تەۋسىيە: پىرىمېرنى قانداق ئۇگەندىم

yolum · ۋاقتى: 2011-6-3 20:45:00

ئاپتورى: urdek

تورداشلارنىڭ تەلىۋى بىلەن ئالدىنقى 1- ۋە2- قىسىملىرىنى يوللاپ قويدۇم 1 - قىسمى

ھەممىڭلار بىلىپ بولدۇڭلار ھەقىچان،مەن كومپۇتېر كەسپىدە ئوقۇمىغانتىم،خەن چىنىمۇ بىلمەيمەن، ئېنگىلىزچىنىمۇ شۇنداق،بىراق مۇشۇ كومپۇتېر ھەققىدەجىق يازمىلارنى كۇرۇپ ئۇنۇڭ ئىختىدارىغا غايىۋى ئاشىق بولۇپ يۇردۇم، ئۇ چاغلاردا مەندە
بىردانە
پاناسۇنىك6000 ماركىلىق تەقلىدى كامېرا بار ئىدى، ئۇنىڭدا تارتقان تويلارنى سىنئالغۇنىڭ كۇچۇرۇش ئىقتىدارىدىن پايدىلىنىپ كىرىشتۇرەتتىم،خەتلەرنى قەغەزگە يېزىۋىلىپ تارتىۋالاتتىم،بىراق بۇنۇڭلۇق بىلەن فىلىملىرىمىز كۇڭۇلدىكىدەك بولمايۋاتاتتى. كىسەك لېنتا مەخسەت ئەمەس ئىدى.زامان نىڭ ئالدىدا ماڭمىساق شاللىنىپ قالاتتۇق .خۇلاسە شۇكى چوقۇم كومپۇتېربىلەن قۇراللىنىش كىرەك .

شۇنداق قىلىپ يىمەي-كىيمەي يىققان پۇلۇمغا كومپۇتېرئېلىش ئۇچۇن ئۇرۇمچى نەدىسەن دەپ تەۋەككۇل قىلدىم،قىزىل بايراقنى ئارىلاپ يۇرسەم بىر كومپۇتېرخانىدا ئۇيغۇربالىلار تۇرمامدۇ،شۇنۇڭ بىلەن ئۇ يەرگە كىرىپ قاراپ باقتىم،مانا بۇ كىينكى ۋاقىتلاردا داڭ چىقارغان ئۇيغۇر سوفىت شۇ ئىدى،

شۇنداق قىلىپ 12950 سومغا ئېكرانى 14 سۇڭلۇق بىر كومپۇتېر سېتىۋالدىم ھەم دەرھال ئۇيگە قايتتىم،كىلىپلا قۇراشتۇردۇم( ئۇزۇم كەنىت توكچىسى بولغاچ تەس بىلىنمىدى)،ھەرىكەتنىمۇ باشلىۋەتتىم،ئەمما...

ئەمما زە چاشقىنەك كۇرۇنمەي قويدى،تېخى ھېلىلا بار ئىدى! بۇزۇلۇپتۇ ئەمىسە بۇ كومپۇتېرىم.

شۇ
كەچتە ئۇخلاۋاتقان يېرىدىن بالامنىڭ ساۋاقدىشى-قازاق خوشنىمىزنىڭ بالىسىنى چاقىرىپ چىقتىم،ئۇ ئۇرۇمچىدە تېلىۋىزىيە ئونۋېرسىتىتىدە ئوقۇيتتى،3-يىللىقتا ئىدى،كىرىپلا ( ۋاي بۇ بىزنىڭ ئوقىغان كومپۇتېرلارغا ئوخشىمايدىكەن) دەپلا قاچتى، سەۋەپ شۇكى 1998-يىللاردا ئۇلار ئاساسى ماشىنىسى ياتما قاپلىق كومپۇتېرلارنى ئىشلىتىپتىكەن،مىنىكى بولسا تىك قاپلىق ھازىرقى مودا كومپۇتېر ئىدى
بۇنۇڭ تۇرقىلا ئۇنى قاچۇرىۋەتكەن گەپ ئىكەن،ئەتىسى ئۇرۇمچى ئاشلىق مەكتەپتە ئوقۇيدىغان تۇققىنىمىزنىڭ قىزىنى تەكلىپ قىلدىم،ئۇمۇ بوسۇغىدا تۇرۇپلا ( بىزنىڭ كومپۇتېرغا ئوخشىمايدىكەن) دەپلا قاچتى،شۇ كۇنى كەچتە ئىنىمنىڭ ئۇرۇمچى ئاشلىق مەكتىۋىدە ئوقۇپ قايتقان ئوغلىنى چاقىرىپ كۇرۇپ بىقىشقا تەكلىپ قىلدىم، بۇبايقۇشمۇ كىلىپ ئۇنى قىلىپ- بۇنى قىلىپ ھىچنەرسە چىقىرالماي يانچۇقىدىن تۇت بۇرجەك قارا نەرسىنى چىقىرىپ كومپۇتېرىمنىڭ قورسىقىغا سالدى، بىردەمدىلا كىچىك بىر قونچاق دىك-دىك سەكرەپ چىقتى،باسقانسىرى يۇقۇرى ئۇرلەپ ئويۇن قىلىپ بەردى،خېلى كۇلۇشتۇق...بىراق بەرىبىر كومپۇتېرىم (سۇزلىگىلى ) ئۇنۇمىدى،

