ئىنتىل تورى › سەينا › ئىشخانا › پىكىر-تەلەپ › ئىنتىل (كومپيۇتېر- تور) بىلىم ...

كۆرۈش: 623|ئىنكاس: 8

ئىنتىل (كومپيۇتېر- تور) بىلىمى مۇكاپاتى قۇرساق بولامدۇ؟ [ئۇلانما كۆچۈرۈش]

yolum

ھىراۋۇل

ئىنتىللىق

Rank: 10

تۆھپە: 2048
تىللا: 1535
شۆھرەت: 3256

يوللىغان ۋاقتى 2010-9-2 16:31:06 |ھەممە قەۋەتنى كۆرۈش

تورداشلار مەن ئىنتىل (كومپيۇتېر- تور) بىلىمى مۇكاپاتى قۇرساق بولامدۇ؟ تەسىس قىلساق قانداق بولار؟ دەپ ئويلاپ قالدىم.
مۇكاپات مەنبەسى: ماڭا ئوخشاش بىلىمى چولتا ئەمما بىلىمگە ھىرىسمەنلەر، توردىكى ھەقسىز بىلىمدىن نەپ ئالغانلار ئاتىغىنىمىزنى يىغىپ قويساق.
مۇكاپات دائىرىسى: ئۇيغۇر تور دۇنياسىغا يوللانغان ئومۇمغا نەپ بەرگەن ھەقسىز ( كومپيۇتېر- تور) بىلىم تېمىلىرى.
مۇكاپات قەرەلى: ئايدا بىر بولامدۇ؟ پەسىلدىمۇ؟ بۇنى بىللە بىكىتىلى.
مۇكاپات سوممىسى ۋە سانى : يىغىلغان پۇلغا قاراپ بولسا.

