[مۇسابىقە]WordPress ئۇسلۇبى ياساش دەرسلىكى

Nida · ۋاقتى: 2012-3-1 00:11:11

ئەسلىدىكى دەرسلىك جەمئىي ئالتە دەرسلىك بولۇپ، Word،Swf،PDF پىچىملىرىدا تەمىنلەشنى ئويلىغان ئىدىم. دەرسلكنى تۈزۈشكە چاغاندىن باشلاپ تۇتۇش قىلغان بولساممۇ، ئەمما خىزمەتتىكى زىيادە بېسىقچىلىق تەييار ئارگىنالنى كومپيۇتېرغا بېسىپ كىرگۈزگۈدەكمۇ ۋاقىت چىقىرىشقا نېسىپ قىلمىدى. بۈگۈن قارىسام مۇسابىقە مۆھلىتىمۇ توشۇپ قاپتۇ، بۇ مۇسابىقىگە قاتناشماسلىققا كۆڭلۈم ئۇنىمىدى (چۈنكى ئالدىنقى قېتىملىق مۇسابىقە پۇرسىتىنىمۇ ئالدىراشلىق سەۋەبىدىن قولدىن بېرىپ قويغان ئىدىم). شۇڭلاشقا چالا بولسىمۇ بۇ دەرسلىكنىڭ ئالدىنقى قىسىملىرىنى مۇسابىقىگە قاتناشتۇرۇشنى مۇۋاپىق تاپتىم، ئەگەر مۇسابىقە ھەيئىتى بۇ دەرسلىك مۇسابىقىگە قاتنىشىش سالاھىيىتىگە ئىگە دەپ قارىسا تولىمۇ خۇش بولاتتىم، ئەگەر سالاھىيىتىگە ئىگە ئەمەس دەپ قارىسا، مەندەك يېڭىدىن WP تور خاتىرىسى يېزىش ساھەسىگە قەدەم قويۇۋاتقانلارغا ياردىمى تەگسىمۇ ماڭا شۇ ھېساب.
-----------------------------------------------------------------

