ئاندرويىد تېلېفۇندىكى ئۇيغۇرچە

Qutbilik · ۋاقتى: 2010-7-25 19:35:43

بۇ تېمىنى ئاخىرىدا Qutbilik تەھرىرلىگەن. ۋاقتى 2010-7-25 19:37

ئۇيغۇر كومپيۇتېر ئىلمى جەمئىيىتى تور بېكىتىدىكى "ئايفونغا ئۇيغۇرچە كىرگۈزگۈچ قوشساق بولاتتى"،" Windows Mobileئۇيغۇرچە تونۇتساق بولاتتى" دېگەن تېمىلارنى كۆرۈپ ، ئاندرويىدقا ئۇيغۇرچە تونۇتساق بولاتتى دېگەن تېمىدا بىر ماقالە يېزىش خىيالىغا كەلگەن ئىدىم،لېكىن ئاندرويىدقا ئۇيغۇرچە تونۇتۇپ بولۇنغانلىقتىن ئۈچۈن ئاندرويىد تېلېفۇندىكى ئۇيغۇرچە دەپ يېزىش قارارىغا كەلدىم .

ئاندرويىد تېلېفۇندىكى ئۇيغۇرچە

(قۇتبىلىك)

(تۆۋەندە ئاندرويىد سىستېمىسى قاچىلانغان تېلېفونلار ئاندرويىد تېلېفۇن دەپ ئېلىنىدۇ،ئاندرويىد سىستېمىسى ھەققىدە بىلمەكچى بولسىڭىزبۇ يەردىن كىرىپ كۆرۈڭ، تۇنجى ئاندرويىد تېلېفۇننى بىلمەكچى بولسىڭىز بۇ يەردىن كۆرۈڭ).
ئايفون بولسا ئالما شىركىتى ئىشلەپ چىقارغان ئالما MAC سىستېمىسىنى يادرو قىلغان،يېپىق كودلۇق ئەقلى ئىقتىدارلىق تېلېفۇن.
موبايىل تېلېفونى بولسا مىكروسوفت شىركىتى بازارغا سالغان Windows سىستېمىسىنى يادرو قىلغان يېپىق كودلۇق ئەقىلىي ئىقتىدارلىق تېلېفۇن .
بۇ ئىككى خىل تېلېفۇن  كۆپچىلىككە ئاساسەن تۇنۇش ،بۇھەقتە كۆپ سۆزلەشنىڭ ئورنى يوق .
بۈگۈن باش تىما بولىدىغان  "ئاندرويىد تېلېفۇن"  گوگېل شىركىتى ئىشلەپ چىقارغان ئاندرويىد سىستېمىسى قاچىلانغان تېلېفۇنلارنىڭ ئۇمۇمىي ئاتىلىشى بولۇپ ھازىرغىچە ئوخشاش بولمىغان ماركىدا ،ئوخشاش بولمىغان باھادا نۇرغۇنلىغان تىپلىرى بازارغا سېلىندى.
مەسىلەن: HTC ، Motrolla،联想، LG ،Samsung قاتارلىق شىركەتلەرنىڭ ھەرخىل تىپتىكى ئاندرويىد تېلېفۇنلىرى.
يۇقىرىدىكى ئاندرويىد سىستېمىسى ھەققىدە دېگەن ماقالىدە كۆرسىتىلگەندەك بۇ سىستېما ئوچۇق كودلۇق سىستېما بولۇپ شىركەت ۋە شەخسلەرنىڭ گوگېلنىڭ مۇناسىۋەتلىك كېلشىملىرىگە بويسۇنغان ئاساستا  ئۆزگەرتسە تەرەققى قىلدۇرسا بولىدۇ.
شۇ سەۋەپتىن ئەينى چاغدا ئۇيغۇرلاردا مۇنبەر قۇرۇش مودا بوپ كەتكەندەك ھازىر ھەرقايسى تېلېفۇن  شېركەتلىرىدە ئاندرويىد تېلېفۇن  ئىشلەپچىقىرىش مودا بوپ كەتتى .
ئۇچۇق كودلۇق بولغانلىق سەۋەبىدىن نۇرغۇن شىركەتلەر سىستېما ئەسلى كودىنى گوگېلنىڭ تور بىكىتىدىن چۈشۈپ مۇناسىۋەتلىك قىسىملارنى بەلگىلىك دەرىجىدە ئۆزگەرتىپ ،ئۆزىنىڭ تېلېفۇنلىرىغا قاچىلاپ بازارلاشتۇرۇپ تارقىتىشقا باشلىدى ،(توردا كۆرسىتىلىشىچە مۇنداق قىلغاندا 15پىرسەنتتىن 25 پىرسەنتكىچە بولغان سېلىنمىنى تېجەپ قالغىلى بولىدىكەن).