سىندەرس: سەينادىن پايدىلىنىش

جابدۇق ئىشلىتىش پاش قىلىش

Nida

باشقۇرغۇچى

نىدا ئىشخانىسى

Rank: 8 Rank: 8

تۆھپە: 1296
تىللا: 5207
شۆھرەت: 2816

يوللىغان ۋاقتى 2010-9-3 00:10:10 |ھەممە قەۋەتنى كۆرۈش

بۇ تېمىنى ئاخىرىدا Nida تەھرىرلىگەن. ۋاقتى 2010-9-3 13:21

مېنىڭ بۇ ئىشنىڭ ئايىقىنىڭ چىقمايدىغانلىقىغا كۆزۈم يېتىپ قالدى.
1- پائالىيەت دائىرىسى بەك چوڭ بولۇپ كېتىپتۇ، ئەمما «قالپاققا چۇشلۇق قىرغىز يوق» بولۇپ قاپتۇ. «مۇكاپات دائىرىسى: ئۇيغۇر تور دۇنياسىغا يوللانغان.....» دېمەك، تېمىلارنىڭ دائىرىسى يالغۇز «ئىنتىل» سەيناسى بىلەنلا چەكلەنمەيدىكەن، ئۇلىنىش تورلىرىغا كىرىپ دىيارىمىزدىكى پۈتۈن ئۇيغۇر تور بەتلىرىنى بىر-بىرلەپ ئايلىنىپ چىققۇدەكمىز. دىيارىمىز سىرتىدىكى تور بەتلەردىن قانچىلىكى بار، بۇنىسى تېخى نامەلۇم (بار بولسىمۇ بىزنىڭ نورمال زىيارەت قىلالىشىمىز ناتايىن)، ئۇنداق بولغاندا مۇكاپات ئالغۇدەك تېما تېپىش خۇددى دېڭىزدىن يىڭنە ئىزدىگەندەك بىر ئىش بولغۇدەك.
2-مۇكاپات سوممىسى ۋە قەرەلى دېگەندەكلەر مۇجىمەل بولۇپ قاپتۇ، بۇلار چوقۇم ئېنىق بولۇشى كېرەك، شۇندىلا ئۇلار ئۆزىنىڭ ھەيدەكچىلىك رولىنى ئۆتىيەلەيدۇ، بولمىسا بۇ پائالىيەت «گۈلدۈرى بار يامغۇرى يوق» دېگەندەك، زور داغدۇغا بىلەن باشلانغان بىلەن، نەچچە ئايغا بارمايلا توختاپ قالىدۇ، قاتناشقۇچىلارمۇ تېما يوللاشتىن بارا-بارا سوۋۇپ قالىدۇ. مۇشۇ ئىنتىلدىكى «VB مۇسابىقىسى»مۇ «توپا بېسىپ» ياتقىلى بىرەر ئايچە بولۇپ قالدى، ئەمما بىرەر تۈزۈكرەك تېما يوللانغىنى يوق، قولۇمدا ئىشىم شۇنچە جىق تۇرسىمۇ، ھازىر ئالدىراشچىلىق ئىچىدىن ۋاقىت چىقىرىپ، سۈرەتلىك قىلىپ بىر تېما يېزىۋاتىمەن، پات ئارىدا ئۇنى مۇشۇ مۇسابىقىگە يوللىماقچىمەن. دېمەك، كىشىنى «قىزىقتۇرىدىغان» «ئايلىق مانچىلىك مۇكاپات» دەيدىغان ئامىل بولمىسا، بىرەر ئىجادىي تېمىنىڭ ئوتتۇرىغا چۈشۈشى ناتايىن.
3-يۇقىرىدىكى 2-نۇقتىنىڭ ئەكسىچە نۇقۇل ھالدا «مۇكاپات»نى قوغلىشىپ تېما يوللاپ، ئەڭ ئاخىرىدا «تېما پاخاللىقى» كېلىپ چىقىپ، ئوقۇغۇچىلارنى زېرىكتۈرۈپ قويىدىغان ئەھۋاللار كېلىپ چىقىشىمۇ مۇمكىن، بۇ ئەڭ ئاخىرىدا «مۇكاپات»نى باھالاپ بېكىتىشكە زور توسالغۇ پەيدا قىلىدۇ-دە، «ياخشى» تېمىلار بىر بۇلۇڭدا «بوينىنى قىسىپ قېلىپ»، «پاخپاق» تېمىلار «سەھنىدە مۇكاپات ئالىدىغان» «ناھەقچىلىق» كېلىپ چىقىپ، سەينادىكى «خولۇم-خوشنىلار» ئوتتۇرىسدا بىمەھەل ئازارچىلىقلارنى پەيدا قىلىشى مۇمكىن.
4-«مۇكاپات» بولغان ئىكەن، ئۇنىڭ چوقۇم «باھالاش ئۆلچىمى» بولۇش كېرەك. «ئۇيغۇر تور دۇنياسىغا يوللانغان ئومۇمغا نەپ بەرگەن ھەقسىز ( كومپيۇتېر- تور) بىلىم تېمىلىرى» ئابىستراكىتراق(مەۋھۇمراق) بولۇپ قاپتۇ، ئۇنداقتا نۇقۇل ھالدا «تېما»لارلا باھالىنامدۇ؟ بەزى ياردەم سوراپ يازغان تېمىلاردىكى ئىنكاس-جاۋاپلار گەرچە «تېما» بولۇپ ئوتتۇرىغا چۈشمىگەن بىلەن ئۇلاردىن ئالتۇنغا تېگىشكۈسىز نەپ ئالغىلى بولىدۇ، ئەگەر مۇكاپات «تېما»لارغىلا بېرىلسە، مانا مۇشۇنداق ئىنكاس-جاۋاپلارغا «ئۇۋال» بولمامدۇ؟
شۇڭا، بۇ تېمىدا ئوتتۇرىغا قويۇلغان پائالىيەتنى بۇنىڭدەك 5 خىل قاراشتىكى بېلەت تاشلاش بىلەن باشقا ئېلىپ چىقىمەن دېيىش «ئاسماندىكى غازنىڭ شورپىسىغا نان چىلاپ يېگەن بىلەن بارابەر».
يۇقىرىدىكى گەپلىرىم بەلكىم خېلىلا قاتتىق كېتىپ قالغان بولۇشى مۇمكىن، تېما ئىگىسىدىن ئالدىنئالا كەچۈرۈم سورايمەن، سىزنىڭ بۇنداق قىلىشتىكى غەرىزىڭىزنى، كۆڭلىڭىزنى، ئىرادىڭىزنى بىلىپ تۇرىۋاتىمەن، ئۇنىڭ ھەممىمىز ئۈچۈن پايدىلىق ئىكەنلىكىنىمۇ بىلىپ تۇرۇۋاتىمەن. شۇڭا مۇشۇنداق بىر ياخشى ئىشنىڭ ئەڭ ئاخىرىدا نەتىجىسز ئاياقلىشىشىنى كۆرگۈم يوق بولغاچقا، گەپنى قاتتىقراق قىلىپ، ئۆز كۆز قارىشىمنى ئوتتۇرىغا قويۇپ ئۆتتۈم، شۇڭا ھەربىر سەيناداشلارنىڭ بېلەت تاشلاپ قويۇش بىلەنلا چەكلىنىپ قالماي، سوغۇققانلىق بىلەن ئويلىشىپ، مۇشۇ پائالىيەتنى قانداق قىلساق تېخىمۇ ياخشى، توختاپ قالماستىن داۋاملاشتۇرغىلى بولىدۇ؟ دېگەندەك تەرەپلەردە كەڭ-كۇشادە پىكىر-تەكلىپلەرنى ئوتتۇرىغا قويۇشىنى ئۈمىد قىلىمەن.

