڭ كۆپ تىللىق رەسىم بېكىتىمنى ئۇلىنىش قىلىپ قويىشىنى ئىلتىماس قىلىمەن. ئۇيغۇرچە بېكەت ئۇلىنىشى http://www.uiroom.com/index.asp ئەگەر خالىساڭلار، خالىمىساڭلار ئۇمۇ مەيلى.

dihanogli · ۋاقتى: 2012-5-7 03:23:23

مۇختار روزى ئۇستازمۇ چاقچاققا خېلى ئۇستىكەن دېسە ،

پەقەت 25 يۈەن تاپشۇرۇپلا 100 دەرسلىكنى تاللاپ سىتىۋالىدىغان ياخشى پۇرسەتنى قولدىن بىرىپ قويساق بولماس .

ھەقسىز تارقىتىلىدىغان دەرسلىك 1000 دىن ئاشىدىكەن ، بىلىمنىڭ ھەممىنى ‹‹تۆكمە›› قىلىۋەتسىڭىز كەلگۈسىدە ماڭا ئوخشاش شاگىرتلىرىڭىز سىزگە ‹‹ چېلىشىش›› ئىلان قىلامىزمىكى

Intil · ۋاقتى: 2012-5-7 03:26:55

توردا ھەقلىق دەرس ئۆتۈشنى ئەڭ دەسلەپ باشلىغان ھەم ئەڭ كۆپ ئىزدەنگەن كىشى سىز ئۇنىڭ ئۈستىگە دەرس ئىشلەپ تورداشلارغا مەيلى ھەقلىق بولسۇن ۋە مەيلى ھەقسىز بولسۇن ئىزچىل تەمىنلەۋاتقانمۇ سىز.
سىزنىڭ دەرسلىرىڭىزدىن يېتىشىپ چىققان ئەمما سىز بىلمەيدىغان ( نۇرغۇنلىرى ئۆزىمۇ سىزنىڭ شاگىرتىڭىز ئىكەنلىكىنى ئويلاپ باقمىغان) شاگىرتلىرىڭىز نۇرغۇن.
سىزنىڭ ئۇيغۇر كومپيۇتېر لايىھە ئىشلىرىغا قوشقان بۇ تۆھپىلىرىڭىز ئۇنتۇلغۇسىز ، بىباھا تۆھپە ھېساپلىنىدۇ.

arwah · ۋاقتى: 2012-5-7 04:01:51

موختار روزى ئەپەندىمنى تونۇغاندىن باشلاپ ھەرقاچان قايىللىقىم بىر مىنۇتمۇ سۇسلاپ قالغىنى يوق،ساۋابلىق ياخشى ئىشلارنى قىلىۋاتىسىز!
كونا بېكىتىڭىز ئۇلانمىغاندىن بېرى قايتا ئۇلىنىشقا قوشۇلماپتىكەن،ماۋۇ يېڭى بېكىتىڭىزنى ھەر ئىككى بېكىتىمگە رەسىملىك ئۇلىنىش قىلىپ قويدۇم،سىز بىلەن باشتىن ئاخىر ياخشى ھەمكارلىشىشنى تولىمۇ ئارزۇ قىلىمەن ھەم خالايمەن!
www.wolqan.com
www.darslik.com
يەنە بىرسى ئېلان رەسىملەر بولسا تەمىنلىسىڭىز ھەر ئىككى بېكەتنىڭ باش بېتىگە قويۇپ تەشۋىق قىلسام(قولۇمدىن ئاران موشۇنچىلىكلا ئىش كېلىدىكەن

)ۋولقاننىڭ كۈندىلىك IPسى 1000ئەتراپىدا، دەرسلىكنىڭ 200-300 ئەتراپىدا،يامان ئەمەس تەشۋىقات بولۇشى مۈمكىن. بۇ يازمىنى ئاخىرىدا arwah تەھرىرلىگەن. ۋاقتى 2012-5-7 04:06

arwah · ۋاقتى: 2012-5-7 04:05:36

Intil يوللىغان ۋاقتى 2012-5-7 03:26
توردا ھەقلىق دەرس ئۆتۈشنى ئەڭ دەسلەپ باشلىغان ھەم ئەڭ ...

