|
ئەسسالامۇ ئەلەيكۇم ئەھلى سەينا !
ئالدى بىلەن « سېخىي سودا تورى » دىكى باشقۇرغۇچىلار نامىدىن ھەممىڭلارنىڭ تور تەرەققىياتىڭلارغا ئۇتۇقلار تىلەيمەن !
خەلقىمىز ئەلمىساقتىن تارتىپ « سېخىي » لىق توغرىسىدا ماقال ـ تەمسىللەر ، ھېكايە ـ رىۋايەتلەر يېزىپ قالدۇرغان . ئۇلۇغ ئالىم ، مۇتەپەككۇر ئەدىپ يۈسۈپ خاس ھاجىپ بوۋىمىز سېخىيلىق توغرىسىدا مۇنداق ئېيتقان : « سېخىيلىق ، ئادەمگەرچىلىك ، مەنپەئەت ۋە ياخشىلىق، ئېنىقكى ، ياخشى كىشىلەردىن كېلىدۇ . ياخشى كىشى دوستلار ئىچىدىكى ئەڭ ئەۋزىلىدۇر ، ياخشى ئىش ئىشلارنىڭ ئەڭ ئەۋزىلىدۇر . دوستۇڭ ياخشى بولسا ، نېمە خالىساڭ قىلالايسەن ، ياخشى يول تېپىش ئۈچۈن ياخشى دوست كېرەك . ھوزۇر ـ ھالاۋەت ، ئارزۇ ـ نېئمەت ، غورۇر ۋە خوشال ـ خوراملىق ياخشىلىقنىڭ جاۋابى بولىدۇ . قارا ، بۇ ياخشى كىشىلەرنى قانداقمۇ سۆيمەي ، بۇ ياخشى ئىشلارنى قانداقمۇ ماختىماي ؟! »
ـ يۈسۈپ خاس ھاجىپ
دەر ھەقىقەت ، شۇ تاپتا بازار ئىگىلىكىدە ياشاۋاتىمىز ، سودا تەرەققىياتى دېڭىزىدا ئاڭلىق ۋە ئاڭسىز ھالدا لەيلەپ ـ شۇڭغۇپ ئۈزۈپ يۈرمەكتىمىز . كۆپلىگەن كىشىلەر ئۆزىدىكى ئۆپكە سىغىمچانلىقى بەرداشلىق بېرەلەيدىغان ۋاقىت چېكى بىلەن ھېسابلاشماي يېرىم يولدا « سۇ » ئىچىۋېلىپ « ۋاز كەچتىم » كېمىسىگە ئېسىلىۋېلىپ ئارام ئېلىۋاتقان بولسا ، يەنە ئاز ساندىكى كىشىلەر پۇختا تەييارلىق ھالىتىدە سۇ ئۈزۈش ئەسۋابلىرىنى تەييارلاپ ، يەنە بىر تەرەپتىن ئۆز قابىلىيىتىگە تايىنىپ ئاخىرقى نۇقتىغا يېتىپ بېرىپ « مۇۋەپپەقىيەت » مېدالىغا ئىگە بولماقتا !
« سودىدا نەتىجە قازىنىش » ئاللىقانداقتۇر تەلەي ياكى بىتەلەيلىك بىلەن مۇناسىۋەتلىك بولماستىن شۇ شەخىسنىڭ تىرىشچانلىقى ھەم ئىقتىدارىغا بېرىپ تاقىلىدىغان سەزگۈر مەسىلە .
ئەمدى بىز ئىزباسارلار يۇقارقى پاراڭلارنىڭ مېغىزىنى تۇتقۇ قىلىپ ، « سودا » ئۇقۇمىنى دەستەك قىلىپ « سېخىي سودا تورى » نامىدىكى « تور يۈزىدە سودا ئىشلىرى بىلەن شۇغۇللىنىدىغان ئېلىم سېتىم سۇپىسى » نى كەڭ تورچىلارنىڭ ئىشلىتىپ ، سىناب بېقىشىغا سۇندۇق . « سېخىي سودا تورى » نى بىز بىلەن بىرلىكتە باشقۇرۇڭ ، ئورتاق تەرەققىي قىلىش ئۈچۈن ئاساس تىكلەيلى . ھەرقايسى ساھەدىكى سودىغا قىزىقىدىغان تور ئەھلىلىرىنىڭ پىكىر ـ تەكلىپى بىلەن روناق تېپىش يوچۇقىدىن پايدىلىنىپ ئۆزگىچە سودا مەيدانى ھازىرلاپ قالساق ئەجەب ئەمەس !