جابدۇق ئىشلىتىش پاش قىلىش

Intil

ئاتامان

بېكەت باشلىقى

Rank: 32

تۆھپە: 17276
تىللا: 21575
شۆھرەت: 30052

يوللىغان ۋاقتى 2010-9-3 00:37:08 |ھەممە قەۋەتنى كۆرۈش

مەن بۇ ئىشقا نېمە دېيىشنى بىلمەي تۇرغان ئىدىم. راست گەپنى قىلسام قوللاش تەرەپدارىمەن. مانا نىدا ئەپەندىم گەپنى تەشتى، قارىشىمنى دەپ باقاي:
1- « پائالىيەت دائىرىسى » بۇنى تېمىدىكىدەك چوڭ قىلىش كېرەكمۇ؟ ۋاقتىنچە ئىنتىل بىلەن چەكلەپ تۇرۇش كېرەكمۇ؟
  كەڭ قىلىشتا؛ بۇ مۇكاپات خالىس توپلىنىدۇ. مەقسەتمۇ ئۇيغۇر كومپيۇتېرچىلىقنى ئىلگىرى سۈرۈش، شۇڭا مۇكاپات نامزاتىنى بىزلا ئەمەس بارلىق تورداشلار تەۋسىيە قىلسا بولىدۇ دەپ قارايمەن. دەرۋەقە ئۇيغۇر تورلىرى كۆپ بولغان بىلەن كومپيۇتېر- تور بىلىمى توربەتلىرى ئۇنچە كۆپ ئەمەس.
تار قىلىشتا؛ بۇ مۇكاپات ئىنتىلنى ئاۋات قىلىش ئۈچۈن تەسىس قىلىنغاندەك بولۇپ قېلىپ ئەكىس تەسىر بىرەمدۇ قانداق؟
2- « مۇكاپات سوممىسى» ئىشىدا ئاپتورمۇ قانداق قىلىشتا بېشى قاتقاتدەك قىلىدۇ. مېنىڭچە مەلۇم مۇددەتتە 500 كوي يىغىلدى دېسەك بۇنىڭدا  بىر ياكى ئىككى ئادەمنى مۇكاپاتلىساق كۇپايە دەپ قارايمەن. يەنە ئارىمىزدا ئىلىم-مەرىپەتنى قەدىرلەيدىغان ئىشچى -خىزمەتچى ، تىجارەتچىلەرمۇ بار بۇلار قوللىسا سومما كۆپىيىدۇ.
«VB مۇسابىقىسى» غا بىرەر ئاينىڭزى ئەسەر يوللانماسلىقى قاتنىشىىدغانلارنىڭ يوقلىقىنى بىلدۈرمەيدۇ دەپ قارايمەن، بۇ بىر دەرس ۋە دەرسنىڭ نەتىجىسى بولغان يۇمشاق دىتال بولغاچقا بۇنىڭ ئۈچۈن مۇناسىپ تەييارلىق ۋاقتى كىتىدۇ.
3- مۇكاپات شەرتى بولغانىكەن نۇقۇل ھالدا «مۇكاپات»نى قوغلىشىپ تېما يوللايدىغان ئەھۋال يۈز بەردى دېگەندىمۇ ئاخىرىدا ھامان ياخشىسى تاللىنىدىغان گەپ.  يەنە بۇ ئىشنى قوللايدىغان پىشقەدەم تەجرىبىلىكلەر قوشۇلسا مۇكاپات تارقىتىشتا سەۋەنلىك سادىر بولۇش نىسبىتىنى تۆۋەنلەتكىلى بولا؟
4- خۇددى نىدا ئەپەندىم ئىيتقاندەك  «مۇكاپات» بولغان ئىكەن، ئۇنىڭ چوقۇم «باھالاش ئۆلچىمى» بولۇشنى ئىشقا ئاشىرماي بولمايدۇ. ئاپتۇرنىڭ تەكلىۋىنىڭ يۈزەكىلىدىن قارىغاندا كەم تەرەپلەرنى بىزگە قالدۇرغان دەپ قارايمەن.
5- بۇ يەردە ئەڭ مۇھىم مەسىلە: نىدا ئەپەندى ئىيتقان خوشنا تورلار بىلەن يىرىك مۇناسىۋەت شەكىللىنىپ قېلىشتىن ساقلىنىش . مەسىلەن باھالاشنى ئايلانما شەكلىدە قىلىش، ئاتامانلارنى باھالاشقا تەكلىپ قىلىش دېگەندەك ئۇسۇللارنى قوللىنىشقا بولامدۇ- يوق؟

