كومپيۇتېردا يانفۇنغا ھەقسىز ئۇچۇر يوللاڭ

hiyal · ۋاقتى: 2011-11-15 18:57:26

خىزمەت مۇناسىۋىتى بىلەن دائىم باشقىلارغا تېلىفۇن ئۇرىمەن.كۆپىنچە ئۇتۇقلۇق بولىدۇ،بەزىدە يانفۇن ئېتىك ، توختاپ قالغان بولىدۇ ياكى تېلىفۇننى ئالمايدىغان «بەغرەز»لەرمۇ چىقىپ قالىدۇ،ئىش مۇھىم ،چوقۇم ئالاقىلىشىش كېرەك.بۇ ئەھۋالدا يانفۇن ئىگىسىنىڭ خىزمەتداشلىرىنى ئىزدەيمەن،ئۇلارغا ھاۋالە قىلىمەن،يەنە بولمىسا يانفۇنۇم ئارقىلىق ئۇچۇر يوللايمەن.يانفۇنغا ئۇچۇر مەزمۇنىنى كىرگۈزۈشمۇ بىر ئاۋارىچىلىقكەن،تېخى پۇل كېتىدۇ.شۇنىڭ بىلەن توردىن ھەقسىز ئۇچۇر يوللايدىغان تور بېكەت ئىزدىدىم،شۇنداق بېكەتنى تېىپىپ،تىزىملىتىپ،ھازىر ئىشلىتىۋاتىمەن،خېلى يارىدى.ھەقسىز ئۇچۇر يوللىغىلى بولىدۇ.لېكىن  بەزى تەلەپ،چەكلىمىمۇ يوق ئەمەس.مەسىلەن:ھەر كۈنى شۇ بېكەتكە ئەزالىق نامىڭىز بىلەن چىقىسىز،ھەر كۈنى پەقەت 10 تال ئۇچۇر يوللىغىلى بولىدۇ،ئۇچۇرنى يوللاپ بولۇپ،باشباشتاقلىق قىلىپ،ئۇدا 7 كۈن شۇ تور بېكەتكە چىقمىسىز،كۈندە يوللايدىغان ئۇچۇردىن 2 نى قىسقارتىۋاتىدۇ.ئۇدا 13 كۈن چىقمىسىڭىز يوللىغىلى بولىدىغان ئۇچۇر 0 بولۇپ قالىدۇ،كەمچىللىگىڭىزنى تونۇپ،باشقىدىن كۈندە تور بېكەتكە چىقسىڭىز،ئۇچۇر يوللاش سانىنى ئاستا – ئاستا ئەسلىگە كەلتۈرۈپ بېرىدۇ.ئەگەر قىزىڭسىز تېمامنىڭ ئاخىرىغا قۇلاق سېلىڭ:
1)تور بېكەتكە چىقىڭ www.3322.com.cn تۆۋەندىكىدەك كۆزنەك ئېچىلىدۇ:

2 ) دەرھال تىزىملىتىڭ （立即注册）دېگەن يەرنى بېسىڭ ،باسسىڭىز،3322 تور بېكەتنىڭ ئەزالارنى تىزىملاش بەلگىلىمىسى چىقىدۇ (www.3322.com.cn  会员注册条款)،قوشۇلىمەن）（我同意）دېگەن جاينى بېسىڭ تۆۋەندىكىدەك:

3）تىزىملىتىشتا چوقۇم بىر ئېلخەت ئادرىسى بولىشى كېرەك.ئېلخەت ئادرىسىنى تۆۋەندىكى كاتەكچىگە كىرگۈزىمىز،ئاندىن ئاستىغا دەلىللەش كودىنى كىرگۈزىمىز:

4) سىزگە ناھايىتى تېزلا بىر ئېلخەت كېلىدۇ،ئۇنىڭدا بىر مەخپىي نومۇر بار،ئېلخەتتە بۇ تور بېكەتنىڭ  كۆزنەك چىقىدىغان  ئادرىسى بار،شۇ ئادرىسنى چەكسىڭىز،بىر  كۆزنەك چىقىدۇ.شۇ كۆزنەككە ئېلخەتتىكى مەخپىي نومۇرنى كىرگۈزىسىز،ھەراست،ئارىلىقتا يانفۇن نومۇرىڭىزنى تەلەپ قىلىدۇ،چوقۇم ئۆزىڭىزنىڭ يانفۇن نومۇرىڭىزنى كىرگۈزۈڭ،يەنە تېخى مەخپىي نومۇرنى بېكىتىسىز،چۈنكى تىزىملىتىش ئوڭۇشلۇق بولۇپ،ئۇچۇر يوللىغىنىڭىزدا قارشى تەرەپنىڭ يانغۇنىدا 06322316612 دېگەندەك  رەقەم بىلەن سىز تولدۇرغان يانفۇن نومۇرى كۆرىنىدۇ.دىققەت:تۆۋەندىكى كۆزنەككە نامىڭىزنى تولدۇرىسىز،ئۆزىڭىزنىڭ ئىسىم –فامىلىڭىزنى تولدۇرسىڭىزمۇ بولىدۇ(ئۇيغۇرچە تولدۇرغىلى بولمايدۇ،جۇمۇ،ULY دا يازىسىز)چۈنكى ئۇچۇر يوللىغاندا قارشى تەرەپنىڭ يانفۇنىدا ئۆزىڭىزنىڭ يانفۇن نومۇرىنى ياكى نامىڭىزنى كۆرنىدىغان قىلىپ يوللىغىلى بولىدۇ،شۇڭا نامىڭىزنى تولدۇرغاندا ناھايىتى ئويلۇنۇپ تولدۇرۇڭ،چۈنكى كېيىن ئۆزگەرتكىلى بولمايدۇ.تۆۋەندىكىسى ئەڭ ئاخىرىدا چىقىدىغان كۆزنەك،نامىڭىز ،مەخپىي نومۇرىڭىز ۋە دەلىللەش كودى ئارقىلىق تىزىملىتىپ كىرىسىز.

5)ئاندىن تۆۋەندىكى كۆزنەك چىقىدۇ،ئاندىن مېنىڭ ئۇچۇرۇم （我的短信)نى چېكىسىز:

6)مېنىڭ ئۇچۇرۇمنى باسسىڭىز تۆۋەندىكى كۆزنەك چىقىدۇ:

7)بۇ كۆزنەكتىن يانفۇن قىسقا ئۇچۇر（手机短信）نى چېكىسىز،ئەمدى تۆۋەندىكىدەك ئۇچۇر يوللاش كۆزنىكى ئېچىلىدۇ:

8)يۇقىرىدىكى كاتەككە ئۇچۇر يوللىماقچى بولغان يانفۇن نومۇرىنى كىرگۈزىسىز،(چۈشەندۈرىشىدە بىر قېتىمدا 5 يانفۇنغا تەڭلا ئۇچۇر يوللىغىلى بولىدۇ،دەپتۇ،مەن سىناپ باقمىدىم،يەنە ھەر بىر قىسقا ئۇچۇر خەنزۇچە 50 خەتتىن ئېشىپ كەتمىسۇن دەپتۇ،ئەگەر ئېشىپ كەتسە،ئىككى تال ياكى 3 تال ئۇچۇر دەپ ئاپتوماتىك ھېساپلايدىكەن،يوللاشقا بولىدىغان ئۇچۇر سانىڭىز مۇناسىپ ئازىيىپ ماڭىدىكەن،مۇشۇ 50 خەت دېگىنى تازا توغرا ئەمەستەك تۇرىدۇ،ئازراقلا ئۇچۇر يازسىڭىز،2 ياكى 3 ئۇچۇر دەپ تۇرىۋالىدىكەن،نەچچە دەپ تۇرىۋالسا نېمە كارىمىز،بىكارلىق بولغانكىن )ئاستىنقى كاتەككە ئۇچۇر مەزمۇنى كىرگۈزىسىز،ئاندىن ئاستىدىكى  يوللاش  بەلگىسىنى（发送标志） تاللايسىز،ئادەتتە سۈكۈتتىكى تاللاش يانفۇن ،يانغۇننى تاللىسىڭىز،قارشى تەرەپكە سىزنىڭ يانفۇن نومۇرىڭىز كۆرىنىدۇ(ھېلىقى تىزىملاتقاندا كىرگۈزگەن يانفۇن نومۇرى شۇ)،ئەگەر نامىڭىزنى تاللىسىڭىز،قارشى تەرەپكە نامىڭىز كۆرىنىدۇ.
دىققەت: تىزىملاش مەشغۇلاتىنى قىلغاندا ئەستايىدىل بولۇڭ،مەنغۇ بىر قېتىمدىلا مۇۋاپىقىيەتلىك تىزىملىغان(بىكارلىق بولغانكىن دەپ ئاچكۆزلۈك قىلىپ،ئىككى خىل نامدا تىزىملىتىپ قويدۇم)،ئېلخەتنى،يانغۇن نومۇرىڭىزنى كىرگۈزۈپ بولغاندىن كېيىن،تىزىملاش ئوڭۇشلۇق بولماي،باشقىدىن تىزىملاتسىڭىز،سىزدىن باشقا ئېلخەت ئادرىسى ۋە باشقا يانفۇن نومۇرىنى كىرگۈزۈشنى تەلەپ قىلىدۇ.
تولا كاپىلداپ كەتتىم،ئەيىپكە بۇيرىماڭلار.
بۇ يازمىنى ئاخىرىدا hiyal تەھرىرلىگەن. ۋاقتى  2011-11-15 19:19

