- توردا
- 77 سائەت
- ئاخىرقى قېتىم
- 2011-8-18
- تىزىملاتقان
- 2010-8-12
- شۆھرەت
- 2139
- تىللا
- 1020
- تۆھپە
- 1249
- ھوقۇقى
- 80
- جۇغلانما
- 7057
- ئالبوم
- 0
- بلوگ
- 0
- خاتىرە
- 0
- يازما
- 510
- تېما
- 137
- نادىر
- 0
- ھەمبەھر
- 0
- UID
- 213
 
     [?]- تۆھپە
- 1249
- تىللا
- 1020
- شۆھرەت
- 2139
|
بۇ بىلىمنى تەمىنلىگەن Tedbirkar غا رەھمەت
ھازىر يانفون كىشىلەرنىڭ كۈندىلىك تۇرمۇشتا كەم بولسا بولمايدىغان بىر تۈرلۈك ئالاقە قورالىغا ئايلاندى، يانفونلارنىڭ تۈرلىرىمۇ كۈندىن كۈنگە يېڭىلىنىپ، ئەڭ دەسلەپكى رەڭسىز ئېكران، MID,MMF شەكىللىك مۇزىكىلارنى قوللاشتىن، ھازىرقى نەچچە مىليون پېكىسللىق كامېرا، رەڭلىك ئېكران، MP3,WMA,MP4,3GP ھەتتا RM,RMVB قاتارلىق ھۆججەت تىپلىرىنى قوللايدىغان ھالەتكە يەتتى.
يانفون ئەڭ دەسلەپكى ئالاقە قورالىدىن تەرەققى قىلىپ، بىر خىل كۆڭۈل ئېچىش قورالىغا ئايلاندى، يانفوننىڭ قوللايدىغان كۆپ ۋاستە ھۆججەت دائىرىسىنىڭ كېڭىيىشىگە ئەگىشىپ، كىشىلەر يانفوندا ھەرخىل MP3,WMA فورماتىدىكى ناخشا-مۇزىكا، يانفون قوڭغۇراق مۇزىكىسى قاتارلىقلارنى ساقلاپ، تېلىفون قوبۇل قىلغاندا سايرايدىغان ئاۋازلارغا خىلمۇ-خىل ئۆزى ياخشى كۆرىدىغان مۇزىكا ھۆججەتلىرىنى تەڭشەپ ئىشلىتىدىغان بولدى.
بۈگۈن تەدبىركارنىڭ كۆپچىلىك بىلەن ئورتاقلىشىدىغىنى، ئۆزىمىزگە خاس بولغان يانفون قوڭغۇراق مۇزىكىسى ياساش ئۇسۇلىدۇر. بۇنىڭغا يانداشتۇرۇپ يانفون قوڭغۇراق مۇزىكىسى ياسايدىغان ئەپچىل، ھەقسىز، قولايلىق قورال 酷狗 يانفون قوڭغۇراق مۇزىكىسى ياساش ئۇستىسىنى تونۇشتۇرۇپ ئۆتمەكچىمەن.