مەيلى قايسى شىركەتنىڭ قايسى خىل تىپتىكى ئاندرويىد تېلېفۇنى بولىدىكەن ئۇ گوگېل شىركىتى تەمىنلىگەن كود ئاساسىدا ئۆزگەرتېلگەن بولغاچقا (يادروسى،مەنبەسى بىر بولغاچقا)بىز بۇلارنىڭ ھەممىسىنى ھازىرچە ئاندرويىد تېلېفۇن  دەپ ئاتاپ تۇردۇق.
ئاندرويىد تېلېفۇن  قولۇمغا چۈشكەن ھامان تۇنجى قىلغان ئىشىم ئۇيغۇرچە خەت يېزىلغان تېكىست ھۆججىتىنى ئېچىپ كۆرۈپ بېقىش بولدى ،نەتىجە شۇكى كاتەك كاتەك بىر نەرسىلەر كۆرۈندى،ئىككىنچى بولۇپ تېلېفۇننىڭ تور كەسپىنى ئېچىپ ئۇيغۇرچە توربەتلەرنى كۆرۈش بولدى ،نەتىجە شۇكى كاتەك كاتەك ...
توردىن ئىزدىنىش ئارقىلىق بۇ تېلېفۇننىڭ خەت نۇسخا ئامبىرىنىڭ بارلىقىنى بايقىدىم،يەنە ئەڭ ئالى ھوقۇق لازىم بولىدىغانلىقىنى بىلدىم ،كۆرگەن بىلگەنلىرىم بويىچە سىناش ئارقىلىق توردا تارقىلىپ يۈرگەن ئۇيغۇر يانفۇن خەت نۇسخىسىنى تېلېفۇننىڭ خەت نۇسخا ئامبىرىغا قاپلاپ كۆچۈرۈپ ،ئاندىن قايتا قوزغىتىپ ئۇيغۇرچە توربەتلەرنى كۆردۈم ،خۇداغا شۈكرى ھەر ھالدا ھەرپلەر بولسىمۇ نورمال كۆرۈندى ،لېكىن ھەرپلەر ئۈزۈك –ئۈزۈك ھالەتتە ئىدى ،خەت يۆنىلىشى سولدىن ئوڭغا بولۇپ ئۇيغۇرچە ھەرپلەرنى سولدىن ئوڭغا قوشۇپ ئوقۇسا ئاندىن بىلگىلى بولاتتى ،قانداق قىلىش كېرەك ؟ ئەلۋەتتە داۋاملىق ئىزدىنىش كېرەك .
توردىن ماتېرىيال كۆرۈش ،ئىزدىنىش ئارقىلىق ئوڭدىن سولغا ئۇلاپ يېزىلىدىغان خەت بىلەن سولدىن ئوڭغا ئۈزۈلۈپ يېزىلىدىغان خەتلەرنىڭ سىستېمىدىكى ئىپادىلىنىش ئۇسۇلىنى تېپىپ چىقتىم ،ئىنگلىزلار بولامدۇ،خەنزۇلار بولامدۇ ئۇلار پروگرامما تۈزگەندە ئۈزۈلۈپ يېزىلىدىغان شەكىلنى ئىشلىتىدىكەن ،بىزدەك ئەرەبچە يېزىق تۈرىدىكى ئۇلانما يېزىق ئىشلىتىدىغانلار بىلەن بولغان پەرقى بىرتال كىچىك بوشلۇق ئىكەن ،يەنى ئۈزۈلۈپ يېزىلىدىغان خەتلەر يېزىلغاندا ھەربىر ھەرپتىن كىيىن بىر كىچىك بوشلۇق ئاپتوماتىك قۇيۇلۇپ ماڭىدىكەن .
ئەگەر مۇشۇ قويۇلىدىغان بوشلۇققا شەرت بېرىپ ئەرەبچە يېزىقلار ئائىلىسىدىكى ھەرپلەر بېسىلغاندا ئاپتوماتىك قويۇلمايدىغان قىلىپ قويسا بىزنىڭ يېزىقىمىزمۇ ئۇلىنىدىغان بولىدىكەندە ...  مۇشۇ خىياللار بىلەن سىستېما ئىچىدىكى ھۆججەتلەرنى بىردىن بىردىن تەكشۈرۈشكە باشلىدىم ،لېكىن ھەممىسى بىرخىل بولاق شەكلىدە ئىدى،بۇ سىستېمىنىڭ ھۆججەت قۇرۇلمىسىنى تەكشۈرۈش ئارقىلىق بۇنىڭ بىر پرېسلانغان ھۆججەت شەكلى ئىكەنلىكىنى ۋىنرار قاتارلىق دېتاللاردىن پايدىلىنىپ يەشكىلى بولىدىغانلىقىنى بىلدىم .
