تەۋسىيە: ئۇيغۇرچە ئېلخەت يوللاش ھەققىدىكى كونا- يېڭى ساۋاتلار

Intil · ۋاقتى: 2012-4-22 17:28:16

تور ئېلخەت سېستىمىلىرىدا ئۇيغۇرچە ئېلخەت يوللاش
ئاپتورى: Saqal يوللىغان ۋاقىت: 2008-2-12 مەنبە : ئۇيغۇر كومپيۇتېر ئىلىمى جەمئىيىتى تورى

Outlook قاتارلىق ئېلخەت دىتاللىرىدىن پايدىلىنپ ئۇيغۇرچە ئېلخەت يوللىغىلى ھەم كۆرگىلى بولىدۇ. ئەمما بۇ ئىقتىدار ھەر ئىككى تەرەپتە ئۇيغۇرچە فونتنىڭ ھەم كىرگۈزگۈچنىڭ بولىشىنى تەلەپ قىلىدۇ. تۆۋەندىكى ئۇسۇللار ئارقىلىق، ئېلخەت دىتاللىرىدىن ئەمەس، بىز كۆپ ئىشلىتىدىغان تور ئېلخەت سېستىمىلىرىدىن پايدىلىنىپ ئۇيغۇرچە ئېلخەت يېزىش ۋە ئوقۇش مەقسىدىگە يىتەلەيمىز.

سىناق قىلىنغان سېستىمىلار : Gmail, 163.com, Yahoo mail,Hotmail

1. ئەگەر سېستىمىغا ئۇيغۇرچە (بىۋاستە)كىرگۈزگۈچ قاچىلانغان بولسا، ئاۋۋال Word قاتارلىق تەھرىرلىگۈچتە يازماقچى بولغان خېتىمىزنىڭ ھەممىسىنى يېزىۋېلىپ، خەت يۆنۈلۈشى ۋە فونتنى تاللىۋېلىپ، تور ئېلخەت سېستىمىلىرىنىڭ يېزىش كۆزنىكىگە چاپلىساق بولىدۇ. ياكى ئالدىنقى بىر سۆزىنى يېزىۋېلىپ، ئۇنى چاپلىغاندىن كىيىن، ئاشۇ كۆزنەكتە داۋامىنى يازساق بولىدۇ. بۇنداق قىلىشتىكى سەۋەپ، تور ئېلخەت سېستىمىلىرىنىڭ تەھرىرلىگۈچلىرى بىزگە لازىملىق ئوڭدىن-سولغا يېزىش، ۋە ئۇيغۇرچە فونتنى تاللاش ئىقتىدارى بىلەن تەمىنلىمەيدۇ.بىز Word قاتارلىق تەھرىرلىگۈچلەردە بۇ خاسلىقلارنى تاللىۋىلىپ، كۆچۈرۈپ چاپلىساق، مەزمۇن html ھالىتىدە، خاسلىقلىرىنى يوقاتمىغان ھالدا چاپلىنىدۇ. يېزىپ بولغاندىن كىيىن ئەۋەرتسەك ، قارشى تەرەپنىڭ ئېلخەت سېستىمىسى html شەكلىدە ئېچىشنى قوللىسىلا، ھەم قارشى تەرەپتە بىز ئىشلەتكەن فونت بولسىلا، قارشى تەرەپ نورىمال كۆرەلەيدۇ. بۇ جەھەتتە ئېلخەت دىتاللىرىدىن پايدىلىنپ يېزىش بىلەن ئوخشاش، پەقەت تور ئېلخەت سېستىمىلىرىنىڭ تەھرىرلەشتىكى كەمچىلىگىنى Word قاتارلىق تەھرىرلىگۈچلەر ئارقىلىق تولدۇرىمىز، Outlook لارنى تەڭشەپ يۈرۈشنىڭ ھاجىتى يوق.

