ئىنتىل تورى › سەينا › چىمەنزار › خەۋەر\ئۇچۇر › ئۇيغۇر، قازاق ۋە قىرغىز تىلل ...

كۆرۈش: 255|ئىنكاس: 1

ئۇيغۇر، قازاق ۋە قىرغىز تىللىرىنىڭ دۆلەت ئۆلچىمى يىغىنى ئېچىلدى [ئۇلانما كۆچۈرۈش]

tahirbeg

مەشقاۋۇل

Rank: 6 Rank: 6

تۆھپە: 442
تىللا: 232
شۆھرەت: 614

يوللىغان ۋاقتى 2011-12-24 17:00:20 |ھەممە قەۋەتنى كۆرۈش

2011-يىل 22-دېكابىر (پەيشەنبە) چۈشتىن بۇرۇن شىنجاڭ ئۇنىۋېرسىتېتى ماتېماتىكا ۋە سىستېما پەنلىرى ئىنىستىتوتى يىغىن زالىدا، ئۇيغۇر، قازاق، قىرغىز تىللىرىنىڭ دۆلەت ئۆلچىمىگە مۇناسىۋەتلىك ئىلمىي مۇھاكىمە يىغىنى ئۆتكۈزۈلدى. بۇ يىغىندا رەسمىي ئېلان قىلىنماقچى بولغان دۆلەت ئۆلچىمىگە ئاخىرقى قېتىم قاراپ چىقىلدى. جۇڭگو ئېلېكتىرون تېخنىكىسى ئۆلچەملەشتۈرۈش تەتقىقات ئورگىنىدىكى تەتقىقاتچىلار، ش ئۇ ئا ر ئىقتىساد ۋە ئۇچۇر كومىتېتىدىكى رەھبەرلەر، ئۇيغۇر، قازاق ۋە قىرغىز تىلى مۇتەخەسىسلىرى، تىلشۇناسلار، تەتقىقات گۇرۇپپىسىنىڭ ئەزلىرى قاتناشتى.

(بۇ يان تېلېفونۇمدا تارتىلغان رەسىم بولغاچقا، مېنىڭ ئورنۇم بوش چىقىپ قاپتۇ، بۇ ئەقلىي تېلېفون SAMSUNG i9100 ئىدى)
بۇ دۆلەت ئۆلچىمى تۆۋەندىكىدەك:
1. ئۇيغۇرچە، قازاقچە، قىرغىزچە كومپيۇتېر كۇنۇپكا تاختىسى ئۆلچىمى
2. ئۇيغۇرچە، قازاقچە، قىرغىزچە يان تېلېفون كۇنۇپكا تاختىسى ئۆلچىمى
3. ئۇيغۇرچە، قازاقچە، قىرغىزچە يۇمشاق (چەكمە) كۇنۇپكا تاختىسى ئۆلچىمى
4. ئۇيغۇرچە، قازاقچە، قىرغىزچە ئۇچۇر تېخنىكا ئاتالغۇ ئۆلچىمى
5. چاغاتاي تىلى ھەرپ-بەلگىلەر كود ئۆلچىمى
6. ئۇيغۇرچە، قازاقچە، قىرغىزچە ئورتاق ئىشلىتىلىدىغان بەت تىزىش قائىدىسى
7. ئۇيغۇرچە، قازاقچە، قىرغىزچە شەكىل ئۆزگەرتىش ۋە كونتىرول بەلگىسى قائىدىسى
ھەممە ئۆلچەملەردە ئاساسىي جەھەتتىن پىكىر بىردەكلىكى ھاسىل قىلىندى، پەقەت ئۇيغۇرچە ئاتالغۇ ئۆلچىمىدە يەنىلا «يۇمشاق دېتال»، «يۇمشاق بۆلەك»، «يۇمشاق ماتېرىيال»، «يۇمتال» دېگەن ئاتالغۇلار ۋە «كۆڭۈلدىكى قىممەت»، «سۈكۈت قىممىتى» قاتارلىق ئاتالغۇلار قىزغىن بەس مۇنازىرە قوزغىدى، «يان تېلېفون» (يانفون ئەمەس) ئاتالغۇسىنىڭ قېلىپلاشقانلىقىمۇ ئەسكەرتىلدى. باشقا ئاتالغۇلار يەنىلا 3-ئايدىكى يىغىن بويىچە بولدى.
http://bbs.bilik.co/thread-23772-1-1.html
ئەلۋەتتە، مېنىڭ پىكىرىم يەنىلا شۇ «يۇمشاق دېتال» ۋە «سۈكۈت» ئىدى، مەن ئۆز پىكىرىمنى ساقلاپ قالدىم، لېكىن، باشقىلار قوشۇلمىدى.
software يەنى 软件 نى قانداق دېسەك مۇۋاپىق؟
1. يۇمشاق ماتېرىيال
2. يۇمشاق دېتال
3. يۇمشاق بۆلەك
ئىزاھات: يۇمتال ئاتالغۇسى ھازىرقى بار بولغان قائىدىگە چۈشمىگەنلىكتىن مۇۋاپىق دەپ قارالمىدى. شۇڭا، يۇقىرىقى نامزاتقا كىرەلمەيدۇ.
default يەنى 默认 نى قانداق دېسەك مۇۋاپىق؟
1. كۆڭۈل
2. كۆڭۈلدىكى
3. سۈكۈت
ئەسكەرتىش: بۇ يەردە پىكىر ھاسىل قىلىنغان بىلەن ئاخىرقى قارارنى يەنىلا تىل-يېزىق كومىتېتى ئاتالغۇ ئىشخانىسى قاراپ چىقىدۇ. ئەمما، بۇ يەردە چۈشكەن ئوخشىمىغان پىكىرلەرنى ئۇلارغا يەتكۈزۈپ قويالايمەن. كۆپچىلىككە رەھمەت!