ئىلگىرىلەش بەك ئاستا بولۇۋاتاتتى ،بارلىق ھۆججەتلەرنى دېگۈدەك يېشىپ كۆردۈم ،كۆپىنچىسىنىڭ ئىچىدە پاروللانغان XMLھۆججىتى بار بولۇپ بۇنى ئادەتتىكى ئۇسۇلدا ئېچىپ كۆرگىلى بولمايدىكەن ،يەنە ئىزدىنىش ئارقىلىق بۇ نىڭ ئىچىدىكى مەزمۇنلاردا كۆرەلەيدىغان بولدۇم ،لېكىن بۇ يېتەرلىك بولمىدى،مەن كۆرگەن مەزمۇنلارنىڭ ھەممىسى قوللېنىلىشچان دىتاللار قىسمى بولۇپ چىقتى ،يەنە بىرقەدەم ئىلگىرلىگەن ئاساستا باشقا ئىچكى قىسىم ھۆججەتلىرىنى تەكشۈرۈشكە باشلىدىم ،تەكشۈرۈش ئارقىلىق ئاخىرى يېزىق شەكلىنى كونترول قىلىدىغان ھۆججەتنى تېپىپ چىقتىم ،ئىچكى قىسمىدىكى ساپ پروگرامما كودى بولۇپ بۇنى ئۆزگەرتىش كېرەك ئىدى،قانداق ئۆزگەرتىش كېرەك؟ نېمىدە ئۆزگەرتىش كېرەك ؟
قىزىقىش بولغان ئىكەن داۋاملىق ئىزدىنىش بولىدۇ ،توختىماي ئىزدىنىش ئارقىلىق بۇمۇ ھەل بولدى .(خۇداغا شۈكرى)
ھۆججەتنى يېشىش ،ئىچىدىكىنى يەنە يېشىش ئۇنىڭ ئىچىدىكىنى يەنە يېشىش ...ئۇنى ئۆزگەرتىش ،ئاندىن قايتا بولاقلاش ،بۇنى يەنە بولاقلاش ...ئاندىن بولاقنى قاپلاپ كۆچۈرۈش ،سىستېمىنى قايتا قاچىلاش ...دىگەندەك نۇرغۇن جەريانلاردىن كىيىن تېلېفۇننى قوزغىتىپ ئۇيغۇر تور بەتلىرىنى كۆردۈم ،يائاللا ئاخىرى ئۇلىشىپ چىققان ساپ ئۇيغۇرچە خەتنى كۆرۈشكە مۇيەسسەر بولدۇم .
بولدى ،بىرىنجى قىلدىغان ئىش تاماملاندى دەپ ئويلىدىم ئىچىمدە ،ئىككىنچى بولۇپ قىلىدىغان ئىش يەرلىكلەشتۈرۈش .
دىتالدىن بىرنى ئېلىپ ئۇنى ئۇيغۇرچىلاشتۇرۇپ كۆردۈم ،ئۇيغۇرچىلاشتۇرۇش ناھايىتى مۇۋەپپەقىيەتلىك بولدى ،ئاندرويىد تېلېفۇندا ئۇيغۇرچە دىتال ئىشلىتىش ھەقىقەتەن ھۇزۇر بىلىندى.
خوپ بۇمۇ ھەل بولدى ئەمدىچۇ ؟ ئەلۋەتتە پروگرامما تۈزۈش كېرەك .
پروگرامما تۈزۈش خىيالىمغا كەلگەن ئاشۇ پەيتنىڭ ئۆزىدىلا تاۋباۋ تورىغا چىقتىم ،ئاندرويىد تېلېفۇندا پروگرامما تۈزۈشكە دائىر  تورداشلار تەۋىسيە قىلغان كىتابتىن ئالتىنى ئۈچ يۈز سومغا سېتىۋېلىپ ئەكەلدىم ،كىچە-كېچىلەپ كۆرۈش ئارقىلىق ناھايىتى تىزلا بۇ ئالتە كىتابنى چالا پۇچۇق تۈگەتتىم ،شۇنىڭ بىلەن پروگرامما تۈزۈشنى باشلىدىم ، تېرىشىپ-تىرمىشىپ يۈرۈپ خېلى بىرنەرسە بىلىپ قالغاندا تېكىست ئوقۇغۇچنىڭ ئەسلى كودى ئۇچراپ قالدى،بۇ كودنى ئىجرا قىلىپ ھاسىللانغان دىتالنى تېلېفۇنغا  قاچىلاپ ئۇيغۇرچە تېكىستلەرنى كۆرسەم، قالايمىقان خەنزۇچە خەتلەرگە ئوخشاش بىر نەرسىلەر كۆرۈندى، ھە قارىغاندا تېكىستنىڭ فورمات شەكلىدە مەسىلە باركەندە دەپ ئىزدەپ يۈرۈپ يۇنىكودلۇق فورمات شەكلىنى قاتتىم شۇنىڭ بىلەن ئۇيغۇرچە تېكىسىت ئوقۇغۇچ پۈتكەن بولدى .