ئۇسلۇبى ياساش دەرسلىكى

1-دەرس قىسقىچە ئىزاھات

نۇرغۇنلارنىڭ WordPress (تۆۋەندە قىسقارتىلىپ WP دەپ ئېلىنىدۇ) ئىشلىتىشىدىكى مۇھىم سەۋەپلەرنىڭ بىرى، دەل ئۇلارغا WP نىڭ چىرايلىق ئۇسلۇبلىرىنىڭ يېقىپ قالغانلىقىدۇر (ئەلۋەتتە، مەنمۇ مۇشۇلارنىڭ ئىچىدىكى بىرى). ھەربىر WP مەستانىسىنىڭ ئۆزىگە خاس ئۇسلۇب ياساپ چىقىشىغا ياردىمى بولسۇن دەپ، ئەستايىدىل ئىزدىنىش ۋە ئىنچىكە تەييارلىق قىلىش ئارقىلىق، ئاخىرى بۇ بىر يۈرۈش WP ئۇسلۇبى ياساش دەرسلىكىنى تەرجىمە قىلىپ چىقتىم. بۇ بىر يۈرۈش دەرسلىكنى ئاساسلىق TomHeng تۈزگەن، لاۋۋۇ تۈزەتكەن، بۇنىڭدىن كۆپچىلىككە WP ئۇسلۇبى ياساشتا ئاساسىي چۈشەنچىگە ئىگە بولۇشىغا ياردىمى تېگىشىنى ئۈمىد قىلىمەن.
WP بولسا ئىنتايىن ئىلغار بولغان، ئوچۇق كودلۇق تور خاتىرىسى (بىلوگ) پروگراممىسىدۇر، ئۇ پۈتۈن دۇنيادىكى تور ئەھلىنىڭ ئالقىشىغا سازاۋەر بولغان. ئۇ يالغۇز ئاددى، قۇلاي بولغان بىر تور خاتىرىسى ئەمەلىي قوللىنىشچان پروگراممىسى بولۇپلا قالماستىن، شۇنىڭ بىلەن بىر ۋاقىتتا يەنە ئۆگىنىشتە ئەسقاتىدىغان ياخشى قورالدۇر. ئۇسلۇب ياساش ئارقىلىق، سىز يەنە تور بەت لاھىيەلەشكە ئائىت بىلىملەرنى ئۆگىنىۋالالايسىز، قىستۇرما ئىجاد قىلىشنى ئۆگىنىش سىزنىڭ PHP پروگراممىسى تۈزۈش ئىقتىدارىڭىزنى ئۆستۈرەلەيدۇ، ئەگەر يەنىمۇ چوڭقۇرلىغان ھالدا WP نىڭ رامكا قۇرۇلمىسىنى ئىگەللىۋالسىڭىز، ئۇنداقتا بۇ سىزنىڭ رامكا قۇرۇلمىلىق لاھىيەلەش ئىقتىدارىڭىزغا نىسبەتەن بىر خىل ئۆسۈشتۇر. قولىڭىزدىكى بۇ دەسلەپكى دەرسلىكنىڭ مەقسىدى WP ئۇسلۇبى ياساشنىڭ ئاساسىي بىلىملىرىنى ئومۇملاشتۇرۇش، ئەڭ ئادەتتىكى دەسلەپكى ئىشلەتكۈچىلەرگە يۈزلىنىپ، كۆپچىلىككە WP ئۇسلۇبىنىڭ ئاددى، قىزىقارلىقلىقىنى بىلدۈرۈشتۇر. بۇ ئاددى دەرسلىكتە WP ئۇسلۇبىنى ياساش ھەققىدىكى ئاساسىي قەدەم باسقۇچلار تونۇشتۇرۇلىدۇ، بىراق چىرايلىق ئۇسلۇب ياساپ چىقىشتا يەنىلا ئۆزىڭىزنىڭ تېخىمۇ كۆپ تەجرىبىڭىز، تىرىشچانلىقىڭىزغا تايىنىشقا توغرا كېلىدۇ.
بۇ دەرسلىكنى ئۆگىنىشتىن بۇرۇن سىز WP نى ئىشلىتىشكە پىششىق بولۇشىڭىز كېرەك، ئەگەر ئۇنداق بولمىسا ئۆگىنىشنى دەرھال توختىتىپ، WP دەرسلىك تورىدىكى WP ئىشلىتىش بىلىملىرىنى ئۆگىنىڭ.
دەرسلىكنى باشلاشتىن بۇرۇن، بىر قىسىم تور بەت لاھىيىلەش ئاساسىي قائىدىلىرى ۋە PHP ئاساسىي بىلىملىرىنى سەمىڭىزگە سېلىپ ئۆتەي:
(1)بارلىق Html خەتكۈچلىرى چوقۇم يېپىلىشى كېرەك.

(2) Htmlخەتكۈچلىرى قايچىلىشىپ قاپلانماسلىقى كېرەك.

بۇنداق ئىشلىتىلسە خاتا

بۇنداق ئىشلىتىلسە توغرا

(3)ئومۇمەن ياكى لارنىڭ ئىچىدىكى مەزمۇنلارنىڭ ھەممىسى كودلىرىدۇر.
(4)PHP نىڭ ئىككى خىل ئىزاھات ئۇسۇلى

// تاق قۇرلۇق ئىزاھات

/* */ كۆپ قۇرلۇق ئىزاھات

يەنى */ دىن باشلىنىپ /* تە ئاخىرلاشقان بارلىق مەزمۇنلار ئىزاھلانغان كودلاردۇر.
(5)CSS ئۇسلۇب ھۆججىتىنىڭ ئىزاھات ئۇسۇلى پەقەت بىر خىل، يەنى /**/ كۆپ قۇرلۇق ئىزاھات
تەۋسىيە قىلىنىدىغان قورال تور بەتلەر:
(1)PHP بىلمىسىڭىز بۇ تور بەتنى زىيارەت قىلىڭ. http://www.php.net
(2)CSS بىلمىسىڭىز بۇ تور بەتنى زىيارەت قىلىڭ. http://www.w3school.com.cn
دەرسلىكنىڭ مەزمۇنى كېيىنكى دەرستىن باشلاپ رەسمىي باشلىنىدۇ، تەرتىپنى ساقلاپ، جىمجىت ئولتۇرۇپ ساقلاپ تۇرۇشىڭىزنى ئۈمىد قىلىمەن.