hiyal · ۋاقتى: 2011-11-15 19:42:40

ئاپلا

رەسىم قېنى ؟ تېمامنى ۋوردتا يېزىپ،ئېكراندىن رەسىملەرنى تۇتۇپ،مۇناسىپ ئورۇنغا قىستۇرۇپ،ئاندىن تېما يازىدىغان ئورۇنغا چاپلىغان ئىدىم،ھەي،قازاندا نېمە بولسا چۈمۈچكە شۇ چىقىدۇ ئەمەسمۇ،ئۇستازلار ياردىمىڭلارنى ئايىماڭلار،ئېكراندىن تۇتقان رەسىم نېمىشقا چىقمايدۇ؟قانداق چىقىرىمىز ؟

intilish · ۋاقتى: 2011-11-15 21:15:44

رەسىم چىقمىغان بىلەن خېلى تەپسىلى يېزىپسىز،بىلۋالدۇق،كۆپ رەخمەت.

Koinlun · ۋاقتى: 2011-11-15 23:27:01

hiyal يوللىغان ۋاقتى 2011-11-15 19:42
ئاپلا رەسىم قېنى ؟ تېمامنى ۋوردتا يېزىپ،ئې ...

رەسىمنى تېما يوللاش كۆزنىكىدىن رەسىم يوللاش ياكى قوشۇمچە يوللاشتىن يوللىسىڭىز ئاندىن چىقىدۇ، بولمىسا يەنە كومپىيۇتېرىڭىزدا قالىدۇ.

tanhakalip · ۋاقتى: 2011-11-16 00:02:39

خەت ساندۇققا ھىچ قانداق ئۇچۇر كەلمىدى مەن تزىملاتسام

alnuri · ۋاقتى: 2011-11-16 01:22:56

مەن سىناپ باقتىم، ھەقىقەتەن بولىدىكەن. ئەمما، سەل ئاۋارىچىلىقتەك ھىس قىلىپ قالدىم.

alogli001 · ۋاقتى: 2011-11-16 12:53:14

مەن تىزىملاتقان ئىدىم، ئەڭ ئاخىرىسىدا بۇ كۆزنەك ئىچىلدى. تىلفۇنىمىزغا ئۇچۇر كىلەمتى. ياكى دەلىللەش نۇمۇرى سورىمامدۇ.
QQ截图20111116125036.jpg

mayinshamal · ۋاقتى: 2011-11-16 16:21:19

تىلفۇنىڭزغا ئۇچۇر كېلىدىكەن ، كەلگەن ئۇچۇرنى دەللەش كۆزنىكىگە يازىدىكەنسىز

Koinlun · ۋاقتى: 2011-11-16 17:19:01

مەنمۇ سىناپ باقاي دىسەم alogli001 نىڭكىدەك يەر چىقتى، ئەمما يېرىم سائەت ساقلىساممۇ ھېچقانداق ئۇچۇر كەلمىدى.

hiyal · ۋاقتى: 2011-11-17 10:44:35

ئادەتتە يانغۇنغا دەلىللەش كودى كېلىدۇ،بەزى ۋاقىتتا ۋاقتى ئۇزىراپ كېتىدىكەن.

alogli001 · ۋاقتى: 2011-11-17 11:26:18

قايسى شىركەتنىڭ تىلفۇنى بولسا ئۇچۇر كىلىدىغاندۇ، مىنىڭ بىرلەشمە خەۋەرلىشىش شىركىتىنىڭ ئىدى.

hiyal · ۋاقتى: 2011-11-17 22:08:15

كۆچمە خەۋەرلىشىش ۋە بىرلەشمە خەۋەرلىشىشنىڭ يانفۇنلىرىغا ئۇچۇر كەلگەن،تېلىگىرافنىڭ يانفۇنلىرىنى سىناپ باقمىدىم.

ئىزدەش · ۋاقتى: 2011-11-18 21:58:01

تېلگىراف شېركىتىنىڭ ئۆزىنىڭ ئايدا 200 قېتىملىق ئۇچۇرئەۋەتىش پائالىيىتى بار،كۆچمە شېركىتىنىڭمۇ بارغۇ..

خەنجەر · ۋاقتى: 2011-11-27 01:24:29

مەنمۇ بىر سىناپ باقاي .

bostan305 · ۋاقتى: 2012-1-8 13:46:32

بوپ قۇيىدىكەن جۇمۇ، يەنە تېخى 200mbبوشلۇق باركەن

ھېسابات		ساقلاش	پارول قايتۇرىۋېلىش
پارول			تىزىملىتىش