بۇ قورالنىڭ ئاساسلىق ئىقتىدارى كېڭەيتىلگەن نامى MP3,WMA,WAV,OGG,APE,FLAC,CDA بولغان ئادەتتىكى مۇزىكا ھۆججەتلىرىدىن مەلۇم بۆلەكنى كېسىپ ئېلىپ يانفون مۇزىكىسى قىلىپ تەييارلاپ بېرەلەيدۇ. قوللايدىغان ھۆججەت تىپلىرى كۆپ، ئىشلىتىش قولايلىق، كۆرۈنمە يۈزى چىرايلىق، سىغىمىنىڭ كىچىكلىگە قارىماي ئىقتىدارىمۇ ئىنتايىن تولۇق تەمىنلەنگەن. يەنە بىر ئەڭ مۇھىم ئالاھىدىلىكى، بۇ قورال دۆلىتىمىزدىكى داڭلىق ھەقسىز مۇزىكا قويۇش، چۈشۈرۈش ئىزدەش يۇمشاق دېتالى 酷狗音乐 دىن ئايرىپ ئېلىنغان بولۇپ، پۈتۈنلەي ھەقسىز يۇمشاق دېتال بولۇپ ھېسابلىنىدۇ! تىزىملىتىش ياكى يېشىپ ئىشلىتىش ھاجەتسىز، پۈتۈنلەي يېشىل يۇمشاق دېتال تۈرىگە كىرىدۇ. يانفون مۇزىكىسى ياساش تېخنىكىسىنى ئۆگىنىش بىلەن بىرلىكتە، كومپيۇتېرىڭىزدا تەدبىركار تونۇشتۇرغان يەنە بىر ھەقسىز، يېشىل يۇمشاق دېتال كۆپىيىدىغان بولدىدە
مەزكۇر قورال مەخسۇس يانفون مۇزىكىسى ياساش بولۇپ، بىر قىسىم يېڭى ئىشلەتكۈچىلەرگە ماس كېلىدۇ، ناۋادا ئۆزىڭىزنىڭ كومپيۇتېر تېخنىكىسىنى يۇقىرى دەپ قارىسىڭىز، تەدبىركار سىزگە Adobe Audition، CoolEdit ياكى GoldWave غا ئوخشاش بىر قەدەر كەسپىي ئاۋاز تەھرىرلەش يۇمشاق دېتاللىرىنى تەۋسىيە قىلىدۇ. ئۇلار ئىقتىدار جەھەتتىن سىزنىڭ ھەرقانداق تەلىۋىڭىزنى قاندۇرالايدۇ، ئەلۋەتتە بۇ يۇمشاق دېتاللارنى خالىغانچە ئويناش ئۈچۈن خېلى ۋاقىت سەرپ قىلىپ ئۆگىنىشكە توغرا كېلىدۇ.
ناۋادا سىزنىڭ تەلىۋىڭىز يۇقىرى بولمىسا، پەقەت ئۆزىڭىزگە خاس بولغان يانفون مۇزىكىسى ياسىماقچى بولسىڭىز، ئۇنداقتا دەرھال 酷狗 يانفون مۇزىكا ياساش ئۇستىسىنى چۈشۈرۈپ سىناپ بېقىڭ. ناۋادا سىزدە بۇنىڭدىنمۇ ئېسىل يانفون مۇزىكىسى ياساش قورالى بولسا، تەدبىركارغا تەۋسىيە قىلىشنى ئۇنتۇماڭ، تەدبىركار بۇ يەردە ئەلۋەتتە سىزگە نىسبەتەن ھەقسىز تەشۋىق قىلىپ بېرىشنى خالايدۇ. قۇرۇق گەپنى ئاز قىلىپ مەزكۇر قورال ئارقىلىق يانفون قوڭغۇراق مۇزىكىسى ياساش ئۇسۇلىنى سۆزلەپ ئۆتەي:
ھە راست، مېنىڭ ئىشلىتىۋاتقان يانفونۇم NOKIA 6120C، ئۆزىدە MP3,WMA قاتارلىق ئاۋاز ھۆججەتلىرىنى بىر تەرەپ قىلىش ئىقتىدارىنى تەمىنلىگەن، توردا مەن ياقتۇرغۇدەك يانفون قوڭغۇراق مۇزىكىسى ئۇچرىمىغاچقا مەزكۇر يۇمشاق دېتال ۋە ئۇسۇلنى تونۇشتۇرغاچ ئۆزۈمگە خاس بولغان يانفون قوڭغۇراق مۇزىكىسى ياسىۋالاي.
