تۇرمۇشتا دىقەت قىلىدىغان كىچىك ئىشلار.

uyflash · ۋاقتى: 2016-4-1 19:55:50

تورمۇشتا كىچىك ئىشلارغا دىقەت قىلسىڭىز، چوڭ ئىشلارنىڭ ئالدىنى ئالالايسىز.

1. ئۆيىڭىزدىكى چەينەكنىڭ بېغىغا قاراپ بىقىڭ.

چەينەك ئاليۇمىن ماتېريالدىن ياسالغاچقا ئاسان ئۇپرايدۇ.

ئالدىنقى ئايدا قايناتقان چاينى چايدانغا قۇيۇش جەريانىدا بېغىدىن چىكىتىپ تاسلا قالدى پۇتۇمغا تۆكۈلۈپ كەتكىلى.

------------------------------------------------------------------
2. يەنە مۇقىم ئىشىلتىدىغان روزېتكىنىمۇ (توك ئۇلاش ئېغىزى) تەكشۈرۈپ بىقىڭ.

ئۇزۇن مۇددەت توكتا خىزمەت قىلىدىغان يۇقىرى قۇۋەتتىكى ئېلىكتىر ئۈسكۈنلىرى . . .
مەسىلەن: توك مۇنچا، توك پار . . . .
يۇقىرى قۇۋەتتىكى ئېلىكتىر ئۈسكۈنلىرى خىزمەت قىلغاندا ئېلىكتىر سىمى قىززىيدۇ، توك سىمىنىڭ قايسى بۆلىكى ئاجىز بولسا شۇ يەر بەكرەك قىززىيدۇ.
قىزىش جەريانىدا توك سىمىنىڭ سىرىتقى قوغداش يۈزى يۇمشاپ ئىرىپ ئىككى توك سىمى جۈپلىشىپ قالسا چوڭ خەتەر يۈز بىرىشى مۇمكىن.
ھازىرقى تەرەققىياتتا ئېلىكتىر سىمى ئاساسەن ئۆلچەملىك بولىدۇ.
ئۇنداقتا روزېتكا نىمە ئۈچۈن قىزىپ ئىرىپ كىتىدۇ؟
بۇ مەسلە روزېتكا بىلەن چاتقۇچنىڭ تىگىشىش يۈزىنىڭ كىچىك بولۇپ قېلىشىدىن بولىدۇ. شۇڭا مۇشۇنداق توك ئۇلانغان روزېتكىلارنى تەكشۈرۈپ تۇرۇش كىرەك.
ئاپتوماتىك ۋىكلىيۇچاتېلغا ئىشىنىشكە بولامدۇ؟
تامامەن بولىدۇ دەپ ئىيتىشقا بولمايدۇ. چۈنكى ھازىرقى بازارلاردا سېتىلۋاتقان ۋىكلىيۇچاتېللارنىڭ كۆپىنچىسى ساختا مەھسۇلاتتۇر.
بىنا ئۆيلەرنى سالغاندا ھۆددىگەرلەر چىقىمنى تىجەپ، كىرىمنى ئاشۇرۇشنى ئويلاپ ئەرزان باھادىكى ۋىكلىيۇچاتېللارنى سېتىۋىلىشى مۇمكىن.
بىر ئەمىلىيەتنى دەپ ئۆتەي.
ئالدىنقى يىلى مەن ئىشلىگەن زاۋۇتتا يىڭىدىن بىر 380 ۋولتلۇق توكتا قوزغىلدىغان ئېلىكتىر ماتورنى 7000 كوي ئەتراپىدا سېتىۋىلىپ كىلىپ قۇراشتۇردۇق.
ئېلىكتىر ماتورنىڭ قۇۋىتى يۇقىرى بولغاچقا ئەسلىدىكى ۋىكلىيۇچاتېل تولا چۈشۈپ كىتىپ يىڭىدىن سېتىۋالغان چوڭراق بىر ۋىكلىيۇچاتېلغا ئالماشتۇردۇق.
سىناقتا نورمال ماڭدى، رەسمىي ئىشقا چۈشكەندە بىر سائەتتەك ئىشلەپ توختاپ قالدى، بىرىپ تەكشۈرۈپ باقساق ۋىكلىيۇچاتېل توكنى ئاپتوماتىك ئاپتوماتىك ئۈزەلمەي كۆيۈپ كىتىپتۇ، كۆيگەن بولسا بوپتۇ دىسەك ‹‹ئىشەك ئۆلسە قوڭى غىجەك تارتىپتۇ›› دەپ ئۈچ سىمنىڭ بىرسىنى ئۈزۈلگەن، ئىككىسى توكتا ئۇلاقلىق ھالدا كۆيۈپ كىتىپتۇ. شۇنىڭ بىلەن تۈنۈگۈن ئېلىپ كەلگەن 7000 كويلۇق ئېلىكتىر ماتور ئاشۇ ۋىكلىيۇچاتېلنىڭ چاتىقى بىلەن كۆيۈپ كىتىپ 3000 كوي زىيان سالدى.
ۋىكلىيۇچاتېل ياسىغان شىركەت ئۈستىدىن ئەرىز قىلغان بولساقمۇ ئاقتۇرالمىدۇق.
ئازراق چىقىمنى ئارتۇق قىلساقمۇ، سۈپەتلىك ۋىكلىيۇچاتېل ئىشىلتەيلى!!!

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

تۇرمۇشتا دىقەت قىلىدىغان كىچىك ئىشلار.