شۇنۇڭ بىلەن سورىدىم:-سىلەر مەكتەپتە 3 يىل ، ئوقۇدىڭلار،ئۇگەنگىنىڭ مۇشۇمۇ، دىسەم:- بىزنى سىنىپقا ئەكىرىپ قويۇپ قۇرۇق نەزەرىيە سۇزلەپ چىقىپ كىتىدۇ، ئامال يوق ئۇنۇڭ- بۇنۇڭدىن مۇشۇئويۇننى ئۇگۇنۇپ تېخى مەيدىمىزنى كېرىپ يۇرۇيمىز،- دىمەسما، شۇ ئاچچىقىمدا:- داداڭ شۇنداق بايما،3 يىل ئوقۇپ كومپۇتېر نى ئاچالمايسەن،- دەپ قوغلاپ چىقاردىم.

ئەندى قانداق قىلىش كىرەك؟ 13 مىڭ سوم پۇلۇمنى مۇنۇ تۇمۇر-تەرسەك يەپكىتەمدۇ،قاراپ تۇرامدىمەن؟،

ياق، ئۇز كۇچۇمگە،ئەقلىمگە تايانماقتىن باشقا ئىلاج يوق،13 مىڭ سوم پۇلنى مۇنۇ تۇمۇردىن ئۇندۇرۇۋېلىشىم كىرەك!
ناھىيەمىزدە ھىچكىمدىن ئۇگۇنۇش ئىمكانىيىتى يوق ئىدى،بىلمەيىتتى،ئۇرۇمچىدىن ئۇگۇنەي دىسەم بارالمايىتتىم، چۇنكى مەن ئەترەت نىڭ توك يەتكۇزۇپ بىرىش ئىشىنى كۇتۇرە ئالغان،تاشلاپ كىتەلمەيىتتىم.

شۇندىن كىين جاپالىق كۇنلەر باشلاندى،خەن يېزىقلىرىنى بىرمۇ-بىر لوغەت دەپتىرىمگە خاتىرلەپ چىقتىم،ئۇ كاتەك خەتلەرنىڭ مەناسىنى رەسىم ھالىتىگە تەقلىت قىلىپ چۇشۇنۇشكە تىرىشتىم،لىكىن بەك تەس كەلدى،چۇنكى بۇ يېزىقنى بىلىش ئۇچۇن ئاۋال يېزىشنى بىلىش كىرەك،ئاندىن ئوقۇلىشىنى بىلىش كىرەك،ئاخىرىدا مەناسىنى چۇشۇنۇش كىرەك،بىلمىگەن خەتلەرنىڭ مەناسىنى ئىزدەيدىغان لوغەت مەندە يوق.بۇمۇبولماي ئېنگىلىزچە يېزىلمىلارغا دىققىتىمنى ئاغدۇردۇم،بۇ ئاسان چۇشتى چۇنكى ھەرىپ ئاران 28، ئىلگىرىمۇ بىلەتتىم،بەزى سۇزلەر تىلىمىزدىمۇ بار ئىدى،يوقلىرىنى بولسا چىكىپ بىقىپ چىققان نەتىجىگە قاراپ تەخمىن قىلدىم،شۇ بىر يىلدا ئۇگەنگەنلىرىم قىسقا فىلىملەرنى ئىشلەش،شۇ ئارقىلىق بىر قىسىملىق توي
فىلىمىنى 5-6 پارچىغا بۇلۇپ ئىشلەپ نۇر تەخسىگە كۇچۇرۇش بولدى.چۇنكى مۇشۇنداق قىلمىساق كومپۇتېرىمنىڭ ئۇ ۋاختىدىكى سەپلىمىسى فىلىم ئىشلەشكە يار بەرمەيىتتى،cpu

سى ئاران330 م ب ئىدى

شۇنداق قىلىپ رەسمىيەت بىجىرىپ
بازاردىن دۇكان ئالدىم،تىجارەت باشلىدىم. بۇ 1999- يىللىرى ئىدى.

(
ئاخىرى بار)

2- قىسمى

باشتا ئەيتىپ ئۇتكۇنۇمدەك شۇ چاغلاردا ئىشلىگەن ۈ س د لىرىمىز سۇزۇك ئەمەس ئىدى،يەنەكىلىپ بىر قىتىمدا بىرلا بېسىملاپ چىقىرىشقا سەپلىمىلەرنىڭ ئىختىدارى يەتمەيىتتى، قانداق قىلىش كىرەك؟ ئۇرۇمچى -قىزىل بايراقتىكى شېركەتلەر،ئۇيغۇرسۇفتتىكى ئالىم ئەھەت قاتارلىقلار
مەسلەھەتى بىلەن سېناززى بېسىملاش كارتىسىنى 4200 سومغا ئالدىم،بۇ كارتىدا بېسىملىغان فلىم تېز ۋەپۇتۇن چىقتى،بىراق سۇزۇكلىگى يەنىلا تۇۋەن,مەن سېناززى نى سۇزۇك چىقىرىپ بىرەمىكى دەپ ئالغان ئەمما نەتىجە بۇنداق بولۇپ چىقتى،بۇ نىمە ئىش ئەندى؟بولمىسا ئىشلىتىۋاتقان سېستىمام پىرىمىيېرى 4.2 ئىدى،كومپۇتېرنىڭ سەپلىمىلىرىنى ئۇرۇمچىدە سېتىۋاتقان ئەڭ يېڭى ئۇسكۇنىلەر بىلەن تولۇقلىدىم،ئەندى كام قىلغان قايسى ئىش قالدى؟