2.كۆپچىلىكنىڭ قىزىقىدىغىنى، يەنىلا ئۇيغۇرچە فونت بولمىغان شارائىتتا نورىمال ئەۋەرتىش ۋە نورىمال ئوقۇش بولسا كېرەك. ھازىرغىچە بولغان سىناقلاردىن مەلۇمكى، خەت يازغاندا چوقۇم ئۇيغۇرچە ھەرىپلەرنى تولۇق ئۆز ئىچىگە ئالغان ۋە نۇسخىسى چىرايلىق بولغان خەت نۇسخىسىنى تاللاپ يېزىش كېرەك،شۇندىلا نورىمال يازغىلى ۋە ئوقۇغۇلى بولىدۇ. يۇقارقى تور ئېلخەت سېستىمىلىرىدىن، 163 نىڭ ئېلخەت سېستىمىسى تەھرىرلىگۈچى يازغاندا فونتنى تاللاش ئىقتىدارىنى تەمىنلىمەيدۇ.قالغانلىرىنىڭ بۇ ئىقتىدارنى تەمىنلەيدۇ. Gmail بولسا Arial, Times New roman,Georgia قاتارلىق فونتلارنى تاللايدۇ، سىناق نەتىجىسى بۇ فونتلارنىڭ ياكى بولمىسا ئۇيغۇرچە ھەرىپ-بەلگۈلەرنى تولۇق ئۆز ئىچىگە ئالمىغان،ياكى بولمىسا خەت نۇسخىسى سەت ئىكەنلىگىنى ئىسپاتلىدى.
Hotmail(Live mail)

نىڭ تەھرىرلىگۈچى بولسا ، بىزگە ناھايىتى ياخشى بولغان بىر فونتنى تەمىنلىگەن. بۇ فونتنىڭ ئىسمى Lucida Handwritting، تەھرىرلىگۈچتە مۇشۇ فونتنى تاللاپ يازساق، قارشى تەرەپتە باشقا ئۇيغۇرچە فونتلار بولمىغان تەقدىردىمۇ خېتىمىزنى نورىمال ئوقۇيالايدۇ. ئەگەر كومپيۇترىمىزغا ئۇيغۇرچە كىرگۈزگۈچ قاچىلانمىغان بولسا، تۆۋەندىكى تور بەتكە يېزىۋېىلىپ، چاپلىساق بولىدۇ:
http://www.yulghun.com/imla/

3. Gmail,hotmail ،Yahoo قاتارلىق سېستىمىلار خەت ئەۋەرتكەندە utf-8, ۋە text/plain,text/html شەكلىنى ئىشلىتىدۇ(ھەم تېكىست،ھەم htmlشەكلىدە).

Content-Type: text/html; charset="utf-8"
Content-Transfer-Encoding: base64

Content-Type: text/plain; charset="utf-8"
Content-Transfer-Encoding: base64

دەپ ئۆتكىنىمىزدەك، بىز ئۇيغۇرچە فونتنى تاللاپ ئىشلەتكەنمىز، قارشى تەرەپنىڭ ئېلخەت سېستىمىسى خەتنى html شەكلىدە ئېچىشنى قوللىمىسا ، شۇ خىل فونت سېستىمىدا بولغان تەقدىردىمۇ خەت نورىمال كۆرۈنمەيدۇ. ئەپسۇسلىنارلىغى Gmail سېستىمىسى كەلگەن خەتنى html شەكلىدە ئەمەس، plain text شەكلىدە ئوقۇيدىكەن.شۇڭا 1-خىل ئۇسۇلدا يېزىلغان خەتلەر نورىمال كۆرۈلمەيدۇ.ھەم Gmail نىڭ تەھرىرلىگۈچى بىزنى ئۇيغۇرچىنى تولۇق قوللايدىغان فونت بىلەن تەمىنلىمەيدۇ. بۇلارنى ئويلاشقاندا،ئۇيغۇرچە يېزىش ۋە ئوقۇشقا ئەڭ ماس كېلىدىغان ئېلىخەت سېستىمىسى يەنىلا Hotmail,Livemail بولۇپ ھىساپلىنىدۇ. تەكىتلەپ ئۆتۈشكە تىگىشلىگى، Hotmail ئارقىلىق Lucida Handwritting فونتىنى تاللاپ يېزىلغان خەتلەر يۇقاردىكى ھەرقانداق ئېلخەت سېستىمىسىدا نورىمال كۆرۈنىدۇ، سېستىمىدا ئۇيغۇرچە خەت نۇسخىسى بولۇشنى تەلەپ قىلمايدۇ، پەرىزىمچە Lucida Handwritting خەت نۇسخىسى كۆپىنچە كوميۇتىرلاردا بار.

