bolsunğïl, däp dädilär. Anuñ añağusu
uşbu turur: . Taqï mundan soñ sävinç
taptïlar. Känä künlärdän bir kün Ay qağan–
nuñ közü yarïp bodadï, ärkäk oğul toğurdï.
Oşul oğulnuñ öñlügi çïrağï kök
ärdi, ağïzï ataş qïzïl ärdi, közläri al, saçlarï, qaşlarï
qara ärdilär ärdi. Yaqşï näpsiqilärdän
körüklügräk ärdi. Oşul oğul ana–
sïnïñ kögüzündün oğuzni içip, mundun
artïqraq içmädi. Yig ät, aş, sürmä
tilädi, tili kälä başladï. Qïrïq kündün soñ,
bädüklädi, yürüdi, oynadï. Adağï ud adağï däg, bälläri
böri bälläri däg, yağrï kiş yağrï däg, kögüzü
aduğ kögüzü däg, ärdi. Bädäninüñ qamağï
tüg tülüklüg ärdi, yïlqïlar kütäyä
turur ärdi, atlarğa minä turur ärdi, kik
av avlaya turur ärdi. Künlärdän
soñ, käçälärdän soñ yigit boldi. Bu
çaqda bu yärdä bir uluğ orman bar ärdi,
köp müränlär köp ögüzlär bar ärdi, bunda kälgän–
lär kik köp köp, bunda uçqanlar quş köp köp ärdi.
|