دۆلەت مەخپىيەتلىكىدىن ھالقىغان «كۈچ»

osmanturpan · ۋاقتى: 2012-4-19 20:24:32

  ئامېرىكا نېۋادا شىتاتىدا بىر پەۋقۇللاددە مەخپىي ھەربىي رايون بولۇپ ، 51 - رايون دەپ ئاتىلىپ كەلگەن . بۇ رايونغا شۇ يەردە خىزمەت قىلغانلاردىن سىرت ھەرقانداق كىشىنىڭ كىرىشى مەنئىي قىلىنىدۇ .

  چارلىز  بىر كۈنى كەچقۇرۇن كىچىك تىپتىكى ئايروپىلانىنى ھەيدەپ 51 - رايونغا قوندى . ئەسكەرلەر چارلىزنى تېزلىكتە قورشاپ ، ئايروپىلانىنى مۇسادىرە قىلدى . چارلىز سوراقتا لاسۋېگاستىن ئۇچۇپ لېنىيەدىن ئادىشىپ قالغانلىقىنى ، بۇ ھەربىي ئايرودورومنى كۆرۈپ قالغانلىقىنى ، بۇ يەرگە قونمىسا ئايروپىلانىنىڭ چۈشۈپ كېتىدىغانلىقىنى بايان قىلدى ، ئەمما 51 - رايوندىكىلەر ئۇنىڭ سۆزىگە ئىشەنمەي ، ئۇنى كېچىچە سوراق قىلدى  ھەمدە فېدراتسىيە تەكشۈرۈش ئىدارىسى بىلەن ئالاقىلىشىپ ئۇنىڭ ئارخېۋىنى تەكشۈردى . ئاخىر چارلىزنىڭ دېگەنلىرىنىڭ راستلىقىنى ،ئۇنىڭ جاسۇس ئەمەسلىكىنى جەزملەشتۈرگەندىن كېيىن ، قويۇپ بېرىشنى قارار قىلدى .

51 - رايوننىڭ قوماندانى ئەتىسى سەھەردە چارلىزنى چاقىرىپ:
      ئېسىڭدە تۇت، بۇ ھەربىي رايون توغرىلىق ھېچقانداق كىشىگە تىنىشىڭغا رۇخسەت يوق . كۆرگەنلىرىڭنى ئۇنتۇپ كەت . بولمايدىكەن ئاخىرقى ئۆمرۈڭنى قاراڭغۇ تۈرمىدە ئۆتكۈزىسەن،-دېدى .

  قوماندان چارلىزغا يۇقىرقىلارنى تاپىلىغاندىن كېيىن ، قورسىقىنى تويغۇزۇپ ، ئايروپىلانىغا ماي قاچىلاپ ، لاسۋېگاسنىڭ يۆلىنىشنى كۆرسىتىپ يولغا سالدى .

  ئۇلارنى ھەيران قالدۇرغىنى شۇكى ، بۇ كىچىك تىپتىكى ئايروپىلان ئەتىسى 51 - رايون ھاۋا بوشلىقىدا يەنە پەيدا بولدى . بۇ قېتىم ئايروپىلاندا چارلىزدىن باشقا كېلىشكەن بىر ئايال قاپىقىنى تۈرگىنچە ئولتۇراتتى .

ئەسكەرلەر ئۇنى تېزلىكتە قورشاپ ، ئۇلارنىڭ ئايروپىلاندىن چۈشۈشىگە بۇيرۇق قىلدى. چارلىز ئايروپىلاندىن چۈشۈپ ئوڭايسىزلانغان ھالدا قوماندانغا :
      كەچۈرۈڭ قوماندان ، گېپىڭىزگە قارشى چىقماي بولمىدى ، مېنى قانداق بىر تەرەپ قىلسىڭىز مەيلى ، لېكىن خاپا بولماي ئايالىمغا كېچىچە مۇشۇ يەردە بولغانلىقىمنى ، شۇڭا ئۇنىڭ بىلەن ئالاقىلىشەلمىگەنلىكىمنى چۈشەندۈرۈپ قويغان بولسىڭىز  - دىدى .

« قانۇنچىلق گېزىتى » دىن ئېلىندى.

ablkim · ۋاقتى: 2012-4-19 22:57:37

يۇمۇرما بۇ؟ ...................

uyflash · ۋاقتى: 2012-4-19 23:53:45

مەن تېخى راست ۋەقە ئوخشايدۇ دەپتىمەن.

alnuri · ۋاقتى: 2012-4-20 01:14:40

ھىچكىمگە دىمەيمەن دەپ تۇرۇپ، ئايالىغا دەپ ساپتۇ دە مەخپىيەتلىكنى؟

hawaskar218 · ۋاقتى: 2012-4-20 11:10:22

قېنى بۇنىڭ كۈلىدىغان يېرى .............

osmanturpan · ۋاقتى: 2012-4-20 17:53:29

hawaskar218 يوللىغان ۋاقتى 2012-4-20 11:10
قېنى بۇنىڭ كۈلىدىغان يېرى .............

مەنغۇ بۇنى يۇمۇر دەپ يوللىمىغان.

ئەسەرنىڭ مەنىسى شۇكى: ئايالىنىڭ كۈندەشلىكى سەۋەبلىك، ھەتتا دۆلەت مەخپىيەتلىكى دەرىجىسىدىكى قەتئىي مەخپىي رايۇنغا ئىككنجى قېتىم بېرىشقا مەجبۇر بولغان.

uyflash · ۋاقتى: 2012-4-20 19:00:43

hawaskar218 يوللىغان ۋاقتى 2012-4-20 11:10
قېنى بۇنىڭ كۈلىدىغان يېرى .............

كۈلىدىغان يېرىنى تاپالمىغان بولسىڭىز يەنە بىر قىتىم ئوقۇپ باقامسىز يا.

turpan · ۋاقتى: 2012-4-20 23:21:44

alnuri يوللىغان ۋاقتى 2012-4-20 01:14
ھىچكىمگە دىمەيمەن دەپ تۇرۇپ، ئايالىغا دەپ ساپتۇ دە مەخ ...

ئايالىنىڭ كۈچى دۆلەت مەخپىيىتىدىنمۇ كۈچلۈك ئىكەندە ؟؟؟

بەگزادە · ۋاقتى: 2012-4-23 14:28:37

بېشى راسىت ، ئاخىرى توقۇلما بولۇپ قالغاندەك تۇرىدۇ ...

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

دۆلەت مەخپىيەتلىكىدىن ھالقىغان «كۈچ»