ئەلۋەتتە، ئۇيغۇرچىنى ئەڭ ياخشى قوللايدىغان،ئۇيغۇرچە مەشغۇلات يۈزىلىك ئېلخەت سېستىمىسى يەنىلا يۇلغۇن تور ئېلخەت سېستىمىسى ھىساپلىنىدۇ. ئەگەر يۇلغۇن ئېلخەت سېستىمىسى ئەۋەرتىشتە ئىشلەتكەن فونتلارنىڭ قاتارىغا MS Uighur, Lucida Handwritting قاتارلىق ئۇنۋېرسال فونتلارنى قېتىۋەتسە، ئۇ ۋاقىتتا يۇلغۇندىن ئەۋەرتكەن خەتنى ئۇيغۇرچە فونت بولمىغان كومپيۇترىلاردىمۇ نورىمال ئوقۇغۇلى بولىدۇ.

دىققەت: ئۇيغۇرچە ئېلخەتلەرنى ئوقۇغاندا، زىيارەتچىىنڭ تور بەت كۆرسىتىش كودىنى Unicode,UTF-8 قىلىپ تاللاشنى ئۇنۇتماڭ.

مەنبە http://www.ukij.org/munber/viewthread.php?tid=273

Intil · ۋاقتى: 2012-4-22 17:31:22

ئېلخەت يېزىش ھەققىدە ساۋات

ئاپتورى: غەيرەت توختى كەنجى

ھازىر بۇرۇنقىدەك پوچتىخانا ئارقىلىق خەت يېزىشىپ ئالاقە قىلىدىغان ئىشلار كۈندىن-كۈنگە ئازلاپ كېتىۋاتىدۇ. بۇنىڭ سەۋەبى ئىنتېرنېتنىڭ ئائىلىلەرگىچە ئۇمۇملاشقانلىقىدىندۇر.

بۇرۇن خەت يېزىشىپ ئالاقە قىلغاندا، بىرەر پارچە خەت يېزىش ئۈچۈن كەم دېگەندە بىرەر سائەت ۋاقىت چىقىرىپ، خەتلەرنى چىرايلىق يېزىشقا، مەزمۇنىنى ياخشى، تەسىرلىك قىلىشقا تولىمۇ ئەھمىيەت بېرەتتى.

شۇڭا خەتنىڭ باش قىسمىدا قارشى تەرەپتىن ئاۋۋال ئەھۋال سورايتتى.(يەنى ئەسسالامۇئەلەيكۇم XXXXX دىن باشلىنىپ، تۇرمۇش، خىزمەت، ئائىلە ئەھۋالى... قاتارلىقلار ھەققىدە ئەھۋال سورايتتى، ).

ئاندىن كېيىن خەتنىڭ ئىككىنچى ئابزىسى،  "مەقسەتكە كەلسەم...." دىن باشلىنىپ ئۆزىنىڭ مەقسىتىنى يازاتتى.