تۆۋەندە سېخىي سودا تورىنى قىسقىچە چۈشەندۈرۈپ ئۆتىمىز :
تور نامى : سېخىي سودا تورى
خەنزۇچە : 萨嘿商城 ( سودا تورىمىزنىڭ خەنزۇچە نەشىرى پات يېقىندا ئېلان قىلىنىدۇ )
تور ئادرېسى : http://www.sehiy.com
تۇغ ئادرېسى : http://www.sehiy.com/logo.gif
1) سودا ئالاھىدىلىكى : دۇكان ئېچىشتىن تاكى تاۋار يوللاش مەشغۇلاتى ھەممىسى ھەقسىز ؛
2) پۇل پېرېۋوت قىلىش : ئەگەر سىزدە 支付宝 ، 财付通، paypal ....قاتارلىق پۇل پېرېۋوت قىلىش سۇپىلىرىنىڭ خالىغان بىر خىلىنىڭ ھېسابات نومۇرى بولسىلا ئىلتىماس قىلىپ ئالغان « پۇل تاپشۇرۇۋېلىش قىستۇرمىسى » ئارقىلىق تور بېكىتىمىزدە سېتىپ چىقارغان تاۋىرىڭىزنىڭ پۇل سوممىسىنى بىۋاستا شۇ خىل سۇپا ئارقىلىق تاپشۇرۇپ ئالالايسىز ، باشقا ھېساباتلارغا پۇل ئوبروت قىلالايسىز ؛
3) مال سېتىۋېلىش ـ سېتىش : ساپ ئۇيغۇرچە يېزىقىمىزدا يوللانغان تاۋار ئىسىملىرىنى كۆرىسىز ، خالىسىڭىز ھارۋىڭىزغا ساقلاپ سېتىۋالالايسىز ، ساقلىۋالالايسىز .
4) دۇكاندارلار ئىشەنچ دەرىجىسى : سىزنىڭ ساختا ياكى ئىشەنچىسىز تاۋارلارنى سېتىۋېلىپ قىلىشىڭىزنىڭ ئالدىنى ئېلىش ئۈچۈن ، تىزىملىتىپ دۇكان ئاچقان ھەر بىر سودىگەرنىڭ ئىسىمى ۋە سودا ئۇچۇرلىرى تور بېكىتىمىزنىڭ گۇۋاھلىقىدىن ئۆتكەندىن كېيىن دۇكان ئېچىش ھوقۇقى بېرىلگەچكە ، ئارتۇقچە ئەنسىرەش ھاجەتسىز .
5) مال يەتكۈزۈش ئۇسۇلى : ھازىرچە شىنجاڭ تەۋەسىدا سودا ئىشلىرى بىلەن شۇغۇللىنىدىغان سودىگەرلەرگە ماس كېلىدۇ . سودىگەرلەر ئۆزى تۇرۇشلۇق رايوندىكى مەل يەتكۈزۈش ئورۇنلىرى بىلەن ئالاقىلىشىپ ھەر بىر تاۋارنىڭ يەتكۈزۈش ھەققىنىڭ جەدۋىلىنى ساقلىۋېلىپ ئىشلەتسە ئىستىمالچىغا تېخىمۇ قولاي بولىدۇ . ( مال يەتكۈزۈش ئۈچۈن « شىنجاڭ مۇستافا مال يەتكۈزۈش ئورنى » نى تاللىشىڭىزنى تەۋسىيە قىلىمىز . مۇستافا مال يەتكۈزۈشى ئورنى شىنجاڭنىڭ ھەر قايسى شەھەر ـ ناھىيەلىرىدە تارماق ئورۇنلارنى تەسىس قىلدى ھەم تەسىس قىلماقچى : http://xjmsf.com/msf )
6) دۇكانخۇسۇسىي تۈرى قوشۇش : دۇكان ئاچسىڭىز ، دۇكىنىڭىزنىڭ « باشقۇرۇش سەھىپىسى » دىن دۇكان خۇسۇسىي تۈرى قوشالايسىز ، بۇنداق بولغاندا چوڭ تۈر ۋە كىچىك تۈرلەرنى تېخىمۇ كۆپەيتىپ ، مال سېتىۋالغۇچىلارنىڭ تاۋار ئىزدىشىگە قولايلىق ياراتقان بولىسىز .