ھازىر پروگرامما تۈزۈشنى داۋاملاشتۇرۇپ كۆرۈۋاتىمەن .
شۇنداق قىلىپ ئۇيغۇرچە تونۇتۇش ،يەرلىكلەشتۈرۈشكە ئاساس سېلىش ،ساپ ئۇيغۇرچە كۆرۈنمە يۈزدىكى پروگرامما تۈزۈش قاتارلىق جەريانلار ئاساسەن تاماملانغان بولدى.
مەن ئەمدى ئېسىل دىتالدىن بىرنى تۈزۈشۈم كېرەك  دەپ ئويلايتتىم ئىچىمدە .
ئاۋال بازارنى كۆرۈش ،ئېھتىياجغا قاراپ تۈزۈش كېرەكتە ،شۇنداق قىلىپ ئىنگلىزلار ،خەنزۇلار تۈزگەن دىتاللانى ،خەنزۇلار خەنزۇچىلاشتۇرغان دىتاللارنى كۆزەتتىم ،قارىسام كېرەكلىك دىتاللارنىڭ ھەممىسى باركەن ،ئۇلارنى يەنە قايتا تۈزۈشنىڭ ئورنى يوق ،پەقەت ئۆزلەشتۈرۈپ ئىشلەتسەكلا بولدى دەپ ئويلىدىم، خەقلەر ياسىغان نۇرغۇنلىغان دىتاللار كومپيۇتېردا بار دىتاللانىڭ مۇھىت ئاتلىغان نۇسخىسى ئىكەن .
مەسىلەن : QQ،تېكىست ئوقۇغۇچ،يۇمشاق دىتال چۈشۈرگۈچ ،PDFئوقۇغۇچ ...
تۈزدىغاننى خەقلەر تۈزۈپ بوپتۇ ،مەن نېمە تۈزىمەن ،بىزگە (ئۇيغۇرلارغا) بۇتېلېفۇنغا قاچىلۋالغۇدەك نېمە لازىم ؟ كومپيۇتېردىن يۆتكەيدىغان قانداق دىتاللىرىمىز بار ؟
ئويلاپ –ئويلاپ Windows xp گە يېڭىلا ئۇيغۇرچە پروگرامما تۈزۈش باشلانغان ۋاقىت ئىسىمگە كەلدى، ئەڭ ئاۋال ئۇيغۇرچە كىرگۈزگۈچ ياسالغان ،ياسالغاندىمۇ بەس-بەستە ياسالغان ئىدى ،كىيىن لۇغەت ياساش مودا بولدى ،ئاندىن ئۆگۈتۈش دىتاللىرى،ئاندىن قالسا مەخسۇس شىركەت،ئاشخانا ئورۇنلار ئۈچۈن باشقۇرۇش سىستېمسى ...دىگەندەك .
شۇنداق تەرەققىيات ئاستا –ئاستا بولىدۇ،كومپيۇتېردىكى يۇمشاق دېتال ساھەسىمىز خېلى يامان ئەمەس كېتىپ بارىدۇ،ھازىر قارايدىغان بولساق3Gدەۋرىنىڭ يىتىپ كېلىشىگە ئەگىشىپ ئەقلىي ئىقتىدارلىق كۆچمە ئالاقە ئۈسكىنىللىرى تۇرۇشىمىزغا سىڭىپ كىرىۋاتىدۇ ،مۇشۇ ئەقلىي ئىقتىدارلىق يۆتكەلمە ئۈسكۈنىلەرنىڭ بىرى بولغان ئاندرويىد تېلېفۇنى بىزنىڭ قانداق دىتاللارنى ئېچىپ خەلقىمىزگە سۇنىشىمىزنى كۈتۈپ تۇرۇۋاتىدۇ؟
بىز كىرگۈزگۈچ ،لۇغەتتىن(بۇ ئىككى دىتال ياساپ بولۇندى) باشقا يەنە قانداق تېلېفۇن  يۇمشاق دىتاللىرىغا موھتاج؟
بۇنى ئەزىز قېرىنداشلارغا قالدۇردۇم.