كىيىن بايقىشىمچە مەن كومپۇتېرغا
كىرگۇزگەن فىلىملەر تەقلىدى كامىرادا تارتىلغان فىلىملەر ئىكەن،بۇنىڭ ئىكران ئىنىقلىغى بەك تۇۋەن،ئۇرۇمچىدىكى ئىتتىپاق كوچىسىدىكى دۇكانلارغا قاراپ باقسام تېلىۋىزىيە ئىستانسىلىرىدا ئىشلىتىدىغان ،ئېغىرلىغى 25 كىلوگرام كىلىدىغان چوڭ كامىرالار بار ئىكەن،باھاسىنى 000 164 سوم دەپ يېزىپ قويۇپتۇ! ئاللا كارامەت، بۇنچىلىك پۇلۇم بولسا تېلىۋىزىيە ئىستانسىسىدىن بىرنى قۇرۇۋالاتتىم،

قانداق قىلىمىز ،يەنىلا بار ئاماللارنى قىلىپ چىقتىم،بۇنۇڭ ئىچىدىكى بىرسى شۇكى-كىسەك لېنتىدىكى فىلىمنى كومپۇتېرغا avi

ھالەتتە ئەكىرىپ يەنە شۇ avi

ھالەتتەئىشلەش،ئاندىن ۈ س د غا بېسىملاپ چىقىرىش،بۇنىڭدا سۇزۇكلىگى ياخشى بولغىنى بىلەن بوشلۇقنى شۇنچىلىك كۇپ ئىگەللىۋالىدىكىن قاتتىق دېسكا ئىچىگە كىرىپ ئاياق قويغىدەك يەر تاپالماي قالىسىز. ۋاقىت دىگەن ئايىماي كىتىدىكەن.

مۇشۇنداق
پالاخلاپ يۇرگەن كۇنلەرنىڭ بىرىدە قىزىلتاغ تەرەپتىكى پۇچتا بىناسىنىڭ ئۇستۇنكى قەۋەتلىرىدە
ئېلىكترون سايمانلىرى ساتىدىغان يەرلەرنى ئارىلاپ يۇرسەم ئۇزى ئالقانغا پاتقۇدەك كىچىك رەقەملىك كامىرالارغا كۇزۇم چۇشتى،ئېكران سىزىقلىغى520x400

ئەتراپىدا ئىكەن،پۇلى 12500سوم ئىكەن،شۇنۇڭ بىلەن دەرھال ئالىم ئەھەتكە تېلىفۇن قىلسام يىتىپ كەلدى،ۋە بىر-بىردىن سىناپ ئىنگىلىزچە خەتلىك چۇشەندۇرۇشلىرىنى كۇرۇپ مەشخۇلات قىلدى،يان ئىكرانىغا قارىساق شۇنداق سۇزۇك ھەم رەڭلىك ئىكەن،ئۇچاغلاردا بۇخىل رەقەملىك كامىرا ئۇرۇمچى بازىرى ئۇچۇن يېڭىلىق ئىدى،مىنى جەلىپ قىلغىنى چاققان،ئەپچىللىگى بولدى،چۇنكى يېزىلاردا ئەتىدىن كەچكىچە ئېغىر بولغان ئەۋۇ( گومىنداڭنىڭ پوتىيى) نى كۇتۇرۇپ يۇرۇش ئازاپ ئىدى.بۇخىل كامىرادىن دۇكان خۇجايىنىنىڭ سۇزىگە قارىغاندا پەقەت تۇتىلا كىرگۇزۇلۇپتىكەن،مەن بىرنى ئالدىم،كىيىن ئالىم ئەھەتمۇ (بىز دىخاندىن قالامتۇق) دەپ يەنە بىرىنى ئالدى،ھەتتائەنگىلىيەگە چىققاندا شۇ كامىرانى ئالغاچ بارغانتى.

شۇنداق قىلىپ بۇ كامىرانى ئىشلەتتىم،دەسلىۋىدە كىشىلەر رەسىم ئاپپاراتى ئوخشايدۇ دەپ قېلىشتى،يان ئىكراننى ئېچىپ ئۇزلىرىنىڭ گۇزەل چىرايلىرىنى كۇرسەتكەندىن كىين بەك ئامراق بولۇپ قېلىشتى،بىر قىشتىلا خەجلىگەن پۇلۇمنى چىقىرىۋالدىم.

