ئەرەبچە خەت كىرگۈزۈشتىن ياردەم

uydown · ۋاقتى: 2011-8-10 20:28:41

تۆنۈگۈن دوستۇمنىڭ تەلىپى بويىچە كومپيۇتېرىغا سىستېما قاچىلاپ بولۇپ، ئۇيغۇرچە ۋە ئەرەبچە خەت نۇسخىسى قاچىلاپ بەرگەن ئىدىم.
ئالپ يېزىق كىرگۈزگۈچ 8.0.1.1 ھەقسىز نەشرى (يېڭىلاندى) (قاچىلىغاندا ئەرەبچە تۈرى تاللانغان)
https://uyghur-archive.com/intil/home/thread-2110-1-1.html
دوستۇم ئۇيغۇرچە خەتلەرنىڭ سىپتا، شۇنچىلىك چىرايلىق ئىكەنلىكىنى كۆرۈپ ناھايىتى خۇشال بولدى. ئەمما ئەرەبچە خەت نۇسخىدا خەت باسقاندا ئەلىف «ا» بىلەن(1- رەسمدىكىدەك) سوزۇپ ئۇقۇيدىغان بەلگىسى (2-رەسىمدىكىدەك) چىقىرالمىدۇق.

توردىن قۇرئان كەرىمنىڭ خەت نۇسخىسىنى چۈشۈرۈپ سىناپمۇ باقتىم. يەنىلا ئوخشاش.....

http://quran.mursil.com/Web-Print-Publishing-Quran-Text-Graphics-Fonts-and-Downloads/fonts-optimized-for-quran

مەزمۇننى كۆچۈرۈۋېلىش

بىلىدىغان تورداشلار ياردىمىنى ئايىمىسا...

Intil · ۋاقتى: 2013-9-15 00:25:12

ئەرەبچە كىرگۈزۈش سىستېمىسى 3.0
http://www.shahdiyar.com/soft/software/arabic/arabic3.0.rar

Intil · ۋاقتى: 2011-8-10 23:18:43

ئاۋال http://www.yolyar.com/arab/Arabic_che.htm دىكى كۇنۇپكا تاختىسىدىن سىناپ بېقىڭ.
ئەرەبچە كۇنۇپكا تاختىسى

uydown · ۋاقتى: 2011-8-11 11:26:19

ئىنكاس قايتۇرۇش Intil نىڭ يازمىسى

رەھمەت ئىنتىل ئەپەندىم
ئەمما قارىسام بۇنىڭدىمۇ ئۇنى چىقىرىش كونۇپكىسى يوق ئوخشايدۇ.
بولمىسا توردىن http://www.gamoos.com/software/GaTypingSetup1.0.zip نى چۈشۈرۈپ قول مەشىقىغۇ قىلغان.
ئىزدىنىپ باقسام مەن كۆرگەن ھازىرقى يىڭى چىققان كىتاپلاردىكى دۇئالار بۇرۇنقى ‹ئا› نىڭ ئورنىغا ‹ئە› بېسىلغان ئىكەن...

ھازىرچە تېپىلغان ئامال: كونۇپكا تاختىسىدا ‹‹بولمىغان›› بىلەن، چۈشۈرگەن خەت نۇسخىسىدا باركەن. wordتا 符号دىن تېپىپ قىستۇرۇپ تۇرغاچ تۇردۇق.

Intil · ۋاقتى: 2011-8-11 13:48:45

ئىنكاس قايتۇرۇش uydown نىڭ يازمىسى

كۇنۇپكا تاختا رەسىمىنى كۆرمىدىڭىزمۇ؟ Shift+z چۇ؟

uydown · ۋاقتى: 2011-8-11 14:53:10

ئىنكاس قايتۇرۇش Intil نىڭ يازمىسى

Shift+zنى باسقاندا ‹~› نى خەتنىڭ يېنىغا چىقىرىپ بىرىدىكەن. ئەمما ئۈستىگە ئەمەس،
مەسىلەن: ‹‹لمـلـ~ـە›› دىگەندەك