ئاۋال يۇمشاق دېتالنى قوزغىتىمىز(قۇرۇق گەپ، يۇمشاق دېتالنى قوزغاتماي تۇرۇپ قانداق يانفون مۇزىكىسى ياسىغىلى بولىدۇ؟!  )
يۇمشاق دېتالنىڭ ئاساسلىق كۆرۈنمە يۈزى
رەسىمدىن كۆرۈۋېلىشقا بولىدۇكى، مەزكۇر قورالنىڭ كۆرۈنمە يۈزى ئىنتايىن كۆركەم لايىھەلەنگەن، ئاۋال سول تەرەپ ئۈستىدىكى مۇزىكا قوشۇش(添加歌曲)نى بېسىپ، بىر تەرەپ قىلماقچى بولغان مۇزىكا ھۆججىتىنى كىرگۈزىۋالىمىز، ياكى بىۋاستە بىر تەرەپ قىلماقچى بولغان مۇزىكا ھۆججىتىنى تاللاپ تۇرۇپ، يۇمشاق دېتال ئۈستىگە مائۇسنى سۆرەپ ئاپىرىپ قويۇۋەتسەك مۇزىكا ئاپتوماتىك قوشۇلىدۇ. ئاندىن مۇزىكىنىڭ بىز كېسىۋالماقچى بولغان بۆلىكىنى بەلگىلەپ بېرىمىز، ئاڭلاپ بېقىش(播放歌曲) كۇنۇپكىسىنى بېسىش ئارقىلىق مۇزىكىنى بىر تەرەپتىن ئاڭلاپ، بىر تەرەپتىن كېسىۋېلىشقا بولىدۇ. ئوتتۇرىدا بىز كېسىۋالماقچى بولغان مۇزىكىنىڭ باشلىنىش بۆلىكى ۋە ئاخىرلىشىش بۆلىكىنى بەلگىلەش ئورنى بولۇپ، مۇزىكىنى قويۇۋېتىپ باشلىنىش نۇقتىسىنى تۇتۇۋېلىش(截取起点) ئارقىلىق باشلىنىش نۇقتىسى، ئاخىرلىشىش نۇقتىسىنى تۇتۇۋېلىش(截取终点) ئارقىلىق مۇزىكىنىڭ ئاخىرلىشىش نۇقتىسىنى تۇتۇۋېلىشقا بولىدۇ.
ئۇنىڭ ئاستىدا مۇزىكا ھۆججىتىنىڭ تەپسىلىي ئۇچۇرلىرى تەمىنلەنگەن، ئاستىنقى بۆلەكتە بولسا بىز ھاسىل قىلماقچى بولغان يانفون مۇزىكىسى ھۆججىتىنىڭ كېڭەيتىلگەن نامىنى بەلگىلەش، ئاۋاز سۈپىتى، مۇزىكا باشلىنىش ۋە ئاخىرلىشىشتىن بۇرۇنقى ئاۋاز سۇسلىشىش ئۈنۈمى، مۇزىكا ئاۋازىنى چوڭايتىش قاتارلىق تەڭشەكلەرنى بەلگىلەشكە بولىدۇ، بۇ تەڭشەكلەرنى كۆڭۈلدىكىدەك تەڭشەپ بولغاندىن كېيىن ئۈستى تەرەپتىن قوڭغۇراق مۇزىكىسىنى ساقلاش(保存铃声) كۇنۇپكىسىنى باسساق مۇزىكىنى ساقلاش ئورنىنى بېكىتىپ بېرىشنى سورايدۇ، رەسىمگە قاراڭ:
ھاسىل بولغان يانفون قوڭغۇراق مۇزىكىسى ساقلىنىدىغان ئورۇننىڭ كۆڭۈلدىكىدەك قىممىتى، 酷狗 يانفون قوڭغۇراق مۇزىكىسى ياساش ئۇستىسى يۇمشاق دېتالى تۇرۇشلۇق مۇندەرىجىدىكى Ring ناملىق ھۆججەت قىسقۇچقا تەڭشەلگەن بولۇپ، ئۆزىمىز باشقا يەرگە تەڭشەپ ساقلىساقمۇ بولىدۇ، ساقلاش ئورنىنى بەلگىلەپ بولغاندىن كېيىن جەزملەشتۈرۈش كۇنۇپكىسىنى باسساق، كېسىپ تەييارلانغان يانفون مۇزىكا ھۆججىتىنى ھاسىل قىلىش باشلايدۇ، رەسىمگە قاراڭ:
ئەمدى بىزگە لازىملىق يانفون مۇزىكا ھۆججىتى تەييار بولدى، تەييار بولغان مۇزىكىنى ئاڭلاپ باقساق، ئاۋاز سۈپىتى ۋە ئۈنۈمىنىڭ ئىنتايىن ياخشى چىققانلىقىنى بايقايمىز، ئەلۋەتتە بۇ يەردىكى ئۈنۈم بىز ھاسىل قىلىشتىن بۇرۇن ئېلىپ بارغان تەڭشەش مەشغۇلاتى بىلەنمۇ مۇناسىۋەتلىك. ئەمدى ھاسىل بولغان ئاۋاز ھۆججىتىنى يانفونىمىزغا كۆچۈرۈپ ئىشلەتسەكلا بولىدۇ.
