ھاراق ئەكەلگەن كۆز-ياش

nurmamatjan · ۋاقتى: 2011-5-10 15:19:09

2009-يىلى 25-كۆنەك ،ئاقتۇ ناھيىسى .
مەمەت مەستلىكتە دەلدەڭشىپ ئۆستەڭگە چۈشۈپ كەتتى . يول بويىدا پاراڭلىشىپ تۇرغان ئالىم بىلەن زاكىر بۇ ئەھۋالنى كۆرۈپ ئۇنى قۇتقۇزۋالماقچى بولدى ،لىكىن مەمەت ئۇلارغا بوي بەرمەي ،يىقىلىپ -قوپوپ دىگۈدەك مىڭ تەستە ئۆستەڭدىن چىقتى ۋە كىيىملىرىنى قېقىشتۇردى . ئالىمنىڭ ئۇنىڭغا ئىچى ئاغرىپ قالدىمۇ _قانداق ،بىر ھازادىن كىيىن ئۇنىڭ قېشىغا بېرىپ ؛
_ئازىراق ئىچسەڭ بولمامدۇ ؟ قارا مۇشۇ غوغوقتا بوپ كەتكىنىڭىنى ،ماڭە سېنى ئىسسىقىراق بىر ئۆيگە ئەكىرىپ قويايلى ،_دېدى .
مەمەت ئالمىنىڭ ياخشى كۆڭلىگە پىچاق تىقىش بىلەن جاۋاپ قايتۇردى ۋە ئارىدىن ؛
_ماڭا ھېسداشلىق قىلىشىڭنىڭ ھاجىتى يوق ،مېنى قەلەندەر كۆرۈپ قالدىڭمۇ ،جىق ئىچەمدىم ،ئاز ئىچەمدىم ،نىمە كارىڭ ، ھاراق پۇلىنى يا سەن تۆلىمىسەڭ ،_دېدى .
ئۇلارنىڭ پارىڭىنى بىر چەتتە تىڭشاپ تۇرغان زاكىر كۆزىنى يۇمۇپ-ئاچقۇچە بولغان ئارلىقتا يۈز بەرگەن بۇ ۋەقەدىن نېمە قىلارىنى بىلەلمەي تۇرغاندا ، مەمەت ؛
_ئاغىنەڭ تېتىغاننى سەنمۇ تېتىپ باق !_دېگىنچە ئۇنىڭغىمۇ پىچاق شىلتىدى ۋە بىر نەچچە يېرىنى زەخمىلەندۈردى . زاكىر بىر ئاماللارنى قىلىپ ئالىمنى يۆلەشتۈرگىنىچە مەھەللىدىكى ئادەم توپلاشقان جايغا كېلىۋالدى . ئالىم بىلەن زاكىرنىڭ ئۈستى-بېشىدىكى قاننى كۆرگەن كىشىلەر پاتپاراق بولوپ كېتىشتى . ھەممەيلەن جىددىيلىشىپ ئۆيىگە يۈگۈرۈشكەن كۆرۈنۈششۇ تاپتا مەستلىكتە خۇدىنى يوقاتقان مەمەت ئۈچۈن ئىنتايىن قىززىقارلىق ئويۇندەك بىلىنىۋاتاتتى . ئۇ دەلدەڭشىپ يۈرۈپ قالايمىقان پىچاق شىلتىشكە باشلىدى ، بەزىلەر ئۆزىنى ئەپقاچسا  ،بەزىلەر پىچاقنى تارتىۋىلىشقا ئۇرىناتتى . بۇ چاغدا مەمەت تېىمۇ غالجىرلىشىپ ،پىچاقنى تارتىۋالماقچى بولغانلارغا ھەيۋە قىلاتتى . شۇ تاپتا ئۇ ئۆزىنى باتۇر ،ھېچ نەرسىدىن قورۇقمايدىغان قەھىرماندەك ھېس قىلىۋاتاتتى . ئۇ دەلدەڭشىگىنىچە بىر ھويلىغا كىردى . بۇ چاغدا قاسىماخۇن ھويلىدىكى ياغاچلارنى رەتلەۋاتاتتى . مەمەت ئىشنىڭ ھەلەكچىلىكىدە ئۇنىڭ كىرگىنىنىمۇ تۇيمىغان قاسىماخۇنغا ئاستا يېقىنلاشتى ۋە پىچاقنى تەڭلەپ ؛
_قولوڭنى كۆتۈر بولمىسا پىچاق يەيسەن !_دېدى ۋە ئارقىدىنلا قاقاھلاپ كۈلىۋەتتى .