تېمىغا مۇناسىۋەتسىز ئىنكاس:
ئىنتىل ئەپەندىم سىزدىن بىر ئىشنى سوراپ ئايدىڭلاشتۇرۇۋالسام:
دەرسلىك تور بېكىتىمنى ئۇلىنىشقا قوشۇپ قويسىڭىز دەپ ئۆتۈنسەم ئۇلىنىش قوشۇشتا يوق ئەسلىدىن بار بولغان ۋولقان تور بېكىتىمنىڭمۇ رەسىملىك ئۇلىنىشى ۋە خەتلىك ئۇلىنىشلىرىنى ئۆچۈرۈۋېتىپسىزغۇ؟بۇنىڭغا مۇۋاپىق چۈشەنچە بەرسىڭىز...
يەنە بىرسى ھەمكارداشلارنىڭ ھوقۇقىنى سەل بەكلا تۆۋەن تەڭشەپ قويدۇڭلارمۇ قانداق؟ھەتتا باشقىلار بىزنى دوستلۇققا قوشۇشقا ئىلتىماس قىلسا ئۇلارنىڭ ئىلتىماسىغا قوشۇلۇش ھوقۇقىمىزمۇ يوقكەن

Intil · ۋاقتى: 2012-5-7 04:32:02

arwah يوللىغان ۋاقتى 2012-5-7 04:05
تېمىغا مۇناسىۋەتسىز ئىنكاس:
ئىنتىل ئەپەندىم سىزدىن ب ...

دوستانە ئۇلىنىش ئىلتىماس قىلغۇچىلارغا دا دېيىلگەندەك ئىلتىماس قىلىپ، سەينادىكى ئۇلىنىشقا قوشۇلمىغان بولسا سەينا باشلىقلىرىغا ئۇچۇر قىلسىڭىز تۈزتۈدۇ، سەينانى يالغۇز مەنلا باشقۇرمىغاچقابەزى ئىشلاردا سەۋەنلىك يۈز بېرىشتىن ساقلىنالمايدىكەنمىز.
ھەمكارلاشقۇچىلار ھوقۇقىدىكى دوست قوشۇش سانىنىمۇ كۆپەيتىپ قويىلى.

arwah · ۋاقتى: 2012-5-7 07:11:26

Intil يوللىغان ۋاقتى 2012-5-7 04:32
دوستانە ئۇلىنىش ئىلتىماس قىلغۇچىلارغا دا دېيىلگەندە ...

چۈشەنچە بەرگىنىڭىزگە رەھمەت،كىمگە ئۇچۇر قىلىشنى بىلەلمەي قالدىم،دىگىنىڭىزدىكىدەك قالدۇرۇلغان ئادرىستىكى تېمىغا ئىلتىماس سۇنۇپ قويدۇم.

ahmatjan · ۋاقتى: 2012-5-7 12:29:19

ئەسسالامۇ-ئەلەيكۇم مۇختەررۇزى ئاكا
قىلۋاتقان ئىشلىرڭىز ئۈچۈن ئاللاھ ئۈزى ئەجىر بەرسۇن
سىزنىڭ تۆھپىڭىزنى ئۇنتۇش بىزلەر ئۈچۈن.....................