(بۇ ماقالە ئۇيغۇر كومپيۇتېر ئىلمى جەمئىيىتى توربىكىتىگە يوللاندى ،ئىشلەتمەكچى بولسىڭىز ،مەنبەنى ئەسكەرتىپ قۇيۇپ ئىشلەتسىڭىز بولىدۇ. مەزكۇر ماقالە ھەققىدىكى پىكىر-تەلەپ ،مۇھاكىمىلەر مۇشۇ توربەتتە ئېلىپ بېرىلىدۇ)

Sezgurboy · ۋاقتى: 2010-7-26 11:29:09

قۇتبىلىك ئۇستازنىڭ ئەجرىگە تەشەككۈر.
ماۋۇ رەسىمدىكى خەتلەرنىڭ نورماللىقى كىشىنى سۆيۈندۈرۈدىكەن.

uyking · ۋاقتى: 2010-7-29 18:25:51

ئاخرى بۇمۇ ئەمەلگە ئېشىپتىدە

karwan · ۋاقتى: 2010-8-1 13:08:16

بۇ تىلىفۇننىڭ باھاسى قانچە ئىكەن ؟ ..مىنىڭمۇ بىرنى ئالغۇم كىلىۋاتىدۇ..بولسا ھازىرقى ياخشى تىلىفۇنلاردىن مەسىلەن nokia n97 بىلەن بولغان پەرقىنى سۆزلەپ بەرسەڭلار ..رەھمەت

yulhun · ۋاقتى: 2010-8-4 23:27:26

نىمە دىگەن بىلەن كەسپى دە.
بۇمۇ ئۇيغۇرچىلاشتى.ئەمدى windows mobile نى قىلساق ئىلگىرلەش ئاستا بولغان بىلەن ياخشى بۇ؛ىۋاتىدۇ.

umit2005 · ۋاقتى: 2010-12-21 12:53:20

ئويغۇرچە تۇنۇتۇش جەريانىدىن تەپسىلىرەك چۈشەنچە بەرگەن بولسىڭىز.
مەسلەن: ئالى ھوقۇقنى قانداق ئاچىمىز، قايسى ھۆججەتنى ئېچىپ، قايسى مەزموننى ئۆزگەرتتىڭىز؟ قايسى خەت نوسخىسىنى قاپلاپ كۆچۈردىڭىز؟ دىگەندەك ئۇچۇرلار بىلەن ئازراق بولسىمۇ تەمىنلىگەن بولسىڭىز.
مەنمۇ motorola XT720 دىن بىرنى سىتىۋالغان ئىدىم.

heqyol · ۋاقتى: 2011-5-10 21:48:20

مۇشۇ Android تېلېفونلڭرڭغا ئۇيغۇرچە فونت قاچىلاش توغرىسىدا چۈشنۈشلىك قىلىپ بىر دەرس ئىشلەپ تارقاتقان بولساڭلاربەك ياخشى بولاتتى. بىلمىگەنلەرمۇ ئۆگىنىۋالساق. مەنمۇ Android سېستىملىق Samsung galaxy s GT i9000 دىن سېتىۋالغان ئىدىم. ئۇيغۇرچە توربەتلەرنى ئاچسام خەتلەرنى ئوقۇغۇلى بولماي خاپا سالدى.

jesur · ۋاقتى: 2012-3-24 06:25:58

karwan يوللىغان ۋاقتى 2010-8-1 13:08
بۇ تىلىفۇننىڭ باھاسى قانچە ئىكەن ؟ ..مىنىڭمۇ بىرنى ئالغ ...