AlpSoft · ۋاقتى: 2011-8-11 15:15:54

ئەرەبچە يېزىق كىرگۈزگۈچنىڭ ھازىر تەمىنلەنگەن ھەرقايسى نۇسخىلىرى ھەرقايسى ئەرەب دۆلەتلىرىدە ئوخشىمىغان شەكىل ۋە ئورۇنلاشتۇرۇشلارغا ئىگە. ئەڭ ئاساسلىقى ۋە بىز كۆپ ئىشلىتىدىغان ئەرەبچە يېزىق كىرگۈزگۈچنىڭ كۇنۇپكا تاختىسى سەئۇدى ئەرەبىستاندا ئىشلىتىلىدىغان نۇسخىسى ھېسابلىنىدۇ. بۇ ئەرەبچە يېزىق كىرگۈزۈش تاختىسىدا ئەرەب تىل-يېزىقىنىڭ ئاددىيلاشقان (تۇرمۇش) ماتېرىيال بېسىش ئېھتىياجىغا ئاساسەن لايىھەلەنگەن. ئەرەب يېزىقىدىكى بىر قىسىم مۇرەككەپ بەلگىلەرنى كىرگۈزۈش تەمىنلەنمىگەن. شۇڭا، قۇرئان ئايەتلىرىنى كومپيۇتېرغا كىرگۈزگەندە كومپيۇتېردا تەمىنلەنگەن ئەرەبچە يېزىق كىرگۈزگۈچنىڭ ئۆزىگىلا تايىنىپلا كىرگۈزۈشكە بولمايدۇ. يەنى، بەزى زەر-زەبەر ۋە شەرتلىك بەلگىلەر (نەقىشلىق ئىسكوپكا، نەقىشلىك ئىزاھات چەمبىرىكى ۋە باشقا شەرتلىك بەلگىلەر) نى كىرگۈزۈش ئۈچۈن ۋوردنىڭ ھەرپ-بەلگە قىستۇرۇش ئىقتىدارىدىن پايدىلانماي بولمايدۇ. بۇ خىل مەسىلىنى ھەل قىلىش ئۈچۈن، يەنى قۇرئاندىكى ئايەتلەرنى كومپيۇتېردا بىر تەرەپ قىلىش ئۈچۈن ئەرەبلەر (ۋە باشقىلار) ئايرىم لايىھەلەنگەن (ھازىر بار بولغان يېزىق كىرگۈزگۈچنىڭ كېڭەيتىلگەن نۇسخىسى) كىرگۈزگۈچلەردىن پايدىلىنىدۇ، شۇڭا مۇشۇ خىل كېڭەيتىپ ئىشلەنگەن ئەرەبچە يېزىق كىرگۈزگۈچ بولسا، سىز دېگەن بەلگىلەرنى قىستۇرۇشقا تامامەن بولىدۇ. بىراق بۇ خىلدىكى يېزىق كىرگۈزگۈچلەر تەمىنلىنەمدۇ ياكى تەمىنلەنمەمدۇ بۇنى بىلمىدىم، بىراق بۇ خىلدىكى كېڭەيتىلگەن ئەرەبچە كۇنۇپكا تاختىسىلىق يېزىق كىرگۈزگۈچنى ياساپ چىقىشقا بولىدۇ، يەنى ھازىرقى ئەرەبچە يېزىق كىرگۈزگۈچنىڭ ئاساسىدا بىر قىسىم قۇرۇق قالغان ياكى كۆپ ئىشلىتىلمەيدىغان ھەرپلەر بار كاتەكلەرگە قۇرئاندىكى ئايەتلەرنى كىرگۈزۈش داۋامىدا كىرگۈزۈشكە ئىمكانىيەت بولمىغان ھەرپ-بەلگە ياكى شەرتلىك بەلگىلەرنى ئورۇنلاشتۇرۇپ چىققاندا، بۇ خىلدىكى كىرگۈزگۈچتە سىز دېگەن مەسىلىنى ھەل قىلغىلى ۋە ئايەتلەرنى كىرگۈزگەندە