hawaskar218 · ۋاقتى: 2012-5-7 12:39:27

مۇختار روزى ئەپەندىمنى ھۆرمەتلىمەي دىسەممۇ ھۆرمەتلىگۈم كەپ كېتىپ بارىدۇ. سىزنىڭ ھەقسىز دەرسلىكىڭىزنى ھەقلىق ساتقان ئاشۇ مۇناپىقلارغا بولدى كايىماڭ. كومپىيۇتېرنى خېلى ئىلمى بار. ئاڭ سەۋىيەلىك ئادەملەر بىلىدۇدەپ ئويلىغىلى بولمايدىكەن.چۈنكى جەمىيەتتە پاسىق مۇناپىقلارمۇ كومپىيۇتېر ئۇقىدىغان بوپ كەتتى (زامان تەرەققىياتى ئەمەسمۇ) ھىچ بولمىسا توربەت كۆرۈپ بەنتىياۋ ئوينىيالايدۇ.سىزنىڭ دەرسىڭىزنى خەققە ساتقان مۇناپىقلار نى سىز تىلغا ئېلىشىڭىزغا پەقەت ئەرزىمەيدۇ.چۈنكى ئۇلار كومپىيۇتېر نى پۇل تېپىشنىڭ يېڭى ۋاستىسى قىلىۋالغان (بازاردىكى لەڭپۇڭچى گازىرچىلارنىڭ جازىسىدەك). سىز ئاشۇ دەرسلىكلەرنىڭ ھەممىسىنى ئۆزىڭىز ئىشلىگەنمۇ؟ دەرسلىكلەرنىڭ تۈرىگە قارىسام چوڭ دېتاللارمۇ بار ئىكەن. سىز ئاشۇنچىۋالا بىلىمنى قانداق ئۆگىنىپ بولغانسىز. دەرسلىكلەرنىڭ باھاسى بەك ئەرزانكەن. بۇنىڭدىن سىزنىڭ ئۇيغۇر باللىرىنىڭ بىلىم سەۋىيەسىنى تېخىمۇ يۇقىرى كۆتۈرۈشنى مەقسەت قىلغانلىقىڭىزنى كۆرىۋالغىلى بولىدۇ. چۈنكى نۇرغۇن دەرس ساتقۇچىلارنى كۆرگەن تايىنى يوق دەرسلىكلەرنى 200 كوي 150 دىگەن. ئۇنداق دىسە ئۇلارنى شۇ دەرسلىككە مۇھتاج بولغانلارلا ئالىدۇ. لېكىن قىزىقىدىغانلارنىڭ ئېلىشى ناتايىن. بولدى جېق سۆزلىمەي سىزگە ۋە سىزنى تۇغقان ئاتا -ئانىڭىزغا كۆپ تەشەككۇر. سىزگە بىر ئىشنى ئېلتىماس قىلسام بولامدۇ؟ مەن ۋە باشقا نۇرغۇن تورداشلار قوساق ئۈچۈن باشقا خىزمەت قىلىدۇ. لېكىن كومپىيۇتېرغا قىزىقىدۇ. شۇڭا ئۆزىمىز ياقتۇرغان ئۇششاق بىلىملەرنى سىزدىن سورىساق شۇنى دەرسلىك قىلىپ ئىشلەپ بېرەلەسىزمۇ. دەرسلىك باھاسىغا ئوخشاشلا 25 كوي تاپشۇرساق. ۋاقتىڭىز يېتەرمۇ؟ مەسلەن ps تا لاۋۇلداپ تۇرغان ئوت خەت بار. مېنىڭ شۇنى بەك ئۆگەنگۈم با ر ئىدى. http://www.68ps.com/jc/big_ps_wz.asp?id=1194 ماۋۇ خەتنى. 3 يىل بولدى ئۆگىنىمەن دەپ ئۆگىنەلمىدىم. قىسقىسى نۇرغۇن تورداشلاردىن ياردەم سوراپ ئۇچۇر تېمىلارنى يوللىساممۇ ھىچكىم ئۆگىتىپ قويمىدى. قىسقىسى بۇخەتنى ئۆگەنگىنىمنىڭ ماڭا 5 موچەنلىك پايدىسى يوق. لېكىن بەك قىزىقىمەن.مېنىڭ خىزمىتىم باشقا. كومپىيۇتېردىن ئۆزەم ياقتۇرغان نەرسىلەرنى ئۆگىنىشنى بەك خالايمەن. گەپنى بەك ئۇزارتىۋەتمەي.شۇڭا ھەممە ئادەم ئۆزى قىزىقىدىغان بىلىملەرنى سورىسا شۇنى سورايدىغان بىرمۇنبەرمۇ يا سۆزقالدۇرۇش بېتىمۇ ھازىرلاپ بەرسىڭىزبولامۇ. ئاشۇئۆزىمىز ياقتۇرغان بىلىملەرنى ئۆگىنىشىمىز ئۈچۈن دەرسلىكلىرىڭىزگە ئوخشاش ئەرزان (25) باھا تاپشۇرساق. مۇشۇ تەلەپنى ئورۇنلاشقا ۋاقتىڭىز يېتەرمۇ. بەلكىم ھەممىمىز كۆپ خۇرسەن بولاتتۇق.بۇمۇ ئوخشاشلا سىزنىڭ ئۇيغۇر كومپىيۇتېرچىلىقىغا تۆھپە قوشقانلىقىڭىز ھىساپلىناتتى. ئىنكاسىڭىزنى كۈتىمەن....

muhtar · ۋاقتى: 2012-5-7 15:17:01

arwah يوللىغان ۋاقتى 2012-5-7 04:01
موختار روزى ئەپەندىمنى تونۇغاندىن باشلاپ ھەرقاچان قاي ...