ئاخىرىدا قارشى تەرەپكە ياخشى تىلەكلەرنى تىلەپ خەتنى ئاخىرلاشتۇراتتى ۋە ئەڭ ئاخىرىغا چوقۇم ئۆزىنىڭ ئىمزاسى ۋە يىل ئاي كۈننى يازاتتى.
ھازىر ئىنتېرنېتتىكى قۇلايلىقلاردىن پايدىلىنىپ، ئالاقىگە پوچتىخانا ئەمەس، ئىنتېرنېتتىكى ئېلخەت(ئە-ماىل) ئالاقىسىنى ئىشلىتىدىغان ئادەت شەكىللەنگىلى تۇردى.
سەۋەبىنى دېمىسەممۇ ھەممەيلەنگە چۈشىنىشلىك، يەنى سۈرەت ناھايىتى تەز، دۇنيانىڭ ھەرقانداق يېرىدىكى بىرەر كىشىگە خەت يازسا نەچچە مىنۇتقا بارمايلا قولىغا تېگىدۇ.
بىراق ئىنتېرنېت ئالاقىسى تەز دەپ نۇرغۇنلار، خەت يازغاندا خەتنىمۇ قىسقارتىپ مەزمۇنىلا يېزىپ قويىدىغان بولۇۋالدى.
خەتنى ئوقۇسا، خەتنىڭ كىمگە ئەۋەتىلگەنلىكىنى، قاچان يېزىلغانلىقىنى، خەت ئەۋەتكۈچىنىڭ كىم ئىكەنلىكىنى بىلگىلى بولمايدىغان ھالەت شەكىللىنىپ قالغىلى تۇردى.
شۇڭا بۇ خېتىمدە ئىنتېرنېتتا ئالاقىسىدە، سالام خەت يېزىش ئۇسۇلى ھەققىدە ئازراق توختىلىمەن.
ئىنتېرنېت ئالاقىسىدىكى ئە-ماىل دېگەننى ئۇيغۇرچە ئېلخەت دەپ ئاتايدۇ. قارشى تەرەپكە خەت يازغاندا قارشى تەرەپنىڭ "ئېلخەت ئادرېسى"  غا خەت ئەۋەتىلىدۇ. ئېلخەت ئادرېسى شۇ كىشىگىلا تەۋە بولۇپ ئۇنىڭ ئىچىدىكى خەتلەرنى كۆرۈش ئۈچۈن چوقۇم ئىم(پارول) كىرگۈزۈش كېرەك. ئىمنى بىلمىسە ئۆزىمۇ كۆرەلمەيدۇ. ئىم ئاشكارىلىنىپ قالسا ھەممە كىشى كۆرەلەيدۇ.
ئىنتېرنېتتا نۇرغۇن ئېلخەت دېتاللىرى (ئېلخەت يازىدىغان ۋە ئوقۇيدىغان پروگراممىلار) بار بولۇپ، ھەممىسىدە دېگۈدەك  "To:"،"Cc:"،"BCc:"، "Subject:"  دەيدىغان رامكىلار بار.
"To:" دەيدىغان كەرگۈزۈش رامكىسىغا قارشى تەرەپنىڭ ئېلخەت ئادرېسىنى يېزىلىدۇ.
"Cc:" دەيدىغان رامكىغا، بۇ خەتكە مۇناسىۋەتلىك يەنە باشقا كىشىلەرنىڭ ئادرېسىنى يېزىشقا بولىدۇ، خەتتىكى مەزمۇننى بىلىپ قالسۇن دېگەن كىشىلەرنىڭ ئادرېسىنى بۇ يەرگە يېزىلىدۇ.
"BCc:" دەيدىغان رامكىمۇ بار بولۇپ، بۇ يەرگە ئىسمىنى ئاشكارىلاشنى خالىمىغان كىشىلەرنىڭ ئېلخەت ئادرېسىنى يېزىلىدۇ.
"To:" ۋە "Cc:" غا يېزىلغان كىشىلەرنىڭ ئادرېسى خەتنى تاپشۇرۇپ ئالغۇچىلارغا ئاشكارا كۆرۈنىدۇ.
بىراق، "BCc:"  غا يېزىلغاننى "To:"، "Cc:" دىكى تاپشۇرۇپ ئالغۇچىلار بىلمەيدۇ(ئۇلارغا كۆرۈنمەيدۇ). ئەمما، "BCc:" دىكى خەت تاپشۇرۇپ ئالغۇچىغا "To:"، "Cc:" دىكى خەت تاپشۇرۇپ ئالغۇچىنىڭ ئېلخەت ئادرېسى ئاشكارا كۆرۈنىدۇ.
"To:"،"Cc:"،"BCc:" رامكىلىرىغا نۇرغۇن كىشىلەرنىڭ ئېلخەت ئادرېسىنى يېزىشقا بولىدۇ. ئادرېسلار پەش "،" ئارقىلىق ئايرىلىدۇ.
"Subject:" دەپ بىر رامكا بولۇپ بۇ يەرگە خەتنىڭ ماۋزۇسى يېزىلىدۇ، يەنى بۇ يەرگە ئادەتتە خەتنىڭ مۇھىم مەزمۇنىنى قىسقارتىلىپ بىر قۇر قىلىپ يېزىلىدۇ.
ئاستىدا خەتنىڭ مەزمۇنى يازىدىغان چوڭراق رامكا بار. بۇ يەرگە خەتنىڭ ئاساسىي مەزمۇنى يېزىلىدۇ. بۇ يەرگە بۇرۇنقى سالام خەتلەرنى يازغاندەك ئۇزۇن خەتلەرنى يېزىشنىڭ ھاجىتى يوق. بىراق تۆۋەندىكى بىر نەچچە نۇقتىغا قەتئىي دىققەت قىلىش كېرەك.
1. خەتنى چوقۇم ئەسسالامۇئەلەيكۇم XXXX(ئەپەندى، خانىم، ئاكا....) دىن باشلاش كېرەك. بۇ يەردىكى خخخخ قارشى تەرەپنىڭ ئىسمى بولۇپ، بۇنى چوقۇم توغرا يېزىش كېرەك، بۇ قارشى تەرەپكە بولغان ئەڭ چوڭ ھۆرمەتتۇر. ئەگەر قارشى تەرەپنىڭ ئىسمىنى توغرا يازالمىسىڭىز دەسلەپكى خەتتە چوقۇم بۇنى ئەسكەرتىشىڭىز كېرەك. ئەر ياكى ئاياللىقىنى بىلەلمىسىڭىز چوقۇم(ئەپەندى ياكى خانىم ياكى خانقىز....) دېگەنلەرنى قوشۇپ قويۇڭ.
2. ئەھۋال سوراش، ئادەتتە ئەھۋالغا قاراپ يازمىسىڭىزمۇ بولىدۇ.
3. خەتنىڭ مەقسىتىنى ئېنىق، چۈشىنىشلىك قىلىپ يېزىڭ، بولمىسا نۇرغۇن ئاۋارىچىلىكلەر كېلىپ چىقىدۇ. چۈنكى سىز قارشى تەرەپ بىلەن يېزىق ئاقىللىق ئالاقە قىلىۋاتىسىز.
4. ئەڭ ئاخىرىغا چوقۇم ئوز ئىمزايىڭىزنى ۋە چېسلانى يېزىشنى ئۇنتۇماڭ.
ئاخىرىدا ئەسكەرتىدىغىنىم، بىر قىسىم ئېلخەت دېتاللىرى(ئېلخەت يازىدىغان ۋە ئوقۇيدىغان پروگراممىلار) ئۇيغۇر تىلىنى(كونا يېزىقنى) قوللىمايدۇ، شۇڭا قارشى تەرەپ بىلەن ئالاقە قىلغاندا ئۇيغۇر لاتىن يېزىقىنى ئىشلىتىڭ.
تامام

