office بىلىملىرى ۋە پروگرامما مۇسابىقىسىگە قاتنىشىڭ

adminbiz · ۋاقتى: 2011-1-7 00:05:34

ئىنتىل سەيناسى Office ۋە پروگرامما ھېرىسمەنلىرىنى قوللاش ۋە ئۇلارنىڭ ئىزدىنىش روھىغا مەدەت بىرىش يۈزىسىدىن بۇ ئىككى تۈردە مۇكاپاتلىق مۇسابىقە ئۇيۇشتۇرماقچى:
مۇسابىقە ۋاقتى: بۈگۈندىن باشلاپ 2011- يىلى 3- ئاينىڭ 10- كۈنىگىچە بولىدۇ.
مۇسابىقە شەرتى: Office ۋە پروگرامما بىلىملىرى ھەققىدىكى ئەمەلىي دەرس ۋە دەرس ئۈلگىسى بولىدۇ.
مۇسابىقە دائىرىسى:
1- Office بىلىملىرى يەنى MS Offoce ئائىلىسىدىكى ئەزالار ھەققىدە ۋە باشقا Open Office ، WPS ۋە باشقا Office دىتاللىرىغا مۇناسىۋەتلىك بىلىم ھەققىدىكى يازما، سىن قاتارلىق دەرس ۋە دەرس ئۈلگىسى ( مۇناسىپ ھۆججەت).
2- پروگرامما بىلىملىرى يەنى تۈرلۈك پروگرامما تۈزۈش ( تور بەت پروگراممىسىنىمۇ ئۆز ئىچىگە ئالىدۇ) ھەققىدىكى يازما، سىن قاتارلىق دەرس ۋە دەرس ئۈلگىسى ( يۇمشاق دىتال ۋە نەتىجە ھۆججىتى)
مۇسابىقە ئورنى: ئىنتىل سەيناسىدىكى مۇسابىقە سەھىپىسىگە « مۇسابىقە» دەپ قوشۇپ يوللىسا بولىدۇ.
مۇكاپاتى:
1- دەرىجە ئىككى نەپەر، مۇكاپاتى ھەربىرەيلەنگە 100.00 يۈەندىن خەلق پۇلى .
2- دەرىجە تۆت نەپەر ، ھەر بىرەيلەنگە 70.00 يۈەندىن خەلق پۇلى .
3- دەرىجە ئالتە نەپەر، ھەر بىرەيلەنگە 50.00 يۈەندىن خەلق پۇلى .
4- ئاكتىپ مۇكاپاتى ئىككى نەپەر، مۇكاپاتى ئىنتىل سەيناسىنىڭ ئۈچ يىللىق خاتىرە مايكىسىدىن بىر دانە .
5- تەشۋىقات مۇكاپاتى ئۈچ نەپەر ( بۇ مۇسابىقىنى ئاكتىپ تەشۋىق قىلغان توربەتلەردىن ئالدىنقى ئۈچ توربەتنىڭ باشلىقىغا بىرىلىدۇ) مۇسابىقە تەشۋىقاتى ۋە ئىنتىل سەيناسىنىڭ ئۈچ يىللىق خاتىرە مايكىسىدىن بىر دانە .
intil mayka.jpg

ئەسكەرتىش: بۇ مۇسابىقىگە ھەمكارلاشقۇچىلار بولسا قارشى ئېلىنىدۇ شۇنداقلا مۇسابىقە مۇكاپاتى ۋە سانى كۆپەيتىلىدۇ.

كامالى ئېھتىرام بىلەن :

ئىنتىل سەيناسى

2011- يىلى 1- ئاينىڭ 6- كۈنى

Qutbilik · ۋاقتى: 2011-1-7 00:37:53

يېڭى يىلدا يېڭى باشلىنىش، تورداشلار بىلىمىڭلارنى ئايىماڭلار ئەمسە، يېڭىچە قىزغىن روھ بىلەن تەييارلىقنى باشلىۋىتەيلى.