كۆپ رەھمەت. مەنمۇ بېكەتلىرىڭىزنى قىسقا ۋاقىت ئىچىدە بارلىق بىكىتىمگە ئۇلىنىش قىلىۋىتىمەن. ئىنشاھ ئاللاھ.
دەرسلىكلەرنى تارقىتىشتا ھەمكارلاشماقچى بولسىڭىز بىۋاستە مۇڭداشقۇغا ئۇچۇر قىلىۋىتەرسىز. مەن چۈشۈرۈش ئادرىسىنى تەمىنلەپ بېرەي.

muhtar · ۋاقتى: 2012-5-7 15:17:36

ahmatjan يوللىغان ۋاقتى 2012-5-7 12:29
ئەسسالامۇ-ئەلەيكۇم مۇختەررۇزى ئاكا
قىلۋاتقان ئىشلىرڭ ...

گۈزەل ئاللاھ نىڭ بەرگەن نىممەتلىرىگە شۈكۈر.

muhtar · ۋاقتى: 2012-5-7 15:20:17

hawaskar218 يوللىغان ۋاقتى 2012-5-7 12:39
مۇختار روزى ئەپەندىمنى ھۆرمەتلىمەي دىسەممۇ ھۆرمەتلىگ ...

مۇختار روزى نامىدىكى بېكەت پروگراممىسىنى ئۆزگەرتىۋاتىمەن. بۇنىڭدا سىز دىگەن ئىشلارنى ئاساس قىلىپ ئويلىشىلغان. پات پۇرسەتتە تورغا چىقىرىلىدۇ. ئاللاھ خالىسا بۇ ئىشلارمۇ بولۇپ قالار.

