ئۆي ئىلىم – سېتىم قىلغاندا دىققەت قىلىدىغان نۇقتىلار [ئۇلانما كۆچۈرۈش]

dostingiz

مەشقاۋۇل

Rank: 6 Rank: 6

تۆھپە: 417
تىللا: 327
شۆھرەت: 699

يوللىغان ۋاقتى 2012-2-6 01:39:31 |ھەممە قەۋەتنى كۆرۈش

ئابدۇشۈكۈر ئالىم

رىئالنى تۇرمۇشتا پۇقرالار ئۆي ئىلىم – سېتىم قىلغاندا كۆپىنچە ئۆينىڭ قۇرۇلمىسى ۋە باھاسى توغرىسىدا كۆپرەك دىيىشىپ ، ئۆينىڭ قانۇنى رەسمىيەتلىرى ۋە باشقا دىققەت قىلىشقا تېگىشلىك نۇقتىلارغا سەل قارايدىغان ئەھۋاللار كۆپ ئۇچرايدۇ . ئۇنداقتا ئۆي سېتىۋالغان قايسى نۇقتىلارغا دىققەت قىلىش كېرەك ؟
ئۆي سېتىۋالغاندا تۆۋەندىكى نۇقتىلارغا ئالاھىدە دىققەت قىلىش كېرەك :
1. مۇناسىۋەتلىك ئۆي – مۈلۈك باشقۇرۇش تارماقلىرىغا بىرىپ سېتىۋالماقچى بولغان ئۆينىڭ تىزىملاش ئەھۋالى ، ئورتاق ئىگىدارلىق قىلغۇچىنىڭ بار – يوقلىقىنى ، گۆرۈ – رەنە ئەھۋالى ، ئەدلىيە ئورگانلىرى تەرىپىدىن رەسمىيەتلىرى توڭلىتىلغانمۇ – يوق ، مۇشۇ ئۆي – مۈلۈكنى قانۇنلۇق ئىلىم – سېتىم قىلىشقا بولامدۇ – يوق دىگەنلەرنى ئېنىقلاپ تەكشۈرۈش كېرەك .
2. ئۆينىڭ ھازىرقى ھالىتىنى ئەستايىدىل تەكشۈرۈش كېرەك . ئۆينىڭ ئۆگىزىسىدىن سۇ ئۆتۈپ كىتىدىغان سۈپەت مەسىلىسى بارمۇ – يوق ؟ ئەتراپتىكى مۇھىم ، قاتناش ئەھۋالى ، مۇشۇ ئۆي – مۈلۈك باشقىلارغا ئىجارىگە بىرىلگەنمۇ – يوق دېگەنلەرگە دىققەت قىلىش كېرەك .
3. ئۆي پۇلىنى تاپشۇرۇش ئۇسۇلى ۋە ۋاقتىنى ئەستايىدىل پۈتۈشۈش ، زاكالەت پۇلىنىڭ نىسپىتىنى ئەستايىدىل پۈتۈشۈش ، قايسى ۋاقىتتا ئۆي – مۈلۈك رەسمىيەتلىرىنىڭ نامىنى ئۆي سېتىۋالغۇچىنىڭ نامىنى يۆتكەپ بىرىش ۋە ئاخىرىدا بىرىدىغان پۇلىنى قايسى ۋاقىتتا بىرىش ، توختامغا خېلاپلىق قىلىش ۋە سوممىسى ، ماجرا كىلىپ چىقسا ھەل قىلىش چارىسى قاتارلىقلارنى ئەستايىدىل پۈتۈشۈش كېرەك . ئەڭ ياخشىسى ئەستايىدىل ھالدا تەرەپلەرنىڭ ھوقۇق – مەجبۇرىيەتلىرى ئېنىق بولغان يازمىچە توختام تۈزۈش كېرەك .
4. ئۆيدىكى مال – مۈلۈكلەر ياكى ئۆي جاھازلىرىغا سېتىلغاندىن كېيىن كىم ئىگىدارلىق قىلىش ، ئۆينىڭ سۇ ، توك ، پار ، گاز ، خوجىلىق مۇلازىمەت ھەققى قاتارلىقلار ھەقلەرنى قاچان كىمنىڭ ئۈستىگە ئالىدىغانلىقىنى ئەستايىدىل پۈتۈشۈپ بۇ نۇقتىلارغا ئالاھىدە دىققەت قىلىش كېرەك .

قانۇن بلوگىدىن

سىندەرس: سەينادىن پايدىلىنىش

جابدۇق ئىشلىتىش پاش قىلىش