Nida · ۋاقتى: 2012-3-1 00:38:07

2-دەرس ئۇسلۇب ياساشنىڭ ئاساسى تەرتىپى

شۇنداق، ئۇسلۇب ياساش مۇشۇنداق ئاددى ھەم قىزىقارلىق. ئالدىنقى دەرستە مەزكۇر WP ئۇسلۇب ياساش دەرسلىكىگە قىسقىچە ئىزاھات بېرىپ ئۆتكەن ئىدىم، بۇ دەرستە ئالدى بىلەن مەشغۇلات مۇھىتىنى تەڭشىۋېلىڭ.
(1)ئۆز كومپيۇتېرىڭىزغا WP ئىجرا مۇھىتىنى قاچىلاڭ.
نەزىرىڭىز «كومپيۇتېردا PHP ئىجرا مۇھىتىنى ھازىرلاش» دېگەن تېمىدا بولسۇن.
قاچىلاش جەريانىدا بىر قىسىم مەسىلىلەرگە يولۇقۇشىڭىز مۇمكىن، مەسىلەن: ئادەتتە چاقماق، پىنگۋىن قاتارلىق بىر قىسىم تور دېتاللىرى 80-نومۇرلۇق ئېغىزنى ئىگەللىۋالىدۇ. شۇڭلاشقا قاچىلاشتىن بۇرۇن، ئەڭ ياخشىسى، بارلىق تور دېتاللىرىنىڭ ھەممىسىنى تاقىۋېتىڭ. يەنە مەسىلە كۆرۈلسە توردىن ئىزدەپ بېقىڭ، پەقەت جاۋابى تېپىلمىسا، تېما ئاستىغا ئىنكاس قالدۇرسىڭىز، بىرلىكتە جاۋابىنى ئىزدىنەرمىز.
(2)كومپيۇتېرىڭىزغا WP نى قاچىلاڭ.
نەزىرىڭىز «كومپيۇتېرغا WordPress قاچىلاش» دېگەن تېمىدا بولسۇن.
بۇ باسقۇچ بىر ئاز ئاسان بولۇپ، غەلىبىلىك قاچىلىيالىغان بولسىڭىزلا، تور كۆرگۈچىڭىزنىڭ مەنزىل ئىستونىغا http://localhost دەپ كىرگۈزسىڭىز، ئۆزىڭىزگىلا تەئەللۇق بولغان WP نىڭ جامالىنى كۆرۈشكە مۇيەسسەر بولالايسىز.
(3)تەۋسىيە:
بىرقىسىم يۇمشاق دېتاللارنى تەييارلىۋېلىڭ. مەسىلەن:DreamWerver،FireWorks،EditPlus قاتارلىقلار.
ئەڭ ياخشىسى ئىككىدىن ئارتۇق تور كۆرگۈچ قاچىلاڭ (IE،FireFox).ئەلۋەتتە، بۇلارنىڭ ھەممىسىگە ھاجىتىڭىز چۈشۈشى ناتايىن، بۇ پەقەت تەۋسىيە خالاس، ئۆزىڭىزنىڭ بىلىم سەۋىيىرىڭىز ۋە كۆنگەن خۇيىڭىزغا ئاساسەن باشقا دېتاللارنى ئىشلەتسىڭىزمۇ پۈتۈنلەي ئىختىيارىڭىز. ھەتتا Windows نىڭ ‌‍Notepad تىن پايدىلىنىپمۇ مەقسىدىڭىزگە تامامەن يېتەلەيسىز.
بارلىق ئىشلار تەل بولدى، ئەمدى ئۇسلۇب ياساشنىڭ مۇناسىۋەتلىك بىلىملىرىنى تونۇشتۇرۇشنى باشلايمەن.
(1)ئۇسلۇبنىڭ ساقلىنىش ئورنى
بارلىق ئۇسلۇبلار بىردەك تور خاتىرىڭىز قاچىلانغان ھۆججەتداندىكى /wp-content/themes ھۆججەتدانىدا ساقلىنىدۇ، ھەر بىر ھۆججەتدان بىر ئۇسلۇبتۇر. شۇڭلاشقا ئۇسلۇب ياساشنىڭ تۇنجى قەدىمى بۇ ھۆججەتداندا بىر يېڭى ھۆججەتدان قۇرۇشتۇر، ھۆججەتداننىڭ نامى ئۇسلۇب نامى بولسا بولىدۇ، شۇڭا سىز ئاۋۋال ئۇسلۇبىڭىزغا چىرايلىق بىر ئىسىم قويۇڭ. مەسىلەن: مەن nida_kok دەپ نام قويدۇم.