بۇ تىلفۇن ئەمەس بىر مەشخۇلات سېستىمىسى . نوكىيا نىڭ مەشخۇلات سېستىمىسى symbian نىلا قوللامدىكىن دەيمەن.
ئاندىروئىد دىگەن ئەقلىي ئىقتىدارلىق يانفۇنلارغا يىزىلدىغان سېستىمىنىڭ نامى .(مەسىلەن : win xp ياكى win 7 دىگەندەك ) بۇ يازمىنى ئاخىرىدا jesur تەھرىرلىگەن. ۋاقتى 2012-3-24 06:27

alnap · ۋاقتى: 2012-4-17 20:33:26

مۇشۇ ئاندىروئىد قا ئۇيغرچە تونۇتالماي خېلى ئاۋارە بولۇپ كەتتىم.
كىيىن سورىسام ئاندىروئىد 4.0 دىن تۆۋىنى ئۇيغۇرچە قوللىمايدۇ دەيدۇ.شۇنىڭ بىلەن بۇ ئاندىروئىدقىممۇ ئانچە قىزىقىپ كەتمىدىم.

alnap · ۋاقتى: 2012-5-25 13:35:53

سىز ياسىغان qutbilik keyboard نى خېلى ياخشى ئىشلىتىۋاتىمەن.

timtas007 · ۋاقتى: 2012-5-25 20:57:23

heqyol يوللىغان ۋاقتى 2011-5-10 21:48
مۇشۇ Android تېلېفونلڭرڭغا ئۇيغۇرچە فونت قاچىلاش توغرىسى ...

سىز ئەڭ ياخشىسى SONY نىڭ يانفونلىرىنى ئىشلىتىڭ، قاراپ باقسام ئۇيغۇرچە، ئەرەبچە تور بەتلەرگە خېلى يامان ئەمەس چىقىدىكەن ! SAMSUNG نىڭ تېلېفونلىرى ئەزەلدىن ئۇيغۇرچە ، ئەرەبچە خەتلەرنى تونىمايدۇ! ئەڭ ئاددىسى ئۇيغۇچە PDF نىمۇ ئوقۇغىلى بولمايدۇ!!! ئەمما ھازىر ئوڭشالدىمىكى، بۇرۇن ماڭىمۇ شۇنداق خاپا سالغان!!!

turpan · ۋاقتى: 2012-6-13 20:41:34

مۇشۇ ئاندريدقا ئويغۇرچە تور بەتلەرنى نومال كۆرگىلى بولىدىغان قىلىپ تەڭشەشكە دائىر دەرسلىك بارمىدۇ؟بولسا بىر دەۋېتىڭلار ،تەڭ پايدىلىنايلى!!!!

heqyol · ۋاقتى: 2012-7-9 05:11:12

مەن قايسى كۈنى دۇككان ئايلىنىۋېتىپ يەنە شۇ ئاندريىدقا كۆزۈپ قادالدى. ئاندرويدنىڭ يېڭى چىققان تاختا كومپىيۇتېرىنى كۆرۈپ ئۇيغۇرچە تورنى ئاچسام شۇنداق نورمال چىقتى. شۇنىڭ بىلەن ئىچىمدە ماۋۇ ئاندرويىدنى ئىشلىگەنلەرنىڭ چوقىسى ئەمدى ئىشلىگەن ئوخشايدۇ دىدىم. لېكىن سونىي ئرىكسون تېلېفۇنىدا ئۇيغۇرچە پەچەت چىقاتتى، باشقىلىردا نورمال چىقمايتتى. ئەمما ھازىرقى يېڭى چىققان ئاندرويد 4 نىڭ ئۇيغۇرچىنى قوللىشى قانداقكىن بىلمىدىم. ئۇنىمۇ بىر كۆرۈپ باقمىسام. سامسۇڭ ئۇيغۇرچىنى تۇنىماي سېتىۋەتكەن ئىدىم. ماۋۇ ئايپون دېگەن دەلتىغۇ كۆزۈمگە وپەقەتلا سىغمىغان ئىدى، شۇ ئۇيغۇرچىنى قوللىغانلىقى ئۈچۈنلا ئالغان بۇ قوتو تېلېفۇننى. تېلېفۇن ئالىدىغانلارغا خ ت س ( H T C ) نى تەۋسىيە قىلىمەن.