قاسىماخون مەمەتكە تۇيدۇرمايلا ئەپچىل ياغاچتىن بىرنى ئالدى ۋە ئۆزىنى قوغدىدى ،مەمەت پىچاقنى ئىككى قوللاپ چىڭ تۇتتى_دە ،ئەتىراپقا قارىۋەتكەندىن كىيىن قاسىماخونغا تېخىمۇ ھەيۋە قىلغىلى تۇردى . قاسىماخوننىڭ ئوغلى ياسىن ''ئويۇن'' نىڭ ئۈستىگە كىرىپ قالدى .
<<(ئويۇننىڭ) _داۋامى تۇتۇلۇش >>
ياسىن ھاجەتخانىدىن چىقىپ ئاتىسىنىڭ كىمدۇر بىرى بىلەن ۋارقىرىشىۋاتقانلىقىنى ئاڭلاپ دەرھال ھويلىغا چىقتى . ئۇ يۈگۈرگىنىچە بېرىپ ئاتىسىنىڭ قولىدىكى ياغاچنى ئالدى ۋە مەمەتنى ئىككى ئۇردى . مەمەت ياسىنغا چىپاق تىقماقچى بولوپ تەمشىلىۋىدى ،ئاتا-بالا ئۇنىڭغا بوي بەرمىدى . ئاتا-بالىنىڭ ئۆزىدىن غالىپ كېلىدىغانلىقىغا كۆزى يەتكەن مەمەت قۇيرۇقىنى خادا قىلىدى . ئۇ قېچىپ كېتىشىگە ئالىم بىلەن زاكىر بىر توپ ئادەمنى باشلاپ قاسىماخۇننىڭ ھويلىسىغا كىرىپ كەلدى ۋە مەمەتنىڭ دېرىكىنى قىلىدى . قاسىماخۇن ئۇنىڭ قاچقان يولىنى كۆرسىتىپ قويدى . ئۇلار مەمەتنى قوغلىماقچى بولوپ ماڭغاندا ،تۇيۇقسىز ئالىم  قانسىراپ يىقىلىدى . ئەتىراپتىكىلەرنىڭ بىر قىسىمى ئالىمنى دوختۇرخانىغا ئېلىپ ماڭدى ،بىر قىسىمى مەمەتنى قوغلاپچىقىپ كەتتى .
ئالىم دوختۇرخانىدا قۇتقۇزۇش ئۈنۈم بەرمەي ئۆلۈپ كەتتى . ئەدىليەلىك باھالاشتا ؛''ئالىم ھايات ۋاقىتىدا تىغلىق ئەسۋاپ بوينىغا تىقىلىپ تومۇرى ئۈزۈلۈپ ،كان يوقىتىش خارەكتىرلىك شۈك بولوپ ئۆلگەن '' دەپ يەكۈن چىقىرىلدى . زاكىر قاتارلىق بىر نەچچەيلەن مەمەتنى تۇتۇپ ساقچىلارغا تاپشۇرۇپ بەردى . جىنايەت گۇماندارى مەمەت شۇ كۈنىلا توختىتىلدى .
دېلو قىزىلسۇ ئوبلاستلىق خەلىق ەپتىش مەھكىمىسىنىڭ تەكشۈرۈپ تەستىقلىشىغا يوللاندى . ئوبلاستلىق خەلىق تپتىش مەھكىمىسى مەمەتنى قەستەن زەخمىلەندۈرۈش (ئۆلۈشكە سەۋەبچى بولوش) جىنايىتى گۇمانى بىلەن 7-قەھىرتان قولغا ئېلىشنى تەستىقلىدى .
<<ھۆكۆم >>
قىزىلسۇ ئوبلاستلىق ئوتتۇرا خەلىق سوت مەھكىمىسى .
مەمەت يۈز بەرگەن ئىشلارنىڭ ئوڭىدا ياكى چۈشىدە يۈز بەرگەنلىكىنى ئاڭقىرالمىغاندەك ،جاۋابكارلىق ئورنىدا گاڭگىرغىنىچە ئولتۇراتتى . قىزىلسۇ ئوبلاستلىق ئوتتۇرا خەلىق سوت مەھكېمىسى ئوبلاستلىق خەلىق تەپتىش مەھكىمىسىنىڭ ئەيىپنامىسى ،ئالاقىدار پاكىتلارغا ئاساسەن ؛