ئۇ چاغلاردا رەقەملىك كامىرا ئومۇملاشمىغان،بىخ ھالىتىدە ئىدى.

yolum · ۋاقتى: 2011-6-3 20:46:00

پىرىمىرنى قانداق ئۇگەندىم 3
ناھىيەمىزدە جەنۇپنىڭ ھەرقايسى ناھىيەلىرىدىن كىلىپ ئورۇنلۇشۇپ قالغانلار نىسبەتەن كۇپ،ئۇلاربالىلىرىنىڭ تويىنى قىلسائۇز يۇرتلىرىنىڭ كۇرۇنۇشلىرىدىن  قىستۇرمىلارنى كىرىشتۇرۇپ قويۇشىمنى ئۇتۇنىشىدۇ،چۇنكى ئۇلار پۇتكۇل جەنۇپنى ئايلىنىپ فلىم-سۇرەتكە تارتقىنىمنى بىلىشىدۇ،مەن بولسام سۇزۇكلىكىگە يۇقۇرى تەلەپ ئىھتىياجىدىن ئۇ كۇرۇنۇش لەرنى dvd قىلىپ ساخلىۋالغان، ۋاھالەنكى پىرىمىر نىڭ شۇچاغدىكى 4.2 ،5.0 ،6.0 ،6.5 نۇسخىلىرى dvd بىلەنvcd ھۇججەتلىرىنى ئارىلاش بىسملاپ vcd قىلىپ چىقىرالمايىتتى،پەقەتavi ھۇججىتىنىلا قوللايىتتى،خېرىدارلىرىمنىڭ تەلىۋىنى ئورۇنلاش ئۇچۇن ھىلىقى dvdفىلىملىرىمنى پىرىمىرغا كىرگۇزۇۋېلىشىم كىرەك ئىدى،لىكىن پىرىمىر بۇنى قوللىمايىتتى، قانداق قىلىش كىرەك؟

dvd لىرىمنى قايتىدىن avi غا ياكىvcd غا ئايلاندۇرامدىمەن؟ بۇنىڭغا ۋاقىت  ۋە بوشلۇق بەك كۇپ كىتەتتى،مانا مۇشۇنداق قىلىپ يۇرگەن كۇنلەردە ulead mediya studeo 7.0 ئۇچراپ قالسا بولىدۇ، بۇ  دېتالنى تەتقىق قىلدىم، ئۇگەندىم ،نەتىجە شۇ بولدىكى بۇ دېتالدا فلىم ئىشلىسەم پىرىمىرغا قارىغاندا ئاتتەك تېز بولىدىكەن،ھىلىقى پىرىمىر غا كىرگىلى ئۇنۇمىغان dvd ھۇججەتلەر بىمالال كىرىدىكەن، ئۇنىڭدىن باشقىمۇھۇججەتلەر بىمالال كىرىۋىرىدىكەن( مىسالەن mov ھۇججەتلىرى دىگەندەك)، شۇنداق قىلىپ بۇنىمۇ خېلى ئىشلەتتىم،كىينرەك ulead mediya studeo 8.0 نۇسخىسىنى ئىشلەتتىم،بۇنۇڭ كىرىشتۇرۇش يوللىرى ھازىرقى پىرىمىر 2.0 نىڭ كىرىشتۇرۇش يوللىرىغا ئوخشاپ كىتىدىكەن.

بىر كۇنى ulead mediya studeo 8.0 دە فلىم ئىشلەپ vcd غا بىسىملاپ بولۇپ فىلىمنى قويۇپ تەكشۇرۇپ باقسام ،ئىلگىرلىرى ناھايىتى ياخشى چىقىۋاتقان vcd لىرىم شۇنچىلىك چاپاقكىن ئۇزۇممۇ ھەيران قالدىم،مۇنداق فىلىمنى خېرىدارلىرىم قانداق قۇبۇل قىلار دەپ غەمگە پىتىپ ئولتۇرۇپ كەتتىم، ئۇكۇنى ھىچ ئىش قىلمىدىم،سەۋەپنى مۇلاھىزە قىلىپ بىر كۇننى ئۇتكەزدىم، سەۋەپنىمۇ تېپىپ چىقتىم،سەۋەپ شۇكى-شاگىرت بالىلار مەن دۇكاندا بولمىغان چاغلاردا دوست-يارەنلىرىنىڭ تېلىفۇنلىرىدكى دومىت كارتىلىرىغا ناخشا قاچىلاپ بەردۇق دەپ شۇنىڭدىكى ۈىروس لارنىڭ ھەممىسىنى كومپۇتېرىمغا چۇشۇرۇۋېرىپتۇ،ئۇلار ناخشا كۇچۇرگۇزىۋالغىنىغا خوش،كومپۇتېرىم بولسا ۈىروس(چۇشۇرۇۋالغىنىغاخوش) بولۇپ ئولتۇرۇۋېرىپتۇ، ئەخىرى كومپۇتېرىم ۈىروسلارنى ھەزىم قىلالماي ئۇزىدىكى فىلىم ئىشلەش دېتاللىرىمغىمۇ (سۇۋغا) قىلغىلى تۇرۇپتۇ، شۇنۇڭ بىلەن قورسىغى تويۇپ كەتكەن mediya studeo لىرىم ئىش خوش ياقماي ئاشۇنداق چالا ئىشلەپ قويۇپتۇ، شۇنۇڭ بىلەن  بىسىملاپ چىقارغان vcd لىرىم چاپاق چىققان گەپ.