Intil · ۋاقتى: 2011-1-7 00:54:54

بىلگەننى يوللاڭ، بىلمىگەنلەر بىلىۋالسۇن. بىلمىگەننى يوللاڭ بىلىدىغانلار دەپ بەرسۇن

ئىلىمنىڭ ( بىلىمنىڭ ) زاكىتىنى بىرىش

Qiyas.biz · ۋاقتى: 2011-1-7 02:19:52

office بىلىملىرى ۋە پروگرامما مۇسابىقىسىگە قىياس دۇنياسىنىڭ ئازراق كۆڭلى :
ئىنتىل سەيناسىنىڭ  ئىلىم  سۆيەرلەرنىڭ روھىنى ئۇرغۇتۇش ئۈچۈن ئۈزلۈكسىز ياخشى كەيپىيات ھازىرلاشقا تىرشىۋاتقانلىغا ئاپىرىن ئېيتىمىز .
مانا  مۇسابىقە باشلىنىپتۇ ،ئازسانلىق مىللەتلەر يېزىقىدىكى كۆزگە كۆرۈنگەن مۇستەقىل يۇمشاق دېتال چۈشۈرۈش تەمىنلەش تور بېكىتى بولۇش سۈپىتىمىز بىلەن بۇ مۇسابىقىگە بىرچەتتە قول قوشتۇرۇپ ئولتۇرۇشنى لايىق كۆرمىدۇق ...شۇ مۇناسىۋەت بىلەن  بۇ مۇسابىقە ئاخىرلاشقۇچە  قىياس idc مۇلازىمىتى  تەمىنلەيدىغان مۇقىم  asp+php  قوللايدىغان مۇقىم ،ئىشەنىچلىك بوشلۇقىدىن مەخسۇس مۇشۇ مۇسابىقىگە ئاتاپ (مەخسۇس چۈشۈرۈش ۋە دەرسلىك مۇسابىقە ماتېرىياللىرىنى سرتقى ئۇلاش قىلىپ ئىشلىتىش ئۈچۈن)مۇسابىقىنىڭ ئاياغلىشىش ۋاقتى بولغان 2011-3-10 گىچە 11310 مىگابايىت تىز سۈرئەتلىك چۈشۈرۈش سىرتقى ئۇلاشنى قوللايدىغان بوشلۇق تەمىن ئەتمەكچىمىز . مۇسابىقىگە ئەسەرلەرنىڭ يەتكۈزۈلىشى قولاي بولغاي !
بوشلۇق ئۇچۇرى :
تەمىنلىگۈچى:http://kiyas.biz/idc
تور ئادرىسى:http://office.vip.kiyas.biz
يوللاش ئادرىسى:ftp://office.vip.kiyas.biz
يوللاش نامى : Office
پارول:qiyas.biz
ئومۇمىي ماتېرىياللارنى توردا باشقۇرۇش ئادرېسى : باشقۇرغۇچىغا تەمىنلىنىدۇ
غول مۇندىجىگە يوللانمىسىمۇ ئاپتورنىڭ نامى قوشۇلۇپ يوللانسىمۇ بولىدۇ . ئۇلاش ئۇسۇلى : ھۆججەت نامى 1.avi  غول مۇندەرىجىگە يوللانغان بولساhttp://office.vip.kiyas.biz/1.avi  بولىدۇ ..
ماتېرىياللارنىڭ تولۇق خاتېرىجەم يەتكۈزۈلىشى ئۈچۈن  يوللاشقا ۋە چۈشۈرۈشكىلا بولىدۇ (ئۆچۈرۈش ھوقۇقى بېرىلمىدى)
(سەمىمىي ئەسكەرتىش : ھەرقانداق  مۇناسىۋەتسىز ماتېرىياللارنى يوللاشقا بولمايدۇ .ئەگەردە زۈرۈر بولسا قىياس دۇنياسى بىلەن ئالاقىلىشىپ مۇۋاپىق تارقىتىش شەكلىنى تاللىسىڭىز ياكى بوشلۇق  ئىلتىماس قىلسىڭىز بولىدۇ )