WP نىڭ ئارقا بېتىگە كىرىپ قاراپ بېقىڭ، بۇ يېڭى ئۇسلۇبىڭىز قوشۇلۇپتىمۇ-يوق؟ نېمە؟ يوقكەن دېدىڭىزما؟

ئۇنداق ئەمەستۇ؟ قىلالمىدىڭىزمۇ-يا؟ كۆرمەي قالدىڭىزمۇ-يا؟ يەنە يوقما؟ توۋا، بۇ نېمە ئىشتۇ؟

سىزنى ئالداپ قويدۇم،

ئەمەلىيەتتە، ھۆججەتدان قۇرغىنىڭىز ئۇسلۇبىڭىز ئۈچۈن يەر سېتىۋالغانلىقىڭىزدۇر، بۇ يەرگە ئىمارەت سالسىڭىز ئاندىن ئارقا بەتتە كۆرەلەيسىز. ئەگەر ئارقا بەتتە ئۇسلۇبىڭىزنى كۆرمەكچى بولسىڭىز، ئۇنداقتا، ئاساسى بىر قەدەم بولسا ئۇسلۇب ھۆججەتدانىڭىزغا (بۇ يەردە كۆزدە تۇتۇلغىنى ئۆزىڭىز ھېلىراق يېڭىدىن قۇرغان ھۆججەتداندۇر، بۇ يەردە nida_kok ھۆججەتدانى مىسالغا ئېلىندى، بۇندىن كېيىنمۇ ئۇسلۇب ھۆججەتدانى دېيىلسە، سىز قۇرغان ئاشۇ ھۆججەتدان كۆزدە تۇتۇلىدۇ، بۇندىن كېيىنكى بارلىق مەشغۇلاتلىرىڭىز مۇشۇ ھۆججەتداندا بولىدۇ) نامى style.css بولغان ھۆججەت قۇرۇشتۇر. بۇ ھۆججەت بولسا CSS ئۇسلۇبلىرىنى ساقلاشتا ئىشلىتىلىدۇ. ئۇندىن باشقا يەنە ئۇسلۇبقا مۇناسىۋەتلىك بىر قىسىم ئۇچۇرلارمۇ ساقلىنىدۇ. ئۇسلۇبقا مۇناسىۋەتلىك بۇ ئۇچۇرلارنىڭ ھەممىسى /*ئۇسلۇب مۇناسىۋەتلىك ئۇچۇرلىرى*/ شەكلىدە ساقلىنىدۇ. ئەمدى سىز بۇنىڭغا ئەڭ ئاددى بىر ئۇچۇر ـــ ئۇسلۇب نامى ھەققىدىكى ئۇچۇرنى يېزىڭ. بۇنى style.css ھۆججىتىگە مۇنداق يازىسىز:

/*

Theme Name: nida-kok

*/

ئەسكەرتىش:بۇ يەرگە تېخىمۇ كۆپ مۇناسىۋەتلىك ئۇچۇرلارنى يېزىپ قويسىڭىز بولىدۇ، ئەمما بۇلار چوقۇم WP قائىدىسىگە بويسۇنۇشى لازىم. بۇ ئۇچۇرلار زۆرۈر ئەمەس، ئەمما ئەڭ ياخشىسى بىر قىسىم زۆرۈر ئۇچۇرلارنى (مەسىلەن: ئۇسلۇب نامى، ئۇسلۇب ياسىغۇچى قاتارلىقلارنى) يېزىپ قويۇش ئاقىلانىلىقتۇر، بۇنداق بولغاندا قارىماققا تېخىمۇ ئۆلچەملىك كۆرۈنىدۇ. ئەمدى ھۆججەتنى ساقلاپ، ئارقا بەتكە كىرىپ قاراپ بېقىڭ، يېڭى ئۇسلۇبىڭىز بۇ يەردە باردەكمۇ؟ نېمە؟ يەنە يوقمىكەن؟ نېمە دەيدىغاندۇ؟