دەرھال جىددى تۇتۇش قىلىپ ئىلگەركى قاچىلىغانmediya studeo 8.0 نى ئۇچۇرۇۋىتىپ قايتىدىن قاچىلىدىم،ئاندىن كىيىن بىسىملاپ چىقارغان فىلىملىرىم ئىلگەركىدەك سۇزۇك چىققىلى تۇردى.

ئارىدا بەزى خېرىدارلىرىمدىن يەنە ئىنكاس چىققىلى تۇردى،تىڭشاپ باقسام ( بۇ بىريىلدىن بۇيان ئىشلىگەن فىلىملەر بۇرۇنقىدەك بەكمۇ سۇزۇك ئەمەس )، ئاللا ، بۇ نىمە گەپ ئەندى،يەنە كاللىنى قاتۇرىدىغان ئىش چىقتىغۇ يەنە.

مۇشۇ ئارالاردا edios چىققىلى تۇردى، ئۇنىڭ سۇزۇك بىسىملاپ چىقىرىش ئىختىدارى بەك ياخشىكەن دەپ ئاڭلىدىم، شۇنۇڭ بىلەن پىرىمىر، مېدىيا، ئېدىئوس لارنى سېلىشتۇرۇشقا باشلىدىم، خۇلاسە شۇكى پىرىمىرنى بىلمىگەنلەرئۇچۇن ئىدىئۇس ياخشى،ئىشلىرى دۇۋىلىشىپ كەتكەنلەر ئۇچۇن مېدىا ياخشى،پىرىمىرنى بىلگەنلەرئۇچۇن پىرىمىر ياخشى، ياخشى بولغاندىمۇ pirimieri 2.0 ياخشى، چۇنكى بۇنڭدا ئالدىنقى نەشىرلىرىدىكىdvd,vcd,mov,dat ھۇججەتلىرىنىڭ كىرمەسلىك ،ئايلاندۇرالماسلىق مەسىلىلىرى ئۇنۇملۇك ھەل قىلىنىپلا قالماي نۇرغۇن يېڭى ئىختىدارلار قوشۇلغان.

yolum · ۋاقتى: 2011-6-3 20:47:09

پىرىمىرنى قانداق ئۇگەندىم 4
خوش، شۇنداق قىلىپ فىلىمنى قانداق ئىشلەش ۋە قانداق بېسىملاش-ھەممىسىنى بىر قاتار بىلىۋالغان بولدۇق،

ئەندىكى بىر مەسىلە .قانداق ئىدىيە مەۋقەسىدە فىلىم ئىشلەش. بۇ بىز ھەل قىلىشقا تىگىشلىك مۇھىم مەسىلىنىڭ بىرسى، چۇنكى تېخنىكىلىق ۋاستىلەرنى بىلىۋالغاندىن كىين فىلىمنىڭ( كىملىك) مەسىلىسى ئوتتۇرىغا چىقىدۇ.

مەن بۇ يەردە(كىملىك) نى ئېغىزغا ئالدىم،دەۋاتقىنىم مىللى كىملىك مەسىلىسى،ھەيران قېلىشنىڭ ئورنى يوق،ئەلبەتتە بىز ئۇيغۇر بولغان ئىكەنمىز مىللى كىملىگىمىزنىمۇ كۇزدە تۇتۇشىمىز كىرەك،ئىشلىگەن فىلىملىرىمىزغا ئۇز كىملىگىمىزنىڭ تامغىسىنى بېسىشىمىز كىرەك.

مۇنداق ئىشلارمۇ بولۇپ ئۇتتى:-بىر قىتىم فىلىم ئۇچۇن كۇرۇنۇش تارتىۋاتسام (قىز- يىگىتنى باغچىغا ئاپىرىدىغان ئىش چىقىپ قالغان ئىدى) قارامايلىق شوپۇر ئۇستام-سىلەر توي قىلساڭلار ماشىنا ئالدىغا بۇت قويۇۋالامسىلەر؟- دەپ قالدى، قارىسام دەرۋەقە پىكاپ ئالدىغا قونچاق ئورۇنلاشتۇرۇپ قويۇپتۇ،دەرھال يۇلۇپ ئېلىۋەتتىم،كىيىن بارلىق ھۇسىن تۇزەش-توي پىكاۋىنى زىننەتلەش ئورۇنلىرىدىكى مۇلازىمەتچى خەن لەرگە مۇندىن كىين ئۇيغۇرلارنىڭ توي پىكاۋىغا بۇت-قونچاق قويماي گۇل بىلەن بىزەشنى تەكلىپ قىلدىم،قۇبۇل قىلدى ۋە بىر يىلغا بارماي بۇت-قونچاق ناھىيەمىزدىن يوقالدى،