muhtar · ۋاقتى: 2012-5-7 15:39:20

بۇگۈن بىجىردىغان بىر ئاز ئىشلىرىم بولغاچ كومپيۇتېر ئالدىغا كىلەلمەي قالدىم. كۆپچىلىكنىڭ قوللىغانلىقىغا رەھمەت. ھەرقايسى بېكەت ئاتامانلىرى ئالدىمىزدىكى 5 كۇن ئىچىدە مەن بىلەن مۇڭداشقۇدا ئالاقىلىشىپ دەرسلىكلەرنى چۈشۈرۈش ئادرىسىدىن چۈشۈرۇۋالسا ۋە ئۆزلىرى خالىغان بوشلۇققا چىقىرىپ تارقاتسا بولىدۇ. دەرسلىك تارقىتىش ئۈچۈن بېكەت باشلىقلىرىنىڭ تور بەت بوشلۇقلىرى چۈشۈرۇشنى قوللىشى ۋە شۇنداقلا تور بەت بوشلۇقى 12G چوڭ بولىشى كىرەك. بۇ خىل بوشلۇقى بارلار باشقا بوشلۇقى تۆۋەن تورداشلارغا چۈشۈرۈش ئادرىسىنى تەمىنلىسىمۇ بولىدۇ. مەن ئەتە يۇرۇتقا چەتكە چىقىش رەسمىيەتلىرىمنى بىجىرگىلى ماڭدىغان بىر سەپەرگە تەييارلىق قىلىپ قالغانلىقىم ئۈچۈن 25- چىسلا ئەتراپىدا ئۈرۈمچىگە قايتىپ ئاندىن ئۆز تور بېكىتىمدىن بىۋاستە چۈشۈرۈش ئادرىسىنى تەمىنلەيمەن. بىراق مىنىڭ تور بېكىتىمدە توپ چۈشۈرۈش ئىختىدارى تەمىنلەنمەيدۇ. دەرسلىك كۆرۇش ئىختىدارى تەمىنلىنىدۇ. بوشلىقى يوق تور بېكەت باشلىقلىرى شۇ ۋاقىتقىچە ساقلىسا بولىدۇ.
تور بېكەت بوشلىقى بار بولغان بېكەت ئاتامانلىرى 371716097 نومۇردىكى مۇڭداشقۇغا ۋە ياكى 15276666642 نومۇردىكى يانفۇنغا قىسقا ئۇچۇر قىلىش ئارقىلىق دەرسلىك ئادرىسىغا ئېرىشسە بولىدۇ. ھازىرقى بوشلۇق 5- ئاينىڭ 20- كۈنى توختىتىلىدىغانلىقى ئۈچۈن، شۇ كۈندىن ئىككى كۈن بۇرۇنغىچە ئالاقىلاشساڭلار بولىدۇ.
دەرسلىكلەرنى ئۈگىنىپ پايدىلانساڭلار كۆپ ياخشى بولاتتى. ئازراق بولسىمۇ مۇشۇ ساھەدە ئىلگىرلەش بولسا دەيمەن. ئۇيغۇر پروگراممىرلار مەملىكەتتە 2- ئورۇندا تۇرمىز دەپ ئاغزىمىزنى تاتلىق قىلىۋاتقىلى بەك ئۇزۇن بولدى. بەزىدە باشقىلارنى ياراتماي قويمىز. بىراق بىزدىكى پروگراممىرلارمۇ ساناقلىقلا،ئىچكىرنىڭ يۇقىرى دەرىجىدىكى تەرەققىي قىلغان تېخنىكىللىرىنى كۆز بىلەن كۆرۇپ كەلسەك مەنچە ھازىرقى ھالىتىمىزدە ھەرگىزمۇ بۇنداق «يوغان» سۆزلەرنى قىلمىغان بولاتتۇق، بىراق بۇمۇ بىزنىڭ بىر ئۆمۇت، بىر ئارزۇيىمىز بولۇپ كەلگۈسىدە روياپقا چىقىپ قالسا، ئىنشاھ ئاللاھ، شۇ ۋاقىتتا ھوزۇر بىلەن قېنىپ نەپەس ئالغىلىمۇ نىسىپ قىلار.
مۇشۇ ئىختىزاد ھەققىدە بەزى سۆزلەرنىمۇ قىلىپ قويدۇم

چاقچاق بولسۇن دەپ، ئىنشاھ ئاللاھ، ئەڭ قىسقا ۋاقىت ئىچىدە بارلىق دەرسلىكلەرنى ھەقسىز تارقىتىشقا تىرشىمەن. بىراق بۇ يالغۇز مىنىڭ قولۇمدىن كىلىپ بولغىدەك ئىشلار ئەمەس،شۇڭا بۇنىڭغا بىر مەزگىل ۋاقىت كىتىدىكەن. بەلكىم بىر يىل، بەلكىم ئىككى يىل. ئاللاھ ئۆمۇر بەرسە بەلكىم بىر قانچە يىللاردا روياپقا چىقىپ قالار.
بۇ قېتىم ھەقسىز تارقىتىلىدىغان دەرسلىكلەر ھەر بىر تۈرنىڭ دەسلەپكى ئاساس بىلىملىرىگە يېتىپ ئاشىدۇ. ياخشى ئۈگەنسەڭلارلار بىر ئىشلارنى قىلىپ كىتەلەيسىلەر، - ھە، دىمەي دىسەممۇ يەنە چۈپەيلىكىم تۇتۇپ قېلىۋاتىدۇ.

بەزىللىرىڭلار،- ئاڭلىسام دەرسلىكىڭىز ئانداق ئىكەن، مانداق ئىكەن - دەپ زىتىمغا تىگىدىغان بولىۋالدىڭلار. مەيلى قانداقلا بولسۇن مىنىڭ دەرسلىكلىرىم ھەققىدە خەقتىن ئاڭلىغانلار ئەمەس، دەرسلىكىمنى كۆرگەنلەرنىڭ ئۇنداق ياكى مۇنداق دەپ باھا بېرىش ھوقۇقى بار، ئاڭلىغانلا سۆزنى دەۋەرمەڭلار.