ئەمەلىيەتتە، ئۇسلۇبىڭىز بۇزۇلغان ئۇسلۇبلار قاتارىغا كىرىپ قاپتۇ، ئەسكەرتمىسى بولسا: قېلىپ ھۆججىتى كەمچىل. شۇنداق، ئۇسلۇبىڭىز ئۆزى كىچىك، ئۇنىڭ ئۈستىگە ھەممە نەرسىسى تەل بولغىنى يوق، ئەمدى ئۇنىڭغا بىر قېلىپ ھۆججىتىدىن بىرنى قۇرسىڭىزلا ئىش پۈتىدۇ. nida_kok ھۆججەتدانىغا index.php دەيدىغان ھۆججەتتىن بىرنى قۇرۇڭ، ئەمدى بۇ يېڭى ئۇسلۇبىڭىزنى ئارقا بەتتىكى ئۇسلۇبلار تۈرى تىزىملىكىدە كۆرەلەيسىز، شۇنىڭ بىلەن بىر ۋاقىتتا ئۇسلۇبىڭىزنى قاچىلاپ ئىشلىتەلەيسىز.

مانا بۇلار (style.css ۋە index.php ھۆججەتلىرى) يېڭى بىر ئۇسلۇب ئۈچۈن زۆرۈر بولغان ئەڭ ئاساسىي قۇرۇلمىلاردۇر. ئەمدى ئۇسلۇبىڭىزنى قاچىلاپ كۆرۈپ بېقىڭە. نېمە؟ تور تۇرايىڭىز قۇپقۇرۇق تۇرامدۇ؟ توۋا!

نېمە بولغىنى بۇ؟!
ئەلۋەتتە، چىرايلىق ئۇسلۇب ياساش خىزمىتى تېخى ئەمدى باشلاندى. تور تۇرايىڭىزنىڭ ئۇسلۇبىغا كېرەكلىك باشقا ھۆججەتلەرنى قوشسىڭىز، تور تۇرايىڭىز ئاندىن چىرايلىق كۆرۈنىدۇ، سىزمۇ مەيدىڭىزنى كېرىپ ماختىنالايسىز.

index.php ھۆججىتىگە يازغان ھەر قانداق html خەتكۈچلىرى ياكى ئادەتتىكى تېكىستلەرنىڭ ھەممىسى تور تۇرايىڭىزنىڭ ئالدى بېتىدە كۆرۈنىدۇ. قاراپ تۇرماي سىناپ باقمامسىز!

قانداق قىلسىڭىز تور تۇرايىڭىزدىكى نادىر يازمىلىرىڭىز ياكى باشقا ئۇچۇرلارنى بۇ يەردە كۆرسىتەلەرسىز؟ بەك ئالدىراپ كېتىۋاتىسىزغۇ دەيمەن؟ بۇنىڭ ئۈچۈن سىزدە template tags گە مۇناسىۋەتلىك بىلىملەر بولمىسا بولمايدۇ. بۇ بىلىملەرنىڭ يات تىلدىكى ماتېرىياللىرىنى تۆۋەندىكى ئۇلانمىدىن كۆرۈۋېلىڭ:

http://codex.wordpress.org/template_tags

-----------رىۋايەتلەردىكى تۇلۇمدىن چىققان توقماق ـــ ئايرىش سىزىقى مەن بولىمەن -----------
WP غا ئائىت ئۇيغۇرچە ئۇچۇرلارنى WP پروگرامما گۇرۇپپىسىدىكى مىننەتسىز ئەزىمەت ـــ مۇرشىدى ئەپەندى («مىكروسكوپتىكى ياپونىيە» نىڭ قۇرغۇچىسى، ھازىر بۇ سېپىل تېشىدا قالدىمۇ؟ بىلمىدىم، ئېچىلماس بولۇپ قالدى) ۋە نۇرقۇتتىكى WP گۇرۇپپىسىدىكىلەر ياكى مېنىڭ ۋاقتىم يەتسە، تەرجىمە قىلىپ چىقساق ئاندىن كۆرەلىشىڭىز مۇمكىن.
-----------رىۋايەتلەردىكى تۇلۇمدىن چىققان توقماق ـــ ئايرىش سىزىقى مەن بولىمەن -----------
ئەمدى سىزگە بۇ يەردە ئالدى بىلەن ئەڭ ئاددى بىر tag نى تونۇشتۇرىمەن. (دەرسلىكنىڭ بېشىدىلا پەقەت ئۇسلۇبقا مۇناسىۋەتلىك ئەڭ ئاساسى بىلىملەر ۋە ماس تەرتىپلەرنىلا تونۇشتۇرىدىغانلىقىمنى قەيت قىلىپ ئۆتكەن ئىدىم، تېخىمۇ تەپسىلى ماتېرىياللارنى كېيىنچە ۋاقىت چىقىرىپ داۋاملىق تەرجىمە قىلىپ ئېلان قىلىشىم مۇمكىن، شۇڭا پات-پات پەقىرنىڭ غېرىبانە كۈلبىسىنى يوقلاپ تۇرۇشنى ئۇنۇتماڭ. مەنزىل: نىدا دەرسخانىسى)
index.php ھۆججىتىگە تۆۋەندىكى كودنى يېزىڭ:

bloginfo(‘name’);

?>

ئەسكەرتىش:بۇ كودنى شۇ پېتى كۆچۈرسىڭىز خاتالىق چىقىشى مۇمكىن، ئېنگلىزچە تىنىش بەلگىلىرىگە دىققەت قىلىڭ، خەنچە تىنىش بەلگىلىرىنى پروگرامما تونۇمايدۇ.
ئەمدى تور تۇرايىڭىزنى تور كۆرگۈچتە ئېچىپ بېقىڭ، قانداق ئۆزگىرىش باركەن؟ نېمە؟ ئاران تور تۇرايىمنىڭ ئىسمى چىقىپتۇ دېدىڭىزما؟ مۇشۇنىڭغا بولسىمۇ شۈكرى قىلىڭ، مانا بۇ tag نىڭ ئەڭ ئاددى بىر قوللىنىشىدۇر، ئۆگىنىۋاپسىزمۇ نېمە؟ قاراڭ خۇش بولۇپ ھىجاراپ كەتكىنىڭىزنى!

ھازىرقى تور تۇرايىڭىز مۇكەممەل ھېسابلانسا بولىدۇ، ئەمما ئۇ ھەرگىزمۇ ھەشەمەتلىك ۋە كۆركەم ئەمەس. چۈنكى ئۇنىڭدا سىزنىڭ ئېسىل يازمىلىرىڭىز تېخى كۆرۈنگىنى يوق، كۆرۈنۈشىنىڭ گۈزەللىكىدىن سۆز ئېچىش تېخىمۇ مۇمكىن ئەمەس. يازما مەزمۇنىنى كۆرسىتىشتە template tags (مەسىلەن:bloginfo()) كە تايىنىسىز، كۆرۈنۈشىنى بېزەشتە style.css كە تايىنىسىز، مانا بۇ ئۇسلۇب ياساشتىكى مۇھىم ھالقا، شۇنداقلا ئۆز قابىلىيىتىڭىزنى ئەڭ ياخشى نامايەن قىلىدىغان سورۇندۇر.
ئەمدى قىلىدىغان ئىشىڭىز، ئەگەر سىز بۇ ئۇسلۇبىڭىزنى باشقىلار بىلەن ھەمبەھىرلىنىشنى خالىسىڭىز، ئۇنى zip پىچىمىدا قىسىپ، WP ئورگان بېتىگە يوللاپ بەرسىڭىز بولىدۇ.
ئەمدى سىزدە WP ئۇسلۇبى ياساشقا نىسبەتەن ئاساسى چۈشەنچە ھاسىل بولدى، شۇنداققۇ؟ template tags ھەققىدىكى تېخىمۇ تەپسىلىي ئۇچۇرلارغا ئېھتىياجلىق بولسىڭىز، نەزىرىڭىز دەرسلىكنىڭ داۋامىدا بولسۇن.

بۇ يازمىنى ئاخىرىدا Nida تەھرىرلىگەن. ۋاقتى 2012-3-1 00:41

Nida · ۋاقتى: 2012-3-1 00:54:42

Nida يوللىغان ۋاقتى 2012-3-1 00:38
2-دەرس ئۇسلۇب ياساشنىڭ ئاساسى تەرتىپىشۇنداق، ئۇسلۇب يا ...