2010/02/28
مەنبە http://kenjisoft.homelinux.com/soft/LightNEasy.php?page=bashqa

Intil · ۋاقتى: 2012-4-22 17:35:48

تور كاتىپتىن پايدىلىنىپ ئۇيغۇرچە ئېلخەت يوللاش.
ئېلخەت ئىچكى كودلاش شەكلىدىن پايدىلىنىپ، ھەر قانداق بىر Unicode قوللايدىغان ئېلخەت ساندۇقىغا ئۇيغۇرچە خەتنى يوللاش ۋە ئۇنى نورمال كۆرسىتىشنى ئىشقا ئاشۇرۇش. خەت تاپشۇرىۋالغۇچىنىڭ كومپيۇتېرىدا ئۇيغۇرچە فونت بولمىغان شارائىتتىمۇ، ئۇيغۇرچىنى نورمال كۆرسىتىشنى ئىشقا ئاشۇرۇش. بۇ دېتال ئېلخەت ئىچكى كودلاش شەكلىدىن پايدىلىنىپ ئېلخەت يوللايدۇ، شۇڭا خەت تاپشۇرۇۋالغۇچىنىڭ كومپيۇتېرىغا UKIJ Tuz Tom خەت نۇسخىسى قاچىلانغان بولسىلا، ئېلخەتنى نورمال كۆرگىلى بولىدۇ. ئۇندىن باشقا بۇ دېتالغا «خەۋەرلەر»، «فىلىملەر»، «ناخشىلار»، «تەرمىلەر»،«دېتاللار»،«تور بەتلەر» قاتارلىق سەھىپلەر ئورۇنلاشتۇرۇلغان بولۇپ، ماس سەھىپىلەرنى دېتال ئارقىلىق زىيارەت قىلىشقا بولىدۇ. بۇ ئىقتىدارلىرى بىر كىچىك جاھاننامىگە ئوخشايدۇ...
مەنبە http://www.aelsoft.com/view.asp?ID=1

alnap · ۋاقتى: 2012-4-22 17:45:59

ئۇيغۇرلارنىڭمۇ تىزىملاتسىلا ئېلخەت بىردىغان توربىتى بولغان بولسا ئۇيغۇرچە ئېلخەت يوللىيالاتتۇق

Intil · ۋاقتى: 2012-4-22 17:53:34

alnap يوللىغان ۋاقتى 2012-4-22 17:45
ئۇيغۇرلارنىڭمۇ تىزىملاتسىلا ئېلخەت بىردىغان توربىتى ...

يۇقۇرىدىكى مەزمۇنلارنى تولۇق ئوقۇڭ. ئۇيغۇرچە بەت بولمىغاندىمۇ ئۇيغۇرچە ئېلخەت يوللىغىلى بولىدۇ.

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

تەۋسىيە: ئۇيغۇرچە ئېلخەت يوللاش ھەققىدىكى كونا- يېڭى ساۋاتلار

مۇناسىۋەتلىك تېمىلار

باھا سۆز