مەقسىدىمىز بىر ، ئۇ بولسىمۇ ئۇيغۇرلارنىڭ تور سودا ئىشىغا تۆھپە قوشۇش
شۇ مۇناسىۋەت بىلەن تور بېكىتىمىزگە يېقىندىن ياردەمدە بولغان خەتتات « كامال » ئەپەندى ۋە « بوز يىگىت » كە رەھمەت ئېيتىمىز .
باشقا سەھىپىلەر ۋە تۈرلەر ھەققىدە مۇشۇ تېما داۋاملىق يېڭىلىنىپ تۇرۇلىدۇ .
بۇ تېما « ئىنتىل سەيناسى » دا تۇنجى بولۇپ يوللاندى . ئەگەر خالىس تەشۋىق قىلماقچى بولسىڭىز مەرھابا ! قارشى ئالىمىز . سېخىي سودا تورى تۇنجى بولۇپ ھەمكارلاشقان ئۇشبۇ سەينا ئەھلىگە ، سودا تورىمىز توغرىسىدىكى ئەڭ يېڭى ئۇچۇرلارنى دەل ۋاقتىدا يەتكۈزۈپ تۇرىمىز . ھەر قانداق مەسىلىگە يولۇققان تورچىلارنىڭ مۇشۇ تېما ئاساسىدا پىكىر ـ تەكلىپ كۆرسىتىشىنى ئۈمىد قىلىمىز .
ـــــــــــــــــــــــــــــــــــــــ دىققەت
ئالاھىدە ئەسكەرتىش : تور بېكىتىمىزنىڭ نامى لاتىنچە نامى : sehiy دەپ ئېلىندى ؛ ( بۇنى ئۆلچەملىك ئۇسۇلدا sexiy دەپ ئېلىشنى لايىق كۆرگەن ئىدۇق ، ئەمما sexiy دېگەن سۆزنى بەيدۇ ياكى گوگۇلدا ئىزدەپ ، خەلقىمىز ئەخلاقىغا يات مەزمۇنلارنى
كۆرۈپ ، شۇ سەۋەبلىك بىر ياخشى نام « سېخىي » نىڭ باشقىلارغا ساغلام بولمىغان مەزمۇننى تەشۋىق قىلىش ئوبىكتى بولۇپ قىلىشتىن قورۇقتۇق . يەنە بىر تەرەپتىن ھازىرقى تور ساھەسىدىكىلەرنىڭ ئاڭ سەۋىيىسىنىڭ sexiy دەپ يېزىش دەرىجىسىگە تېخى 100% يەتمىگەنلىكى سەۋەبلىك sehiy دەپ ئېلىنىپ تۇرۇلدى . تور بېكىتىمىز UKIJ.org نىڭ تەشۋىقاتىنى ئىزچىل ھالدا بېكىتىمىزگە كىرىپ زىيارەت قىلىۋاتقان ھەر بىر شەخىسكە تونۇشتۇرۇپ ، 60% زىيارەتچىنىڭ يېزىش قابىلىيىتىنى شەكىللەندۈرگەندىن كېيىن ئۆلچەلىك نامنى ئىشلىتىشنى قارار قىلدۇق . قىسقىچە : كۆپىنچىمىز ulinix.com نى خاتا دەيدۇ ، ئەمما ulinish.cn نى ئالغان نەقulinix.com نى قۇرغان كىشى ئىكەنلىكىنى بىلىدۇ . بەلكى ئۇ دوستىمىز كۈنلەرنىڭ بىرىدە x نى « خ » دەپ ئوقۇشنى بىلىپ كەتكەندىن كېيىن لازىم بولۇپ قالار ـ دېگەننى ئويلاشقان بولىشى مۇمكىن . )
بۇ يازمىنى ئاخىرىدا serdar تەھرىرلىگەن. ۋاقتى 2011-4-17 00:39
| 
IP كارتىسى
يوللىغان ۋاقتى 2011-4-16 17:24:34
كۆتۈرۈش
چوققىلاش
سۈكۈت
داۋراڭ كارتىسى
رەڭلەش
دىۋان كارتىسى
كۆتۈرۈش
显身卡
يوللىغان ۋاقتى 2011-4-16 22:18:04