3-دەرس تور خاتىرىسىنىڭ باش قىسمى (header.php)نى ياساش

ئالدىنقى دەرسنى كۆڭۈل قويۇپ ئاڭلىغان بولسىڭىزلا WP ئۇسلۇبىنىڭ ئاساسلىق style.css ۋە index.php دىن ئىبارەت ئىككى دانە ھۆججىتى بارلىقىنى بىلىۋالدىڭىز، ئۇلار ئەڭ ئاساسلىقتۇر، بىراق يالغۇز ئۇ ئىككىسىلا بولسا، روشەنكى، مۇكەممەل بولمايدۇ، گەرچە بارلىق ئىقتىدارلارنىڭ ھەممىسىنى index.php نىڭ ئىچىگە يېزىپ قويسىڭىز بولىدىغان بولسىمۇ، ئەمما بۇ WP ئۇسلۇب ياساش ئۆلچىمىگە چۈشمەيدۇ، بۇ دەرستە سىز قانداق قىلىپ ئۆلچەمگە چۈشىدىغان، ئۆزىڭىزگە خاس بولغان ئۇسلۇب ياساش ئۇسۇلىنى ئۆگىنىۋالىسىز.

ئۈستىدىكى رەسىمدىن بىر ئاساسى WP بېتىنىڭ تۆت بۆلەكتىن (header.php, index.php, footer.php, sidebar.php) تۈزۈلىدىغانلىقىنى بايقىۋالالايسىز، ئۇلار WP تور خاتىرىسىدە ئوخشىمىغان بەت يۈزى بۆلەكلىرىگە مەسئۇل بولىدۇ. دەرسلىكنىڭ داۋامىدا بۇلارنى ياساش ئۇسۇلىنى بىر-بىرلەپ سۆزلەيمەن، بۈگۈن سۆزلەيدىغىنىم شۇنىڭ ئىچىدىكى بىرى ــ تور خاتىرىسىنىڭ باش قىسمى header.php ھۆججىتىنى يېزىش ئۇسۇلىدۇر.
(1)ئالدى بىلەن index.php ھۆججىتىڭىزگە تۆۋەندىكى ئىككى ئاددى فۇنكىتسىيىنى يېزىڭ، بۇ فۇنكىتسىيىلەر بۇ يەردە ۋاقتىنچە تەپسىلىي تونۇشتۇرۇلمايدۇ، دەرسلىكنىڭ داۋامىدا index.php نى چۈشەندۈرگەندە تەپسىلىي تونۇشتۇرىلىدۇ.

(2)ئاندىن nida_kok ھۆججەتدانىغا header.php ناملىق ھۆججەت قۇرۇپ، ئۇنىڭغا تۆۋەندىكى كودنى يېزىڭ:

http://www.w3.org/TR/xhtml1/DTD/xhtml1-transitional.dtd”>

http://www.w3.org/1999/xhtml”>

<?php bloginfo(‘name’); ?>

” type=”text/css” media=”screen” />

/”>

(3)تور كۆرگۈچنى ئېچىپ، تور خاتىرىڭىزگە قاراپ بېقىڭ، تور خاتىرىڭىزنىڭ نامى ۋە قىسقىچە ئىزاھاتى كۆرۈنۈپتىمۇ؟
شۇنداق بۇلارنىڭ ھەممىسى قېلىپ فۇنكىتسىيىلىرىنىڭ تۆھپىسىدۇر، تۆۋەندە سىز ئۇلارنىڭ رولى بىلەن ئالدىرىماي تونۇشىسىز.
ئىزاھات:
1-قېلىپ فۇنكىتسىيىسى bloginfo()
بۇ فۇنكىتسىيە ئارقىلىق تور خاتىرىڭىزنىڭ مۇناسىپ ئۇچۇرلىرىنى چىقىرالايسىز، ئۈستىدىكى header.php ھۆججىتىدە بۇ فۇنكىتسىيە تۆت قېتىم ئىشلىتىلىپ، ئۈچ ئاساسلىق ئۇچۇر: تور خاتىرىسى نامىbloginfo(‘name’)، ئۇسلۇب ھۆججىتىbloginfo(‘stylesheet_url’)، تور خاتىرىسى قىسقىچە ئىزاھاتىbloginfo(‘description’) چىقىرىلدى. بۇ يەردە تىلغا ئېلىپ ئۆتۈشكە تېگىشلىك ئىككى نۇقتا بار:
(1)bloginfo()فۇنكىتسىيىسىنىڭ چىقىرىش ئىقتىدارى بار بولۇپ، ئۇ ئۇچۇر قايتۇرماستىن، ئۇچۇرنى بىۋاسىتە تور كۆرگۈچكە چىقىرىدۇ.
(2)bloginfo()فۇنكىتسىيىسگە ئوخشىمىغان پارامېتىرلارنى قوشۇش ئارقىلىق، ماس ھالدىكى ئوخشىمىغان ئۇچۇرغا ئېرىشكىلى بولىدۇ.