ئالدىن ھەرپ بەلگىلەنگەن كۇنۇپكىلار ئارقىلىق يېزىق ۋە بەلگىلەرنى كىرگۈزگىلى بولىدۇ. مەن ئەرەبچىنى بىلمەيمەن، ئەگەر بىلگەن بولسام، بىر مۇشۇنداق يېزىق كىرگۈزگۈچ ياساپ قوياركەنمەن. ئەگەر ئەرەبچىنى ياخشى بىلىدىغانلار بولسا، ماڭا ھازىرقى كۇنۇپكا ئورۇنلاشتۇرۇشى ئاساسىدا، يەنە قانداق ھەرپ-بەلگىلەرنىڭ كۆپ ئىشلىتىلىدىغانلىقىنى ياكى كۇنۇپكىغا كېڭەيتىپ كىرگۈزۈشكە زۆرۈرلىرىنى كۆرسىتىپ بېرەلىسە مەن بىر كېڭەيتىلگەن ئەرەبچە يېزىق كىرگۈزگۈچ ياساپ بېرەلەيمەن.
ھازىرقى ئۇيغۇرچە خەت نۇسخىلىرىدا قۇرئاندىكى ئايەتلەرنى (مۇنداقچە ئېيتقاندا، قۇرئان يېزىقىنى) بىر تەرەپ قىلغىلى بولىدۇ. ئەرەب يېزىقىنى ياخشى بىلىدىغانلار بىلىدۇكى، ئەرەب يېزىقىنىڭ خەت شەكلى ئاددىيلاشقان خەت شەكلى ۋە مۇرەككەپ خەت شەكلى دەپ ئايرىلىدۇ، ئاددىيلاشقان خەت شەكلى كۆپرەك مەتبۇئات، تۇرمۇش، خىزمەت ئىشلىرىدا ئىشلىتىلىدۇ، شۇڭا ھازىرقى كۆپ قىسىم يېزىق كىرگۈزگۈچ ۋە خەت نۇسخىلىرىنى بىمالال ئىشلىتەلەيدۇ. مۇرەككەپ خەت شەكلى قۇرئان يېزىقى دەپمۇ قارىلىدۇ، بۇنىڭدا كۆپ خىل ھەرپ-بەلگىلەرنى ئۆز ئىچىگە ئېلىش بىلەن بىرگە، ئىككى ياكى ئۇنىڭدىن ئارتۇق ھەرپ-بەلگىلەردىن بىرلەشمە ھەرپلەرنى تەشكىل قىلغان شەكىلدىكى ھەرپ-بەلگىلەرمۇ خېلى كۆپ سالماقنى ئىگىلەيدۇ. بۇ خىلدىكى ھەرپ-بەلگىلەرنىمۇ ھازىرقى ئۇيغۇرچە خەت نۇسخىلىرىمىز تولۇق قوللايدۇ ۋە شۇ شەكىلدە كۆرسىتىپ بېرەلەيدۇ.

uydown · ۋاقتى: 2011-8-11 16:03:55

ئىنكاس قايتۇرۇش AlpSoft نىڭ يازمىسى

AlpSoft ئەپەندىمنىڭ تەپسىلى چۈشەنچە بەرگىنىگە رەھمەت، مەسىلە ئايدىڭلاشتى ئەمەسمۇ، بەك زۈرۈر بولغانلىرىنى ۋوردنىڭ ھەرپ-بەلگە قىستۇرۇش ئىقتىدارىدىن پايدىلانساق بۇلىدىكەن.

AlpSoft ئەپەندىم ياخشى ئىشلىرىڭىز ئۈزۈلۈپ قالمىغاي! بۇ يازمىنى ئاخىرىدا uydown تەھرىرلىگەن. ۋاقتى 2011-8-11 16:04

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

ئەرەبچە خەت كىرگۈزۈشتىن ياردەم

مۇناسىۋەتلىك تېمىلار

باھا سۆز