مەنبە: ئالىم ئەھەد بلوگى

سىندەرس: سەينادىن پايدىلىنىش

جابدۇق ئىشلىتىش پاش قىلىش

خەنجەر

دەلىللەنگەن

ھەقىقەت

Rank: 5 Rank: 5

تۆھپە: 905
تىللا: 4399
شۆھرەت: 1402

يوللىغان ۋاقتى 2011-12-25 12:13:36 |ھەممە قەۋەتنى كۆرۈش

软件 .1 ئاتالغۇسى ئىلگىرى كۆپ ساندىكى ئۇيغۇرچە تور بەتلەردە قىسقارتىلىپ يۇمتال - دەپ ئېلىندى . مەن ئەزەلدىن بۇنداق ئاتاشقا قايىل بولمۇدۇم . 软件 سۆزىنىڭ ئۇيغۇرچە ئۆلچەملىك تەرجىمىسىمۇ ئەسلىدە يۇمشاق دېتال - دەپ ئېلىنىشى كېرەك . يۇمشاق ماتىريال ، يۇمشاق بۆلەك دىگەن ئاتالغۇلار IT ساھەسىدىكى مەۋھۇم مەشغۇلاتلار بولۇپمۇ كومپىيوتىر سېستىمىسى ، ھەر خىل قوللىنىشچان پىروگىراممىلارنىڭ ئۇيغۇرچە تىل ئىشلىتىش ئادىتىگە پەقەت ماسلاشمايدۇ .
مەسلەن : يۇمشاق ماتىريال دىسەك ئۇ زادى قانداق يۇمشاق ماتىريال ؟ قۇرۇلۇشتا ئىشلىتىلىدىغان يۇمشاق ماتىريالمۇ ياكى باشقا سانائەت ئىشلەپچىقىرىشىدا ئىشلىتىلىدىغان يۇمشاق ماتىريالمۇ ؟ بۇ ئۇقۇم تازا ئېنىق مەنا ئىپادىلەپ بېرەلمەيدۇ . شۇنىڭ بىلەن مەزكۇر ئۇقۇمنى تولۇقلاپ ئىزاھلاشقا توغرا كېلىدۇ .
يۇمشاق بۆلەك دەپ ئالساقمۇ پەقەت توغرا بولمايدۇ . ئۇ ھالدا بۇ سۆزنىڭ مەنىسى مەلۇم بىر شەيئىنىڭ بىر بۆلەك قىسمى قاتتىق بولسا يەنە بىر بۆلەك قىسمى يۇمشاق دىگەندەك مەنانى ئىپادىلەپ قويىدۇ .
شۇڭا (software (软件 ئاتالغۇسىنى يۇمشاق دېتال - دەپ قوللىنىش بىزنىڭ تىل ئىشلىتىش ئادىتىمىزگىمۇ ناھايىتى ئۇيغۇن كېلىدۇ .
يۇمتال ئاتالغۇسى ئۇيغۇر تىلىنىڭ گىرامماتىكىلىق سۆز ياساش قائىدىسىگىمۇ ئۇيغۇن ئەمەس .
2. 默认) default ) دىگەن ئاتالغۇنى ‹‹ كۆڭۈلدىكىدەك تەڭشەلگەن قىممەت ›› - دەپ ئېلىش بىر قەدەر مۇۋاپىق .
3. 手机 دىگەن ئاتالغۇنى ئىلگىرى خەنزۇ تىلىنى ئابدۇكېرەم ئابلىزنىڭ ئىتوتلىرىدىكىدەك تۈپتۈز تەرجىمە قىلىپ قول تېلفۇن - دەپ ئاتىدۇق . كېينچە يانفۇن ئاتالغۇسى بارلىققا كەلدى . قول تېلفۇن ۋە يانفۇن دەپ ئىشلىتىش رايۇنىمىزنىڭ بەزى جايلىرىدا بەلگىلىك دەرىجىدە ئومۇملاشقان ئىدى . لېكىن 手机 دىگەن ئاتالغۇنى يان تېلفۇن - دەپ بېكىتىش تېخىمۇ ئەقىلگە مۇۋاپىق . يان تېلفۇن ئاتالغۇسى ئۇقۇم جەھەتتىنمۇ ياندا ئېلىپ يۈرۈيدىغان تېلفۇن دىگەن مەنانى تولۇق ئىپادىلەپ بېرىدۇ .

‹‹ ئىنتىل سەيناسى ›› ھەقىقەتەن بىر بىلىم باغچىسى ئىكەن .

جابدۇق ئىشلىتىش پاش قىلىش

تىزىملىككە قايتىش

يانفۇن|Archiver|intil.cn ( 新ICP备11001938号 )

GMT+8, 2012-4-20 03:05 , Processed in 1.410167 second(s), 17 queries .

Powered by Discuz! X2(NurQut Team)

ھېسابات		ساقلىۋالسۇن	پارول قايتۇرىۋېلىش
ئىم(پارول)			تىزىملىتىش

ئۇيغۇر، قازاق ۋە قىرغىز تىللىرىنىڭ دۆلەت ئۆلچىمى يىغىنى ئېچىلدى [ئۇلانما كۆچۈرۈش]

كۆرگەن سەھىپە

ئاكتىپ

تەشۋىقات

دەلىللەنگەن ئەزا