قېنى تورداشلار بۇ ئىشنىڭ مەقسىتى ياخشى ئىكەن، شۇڭا بىزمۇ ئويلىغانلىرىمىزنى دەپ باقىلى.

ئەتە ئۆلۈپ كېتىدىغاندەك ياخشى ئەمەللەردە بول.

جابدۇق ئىشلىتىش پاش قىلىش

Intil

ئاتامان

بېكەت باشلىقى

Rank: 32

تۆھپە: 17276
تىللا: 21575
شۆھرەت: 30052

يوللىغان ۋاقتى 2010-9-3 00:40:26 |ھەممە قەۋەتنى كۆرۈش

نىدا ئەپەندى ئەسكەرتكەندەك تېمىنىلا باھالاش ئاقىلانىلىق بولمىغۇدەك،

جابدۇق ئىشلىتىش پاش قىلىش

sada

باقاۋۇل

Rank: 4

تۆھپە: 232
تىللا: 263
شۆھرەت: 409

يوللىغان ۋاقتى 2010-9-3 02:00:59 |ھەممە قەۋەتنى كۆرۈش

مۇسابىقە بولغاندىكىن ۋاقىت،ئورۇن ۋە مەلۇم شەرت ئاستىدا بولسۇنمىكى،بولمىسا كىچىك چاغلىرىمدا ئوينايدىغان جىدەلنى خاتىمە قىلغان مۇسابىقىلەر تەكرارلىنىشى تۇرغان گەپ.نەق گەپكە كەلسەك VB مۇسابىقىسىگە ئوخشاش مەلۇم ۋاقىتتىن يەنە بىر ۋاقىتقىچە بولغان تىمىلارنى باھالاش،بىكىتىش ئاساسىدا مۇكاپاتنى بەلگۈلەيلى.....

جابدۇق ئىشلىتىش پاش قىلىش

yolum

ھىراۋۇل

ئىنتىللىق

Rank: 10

تۆھپە: 2048
تىللا: 1535
شۆھرەت: 3256

يوللىغان ۋاقتى 2010-9-3 09:45:40 |ھەممە قەۋەتنى كۆرۈش

ئۆز كۆز قارىشىنى ئوتتۇرىغا قويغان تورداشلارغا رەھمەت.
مەن بۇنداق ئىشنى قىلىپ باقمىغاچقا قانداق قىلسا ياخشى بولىشىنى بىلمەيمەن، ناۋادا كۆپچىلىكمۇ بۇ ئىشنىڭ ئەھمىيىتى بار دەپ قارىسا ئوبدانراق مەسلىھەتلىشىپ ئەمەلىلەشتۈرسەك بولىدۇ.

جابدۇق ئىشلىتىش پاش قىلىش