  ئىچىملىك- چېكىملىك مەسىلىسى، بۇ بىر مۇرەككەپ مەسئىلە،بىراق بۇنۇڭمۇ ئامالى بار بولدى،ئولتۇرۇشلاردا ئۇستەللەرگە ھاراق-تاماكىلار تىزىۋىتىلىدۇ،شەھەرلىكلەر بۇنىڭسىز ھوزۇر قىلالماسمىش،يېزىدىكىلەر ئانچە ئەمەس،فىلىمغا شۇ ھاراق-تاماكىلار قەتئى چىقىپ قالماسلىقى كىرەك،چۇنكى بۇ فىلىمنى چوڭلار،بالىلار،ئاياللار كۇرىدۇ،بولۇپمۇ بالىلار،ئۇلار چوڭلار ئىچىدىكەن-چىكىدىكەن ،بىزمۇ قىلىپ باقمامدۇق دەپ ئويلىشىدۇ،توي فىلىمى يەنە بىر ھىساپتا ۋاقىت ئۇتكەندىن كىيىن تارىخى ئەسلىمە بولۇپ قالىدۇ،يېشى چوڭايغان ياشلار كىيىن  شۇ فىلىمنى كۇرسە ئىزا تارتىپ قالىدىكەن،شۇ ئىزا تارتىشنىڭ ئۇزىمۇ چوڭ غەنىمەت، شۇڭا فىلىم تارتىۋاتقاندا ئامال بار ئۇستەللەرگەھاراق تىزىلماستا تارتىۋىلىش،بولمىغاندا بۇتۇلكىنى ئايلىنىپ ئۇتۇپ كىتىش،تاماكا تۇتىۋالغانلارنى تارتماسلىق،مۇھىم شەخىسلەر بولسا تاماكىنى قويۇپ تۇرۇشنى ئەيتىش كىرەك،مۇسۇلمان بولغاندىكىن توغرا چۇشۇنىدىكەن.

ياشلار ئولتۇرۇشلىرىدا قىز- يىگىتنىڭ تانسا ئويناش كۇرۇنۇشى بولىدىغان،مۇشۇ چاغدا بەزى ياشلار قىززىقچىلىق قىلىمىز دەپ،نەدىن كۇرۇۋالغان-ژىرتىلماس قىزىل رەختنى تېپىپ كىلىشىپ قىز-يىگىتنىڭ بېلىنى چىڭ باغلىۋىتىدۇ،شۇنداق چىڭ باغلىشىدىكى قىز-يىگىت ئىنجىقلاپ كىتىشىدۇ-تىنالماي قېلىشىدۇ، بۇ (قىز -يىگىتنى تېخىمۇ يېقىنلاشتۇرغان) لىرى ئىمىش،كۇرۇنۇپ تۇرۇپتىكى بۇ خەن لەرنىڭ توي ئادەتلىرىدىن بىرى ئىدى،توي فىلىمىنى ھەريەر- ھەريەردىكى كىشىلەر كۇرۇدۇ، بىزنىڭ ناھىيەمىزنى،تويلىرىمىزنى مەسخىرە قىلىشمامدۇ؟

شۇنۇڭ بىلەن چۇشەندۇرۇپ-قاتتىق قوللۇق قىلىپ يۇرۇپ چوڭلارنىڭ قوللىشى بىلەن بىر يىلغا بارماي بۇ ئىشنىمۇ توسۇپ قالدۇق.

يەنە بىر ئىش، توي بولغان قىز-يىگىت ئەلبەتتە ئۇزلىرىنىڭ كۇپرەك ئىكرانغا چىقىشىنى ئارزۇ قىلىدۇ،لىكىن بۇنى دىيەلمەيدۇ،شۇنۇڭ بىلەن دالىلارغا،چىمەنزارلاغا،باغچىلارغا قولداشلىرى بىلەن ئاپىرىپ 10 مىنۇتلۇق( مۇھەببەت) كۇرۇنۇشلىرىنى تارتىدىغان بولدۇق،ئەلبەتتە چوڭلارمۇ كۇرسە بولغىدەك ھالەتتىكى ( مۇھەببەت) كۇرۇنۇشلىرى- دە ئۇ. بۇنۇڭ ئۇنۇمىمۇ ياخشى بولدى.

  نۇرغۇن ھاللاردا كامېرا تۇتقانلار ئۇزلىرى پىشايۋاندا،تۇردە تۇرۇۋىلىپ پەستە ئويناۋاتقانلارنى تارتىدۇ،مۇنداقتا قارشى تەرەپتەھويلىنىڭ تۇۋەن تەرەپلىرى-ئېغىل،ھاجەتخانە،قىغ دۇۋىلىرى،ئوتۇن-سامان،پۇچۇق تام دىگەنلەر ئىكرانغا چىقىپ قالىدۇ،كىيىن كىرىشتۇرگەندىمۇ بۇنىڭغا ئامال قىلغىلى بولمايدۇ، شۇنۇڭ ئۇچۇن ئۇزىمىزگە ( سەت) بولسىمۇ پەستكە چۇشۇپ ئەڭ ناچار تەرەپتە تۇرۇپ ئۇي ئىگىسىنىڭ قورۇ- جايىنى چىرايلىق تارتىۋىلىشىمىز كىرەك.ئۇي ئىگىسى قورۇ-جايىنىڭ چىرايلىق چىققىنىدىن ئەلبەتتە مەمننۇن بولىدۇ.