bloginfo()فۇنكىتسىيىنىڭ دائىم ئىشلىتىلىدىغان تەڭشەك پارامېتىرلىرى ئىزاھاتى

پارامېتىر نامى	ئىزاھات	چىقىرىدىغان قىممىتى
html_type	ھۆججەت تىپى	Text/html
charset	بەت كودى	Utf8
name	تور خاتىرىسى نامى	نىدا دەرسخانىسى
stylesheet_url	Style.css نىڭurlمەنزىلى	http://blog.torkatip.info/wp-content/themes/nida_kok/style.css
comments_rss2_url	باھالارنىڭrssمۇشتىرى مەنزىلى	http:// blog.torkatip.info /comments/feed
description	قىسقىچە ئىزاھات (قوشۇمچە تېما)	Nida
admin_email	باشقۇرغۇچىنىڭ ئې-خەت مەنزىلى	admin@aelsoft.com
version	WordPress نىڭ نەشىر نومۇرى	3.3.1
language	يەرلىك تىلى	Zh-cn

2-get_option()فۇنكىتسىيىسى
بۇ فۇنكىتسىيە ئارقىلىق تور خاتىرىسىنىڭ تور مەنزىلىگە ئېرىشىلدى، بۇ فۇنكىتسىيىنى ئىشلىتىشتە دىققەت قىلىدىغان بىر نۇقتا شۇكى، ئۇ بىر URL مەنزىلى ئۆزگىرىشچان مىقدارىنى قايتۇرىدۇ، شۇڭا ئەگەر بەت يۈزىدە ئۇ قايتۇرغان قىممەتنى كۆرسەتمەكچى بولسىڭىز، ئالدىغا echo فۇنكىتسىيىسىنى ئىشلىتىشىڭىز لازىم.
ئەلۋەتتە، سىز بىر قىسىم پوسۇنلارنى قوشسىڭىز بولىدۇ، ئەمما بۇ مەزكۇر دەرسلىكنىڭ دائىرىسىدىن ھالقىپ كەتكەنلىكى، مەزكۇر دەرسلىكتە پەقەت كۆپچىلىككە بۇ قېلىپ فۇنكىتسىيىلىرى ۋە ئۇسلۇب ياساشنىڭ ئاساسى ئۇسۇلىنىلا چۈشەندۈرۈش مەقسەد قىلىنغانلىقتىن، كۆپچىلىككە ئۇسلۇبنى قانداق لاھىيىلەش سۆزلەنمەيدۇ. بۇ دەرسلىكتىكى بىلىملەرنى ئىگىلىۋالغاندىن كېيىن، ئۇنىڭغا ئۆزىڭىزنىڭ مول تەسەۋۋۇرىڭىزنى قوشسىڭىز، ئاندىن چىرايلىق ئۇسلۇب ياساپ چىقالايسىز، بۇ پۈتۈنلەي سىزنىڭ CSS بىلىملىرى ئاساسىڭىز ۋە لاھىيىلەش ئىقتىدارىڭىزغا باغلىق، ھالبۇكى، بۇ مەزمۇنلار بۇ دەرسلىكىمنىڭ مەزمۇن دائىرىسىدە ئەمەس.

uyapple · ۋاقتى: 2012-4-8 19:45:22

ئاخىرىچۇ دوستۇم بۇ دەرىسلىكنىڭ ؟

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

[مۇسابىقە]WordPress ئۇسلۇبى ياساش دەرسلىكى

باھالاش

/”>