ھۆرمەت بىلەن : قىياس پەن-تېخنىكا مەركىزى-تور قۇرۇلۇش بۆلۈمى-قىياس دۇنياس ئۇيغۇر تورى

http://www.kiyas.biz http://www.qiyas.biz

nezeri · ۋاقتى: 2011-1-7 20:23:18

ئوبدان باشلىنىش.
ئۇيغۇر تور دۇنياسى بەك سالقىنداپ قالدى. تورداشلار سەل ئويغانسا بولاتتى.

muhpul · ۋاقتى: 2011-1-8 15:00:32

ھەقىقەتەن ياخشى ئىش بوپتۇ . office ئۇستىللىرى بىلىمىڭلەرنى ئايىماي مۇسابىقىگە قاتناشتۇرۇڭلار !

Koinlun · ۋاقتى: 2011-1-8 15:33:48

مۇشۇنداق مۇسابىقىلەر ئۆزلۈكسىز ئۆتكۈزۈلۈپ تۇرسا بەلكىم سەينانىڭ بورۇنىقى ھالىتى يەنە ئەسلىگە قىلىشى مۇمكىن، مەن پائالىيەتنى قوللاش يۈزىسىدىن ئۆز مۇنبىرىمدە تەشۋىقات قىلىپ قويدۇم!
http://www.bostanim.tk/bash/read.php?tid=143 بۇ يازمىنى ئاخىرىدا yolyar تەھرىرلىگەن. ۋاقتى 2011-1-8 18:32

yolyar · ۋاقتى: 2011-1-8 18:34:18

يوليار ئاممىۋىي ئېلان قانىلى http://yolyar.com/amma/show.asp?id=23

kumdiyar · ۋاقتى: 2011-1-8 19:32:03

قۇمدىيار  تورى گەرچە ئەدەبىياتنى ئاساس قىلغان بىكەت بولسىمۇ ، مۇشۇنداق بىر ياخشى ئىشنى بىرIT ساھەسىدىكى بىكەتنىڭ تەشكىللىشىنى تۆت كۆز بىلەن كۈتكەن ئىدۇق . مانا ئىنتىل تورى بۇ ئىشنى باشلىدى ،شۇڭا قۇمدىيار تورىمىز مەزكۇر پائالىيەتنى ماددى ۋەتەشۋىقات جەھەتتىن پۈتۈن كۈچىمىز بىلەن قوللايمىز .ھەمدە تۈۋەندىكىدەك ئاددى ئاددى داستىرخان تەييارلىدۇق. ( مۇكاپات بۇيۇمىنى تەڭشىدۇق)

ئالاھىدە دەرىجىلىك مۇكاپات بىرنەپەر  مۇكاپات سوممىسى 150.00يۈەن
1- دەرىجە ئۈچ نەپەر، مۇكاپاتى ھەربىرەيلەنگە 100.00 يۈەندىن خەلق پۇلى .
2- دەرىجە تۆت نەپەر ، ھەر بىرەيلەنگە 70.00 يۈەندىن خەلق پۇلى .
3- دەرىجە ئالتە نەپەر، ھەر بىرەيلەنگە 50.00 يۈەندىن خەلق پۇلى .
4- ئاكتىپ مۇكاپاتى ئىككى نەپەر، مۇكاپاتى ئىنتىل سەيناسىنىڭ ئۈچ يىللىق خاتىرە مايكىسىدىن بىر دانە . بىر تال بارماق دىسكا.(2G)
5- تەشۋىقات مۇكاپاتى ئۈچ نەپەر ( بۇ مۇسابىقىنى ئاكتىپ تەشۋىق قىلغان توربەتلەردىن ئالدىنقى ئۈچ توربەتنىڭ باشلىقىغا بىرىلىدۇ) مۇسابىقە تەشۋىقاتى ۋە ئىنتىل سەيناسىنىڭ ئۈچ يىللىق خاتىرە مايكىسىدىن بىر دانە .بىر دانە بارماق دىسكا