  ھازىر بەزى فىلىم ئىشلىگۇچى قېرىنداشلىرىم ئۇز فىلىملىرىگە غەرىپنىڭ ئالاھىدە ئۇنۇملىرىنى قوشۇپ، ئۇزىنىڭ  ئىشلىگەن توي فىلىملىرىنى گۇزەللەشتۇرمەكتە. بۇ ئارقىلىق ماھارەتلىرىنى كوز-كوز قىلماقتا، بۇمۇ ياخشى ئىش، لىكىن بىر نازۇك مەسىلەبار، ئۇ بولسىمۇ بىزنىڭ مىللى كىملىگىمىزگە تاقىلىدىغان ئىش،

  مىسالەن ، 3d ئالبۇم ئىشلەتكەندە غەرىپنىڭ ئىمارەت- كۇرۇنۇشلىرىنى شۇ پىتىلام ئىشلىتىۋىرىش،

  3d ئالبۇم نى تۇزگۇچىلەر ھەر قايسى مەدەنىيەتلەرنىڭ ئىھتىياجىنى ئويلۇشۇپ كەينى كۇرۇنۇشلىرىنى ئالماشتۇرالايدىغان قىلىپ لايھەلىگەن،بىز مۇشۇ  ئىختىدارىدىن پايدىلانساق  3d ئالبۇم نى ئۇز مىللى گۇزەللىكىمىزگە خىزمەت قىلدۇرالايمىز. مىسالەن،  potu galleriye دىگەن ئۇنۇمگە رەسىملىرىمىزنى كىرگۇزمەكچى بولساق ئۇنۇڭ كەينى كۇرۇنۇشىدىكى غەرىپ ئۇسلۇبىدىكى تام  شەكلىنىڭ ئورنىغا جەنۇپتىكى قېرىنداشلىرىمىز  سالغان ئۇيلەرنىڭ ئىچىنى زىننەتلىگەن نەقىش تاملارنى كىرگۇزسەك،يەرگە گىلەم كۇرۇنۇشىنى ئىشلەتسەك،تورۇسىغا مىچىتلىرىمىزدىكى رۇمبا-تۇت بۇلۇڭ،ۋاسا جۇپ  نەقىش ئۇرنەكلىرىمىزنى سەپلىسەك،تۇۋرۇكلىرىگە ئۇزىمىزنىڭ نەقىشلىق تۇۋرۇكلىرىمىزنى ئالماشتۇرۇپ قويساق سېپى ئۇزىدىن بىر ئۇيغۇر قەسرى پۇتۇپ چىقىدۇ،مانا مۇنداق قەسىر ئىچىگە ئۇرۇق- تۇققانلىرىمىزنىڭ رەسىملىرىنى كىرىشتۇرسەك رەسمى ئۇيغۇر ئوردىلىرى بولۇپ چىقمامدۇ.

يەنە بار،

ئۇرۇق- تۇققانلارنىڭ رەسىملىرىنى توي كۇنى تارتىۋىلىشىمىز كىرەك،چۇنكى بۇ كۇنى ھەممە جامائەت ياسانغان بولىدۇ،چىرايلىق كۇرۇنىدۇ،بولۇپمۇ قىز-ئاياللىرىمىز بۇلەكچە گۇزەللىشىپ كىتىدۇ،ھىچقانداق خەن رەسىمچىلىرى بۇ ۋاقىتتا بۇ يەرگە كىلىپ ئۇرۇق-تۇققانلارنى پەرىق قىلىپ رەسىمگە تارتىپ بولالمايدۇ،مانا مۇشۇ رەسىملەرنى ساخلاپ قويىمىز،فىلىم ئىشلىگەندە مۇۋاپىقلىرىنى ئىكرانغا ماس كىچىگلىتىپ ئىشلىتىپ، قالغانلىرىنى ئەسلى چوڭلۇقىدا ساخلاپ قويىمىز،،تويدىن كىين يەنە رەسىم ئىشلەتمەكچى بولۇشسا ئەشۇ ساخلىۋالغىنىىمىز بەكمۇ كىرەك بولىدۇ،

رەسىم ئىشلىگەندە خەن رەسىمچىلىرى تولىراق خەن كۇرۇنۇشلىرىنى ئارقا تەرەپكە ئىشلىتىدۇ،بىزچۇ، بىزمۇ شۇنى ئىشلىتىۋىرەمدۇق؟ ،ياق، بىزنىڭمۇ ئۇزىمىزگە يارىشا نى-نى ئېسىل ئىمارەت،پىشايۋان،دەھلىز،ئۇي ئىچى،باغ كۇرۇنۇشلىرىمىز بار،نەقىشلىرىمىز تولۇپ يېتىپتۇ، بۇ ھەققىدە خەن رەسىمچىلىرى بەك قىززىقىش ئىپادىلەۋاتىدۇ. بىر قىتىم ئۇرۇمچىدە چوڭ ئەنلىك رەسىم باستۇرۇش ئۇچۇن خۋالىڭ بازىرىدىكى جۇنچاڭ باسما زاۋۇدىغا بىرىپ غۇلجا شەھىرىدىكى دۇڭمەھەللە مەسچىتىنى ئارقا كۇرۇنۇش قىلپ ئىشلىگەن بىر كىشىنىڭ رەسىمىنى باستۇردۇم ، شۇ زاماتلا بىر خەن ئايال رەسىمنى كۇرۇپ ماڭا - مۇشۇنداق ئۇيغۇر ئۇيلىرىنىڭ رەسمى بولسا تىپىپ بەرسەڭ، سەندە بولسا قانچىلىك بولسا ھەممىسىنى سېتىۋالىمەن،- دەپ تۇرىۋالدى،مەندە بۇنداق رەسىملەردىن نەچچەمىڭ پارچە بولغاچ دانىسىنى  پۇلغا سۇزلىشىپ كىين يېنىۋالدىم،چۇنكى تور بەت ئارقىلىق ساتماقچى ئىدىم،لىكىن تور بىتىم پۇتمىگەشكە ئىككىلىنىپ قالدىم. يەنە بىر تەرەپتىن بۇ خەن ئايالنىڭ قولىغا چۇشۇپ كەتسە بازارنى ئىگەللىۋىلىشىدىن قورۇقتۇم.