ھى ھى ھى . يەنىلا دەيدىغاننى دىۋەتتىم -دە. مۇشۇ بەزىدە ئىش دىگەننى ۋاقتىدىلا قىلمىغان ئىش بولمايدىكەن، بەزىلەر سىزنى تىللاپ، ئۇرۇپ ئەدىپىڭىزنى بىرىپ بولغاندىن كىيىن- خەپ، كىيىن يەنە كۆرشۇپ قالارمىز؟- دەپ قويدىكەنمىز. ۋاي قويىڭە بولدى. شۇ ۋاقىتنىڭ ئۆزىدىلا بىر تەرەپ قىلىۋتىش كىرەك ئىكەن. ئەتىگە ئىشەنىچ يوق، كىيىن كۆرشىپ قىلىشنى تاما قىلىش نىمە ئەمدى.شۇ ۋاقىتتىمۇ يەنە شۇنداق دەيدىغان گەپ ھەقىچان. شۇڭا مەنمۇ كەلگەن يېرىدە دەپ قويدۇم.

خەيىر. يەنە كۆرشەرمىز. ئامان بولۇڭلار.

yulhun · ۋاقتى: 2012-5-7 16:21:03

ۋە ئەلەيكۇم ئەسسالام
بولسا تاۋباۋ تورىدا سىتىشنى ئويلىشىپ باقسىڭىزمۇ بۇلىدۇ.
ھەقسىز تارقاتقان دەرىسلىكىڭىز ئاللاھ خالىسا نەفلە ئىبادەتكە كىرىدۇ،كىيىنچە بۇلار سەدىقە جارىىيەگىمۇ كىرىش مۇمكىن. ئاللاھ ئاسان قىلسۇن. بۇ يازمىنى ئاخىرىدا yulhun تەھرىرلىگەن. ۋاقتى 2012-5-7 16:21

umudwar · ۋاقتى: 2012-5-7 20:05:14

muhtar يوللىغان ۋاقتى 2012-5-7 15:39
بۇگۈن بىجىردىغان بىر ئاز ئىشلىرىم بولغاچ كومپيۇتېر ئا ...

قايسى كۈنى كوت كوتنى ئاچسام بىر خەنزۇچە رەسىم بكىتىنىڭ ئادىرسىنى يوللاپتىكەنسىز
مەن تېىخى  خاتا يوللاپ سالغان ئوخشايدۇ دەپتىمەن
ئۇلىنىش قىلىدىغان ئىش بولسا نىمىشقا ئۇلىنىش قىملمىغۇدەكمىز
مىنىڭ بىكىتىم ئاللاھ خالىسا سىزنىڭ يۇقۇردا دەپ ئۆتكەن بىكەتلەر قاتارىغا كىرەلەيدۇ
بىكىتىمنىڭ ئۈستىدىن سىزگە بىر رسىملىك ئېلان ئورنى بىرەي
لىكىن ئەمدى بۇ قېتىم سىز بىكىتىمنى  بىكىتىڭىزگە ئۇلىنىش قىمىسىڭىز بولمايدۇ
چۈنكى سىز  بۇرۇن مەن تەلەپ قىلغاندا بىكىتىڭىز TK ئىسىمكەن دىگەن ئىدىڭىز
خۇداغا شۈكرى  COM  ئىسىم ئالغىلىمۇ پۇل تاپتۇق
ھەقلىق بوشلۇققىمۇ پۇل چىقتى ھەر ھالدا نۇرمال كىتىپ بارىدۇ
بىكىتىمنىڭ ئادىرسى :http://qarilar.com
مانا مۇشۇ بىكەت
بىكىتىڭىزگە ياراشماي قالسا ئۇلىنىشقىلمىسىڭىزمۇ مەيلى
لىكىن مەن قىلىۋىرىمەن چۈنكى مەن مىنەتخو ئەمەس
سىزنى مىننەتخو دىگىنىمۇ يوق
قالدى گەپنى كوت كوت  دا پاراڭلىشايلى
ئىنشائاللاھ
ئىمزا قويدۇم

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

يېڭى گەپ (مۇختار روزى)

باھالاش

باھا سۆز

باھا سۆز

باھا سۆز

باھا سۆز