ئۇيغۇرچە ئاۋازلىق كىرگۈزگۈچ windows نۇسخىسى ئېلان قىلىندى

abduweliosman · ۋاقتى: 2015-9-21 12:50:41

http://www.mzywfy.org.cn/download.jsp
ئۇيغۇرچە ئاۋازلىق كىرگۈزگۈچ windows نۇسخىسى ئېلان قىلىندى
      دۆلىتىمىزنىڭ «بىر بەلباغ، بىر يول» تەرەققىيات ئىستىراتېگىيەسىنىڭ يولغا قويۇلۇشى بىلەن، يىپەك يولى ئىقتىساد بەلبېغىنىڭ يادرولۇق رايونى بولغان شىنجاڭنىڭ رولى بارغانسېرى گەۋدىلەنمەكتە، ئۇيغۇرلار بىلەن باشقا مىللەتلەر ئوتتۇرىسىدىكى ئالاقە، ئالماشتۇرۇش بارغانسېرى كۈچەيمەكتە. ئاز سانلىق مىللەت تىل-يېزىقىنى ئۇچۇرلاشتۇرۇش قۇرۇلۇشىنى يەنىمۇ كۈچەيتىپ، ئۇيغۇرلارنىڭ دۆلەت ئورتاق تىلىنى ئۆگىنىشىگە، ھەر مىللەت ئاممىسىنىڭ ئۇيغۇر تىلى ئۆگىنىشىگە قولايلىق يارىتىش مەقسىتىدە، يېقىندا جۇڭگو مىللەتلەر تەرجىمە ئىدارىسى ئۇيغۇرچە- خەنزۇچە ئەقلىي ئىقتىدارلىق ئاۋازلىق تەرجىمە يۇمشاق دېتالىدىن كېيىن يەنە مۇستەقىل ھالدا ئۇيغۇرچە ئاۋازلىق كىرگۈزگۈچنى (android نۇسخىسى) ئىشلىگەن. بۇ يۇمشاق دېتال دۆلىتىمىزدە ئىشلەنگەن ئۇيغۇرچە ئاۋازلىق ھۆججەتنى تونۇيدىغان، شۇنداقلا قول بىلەن يېزىش ئىمكانىيىتى بولغان ئەقلىي ئىقتىدارلىق تۇنجى يانفون كىرگۈزگۈچ ھېسابلىنىدىكەن. بۇ قېتىم ئۇيغۇرچە ئاۋازلىق كىرگۈزگۈچنىڭ windows نۇسخىسىمۇ ئېلان قىلىنپتۇ.　
      چىڭخۇا ئۇنىۋېرستېتىنىڭ لىڭيۈن ئۇيغۇرچە تاۋۇش بىرىكتۈرۈش ۋە پەرقلەندۈرۈش تېخنىكىسى قوللىنىلغان بۇ يۇمشاق دېتالغا خەنزۇچە پۈتۈن جۈملىنى پىنيىن بىلەن كىرگۈزۈش، خەنزۇچىنى قول بىلەن يېزىپ كىرگۈزۈش، خەنزۇچىنى ئاۋازلىق كىرگۈزۈش، ئۇيغۇرچىنى كونۇپكا تاختىسىدىن كىرگۈزۈش، ئۇيغۇرچىنى قول بىلەن يېزىپ كىرگۈزۈش، ئۇيغۇرچىنى ئاۋازلىق كىرگۈزۈش، ئېنگلىزچە كىرگۈزۈش، سانلارنى كىرگۈزۈش، تىنىش بەلگىلىرى ۋە چىراي ئىپادىلىرىنى كىرگۈزۈش قاتارلىق ئىقتىدارلار بىرلەشتۈرۈلگەن بولۇپ، مەشغۇلاتى ئاددىي، قوللىنىشچان، تېز ۋە قولاي.　　
ھازىر بۇ دېتال رەسمىي ئېلان قىلىنىپتۇ ھەمدە ھەقسىز تەمىنىلىنىپتۇ (چۈشۈرۈش ئادرېسى: http://www.mzywfy.org.cn/download.jsp)، كومپيۇتېرغا چۈشۈرۈپ ئىشلەتسىڭىز بولىدۇ.  بۇنىڭ ئۈچۈن ئاۋاز تونۇيدىغان مىكروفۇنىڭىز بولۇشى كېرەك.

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

ئۇيغۇرچە ئاۋازلىق كىرگۈزگۈچ windows نۇسخىسى ئېلان قىلىندى