ھازىر مەن بىر يىللىق ھەقسىز رەسىم بىسىپ بىرىپ بازار ئىچىشقا تەۋەككۇل قىلدىم،يەنى 17x12 سانتىمىتىرلىق رەسىم ئالبومى ئىشلەپ بىرىش،. بۇنىڭدا پۇتۇنلەي ئۇزۇمنىڭ تور بىتىدىكى مەنزىرىلەرنى  ئارقا كۇرۇنۇش قىلىپ توي ئىگىلىرىنىڭ رەسىملىرىنى كىرىشتۇرۇپ بىسىپ چىقىرىپ،  ئالبۇم قىلىپ بىرىش. بۇنىڭدا ھەم مىللىلىك گەۋدىلىنىدۇ، ھەم بارلىق ئۇرۇق-تۇققانلار  رەسىمگە چۇشۇۋالىدۇ. خەنلەرنىڭ رەسىمخانىسىدىكى ھىلىقىدەك قىز-يىگىتلا چۇشۇۋالىدىغان،ئاتا-ئانىسىمۇ بولمىغان،700 سوملۇق،1200 سوملۇق ناشايان رەسىمدىن مىڭ ياخشى،ھەم ھەقسىز. بۇ ئىشنى بىر يىل قىلىپ بىر يىل توشقاندىن كىيىن تۇۋەن باھادا ھەق ئىلىش،مۇنداقتا رەسىمچىلىك ساھەسىدە مىللىلاشتۇرۇشنى كۇزلەۋاتىمەن،بۇنىڭدا بىر يىللىق ھەقسىز رەسىم چىقىرىپ بىرىش چىقىمى مەندىن، كىيىن ھەقلىق بولغاندا باشقىلارمۇ بۇ خىل ئۇسلۇپقا كۇنۇككەن خېرىدارلارغا ئوخشاشلا مۇلازىمەت قىلىپ ئىختىسادى قىممەت يارىتىۋالالايدۇ.

پىرىمىر نى قانداق ئۇگەنگەنلىرىمنى سۇزلەپ بولدۇم،مۇشۇ يەردە ئاخىرلاشتۇراي، سىلەرنى زېرىكتۇرۇپ قويدۇمغۇ دەيمەن.

ھە راس ئەگەر سىلەرگە  فىلىم كىرىشتۇرۇش،رەسىم ئىشلەش،مۇقاۋا ئىشلەش قاتارلىق ئىشلارغا ئۇزىمىزنىڭ ئىنتايىن ئىنىق رەسىىملىرى-مەنزىرە فىلىملىرى،تارىخى ئورۇنلىرى كىرەك بولسا مۇنۇ بەتكە نەزەر سېلىپ بىقىڭلار،چوقۇم سىلەرگە كىرىگى تېپىلىدۇ:www.anayurtum.com

Koinlun · ۋاقتى: 2011-6-3 22:56:38

كونا سەينادا بىر قېتىم مۇشۇنىڭدەك تەسىرات تېمىسى يوللانغانتى، ماۋۇ تېمىنى كۆرۈپ شۇ ئىشلار يادىمدىن كەچتى، ھەقىقەتەنمۇ ۋاقىت دىگەن ئاتقان ئوقتەك ماڭىدىغان نەرسىكەن، ھەم قىزىقارلىق، ھەم تەسىرلىك يېزىپسىز، بولۇپمۇ تۇققىنىڭىزنىڭ بالىسىنى 3 يىل ئوقۇپ بىلمىگەندىكىن تىپىپ چىقىرۋەتكىنىڭىز....

哈密0902 · ۋاقتى: 2011-6-3 23:46:47

ئىنكاس قايتۇرۇش Koinlun نىڭ يازمىسى

تورىڭىز قانداق بولدى ئاداش؟؟؟ياسالدىمۇ يە؟؟

muhammad · ۋاقتى: 2011-6-4 00:29:49

مۇشۇنداق تارىخ ئادەمنى ئادەم قىلىدۇ، ھەقىقى مۇكەممەل قىلىپ يىتىلدۇرىدۇ...

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

تەۋسىيە: پىرىمېرنى قانداق ئۇگەندىم