ھە راست، ئۇنتۇپ قالغىلى تاس قاپتىمەن، ھۆججەتنى چۈشۈرۈپ پرىستىن يېشىپ بولغاندىن كېيىن تۆۋەندىكىدەك ھۆججەتلەر تىزىملىكى كۆرۈنىدۇ.
ئاۋال يېشىللاشتۇرۇش(绿化) ھۆججىتىنى ئىجرا قىلىمىز، بۇ ئارقىلىق مەزكۇر قورالنىڭ مەزكۇر قورالنىڭ ئاساسلىق بىر دانە DLL ھۆججىتىنى سېستىمىغا تىزىمغا ئالدۇرمىساق يۇمشاق دېتال نورمال خىزمەت قىلالمايدۇ، ئاندىن يۇمشاق دېتالنى قوزغىتىپ ئىشلەتسەكلا بولىدۇ.
ھۆججەت تەپسىلاتى: 酷狗 يانفون مۇزىكىسى ياساش مۇتەخخەسسىسى
ھۆججەت نەشىرى: ھەقسىز يېشىل نەشىرى
ھۆججەت فورماتى: RAR
ھۆججەت سىغىمى:1.25MB
تەييارلانغان ۋاقىت: 2009.04.20
پرىستىن يېشىش پارولى: www.tedbirkar.net
تارقاتقۇچى تور بېكەت: http://www.kugou.com
ھۆججەت تەييارلىغۇچى: تەدبىركار
سەمىمىي ئەسكەرتىش:
يۇقارقى ھۆججەت ھەقىقى نەشىردىكى NOD32 ۋىروسخورىنىڭ ئەڭ يېڭى ۋىرۇس ئامبىرىدا تەكشۈرۈشتىن ئۆتكۈزۈلگەن بولۇپ، خاتىرجەم چۈشۈرۈپ ئىشلەتسىڭىز بولىدۇ، شۇنداقتىمۇ ئاۋارىچىلىق كۆرمەي چۈشۈرۈپ بولغاندىن كېيىن، تەپسىلىي تەكشۈرۈپ بېقىشىڭىزنى تەۋسىيە قىلىمىز. يۇقارقى ھۆججەتنىڭ كېلىش مەنبەسى تور دۇنياسى بولۇپ، تەدبىركار تور بېكىتى بۇ قورالنى ئىشلىتىش داۋامىدا كېلىپ چىققان ھەر قانداق مەسئۇلىيەتنى ئۆز ئۈستىگە ئالمايدۇ، ناۋادا سىزنىڭ ۋە باشقىلارنىڭ نەشىر ھوقۇقى ياكى ئەسەر ھوقۇقىغا خىلاپلىق قىلغان قىلمىشلارنى بايقىسىڭىز، بىزگە مەلۇم قىلىپ قويۇڭ، بىز ئەڭ تېز سۈرئەتتە بۇ ئىشلارنى بىر تەرەپ قىلىپ، سىزنىڭ ۋە باشقىلارنىڭ ئەسەر ھوقۇقىنى قوغداشقا تىرىشىمىز!
چۈشۈرۈش1 چۈشۈرۈش2 مەنبەسى: تەدبىركار چۈشۈرۈش3 چۈشۈرۈش4 چۈشۈرۈش5
مەنبە: تەدبىركار تورى
|
|
يوللانغان ۋاقتى 2011-6-3 20:50
![[ئىشەنچلىك ئەزا]](./common_1_verify_icon.gif "[ئىشەنچلىك ئەزا]"){kind=icon}
يوللانغان ۋاقتى 2011-6-3 23:42
ھەقىقەتەن نوچى دېتالكەن ، ئاۋاز بۇزۇپ قويمايدىكەن ، يەنە تېخى ئاۋاز كۈچەيتكىلىمۇ بولىدىكەن ئەمەسمۇ 
بۇ يازمىنى ئاخىرىدا turpan تەھرىرلىگەن. ۋاقتى 2011-6-4 15:25 