جاۋابكار مەمەتنىڭ قانوننى كۆزگە ئىلماي بىر ئادەمنى زەخمىلەندۈرۈپ ،ئۆلۈشنى كەلتۈرۈپ چىقارغان قىلىمىشىدىن قەستەن زەخمىلەندۈرۈش (ئۆلۈشكە سەۋەبچى بولوش ) جىنايىتى شەكىللىنىدۇ . ئەيىپلىگۈچى ئورگاننىڭ دېلونىڭ خارەكتېرى ۋە پاكىتىنى بېكىتىشى توغرا بولغان ،بېكىتىشكە بولىدۇ .
جاۋابكارنىڭ ؛ قانون ئېڭىمىنىڭ تۆۋەنلىكىدىن ،مەسىتلىكتە خۇدۇمنى يوقاتقانىلىقمىدىن جىنايەت سادىر قىپتىمەن ، كەڭچىلىك بىلەن بىر تەرەپ قىلساڭلار ،دىگەن پىكىرىنى قوللاشقا بولمايدۇ .
ئاقلىغۇچىنىڭ ؛ جاۋابكارنىڭ جىنايەت مۇددىئاسىنى پىلانلىقى ،ئۆچ-ئاداۋەت ياكى پۇل-مالنى كۆزلەپ جىنايەت سادىر قىلغان باشقا قاتىللىق دېلولىرىدىن پەرىقلەندۈرۈش كېرەك ،دېگەن ئاقلاش سۆزىنىڭ مەلوم ئاساسى بار ، قوللاشقا بولىدۇ . جاۋابكارنىڭ قىلىمىشىنىڭ ئاقىۋتى ئېغىر ،جەمىيەتكە كەلتۈرگەن تەسىرى يامان ،ئېغىر جازالاشقا تېگىشلىك دەپ قاراپ جاۋابارغا قەستەن زەخمىلەندۈرۈش جىنايىتى ئۈچۈن ئۆلۈم جازاسى بېرىپ ،ئىككى يىل كېچىكتۈرۈشكە ،سىياسى ھوقوقىدىن ئۆمۈرۋايەت مەھرۇم قىلىشقا ؛ ئۆلگۈچى ئالىمىنىڭ ئۇرۇق-تۇققانلىرى ۋە زەخمىلەنگۈچى زاكىرغا جەمىي 131مىڭ 879يۈۋەننى ھۆكۆم كۈچكە ئېگە بولغاندىن كىيىن بىرلا قېتىم تۆلەشكە بۇيرۇدى .
ھۆكۆمنى ئاڭلىغان مەمەتنىڭ كۆزلىرىدن تاراملاپ ياش قۇيۇلدى ، ئۇنىڭ ھازىرقى تۇرىقىدىن دېلو سادىر قىلغان چاغدىكى ھالىتىنى كۆرگىلى بولمايىتتى . ئۇ شۇ تاپتا مەستلىكتە خۇدىنى يوقىتىپ ،ئۆمۈرلۈك ئەركىنىلىكىدىن مەھرۇم بولغانلىقىغا يىغلاۋاتامدۇ ياكى مەستلىكتە قويغان <<ئويۇن>>نىنى ئاخىرغىچە داۋاملاشتۇرالمىغانلىقىغا ئۆكۈنۈپ ياش تۆكىۋاتامدۇ ،نامەلۇم ئىدى .
قىزىلسۇ ئوبلاستلىق ئوتتۇرا خەلىق سوت مەھكىمىسى يۇقىرقى ھۆكۆمنى ئېلان قىلغاندىن كىيىن ،ئاپتۇنۇم رايۇنلۇق يۇقۇرى خەلىق سوت مەھكىمىسىنىڭ تەكشۈرۈپ تەسىتىقىلىشىغا سۇندى .
ئاپتۇنۇم رايۇنلۇق يۇقۇرى خەلىق سوت مەھكېمىسى بۇلتۇر 23- كۆنەك بۇ دېلوغا قايتىدىن قاراپ چىقىپ ،ئەسلى سوت ھۆكۆمىنى كۈچكە ئېگە قىلىش توغىرسىدا كېسىم چىقاردى .كەڭ ساي تورى
(كىشى ئىسىملىرى ئۆزگەرتىلدى ) <<قانونچىلىق گېزىتى >>.مۇخپىر پاتىگۈل ئەكبەر .

1-ئاي: قەھرىتان
2-ئاي:ھۇت
3-ئاي:نورۇز
4-ئاي:ئۈمىد
5-ئاي:باھار
6-ئاي:سەپەر
7-ئاي:چىللە
8-ئاي:تومۇز
9-ئاي:مىزان
10-ئاي:ئوغۇز
11-ئاي:ئوغلاق
12-ئاي:كۆنەك



ماقالە ئەسلى مەنبەسى : kangsay tori

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

ھاراق ئەكەلگەن كۆز-ياش