Sohrat · ۋاقتى: 2013-6-8 11:32:01

قارىسام نۇرغۇن كىشىلەر يەنىلا يانفۇندا ئۇيغۇرچە يېزىقنىڭڭ نورمال كۆرۈنىش مەسىلىدىن ئىبارەت ئالىقاچان ۋاقتى ئۆتكەن (ھەل بولغان)مەسىلىگە كۆڭۈل بۆلىۋېتىپتۇ،ھازىرقى ۋاقىتتا ئاندىروئىد سېستىمىلىق تىلفۇنلارغا نىسبەتەن ئۇيغۇرچە يېزىقنى نورمال كۆرسىتىش ئاللىقاچان ئىشقا ئاشتى ،شۇڭا مەيلى قايسى ماركىلىق تېلفۇن بولۇشىدىن قەتئى نەزەر ئاندىروئىد سېستىمىسىنىڭ نەشىر نۇسخىسى 4.0دىن يوقۇرى بولسىلا ئۇيغۇرچە نورمال كۆرۈنىدۇ ،شۇڭا ئاندىروئىد سېستىمىلق تېلفۇنلارغا نىسبەتەن پالانى ماركىلىق تېلفۇن ياخشى قوللايدىكەن دىگەن گەپلەرنىڭ ۋاقتى ئۆتتى .ئۇيغۇرچە يېزىق كىرگۈزۈشكە ئەلۋەتتە دېتال قاچىلاش كېرەك (بۇمۇ ھەل بولغان)بىراق يېزىق كۆرسىتىشكە دېتال قاچىلاش كەتمەيدۇ.ئۇيغۇرچە يېزىق نورمال كۆرىنىدىغان تېلفۇن سېتىۋالماقچى بولسىڭىز سېستىمىسى ئاندىروئىد 4.0 ياكى ئۇنىڭدىن يوقۇرى بولغانلىرىنى سېتىۋالسىڭىزلا مەسىلە ھەل بولىدۇ ،سېتىۋالغاندا نەخ مەيداندا بىرنەچچە ئۇيغۇرچە توربەتنى ئېچىپ سىناپ باقسىڭىزلا بىلىسىز .
يۇقارقىدىن باشقا ئېكران كۆرۈنمە يۈزى ، سىن بەلگىلەرنىڭ ئىسمىنى ئۇيغۇرچە يېزىش،تېلفۇن دەپتىرىنى ئۇيغۇرچە يېزىش ،ئۇيغۇرچە ئۇچۇر يوللاش......................دىگەندەك ئىشلارنى مۇناسىۋەتكلىك دېتاللارنى تېپىپ قاچىلىسىڭىزلا ھەل بولىدۇ ،بۇ ئۆزىڭىزنىڭ قىززىقىشى ۋە ئىزدىنىشىڭىزگە باغلىق خالاس.

bostan305 · ۋاقتى: 2013-6-9 01:50:04

alnap يوللىغان ۋاقتى 2012-4-17 20:33
مۇشۇ ئاندىروئىد قا ئۇيغرچە تونۇتالماي خېلى ئاۋارە بول ...

مەن قۇتلان شىركىتىنىڭ قۇت 1 ماركىلىق تېلفۇنىنى ئىشلىتىمەن ، ئاندىروئىد 2.3.4 نەشىردە ئۇيغۇرچىنى ناھايىتى ياخشى قوللايدۇ يەنى 100% ، بولسا ئۈزىمىزنىڭ تىلىدىكى يان تېلفۇنلارنى ئىشلەتسەك بۇلاتتى

ھېسابات		ساقلاش	پارول قايتۇرىۋېلىش
پارول			تىزىملىتىش

ئاندرويىد تېلېفۇندىكى ئۇيغۇرچە

باھا سۆز

باھالاش

كۆرگەن سەھىپە