تەشىقات جەھەتتە : قۇمدىيار تورى ھەم بىزنىڭ نەچچە ھەمكارلاشقۇچى بىكەت،بىكىتىمىز باشقۇرىشىدىكى ئۇلىنىش تورى (www.ulinix.me) دا تەشۋىق قىلىش .قۇمدىيارتورىنىڭ بوشلۇقىدىن مەخسۇس بوشلۇق ئاجىرتىش قاتارلىقلار(دەرسلىكلەرنى تورداشلارغا مۇقىم بولغان چۈشۈرۈش سورىنى بىلەنتەمىنلەش مەخسەت قىلىندى)
   ئاخىرىدا ئىنتىل سەيناسىنىڭ بىزنىڭ ھەمكارلاشقۇچى ۋە تەشۋىقاتچى بولۇش  تەكلىپىمىزنى ئويلىنىپ كۆرىشىنى سورايمىز .

بىز كومپىيوتىرغا  ئۇستا ، ئەمما كومپىيوتىر بىلىملىرىدىن ساۋاتسىز مىللەت . مەيلى قانداق بەدەل كەتسۇن ،خەلىقىمىزنىڭ بۇ جەھەتتىكى ئاجىزلىقىنى تۈگىتىشكە ئازراق تۆھپە قۇشالىساق ، ئاندىن بىزنى بېقىۋاتقان ئانا دىيارىمىزغا يۈز كىلەلەيمىز .(شەخسەن مىنىڭ بۇ قېتىمقى پائالىيەتكە ئاتاپ تەييارلىغان يۈرەك سۆزۈم ھەم قۇمدىيار تورىمىزنىڭ تەشۋىقات شۇئارى )

ئېھتىرام بىلەن : قۇمدىيار تورى    تور ئادرىسىمىز : http://www.kumdiyar.com

Intil · ۋاقتى: 2011-1-8 19:46:14

ئىنكاس قايتۇرۇش kumdiyar نىڭ يازمىسى

قۇمدىيار تورىنىڭ بۇ قېتىمقى مۇسابىقىنى قوللاش،  ھەمكارلىشىش روھىنى قەدىرلەيمىز.
نۆۋەتتە قۇمدىيار تورىنىڭ قوللىشى بىلەن مۇكاپاتلانغۇچى سانى ۋە مۇكاپاتتا مۇنداق ئۆزگۈرۈش بولدى.
ئالاھىدە دەرىجىلىك مۇكاپات بىرنەپەر مۇكاپات سوممىسى 150.00يۈەن
1- دەرىجە مۇكاپاتىغا  يەنە بىر سان قوشۇلدى. ( 100.0 يۈەن)
4- ئاكتىپ مۇكاپاتىغا ئىرىشكۈچى ئىككى نەپەر تورداشقا 2G  لىق بارماق دىسكىدىن بىر دانىدىن . (2 دانە بارماق دىسكا)
5- تەشۋىقات مۇكاپاتىغا ئىرىشكۈچى 3 تورداشقا 2G  لىق بارماق دىسكىدىن بىر دانىدىن . ( 3 دانە بارماق دىسكا)

adminbiz · ۋاقتى: 2011-1-9 12:26:19

مۇسابىقە ھەققىدىكى ئۇچۇر يېڭىلاندى، بۇنى كۆرۈڭ
چاقىرىق: office بىلىملىرى ۋە پروگرامما بىرلەشمە مۇسابىقىسى
https://uyghur-archive.com/intil/home/forum- ... 2437-fromuid-1.html

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

office بىلىملىرى ۋە پروگرامما مۇسابىقىسىگە قاتنىشىڭ

باھالاش

باھا سۆز

باھالاش